വനിത ശിശുവികസന വകുപ്പില്‍ സംയോജിത ശിശു സംരക്ഷണ പദ്ധതിയുടെ ഭാഗമായി ജില്ലാ ശിശുസംരക്ഷ ഓഫീസില്‍ ഒ ആര്‍ സി പ്രോജക്ട് അസിസ്റ്റന്റ് തസ്തികയില കരാര്‍ നിയമനത്തിന് അപേക്ഷ ക്ഷണിച്ചു. യോഗ്യത സോഷ്യല്‍ വര്‍ക്കില്‍ ബിരുദാനന്തര ബിരുദം അല്ലെങ്കില്‍ അംഗീകൃത ബി എഡ് ബിരുദം അല്ലെങ്കില്‍ ബിരുദവും ഒ ആര്‍ സി ക്ക് സമാനമായ പരിപാടികളില്‍ മൂന്നു വര്‍ഷത്തെ നേതൃത്വപരമായ പ്രവൃത്തി പരിചയവും. എഴുത്തുപരീക്ഷ, അഭിമുഖം എന്നിവയുടെ അടിസ്ഥാനത്തിലായിരിക്കും നിയമനം. വിശദ വിവരങ്ങള്‍ 0474-2791597, 8281899461 എന്നീ നമ്പരുകളില്‍ ലഭിക്കും.
(പി.ആര്‍.കെ നമ്പര്‍ 2110/2020)

ഐ എച്ച് ആര്‍ ഡിയുടെ കരുനാഗപ്പളളി മോഡല്‍ പോളിടെക്‌നിക് കോളജില്‍ ലാറ്ററല്‍ എന്‍ട്രി ഡിപ്ലോമ കോഴ്‌സിലേക്ക് പ്ലസ് ടൂ/വി എച്ച് എസ് ഇ(ഫിസിക്‌സ്, കെമിസ്ട്രി, മാത്‌സ് വിഷയങ്ങളില്‍ 50 ശതമാനം മാര്‍ക്കുള്ളവര്‍) അല്ലെങ്കില്‍ ഐ ടി ഐ/കെ ജി സി ഇ(രണ്ട് വര്‍ഷ കോഴ്‌സ്) പാസായ വിദ്യാര്‍ഥികള്‍ക്ക് അപേക്ഷിക്കാം. കമ്പ്യൂട്ടര്‍ ഹാര്‍ഡ് വെയര്‍ എഞ്ചിനിയറിംഗില്‍ 10 സീറ്റും ഇലക്‌ട്രോണിക്‌സ് ആന്റ് കമ്മ്യൂണിക്കേഷന്‍ എഞ്ചിനിയറിംഗില്‍ 30 സീറ്റും ഇലക്‌ട്രോണിക്‌സ് എഞ്ചിനിയറിംഗില്‍ 17 സീറ്റുമാണ് നിലവില്‍ ഒഴിവുള്ളത്.  എസ് സി/ഒ ഇ സി വിദ്യാര്‍ഥികള്‍ക്ക് പൂര്‍ണമായി ഫീസ് ഇളവ് ഉണ്ടായിരിക്കും.

കാലവര്‍ഷം ശക്തിപ്രാപിച്ച സാഹചര്യത്തില്‍  ജില്ലയില്‍ കലക്‌ട്രേറ്റിലും ആറ് താലൂക്കുകളിലുമായി 24 മണിക്കൂര്‍ പ്രവര്‍ത്തന സജ്ജമായ കണ്‍ട്രോള്‍ റുമുകള്‍ തുറന്നു. ജില്ലയില്‍ അവധിയിലുള്ള എല്ലാ റവന്യൂ ഉദ്യോഗസ്ഥരും 24 മണിക്കൂറിനകം ജോലിയില്‍ പ്രവേശിക്കണമെന്നുള്ള നിര്‍ദേശവും ജില്ലാ കലക്ടര്‍ നല്‍കി. ഒരോ മണിക്കൂറും ദുരിതാശ്വാസം സംബന്ധിച്ച വിവരങ്ങള്‍ അപ്‌ഡേറ്റ് ചെയ്യുന്നതിന് കണ്‍ട്രോള്‍ റൂമുകള്‍ ഉള്‍പ്പടെ എല്ലാ റവന്യൂ ഓഫീസുകള്‍ക്കും നിര്‍ദേശം നല്‍കി.
ഫോണ്‍ നമ്പര്‍:
കലക്‌ട്രേറ്റ് - 0474-2794002, 2794004, (ഇ-മെയില്‍- dmdkollam@gmail.com),

ഫിഷറീസ് വകുപ്പ് ജില്ലയുടെ സമുദ്ര ഉള്‍നാടന്‍ മേഖലകളില്‍ പ്രധാന്‍ മന്ത്രി മത്സ്യ സമ്പദാ യോജന വഴി നടപ്പിലാക്കുന്ന വിവിധ പദ്ധതികള്‍ക്ക് അംഗീകാരമായി. കലക്‌ട്രേറ്റ് കോണ്‍ഫറന്‍സ് ഹാളില്‍ ജില്ലാ കലക്ടര്‍ ചെയര്‍മാനായ ജില്ലാതല സമിതിയാണ് പദ്ധതികള്‍ക്ക് അംഗീകാരം നല്‍കിയത്. സംസ്ഥാനതല സമിതിയുടെ അംഗീകാരം ലഭിച്ചതിന് ശേഷം കേന്ദ്ര ഫിഷറീസ് മന്ത്രലയത്തിന് സമര്‍പ്പിക്കുന്ന മുറയ്ക്ക് പദ്ധതികള്‍ക്ക്  ധനസഹായം ലഭ്യമാകും.

സിവില്‍ സര്‍വീസില്‍ പ്രവേശിക്കുമ്പോള്‍ ജനഹിതത്തിന് മുന്‍ഗണന നല്‍കണമെന്നും ഗുണപരാമായ സേവനങ്ങള്‍ക്കും വ്യത്യസ്ത മേഖലകളിലെ വികസന പ്രവര്‍ത്തനങ്ങള്‍ക്കും പ്രാമുഖ്യം നല്‍കണമെന്നും ജില്ലാ കലക്ടര്‍ ബി അബ്ദുല്‍ നാസര്‍.

ജില്ലയില്‍ രണ്ടു ദിവസമായി പെയ്യുന്ന കനത്ത മഴയിലും കാറ്റിലും 62 ലക്ഷം രൂപയുടെ നാശനഷ്ടം കണക്കാക്കി. ആഗസ്റ്റ് ആറിന് മാത്രം 53.14 ലക്ഷം രൂപയുടെ നഷ്ടം കണക്കാക്കിയിരുന്നു.

തേവലക്കര പുത്തന്‍സങ്കേതം സ്വദേശിനിയായ ചവറ സാമൂഹ്യാരോഗ്യ കേന്ദ്രത്തിലെ ആരോഗ്യ പ്രവര്‍ത്തക ഉള്‍പ്പടെ ജില്ലയില്‍ ഇന്നലെ(ആഗസ്റ്റ് 07) 36 പേര്‍ക്ക് കോവിഡ് രോഗം സ്ഥിരീകരിച്ചു.  നാലുപേര്‍ വിദേശത്ത് നിന്നും അഞ്ചുപേര്‍ ഇതരസംസ്ഥാനങ്ങളില്‍ നിന്നും എത്തിയവരാണ്. 26 പേര്‍ക്ക് സമ്പര്‍ക്കം വഴി രോഗം സ്ഥിരീകരിച്ചു.  32 പേര്‍ രോഗമുക്തി നേടി. 

വിദേശത്ത് നിന്നുമെത്തിയവര്‍
തഴവ മണപ്പളളി സ്വദേശി(36), അഞ്ചല്‍ ഠൗണ്‍ സ്വദേശിനി(29), തൊടിയൂര്‍ വേങ്ങറ സ്വദേശി(26) എന്നിവര്‍ സൗദിയില്‍ നിന്നും തൊടിയൂര്‍ മുഴങ്ങോടി സ്വദേശി(29) ദുബായില്‍ നിന്നും എത്തിയതാണ്.

ജില്ലയിലെ പ്രഥമിക ചികിത്സാ കേന്ദ്രങ്ങളിലെ ചികിത്സയിലുള്ളവരുടെ എണ്ണം സംബന്ധിച്ച് തെറ്റായ വിവരം നല്‍കിയതിന് ജില്ലാ മെഡിക്കല്‍ ഓഫീസര്‍ ഡോ ആര്‍ ശ്രീലത വിശദീകരണം തേടി. പ്രാഥമിക-കോവിഡ് ചികിത്സാ കേന്ദ്രങ്ങളിലെ കിടക്കകളുടെ എണ്ണം രോഗികളുടെ എണ്ണമായി തെറ്റായി രേഖപ്പെടുത്തി ആശയക്കുഴപ്പം ഉണ്ടാക്കിയതിനാണ് ബന്ധപ്പെട്ടവരോട് വിശദീകരണം തേടിയത്.

ജില്ലയിലെ വിവിധ കോവിഡ് പ്രാഥമിക ചികിത്സാ കേന്ദ്രങ്ങളില്‍ ചികിത്സയിലുള്ളവര്‍. ഒഴിവുള്ള ബെഡുകള്‍ ബ്രായ്ക്കറ്റില്‍.
വാളകം മേഴ്സി ഹോസ്പിറ്റര്‍ - 27(82), അസീസിയ വനിതാ ഹോസ്റ്റര്‍ - 0(60), ശാസ്താംകോട്ട ബി എം സി - 0(103), ശാസ്താംകോട്ട സെന്റ് മേരീസ് - 31(77), ആശ്രാമം ന്യൂ ഹോക്കി സ്റ്റേഡിയം - 40(160), വിളക്കുടി - 21(59), ഇളമാട് ഹംദാന്‍-6(114), കരുനാഗപ്പള്ളി - 4(97), ചന്ദനത്തോപ്പ് - 57(43), കൊട്ടാരക്കര ബ്രദറണ്‍-0(175), വെളിയം എ കെ എസ് ആഡിറ്റോറിയം - 0(105), കൊല്ലം എസ് എന്‍ ലോ കോളജ് - 0(200).
(പി.ആര്‍.കെ നമ്പര്‍ 2122/2020)

ജില്ലയില്‍ പ്രകൃതിക്ഷോഭത്തോടനുബന്ധിച്ച് വളര്‍ത്തു മൃഗങ്ങളെ സുരക്ഷിതായ സ്ഥാനങ്ങളിലേക്ക് മാറ്റി പാര്‍പ്പിക്കുന്നതിന് ജില്ലാ ആസ്ഥാനത്ത് കണ്‍ട്രോള്‍ റൂം തുടങ്ങി. അതത് ഗ്രാമപഞ്ചായത്തിലെ മൃഗസംരക്ഷണ സ്ഥാപനങ്ങളെ മാറ്റിപാര്‍പ്പിക്കുന്നതിന് ബന്ധപ്പെടാം. അടിയന്തര ഘട്ടത്തില്‍ കണ്‍ട്രോള്‍ റൂം സേവനത്തിന് ബന്ധപ്പെടാം. ഫോണ്‍-9446096855.
(പി.ആര്‍.കെ നമ്പര്‍ 2121/2020)