പരപ്പ ബ്ലോക്ക് പരിധിയിലെ സ്‌കൂളുകളില്‍ ഒന്ന് മുതല്‍ പത്ത് വരെയുള്ള ക്ലാ സുകളില്‍  പഠിക്കുന്ന   പട്ടികജാതി വിദ്യാര്‍ഥികളുടെ ലംസം ഗ്രാന്റിനുള്ള അപേക്ഷകള്‍  ജൂലൈ 31 നകം ഇ ഗ്രാന്റ്‌സ് വഴി പരപ്പ ബ്ലോക്ക് പട്ടികജാതി ഓഫീസിലേക്ക് അയക്കണം.

സംസ്ഥാന സര്‍ക്കാര്‍ ആവിഷ്‌കരിച്ച ഭക്ഷ്യ സുരക്ഷാ പദ്ധതി യുടെ ഭാഗമായി നീലേശ്വരത്ത് വിത്തുല്പാദിപ്പിക്കുന്നതിനുള്ള 'വിത്തും കൈക്കോട്ടും' പരിപാടിക്ക് തുടക്കമായി.  നീലേശ്വരം നഗരസഭയും പടന്നക്കാട് കാര്‍ഷിക കോളേജും കൈകോര്‍ത്തുകൊണ്ട് കോളേജിന്റെ കരുവാച്ചേരി കൃഷിത്തോട്ടത്തിലാണ് വിത്തുത്പാദനത്തിനായി അഞ്ച് ഏക്കര്‍ ഭൂമിയില്‍  വിത്ത് വിതച്ചത്. വന്‍പയര്‍, റാഗി (മുത്താറി), ചാമ തുടങ്ങിയ വിത്തിനങ്ങള്‍ ഇവിടെ ഒരു വര്‍ഷം മൂന്ന് തവണയായി ഉത്പാദിപ്പിക്കും.

കുടുംബശ്രീ ജില്ലാ മിഷനില്‍ ഫാം ലൈവ്‌ലി ഹുഡ് പദ്ധതിയില്‍  ബ്ലോക്ക് കോര്‍ഡിനേറ്ററുടെയും ക്ലസ്റ്റര്‍ ലെവല്‍ കോ-ഓര്‍ഡിനേറ്ററുടെയും ഒഴിവുണ്ട്.  വി എച്ച് എസ് ഇ അഗ്രികള്‍ച്ചര്‍ യോഗ്യതയുള്ളവര്‍ക്ക് ബ്ലോക്ക് കോ-ഓര്‍ഡിനേറ്റര്‍  തസ്തികയിലേക്കും പ്ലസ്ടു സയന്‍സ് യോഗ്യതയുള്ളവര്‍ക്ക് ക്ലസ്റ്റര്‍ ലെവല്‍ കോ-ഓര്‍ഡിനേറ്റര്‍ തസ്തികയിലേക്കും അപേക്ഷിക്കാം. 18 നും 30 നുമിടയില്‍ പ്രായമുള്ള കമ്പ്യൂട്ടര്‍ പരിജ്ഞാനമുള്ളവര്‍ക്ക് അപേക്ഷിക്കാം. മഞ്ചേശ്വരം, പരപ്പ, കാസര്‍കോട്, കാറഡുക്ക  ബ്ലോക്കുകളിലാണ് ഒഴിവുകളുളളത്.

പാരമ്പര്യേതര ഊര്‍ജ സ്രോതസുകള്‍ പരമാവധി പ്രയോജനപ്പെടുത്തി വൈദ്യുത മേഖലയെ ശക്തിപ്പെടുത്തുകയെന്ന സര്‍ക്കാര്‍ പദ്ധതിയുടെ ഭാഗമായി കാസര്‍കോട് ജില്ല കാലെടുത്ത് വെക്കുന്നത് ഊര്‍ജ സ്വയംപര്യാപ്തതയിലേക്ക്. ജില്ലയില്‍ പുരോഗമിച്ചു കൊണ്ടിരിക്കുന്ന വിവിധ പദ്ധതികള്‍ യാഥാര്‍ത്ഥ്യമാവുന്നതോടെ സംസ്ഥാനത്തെ ഏറ്റവും വലിയ സൗരോര്‍ജ ഉത്പാദനം ജില്ലയില്‍ നിന്നാവും. ഉത്തരമലബാറിന്റെ വൈദ്യുത പ്രതിസന്ധിക്ക് ആശ്വാസമാകാന്‍ ജില്ലയ്ക്ക് മൂന്ന് സോളാര്‍ പാര്‍ക്കുകളാണ് വരുന്നത്. ഇതില്‍ അമ്പലത്തറ വെള്ളൂടയിലെ 50 മെഗാവാട്ട് സോളാര്‍ പാര്‍ക്ക്  2017 സെപ്തംബര്‍ മുതല്‍ പൂര്‍ണാര്‍ത്ഥത്തില്‍ പ്രവര്‍ത്തിക്കുന്നുണ്ട്.

കോവിഡ് നിര്‍വ്യാപനത്തിന്റെ ഭാഗമായി സാമൂഹിക അകലം ഉറപ്പുവരുത്തി വെള്ളിയാഴ്ചകളിലെ ജുമുഅ നിസ്‌കാരത്തിന്   ഒറ്റത്തവണയായി പരാമാവധി 100 പേര്‍ക്കും സാധാരണ പ്രാര്‍ത്ഥനകളില്‍ 50 പേര്‍ക്കും മാത്രമേ പങ്കെടുക്കാന്‍ പാടുള്ളുവെന്ന് ജില്ലാതല കോറോണ കോര്‍ കമ്മിറ്റി യോഗം തീരുമാനിച്ചു. കോവിഡ് നിര്‍വ്യാപനത്തിന് സര്‍ക്കാര്‍    നിശ്ചയിച്ച എല്ലാ മാനദണ്ഡങ്ങളും കൃത്യമായി പാലിച്ച് മാത്രമേ പ്രാര്‍ത്ഥനകളില്‍ പങ്കെടുക്കാവുവെന്ന്   ജില്ലാകളക്ടര്‍ ഡോ ഡി സജിത് ബാബു അഭ്യര്‍ത്ഥിച്ചു. പ്രര്‍ത്ഥനയില്‍ പങ്കെടുക്കുന്നവര്‍ പ്രാര്‍ത്ഥനയ്ക്ക് വരുമ്പോഴും തിരികെ പോകുമ്പോഴും സാമൂഹിക അകലം പാലിക്കണം. 

ആലപ്പുഴ: ജനറൽ ആശുപത്രിയിൽ 2020 ജൂലൈ മുതൽ 2021 മാർച്ച് 31 വരെയുള്ള കാലയളവിൽ ഉപയോഗശൂന്യമായ കാർട്ടൺ, ബോക്സുകൾ, മിനറൽ വാട്ടർ കുപ്പികൾ, പ്ലാസ്റ്റിക്ക് കുപ്പികൾ, വേസ്റ്റു പേപ്പറുകൾ, പ്ലാസ്റ്റിക്ക് കന്നാസുകൾ, പ്ലാസ്റ്റിക്ക് കവറുകൾ എന്നീ  ഉപയോഗശൂന്യമായ വസ്തുക്കൾ കൊണ്ടു പോകുന്നതിന് ക്വട്ടേഷൻ ക്ഷണിച്ചു. ക്വട്ടേഷൻ സമർപ്പിക്കേണ്ട അവസാന തീയതി ജൂൺ 29. വിശദവിവരങ്ങൾക്ക് ജനറൽ ആശുപത്രി ഓഫീസുമായി ബന്ധപ്പെടണം. ഫോൺ: 0477- 2253324.

ആലപ്പുഴ: കിഫ്ബി ധനസഹായത്തോടെ നടപ്പാക്കുന്ന പ്രോജക്ടിലേക്ക് പ്രോജക്ട് എൻജിനീയർ (സിവിൽ)-മൂന്ന്, പ്രോജക്ട് എൻജിനീയർ (ഐ.ടി)- ഒന്ന് തസ്തികളിലേക്ക് അപേക്ഷ ക്ഷണിച്ചു. അവസാന തീയതി ജൂലൈ 10. കൂടുതൽ വിവരങ്ങൾക്ക് www.kila.ac.in എന്ന വെബ്‌സൈറ്റ് സന്ദർശിക്കണം.

ആലപ്പുഴ: കെട്ടിട പുനർ നിർമ്മാണ ആവശ്യാർത്ഥം ജില്ല വ്യവസായ കേന്ദ്രത്തിന്റെ പ്രവർത്തനം വെള്ളക്കിണറിലെ കെട്ടിടത്തിൽ നിന്നും കളപ്പുരയിലെ ഗവൺമെന്റ് ഗസ്റ്റ്ഹൗസിന് തെക്ക് വശത്തുള്ള മുംതാസ് ടവറിലേക്ക് താൽക്കാലികമായി മാറ്റി. പുതിയ വിലാസം : ജനറൽ മാനേജർ, ജില്ല വ്യവസായ കേന്ദ്രം, മുംതാസ് ടവർ, ഗവൺമെന്റ് ഗസ്റ്റ് ഹൗസിന് തെക്ക് വശം, കളപ്പുുര, ആലപ്പുഴ-688 007. ഫോൺ: 0477 2251272.