പന്തളം തോട്ടക്കോണം സര്‍ക്കാര്‍ ഹയര്‍ സെക്കന്‍ഡറി സ്‌കൂളില്‍ എന്‍ എസ് എസ്  യൂണിറ്റ്, എസ് പി സി യൂണിറ്റുകളുടെ ആഭിമുഖ്യത്തില്‍ ലോക പരിസ്ഥിതി ദിനാചരണം ആരോഗ്യകാര്യ സ്ഥിരം സമിതി അധ്യക്ഷ സുനിത വേണു വൃക്ഷത്തെ നട്ട് ഉദ്ഘാടനം ചെയ്തു. പി ടി എ പ്രസിഡന്റ് കെ എച്ച് ഷിജു അധ്യക്ഷനായി. നഗരസഭ അംഗം കെ.ആര്‍ ശ്രീലേഖ, മുതിര്‍ന്ന അധ്യാപകന്‍ രാജീവ്, എന്‍ എസ് എസ്  പ്രോഗ്രാം ഓഫീസര്‍ എം.എ ജയദീപ്, എസ് പി സി കോര്‍ഡിനേറ്റര്‍ മോത്തിമോള്‍, അധ്യാപകന്‍ ശ്രീജിത്ത്, എന്‍ എസ് എസ് വോളണ്ടിയര്‍ ലീഡര്‍മാരായ അഖില, ആതിര എന്നിവര്‍ പങ്കെടുത്തു.

വള്ളിക്കോട് കൃഷിഭവന്റെ നേതൃത്വത്തില്‍ പി ഡി യു പി സ്‌കൂള്‍ അങ്കണത്തില്‍ ഗ്രാമപഞ്ചായത്ത് പ്രസിഡന്റ് ബീനാ സോമന്‍ ഫലവൃക്ഷ തൈ നട്ട് പരിസ്ഥിതി ദിനാചരണം ഉദ്ഘാടനം ചെയ്തു. വാര്‍ഡ് അംഗം മിനി സി അജയന്‍ അധ്യക്ഷയായി. ബ്ലോക്ക് പഞ്ചായത്ത് അംഗം റോസമ്മ ബാബുജി, സി. സുമേഷ്, പഞ്ചായത്ത് അംഗങ്ങളായ ആര്‍.മോഹനന്‍ നായര്‍, ബിജി പീറ്റര്‍, കൃഷി ഓഫീസര്‍ അനില റ്റി ശശി, പ്രധാന അധ്യാപിക സിന്ധു, വിദ്യാര്‍ഥികള്‍, കൃഷിഭവന്‍ ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

ലോകപരിസ്ഥിതി ദിനത്തോടനുബന്ധിച്ച് തൈ നടീല്‍ ഉദ്ഘാടനം തോട്ടപ്പുഴശ്ശേരി ഗ്രാമപഞ്ചായത്ത് അങ്കണത്തില്‍ പ്രസിഡന്റ് എല്‍സി ക്രിസ്റ്റഫര്‍ നിര്‍വഹിച്ചു. വൈസ് പ്രസിഡന്റ് സി.എസ് അനീഷ് കുമാര്‍ അധ്യക്ഷനായി. വികസനകാര്യ സ്ഥിരം സമിതി ചെയര്‍പേഴ്‌സണ്‍ മഞ്ജു ലക്ഷ്മി , ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ തോമസ് എബ്രഹാം, വാര്‍ഡ് അംഗങ്ങളായ ഷെറിന്‍, സിസിലി തോമസ് , ഗീതാകുമാരി, സഞ്ജീവ് കുമാര്‍, റ്റി.ജി പ്രദീപ് കുമാര്‍, മാത്യു ഉമ്മന്‍, ഗിവ്‌സണ്‍ വര്‍ഗീസ്, സാമുവേല്‍ തോമസ്, മായ മനോഹരന്‍ എന്നിവര്‍ പങ്കെടുത്തു.

ലോക പരിസ്ഥിതി ദിനത്തോടനുബന്ധിച്ച് പ്രത്യേക ഗ്രാമസഭ തോട്ടപ്പുഴശ്ശേരി ഗ്രാമപഞ്ചായത്ത് ഹാളില്‍ പ്രസിഡന്റ് എല്‍സി ക്രിസ്റ്റഫര്‍ ഉദ്ഘാടനം ചെയ്തു. വൈസ് പ്രസിഡന്റ് സി.എസ് അനീഷ് കുമാര്‍ അധ്യക്ഷനായി.

ചെന്നീര്‍ക്കര ഗ്രാമപഞ്ചായത്തില്‍ പരിസ്ഥിതിദിനാചരണം സര്‍ക്കാര്‍ ഐ. ടി.ഐ.യില്‍ ഫലവൃക്ഷത്തൈ നട്ട് ഇലന്തൂര്‍ ബ്ലോക്ക് പഞ്ചായത്ത് വൈസ് പ്രസിഡന്റ് അജി അലക്‌സ് നിര്‍വഹിച്ചു. ഗ്രാമപഞ്ചായത്ത് പ്രസിഡന്റ് കൊച്ചുമോള്‍ കോശി  അധ്യക്ഷയായി. ബ്ലോക്ക് പഞ്ചായത്ത് അംഗം എം.കെ പ്രസന്ന , ഗ്രാമപഞ്ചായത്ത് വൈസ് പ്രസിഡന്റ് ബാബു വി ശ്യാമുവല്‍, വാര്‍ഡ് അംഗം ജിനു ഉല്ലാസ് എന്നിവര്‍ പങ്കെടുത്തു. കൃഷി അസിസ്റ്റന്റ് ഡയറക്ടര്‍ ആലിയ ഫര്‍സാന പദ്ധതി വിശദീകരിച്ചു.
 

ഐ.എച്ച്.ആര്‍.ഡി യുടെ കീഴില്‍ കോന്നി എലിമുള്ളുംപ്ലാക്കല്‍ പ്രവര്‍ത്തിക്കുന്ന കോളജ് ഓഫ് അപ്ലൈഡ് സയന്‍സില്‍ ബിരുദ, ബിരുദാനന്തര ബിരുദം കോഴ്സുകളിലേക്ക് പ്രവേശനം ആരംഭിച്ചു. ബി.എസ്.സി കമ്പ്യൂട്ടര്‍ സയന്‍സ് ഡാറ്റാ സയന്‍സ് ആന്റ് അനലിറ്റിക്‌സ്, ബി.കോം ലോജിസിറ്റിക്‌സ് മാനേജ്‌മെന്റ് ആന്റ് ഫിനാന്‍സ് ആന്റ് ടാക്‌സേഷന്‍, ബിസിഎ ആര്‍ട്ടിഫിഷ്യല്‍ ഇന്റലിജന്‍സ് ആന്റ് ഡാറ്റാ സയന്‍സ്, എം.കോം ഫിനാന്‍സ് ആന്റ് ടാക്‌സേഷന്‍, എം.എസ്.സി കമ്പ്യൂട്ടര്‍ സയന്‍സ് (ഡാറ്റാ അനലിറ്റിക്‌സ്) കോഴ്‌സുകളിലേക്കാണ് പ്രവേശനം.

ലോക പരിസ്ഥിതി ദിനവുമായി ബന്ധപ്പെട്ട് പത്തനംതിട്ട നഗരസഭാതല പരിപാടിയുടെ ഉദ്ഘാടനം ജൂണ്‍ അഞ്ചിന് ഹാജി മീരാ സാഹിബ് ബസ് സ്റ്റാന്‍ഡില്‍ ചെയര്‍പേഴ്‌സണ്‍ സിന്ധു അനില്‍ വൃക്ഷത്തൈ നട്ട് നിര്‍വഹിച്ചു. ആരോഗ്യകാര്യ സ്ഥിരം സമിതി ചെയര്‍പേഴ്സണ്‍ സജിനി മോഹന്‍, വാര്‍ഡ് കൗണ്‍സിലര്‍മാരായ എ.സുരേഷ്‌കുമാര്‍, എസ്.ഫാത്തിമ, ജോയമ്മ സൈമണ്‍, അംബിക വേണു, അഖില്‍ മഠത്തില്‍, അമ്മിണി ടീച്ചര്‍, ലിയോ അഖില്‍, ഏബല്‍ മാത്യു,  ഹരിതകര്‍മ സേന അംഗങ്ങള്‍, ആരോഗ്യ വിഭാഗം ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

സെന്‍സസുമായി ബന്ധപ്പെട്ട് സ്വയം വിവരങ്ങള്‍ നല്‍കാന്‍ ജൂണ്‍ 16 മുതല്‍ സൗകര്യം. ഭവന പട്ടികപ്പെടുത്തലിനായി എന്യൂമറേറ്റര്‍ വീടുകളില്‍ എത്തുന്നതിന് മുമ്പ് https://se.census.gov.in വെബ് പോര്‍ട്ടലിലൂടെ പൊതുജങ്ങള്‍ക്ക് സെല്‍ഫ്-എന്യുമറേഷന്‍ (എസ്.ഇ) ചെയ്യുന്നതിന് ജൂണ്‍ 30 വരെ അവസരമുണ്ട്. രാജ്യത്തെ 16- മത് ജനസംഖ്യ കണക്കെടുപ്പ് 2026-27 വര്‍ഷങ്ങളില്‍ രണ്ട് ഘട്ടങ്ങളിലാണ് നടത്തുന്നത്. പ്രാരംഭഘട്ടമായ ഹൗസ് ലിസ്റ്റിംഗ് പ്രോസസ്സ് സംസ്ഥാനത്ത് ജൂലൈ ഒന്നിന് ആരംഭിക്കും.