കേരള സ്റ്റേറ്റ് റൂട്രോണിക്സ് തിരുവനന്തപുരം ആറ്റിങ്ങലിലെ അംഗീകൃത പഠനകേന്ദ്രങ്ങളിലേക്ക് ഒരു വര്‍ഷത്തെ പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ കോഴ്‌സിലേക്ക് അപേക്ഷ ക്ഷണിച്ചു. പ്ലസ് ടു യോഗ്യതയുള്ളവര്‍ക്ക് അപേക്ഷിക്കാം. ഇന്റേണ്‍ഷിപ്പോടു കൂടിയ ഡിപ്ലോമ കോഴ്‌സിന് റെഗുലര്‍, പാര്‍ട്ട് ടൈം ബാച്ചുകള്‍ ലഭ്യമാണ്. പരിശീലനം വിജയകരമായി പൂര്‍ത്തിയാക്കുന്നവര്‍ക്ക് റൂട്രോണിക്സിന്റെ അംഗീകൃത സര്‍ട്ടിഫിക്കറ്റ് ലഭിക്കും. ഫോണ്‍: 7994926081.

കേരളത്തില്‍ താപനില ഉയരുന്ന സാഹചര്യത്തില്‍ വളര്‍ത്തുമൃഗങ്ങളുടെ ആരോഗ്യ സംരക്ഷണത്തിനായി മൃഗസംരക്ഷണ വകുപ്പ് പ്രത്യേക ജാഗ്രത നിര്‍ദ്ദേശങ്ങള്‍ പുറപ്പെടുവിച്ചു. മനുഷ്യരെപ്പോലെ തന്നെ മൃഗങ്ങള്‍ക്കും അമിതചൂട് (ഹീറ്റ് സ്‌ട്രോക്ക്) ഗുരുതരമായ ആരോഗ്യപ്രശ്‌നങ്ങള്‍ക്കും മരണത്തിനും വരെ കാരണമായേക്കാം. മുന്‍കരുതലായി 24 മണിക്കൂറും കുടിക്കാന്‍ ശുദ്ധജലം ഉറപ്പാക്കുക. കഠിനമായ വേനലില്‍ മൃഗങ്ങളെ കെട്ടിയിടാതിരിക്കുക. രാവിലെയും വൈകിട്ടും മാത്രം വാഹനങ്ങളില്‍ മൃഗങ്ങളെ കൊണ്ടുപോകുക. രാവിലെ 11 മുതല്‍ വൈകിട്ട് 3 വരെ കന്നുകാലികളെ പണികള്‍ക്കായി ഉപയോഗിക്കുന്നതും തുറന്ന സ്ഥലങ്ങളില്‍ മേയാന്‍ വിടുന്നതും ഒഴിവാക്കുക.

2,839 പോളിംഗ് സ്റ്റേഷനുകളിലായി 19,53,064 പേര്‍ വോട്ട് രേഖപ്പെടുത്തി

2026 നിയമസഭാ തിരഞ്ഞെടുപ്പില്‍ തൃശ്ശൂര്‍ ജില്ലയില്‍ 77.11 ശതമാനം പോളിങ് രേഖപ്പെടുത്തി. ജില്ലയിലെ 13 നിയോജക മണ്ഡലങ്ങളിലെ 2,839 പോളിംഗ് സ്റ്റേഷനുകളിലായി 19,53,064 പേര്‍ വോട്ട് രേഖപ്പെടുത്തി. 9,08,914 പുരുഷ വോട്ടര്‍മാരും 10,44,141 സ്ത്രീ വോട്ടര്‍മാരും 9 ട്രാന്‍സ്‌ജെന്‍ഡര്‍ വോട്ടര്‍മാരുമാണ് വോട്ട് രേഖപ്പെടുത്തിയത്. ജില്ലയിലാകെ 25,32,715 വോട്ടര്‍മാരാണുള്ളത്.

സമയം: 9.15 PM

തൃശ്ശൂര്‍ ജില്ലയിലെ നിയമസഭാ തിരഞ്ഞെടുപ്പ് രാത്രി 9.15 വരെ 77.10 ശതമാനം പോളിംഗ് പൂർത്തിയായി.

*മണ്ഡലം തിരിച്ചുള്ള പോളിംഗ് നില*

*ചേലക്കര* 78.89 ശതമാനം 

*കുന്നംകുളം* 77.13 ശതമാനം 

*ഗുരുവായൂർ* 73.31 ശതമാനം 

 *മണലൂർ* 75.89 ശതമാനം 

*വടക്കാഞ്ചേരി* 79.61 ശതമാനം 

*ഒല്ലൂർ* 79.60 ശതമാനം 

*തൃശ്ശൂർ* 75.70 ശതമാനം 

*നാട്ടിക* 76.38 ശതമാനം 

*കയ്പമംഗലം* 77.07 ശതമാനം 

*ഇരിങ്ങാലക്കുട* 76.86 ശതമാനം 

*പുതുക്കാട്* 78.98 ശതമാനം 

വാഴാനി ഡാം ജലസേചന വകുപ്പിന്റെ ഓഫീസ് പോളിംഗ് സ്റ്റേഷനായി പ്രവർത്തിക്കുന്നതിനാൽ തെരഞ്ഞെടുപ്പ് ദിവസമായ ഇന്ന് (9/4/26) ഡാമിലേക്ക് വിനോദസഞ്ചാരികൾക്ക് പ്രവേശനം ഉണ്ടായിരിക്കുന്നതല്ലയെന്ന് ഡെസ്റ്റിനേഷൻ മാനേജ്മെന്റ് കൗൺസിൽ, വാഴാനി ചീഫ് എക്സിക്യൂട്ടീവ് ഓഫീസർ അറിയിച്ചു.

നിയമസഭാ തെരഞ്ഞെടുപ്പ് പ്രചാരണ കാലം അവസാനിച്ചതിനാലും ഇന്നലെ വൈകിട്ട് 6 മുതൽ നാളെ വൈകിട്ട് 6 വരെ നിശ്ശബ്ദ പ്രചാരണ ഘട്ടമായതിനാലും തെരഞ്ഞെടുപ്പ് പ്രചാരണ സംബന്ധമായ പരസ്യങ്ങളോ മറ്റ്റു പ്രവർത്തനങ്ങളോ പ്രസിധീകരിക്കരുതെന്നും സംപ്രേഷണം ചെയ്യരുതെന്നും അറിയിക്കുന്നു. ഇത്തരം പ്രവൃത്തികൾ ശ്രദ്ധയിൽപ്പെട്ടാൽ ചട്ടലംഘനത്തിന് നിയമനടപടി സ്വീകരിക്കുമെന്ന് പോലീസ് അറിയിച്ചിട്ടുണ്ട്.

 നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയിലെ നിയോജകമണ്ഡലങ്ങളിലേക്കുള്ള ജനവിധി തരേഖപ്പെടുത്താൻ തിരഞ്ഞെടുപ്പ് സാമഗ്രികളുടെ വിതരണം പൂർത്തിയായി. തൃശ്ശൂർ ഗവ. എഞ്ചിനീയറിങ് കോളേജിലെയും ഗുരുവായൂർ ശ്രീകൃഷ്ണ കോളേജിലെയും പോളിംഗ് സാമഗ്രികളുടെ വിതരണ കേന്ദ്രം ജില്ലാ തിരഞ്ഞെടുപ്പ് ഉദ്യോഗസ്ഥയും ജില്ലാ കളക്ടറുമായ ശിഖ സുരേന്ദ്രൻ സന്ദർശിച്ച് ക്രമീകരണങ്ങൾ വിലയിരുത്തി.

 നിയമസഭാ തിരഞ്ഞെടുപ്പ് ദിനത്തിൽ ജില്ലയിലെ ഇലക്ഷൻ പ്രവർത്തനങ്ങൾ നിയന്ത്രിക്കുന്നതിനും നിർദ്ദേശങ്ങൾ കൈമാറുന്നതിനുമായി കളക്ടറേറ്റിൽ ജില്ലാതല കൺട്രോൾ റൂം സജ്ജമായി.

 ജില്ലയിലെ 13 മണ്ഡലങ്ങളിലായുള്ള 2839 പോളിംഗ് സ്റ്റേഷനുകളിലും പോളിംഗ് പ്രവർത്തനങ്ങൾ നിരീക്ഷിക്കുന്നതിനായി വെബ് കാസ്റ്റിംഗ് സംവിധാനം ഒരുക്കിയിട്ടുണ്ട്. ബന്ധപ്പെട്ട ഉദ്യോഗസ്ഥർ വെബ്കാസ്റ്റിംഗ്  വീഡിയോ നിരീക്ഷിച്ച് കൺട്രോൾ റൂമിൽനിന്നും തത്സമയം നിർദ്ദേശങ്ങൾ നൽകും.

 ഏപ്രില്‍ 10 ന് രാവിലെ ആറ് വരെ നിരോധനാജ്ഞ തുടരും 

നിയമസഭാ തിരഞ്ഞെടുപ്പിന്റെ സുഗമമായ നടത്തിപ്പിനായി തൃശ്ശൂർ ജില്ലയില്‍ ജില്ലാ മജിസ്ട്രേറ്റായ ജില്ലാ കളക്ടർ നിരോധനാജ്ഞ പ്രഖ്യാപിച്ചു. ഭാരതീയ നാഗരിക് സുരക്ഷാ സംഹിതയിലെ 163-ാം വകുപ്പ് പ്രകാരം പുറപ്പെടുവിച്ച ഈ ഉത്തരവ് ഏപ്രില്‍ 10 ന് രാവിലെ ആറ് വരെ നിലവിലുണ്ടാകും. സ്വതന്ത്രവും നീതിപൂര്‍വവുമായ തിരഞ്ഞെടുപ്പ് ഉറപ്പാക്കുന്നതിനും വോട്ടെടുപ്പ് വേളയില്‍ ക്രമസമാധാനം നിലനിര്‍ത്തുന്നതിനുമായാണ് ഈ കര്‍ശന നടപടി സ്വീകരിച്ചിരിക്കുന്നത്.

മലബാറിലെ ആദ്യ കെ.എസ്.ആര്‍.ടി.സി ഡബിള്‍ ഡെക്കര്‍ ബസില്‍ കോഴിക്കോട് നഗരത്തിലെ കാഴ്ചകള്‍ ആസ്വദിക്കാന്‍ അവസരം. കെ.എസ്.ആര്‍.ടി.സി ബജറ്റ് ടൂറിസത്തിന്റെ ഭാഗമായി ഏര്‍പ്പെടുത്തിയ സിറ്റി റൈഡ് ബസിലാണ് ചുറ്റിക്കറങ്ങാന്‍ അവസരം. ബസിന്റെ മുകള്‍നിലയില്‍ 36 പേര്‍ക്കും താഴെ 28 പേര്‍ക്കും സഞ്ചരിക്കാം. നഗരത്തിലെ പ്രധാന വിനോദസഞ്ചാര കേന്ദ്രങ്ങളെ ബന്ധിപ്പിച്ചാണ് യാത്ര ഒരുക്കിയിരിക്കുന്നത്. കെ.എസ്.ആര്‍.ടി.സി ബസ് സ്റ്റാന്‍ഡില്‍നിന്ന് ആരംഭിക്കുന്ന യാത്ര സരോവരം, മാനാഞ്ചിറ സ്‌ക്വയര്‍, പാളയം, കുറ്റിച്ചിറ എന്നിവിടങ്ങളിലൂടെ സഞ്ചരിച്ച് കോഴിക്കോട് ബീച്ചിലെത്തും.