സാമൂഹ്യ നീതി വകുപ്പ് മുഖാന്തിരം നടപ്പാക്കുന്ന പ്രൊബേഷന്‍ ആന്റ് ആഫ്റ്റര്‍ കെയര്‍ പദ്ധതിപ്രകാരം മുന്‍ കുറ്റവാളികള്‍, പ്രൊബേഷണര്‍, എക്‌സ് പ്യൂപ്പിള്‍, കുറ്റവാളികളുടെ ആശ്രിതര്‍ എന്നിവര്‍ക്കുളള സ്വയം തൊഴില്‍ ധനസഹായം, അതിക്രമത്തിനിരയായവരുടെ മക്കള്‍ക്കുളള വിദ്യാഭ്യാസ ധനസഹായം എന്നിവയ്ക്കായി അപേക്ഷിക്കാന്‍ അവസരം. താത്പര്യമുളളവര്‍ ആവശ്യമായ രേഖകള്‍ സഹിതം അപേക്ഷ ജൂലൈ 15 നകം ജില്ലാ പ്രൊബേഷന്‍ ഓഫീസില്‍ നല്‍കണമെന്ന് ജില്ലാ പ്രൊബേഷന്‍ ഓഫീസര്‍ അറിയിച്ചു. പദ്ധതി സംബന്ധിച്ച കൂടുതല്‍ വിവരങ്ങള്‍ 9446689508 ല്‍ ലഭിക്കും.

 
ദുബായ്, ബഹറിന്‍, മസ്‌കറ്റ്, ഷാര്‍ജ, റാസല്‍ഖൈമ, ഒമാന്‍, കുവൈറ്റ് എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂര്‍ അന്താരാഷ്ട്ര വിമാനത്താവളങ്ങളിലായി  ഇന്നലെ (ജൂണ്‍ 23) ജില്ലയിലെത്തിയത് 65 പാലക്കാട് സ്വദേശികള്‍. ഇവരില്‍ 25 പേര്‍ ഇന്‍സ്റ്റിറ്റിയൂഷനല്‍ ക്വാറന്റൈനില്‍ പ്രവേശിച്ചു. 39 പേര്‍ വീടുകളില്‍ നിരീക്ഷണത്തിലാണ്. രോഗലക്ഷണങ്ങള്‍ കണ്ടതിനെ തുടര്‍ന്ന് ഒരാളെ കളമശ്ശേരി മെഡിക്കല്‍ കോളേജില്‍ പ്രവേശിപ്പിച്ചിട്ടുണ്ട്.

സംസ്ഥാന ടൂറിസം വകുപ്പിന്റെ മാനേജ്‌മെന്റ് ഇൻസ്റ്റിറ്റ്യൂട്ടായ കിറ്റ്‌സിൽ എം.ബി.എ (ട്രാവൽ ആൻഡ് ടൂറിസം) 2020-22 ബാച്ചിലേക്ക് ഓൺലൈനായി 30 വരെ അപേക്ഷിക്കാം.  അംഗീകൃത സർവകലാശാലയിൽ നിന്ന് ഏതെങ്കിലും വിഷയത്തിൽ 50 ശതമാനം മാർക്കോടെ ബിരുദവും കെ-മാറ്റ്/ സി-മാറ്റ് യോഗ്യതയുമുള്ളവർക്കും അവസാനവർഷ ബിരുദ വിദ്യാർഥികൾക്കും www.kittsedu.org ൽ അപേക്ഷിക്കാം.

നെയ്യാറ്റിൻകര സർക്കാർ പോളിടെക്‌നിക് കോളേജിൽ ബസ് ഡ്രൈവർ കം സെക്യൂരിറ്റി തസ്തികയിൽ ഒരു വർഷത്തെ കരാർ നിയമനം നടത്തുന്നു.
ഹെവി ഡ്രൈവിംഗ് ലൈസൻസും മലയാളം എഴുത്തും വായനയും അറിഞ്ഞിരിക്കണം. പത്ത് വർഷം (ഹെവി ഡ്രൈവിംഗ്) പ്രവൃത്തി പരിചയം വേണം. പ്രായപരിധി 45നും 60നും മധ്യേ. വിമുക്ത ഭടൻമാർക്ക് മുൻഗണന.

കേരള സംസ്ഥാന വൈദ്യുതി റഗുലേറ്ററി കമ്മീഷനിൽ ജൂനിയർ കൺസൾട്ടന്റ് (കോർട്ട് പ്രൊസീഡിംഗ്‌സ്) തസ്തികയിൽ കരാർ നിയമനത്തിന് അപേക്ഷ ക്ഷണിച്ചു.  അപേക്ഷ ലഭിക്കേണ്ട അവസാന തിയതി ജൂലൈ 10. വിശദവിവരങ്ങൾക്ക്: www.erckerala.org. 

പി.എൻ.എക്സ്. 2261/2020

കോന്നിയില്‍ പ്രവര്‍ത്തിക്കുന്ന കൗണ്‍സില്‍ ഫോര്‍ ഫുഡ് റിസര്‍ച്ച് ആന്‍ഡ് ഡെവലപ്‌മെന്റ് (സിഎഫ്ആര്‍ഡി) സ്ഥാപനത്തിന്റെ 2018-19, 2020-21 വര്‍ഷങ്ങളിലെ    ഫിനാന്‍ഷ്യല്‍ സ്റ്റേറ്റ്‌മെന്റ് ഓഡിറ്റ് ചെയ്യുന്നതിന് ചാര്‍ട്ടേഡ് അക്കൗണ്ടന്മാരില്‍ നിന്നും  താത്പര്യപത്രം ക്ഷണിച്ചു. സേവനം ലഭ്യമാക്കുന്നതിനുള്ള നിരക്കും മറ്റ് വ്യവസ്ഥകളും കാണിച്ചുകൊണ്ടുള്ള താത്പര്യപത്രം ജൂലൈ 10ന് മുമ്പ് ഓഫീസില്‍ എത്തിക്കണം. ഫോണ്‍: 0468 2241144.