അടിയന്തിരഘട്ടങ്ങളില്‍

ആന്റിജന്‍ ടെസ്റ്റ് നടത്തിയ ശേഷം മത്സ്യതൊഴിലാളികളെയെത്തിക്കും

ആലപ്പുഴ: കഴിഞ്ഞ ദിവസങ്ങളായുണ്ടായ കനത്ത മഴയെത്തുടര്‍ന്ന് കഴിഞ്ഞ 24 മണിക്കൂറില്‍ ജില്ലയില്‍ മൂന്ന് വീടുകള്‍ പൂര്‍ണ്ണമായും നാല് വീടുകള്‍ ഭാഗികമായും തകര്‍ന്നു. ചേര്‍ത്തല, അമ്പലപ്പുഴ, കുട്ടനാട്, മാവേലിക്കര താലൂക്കുകളിലെ വീടുകള്‍ക്കാണ് നാശനഷ്ടങ്ങള്‍ ഉണ്ടായത്. 19.70 കോടി രൂപയുടെ കൃഷി നാശവും കഴിഞ്ഞ 24 മണിക്കുറിലായി ജില്ലയിലുണ്ടായി. പഞ്ചായത്ത് റോഡുകള്‍ക്ക് 30 ലക്ഷം രൂപയുടേയും കെട്ടിടങ്ങള്‍ക്ക് 13.25 ലക്ഷം രൂപയുടേയും നഷ്ടങ്ങളുണ്ടായി

 ആലപ്പുഴ : കാലവർഷം ജില്ലയിലെ ക്ഷീരമേഖലയിലെ ദുരന്തനിവാരണ പ്രവർത്തനങ്ങൾ ഏകോപിപ്പിക്കുന്നതിന്റെ ഭാഗമായ് ക്ഷീര വികസന വകുപ്പ്  കൺട്രോൾ റൂം തുറന്നു,   ക്ഷീരവികസനവകുപ്പ് അസിസ്റ്റന്റ് ഡയറക്ടർ  യു. അക്‌ബർ ഷായാണ് നോഡൽ ഓഫീസർ. ജില്ല ക്ഷീര വികസന വകുപ്പ്  ഓഫീസിലാണ് കൺട്രോൾറൂം പ്രവർത്തിക്കുന്നത്. 

കൺട്രോൾ റൂം നമ്പർ :0477-2252358

നോഡൽ ഓഫീസർ നമ്പർ :9446239393

കേരള സര്‍ക്കാര്‍ സ്ഥാപനമായ എല്‍. ബി. എസ്. സെന്‍റര്‍ ഫോര്‍ സയന്‍സ് ആന്‍റ് ടെക്നോളജിയുടെ ഹരിപ്പാട്  കേന്ദ്രത്തില്‍   പി.ജി.ഡി.സി.എ, ഡി.സി.എ,  ഡി.സി.എ(എസ്), ഡാറ്റാ എന്‍ട്രി ആന്‍ഡ് ഓഫീസ് ഓട്ടമേഷന്‍ എന്നീ കോഴ്സുകളിലേക്ക് ഓണ്‍ലൈന്‍  അപേക്ഷ  ക്ഷണിക്കുന്നു.

http://lbscentre.kerala.gov.in/services/courses

എസ്സ്.സി/എസ്സ്.ടി, ഒ.ഇ.സി വിഭാഗത്തില്‍ പെട്ടവര്‍ക്ക് നിയമാനുസൃത ഫീസാനുകൂല്യം ലഭിക്കൂന്നതാണ്. ഫോണ്‍ 04792417020, 9847343458.

ആലപ്പുഴ: പുറക്കാട് ഗ്രാമപഞ്ചായത്തിലെ വാര്‍ഡ് 18 കണ്ടെയിന്‍മെന്റ് സോണില്‍ നിന്നും ഒഴിവാക്കി നിയന്ത്രണങ്ങള്‍ നീക്കി ജില്ല കളക്ടര്‍ ഉത്തരവായി. 

ആലപ്പുഴ: കോവിഡ് 19 രോഗ വ്യാപനം തടയുന്നതിനും ഫലപ്രദമായി നിയന്ത്രിക്കുന്നതിനുമായി പുന്നപ്ര തെക്ക് ഗ്രാമപഞ്ചായത്ത് വാര്‍ഡ് 10, തൃക്കുന്നപ്പുഴ ഗ്രാമപഞ്ചായത്ത് വാര്‍ഡ് 12, ആര്യാട് ഗ്രാമപഞ്ചായത്ത് വാര്‍ഡ് 10, കഞ്ഞിക്കുഴി ഗ്രാമപഞ്ചായത്ത് 1,4,7,10 വാര്‍ഡുകള്‍, കൃഷ്ണപുരം ഗ്രാമപഞ്ചായത്ത് വാര്‍ഡ് 4, ദേവീകുളങ്ങര ഗ്രാമപഞ്ചായത്ത് വാര്‍ഡ് 15, ആലപ്പുഴ നഗരസഭ വാര്‍ഡ് 21 എന്നീ വാര്‍ഡുകള്‍ കണ്ടെയിന്‍മെന്റ് സോണാക്കി നിയന്ത്രണങ്ങള്‍ ഏര്‍പ്പെടുത്തി ജില്ലാ കളക്ടര്‍ ഉത്തരവായി.

പത്തനംതിട്ട ജില്ലയിൽ അതിശക്തമായ മഴയുള്ളതിനാൽ പമ്പാ ഡാമിന്റെ ഷട്ടറുകൾ തുറന്ന സാഹചര്യത്തിൽ ആലപ്പുഴ ജില്ലയിൽ റെഡ് അലേർട്ട് പ്രഖ്യാപിച്ചിരുന്നു.  അതിനാൽ പമ്പാനദിയുടെ തീരപ്രദേശങ്ങളായ ചെങ്ങന്നൂർ , മാവേലിക്കര, കുട്ടനാട്, കാർത്തികപ്പള്ളി താലൂക്കുകളുടെ പരിധിയിലുള്ള നിവാസികൾ ജാഗ്രത പുലർത്തണമെന്നും നദിയിൽ ഇറങ്ങുന്നത് ഒഴിവാക്കണമെന്നും ജില്ലാ കളക്ടർ അറിയിച്ചു.

ആലപ്പുഴ: കനത്ത മഴയുടെ പശ്ചാത്തലത്തിൽ ജില്ലയിലെ വിവിധ താലൂക്കുകളിലായി 69 ദുരിതാശ്വാസ ക്യാമ്പുകളാണ് നിലവിലുള്ളത്. 935 കുടുംബങ്ങളിൽ നിന്നായി 3205 പേരാണ് വിവിധ ക്യാമ്പുകളിലുള്ളത്.

നാലുപേർ വിദേശത്തു നിന്നും ഏഴ് പേർ മറ്റു സംസ്ഥാനങ്ങളിൽ നിന്നും എത്തിയവരാണ്. 98 പേർക്ക് സമ്പർക്കത്തിലൂടെ ആണ് രോഗം സ്ഥിരീകരിച്ചത്. കൂടാതെ ഒരു മരണം റിപ്പോർട്ട് ചെയ്തിട്ടുണ്ട്.