ഇന്ന് പുതുതായി വന്ന 832 പേര്‍ ഉള്‍പ്പെടെ ജില്ലയില്‍ 15180 പേരാണ് നിരീക്ഷണത്തിലുള്ളത്.

ജില്ലയില്‍ ഇതുവരെ 63896 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി വന്ന 28 പേര്‍ ഉള്‍പ്പെടെ 248 പേരാണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 140 പേര്‍ മെഡിക്കല്‍ കോളേജിലും 97 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ്ഹൗസിലുമാണ്. 11 പേര്‍ എന്‍.ഐ.ടി കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററിലും നിരീക്ഷണത്തിലാണ്. 48 പേര്‍ ഇന്ന് ഡിസ്ചാര്‍ജ്ജ് ആയി.

പുളിങ്കുന്ന് ഗ്രാമപഞ്ചായത്തില്‍ അഞ്ചാം വാര്‍ഡില്‍ കോവിഡ് രോഗ ബാധ സ്ഥിരീകരിച്ചയാള്‍ക്ക് പഞ്ചായത്തിലെ ഒട്ടനവധി ആളുകളുമായി സമ്പര്‍ക്കം ഉണ്ടായിട്ടുണ്ടെന്ന് ജില്ല മെഡിക്കല്‍ ഓഫീസര്‍ റിപ്പോര്‍ട്ട് ചെയ്തിരുന്നു. പഞ്ചായത്തിലെ 5,6,14,15 വാര്‍ഡുകള്‍ നിലവില്‍ കണ്ടെയിന്‍മെന്റ് സോണുകളാണ്. രോഗ വ്യാപനം തടയുന്നതിന് പഞ്ചായത്ത് പരിധിയിലുള്ള മുഴുവന്‍ പ്രദേശങ്ങളും കണ്ടെയിന്‍മെന്റ് സോണ്‍ ആക്കണമെന്ന് ജില്ല മെഡിക്കല്‍ ഓഫീസര്‍ അറിയിച്ചിരുന്നു. ഈ സാഹചര്യത്തിലാണ് പുളിങ്കുന്ന് പഞ്ചായത്ത് കണ്ടെയിന്‍മെന്റ് സോണാക്കി ജില്ല ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ല കളക്ടര്‍ ഉത്തരവിട്ടത്. 

ആലപ്പുഴ: കോവിഡ് 19 വ്യാപനത്തിന്റെ പശ്ചാത്തലത്തില്‍ കേരള വാട്ടര്‍ അതോറിറ്റി ആലപ്പുഴ പി.എച്. സബ് ഡിവിഷന്‍ ഓഫീസ് പരിധിയില്‍ വെള്ളക്കരം സ്വീകരിക്കുന്നതുള്‍പ്പടെ എല്ലാ സേവനങ്ങളും ജൂലൈ 17വരെ നിര്‍ത്തിവെച്ചതായി അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു. വെള്ളക്കരം www.epay.kwa.kerala.gov.in എന്ന വെബ്‌സൈറ്റ് വഴി അടയ്ക്കാം. വിശദവിവരത്തിന് ഫോണ്‍: 8547 638282.

ആലപ്പുഴ: പൊതുമരമാത്ത് വകുപ്പ് ഇലക്ട്രിക്കല്‍ സബ് ഡിവിഷന്‍ ഓഫീസിലെ ഫസ്റ്റ് ഗ്രേഡ് ഓവര്‍സിയര്‍ (ഇലക്ട്രിക്കല്‍) തസ്തികയിലേക്ക് ജൂലൈ 15ന് രാവിലെ 10.30ന് കളക്ടറേറ്റിലെ പൊതുമരാമത്ത് വകുപ്പ് കെട്ടിട വിഭാഗം എക്‌സിക്യൂട്ടീവ് എഞ്ചിനീയറുടെ കാര്യാലയത്തില്‍ വെച്ച്് നടത്താനിരുന്ന ഇന്റര്‍വ്യൂ കോവിഡ് 19 വ്യാപനത്തിന്റെ പശ്ചാത്തലത്തില്‍ ഇനിയൊരു അറിയിപ്പ് ഉണ്ടാകുന്നത് വരെ നീട്ടിവെച്ചതായി പൊതുമരാമത്ത് വകുപ്പ് കെട്ടിട വിഭാഗം എക്‌സിക്യൂട്ടീവ് എഞ്ചിനീയര്‍ അറിയിച്ചു. 

ആലപ്പുഴ: നിര്‍ധനരായ രോഗികള്‍ക്ക് ഒരു മാസത്തേക്കുള്ള മരുന്നുകള്‍ വിതരണം ചെയ്ത് അരൂക്കുറ്റി ഗ്രാമപഞ്ചായത്ത്. കോവിഡ് 19ന്റെ പശ്ചാത്തലത്തില്‍ കിഡ്‌നി, ക്യാന്‍സര്‍ അസുഖം ബാധിച്ച് ചികിത്സയിലുള്ള അരൂക്കുറ്റി ഗ്രാമപഞ്ചായതിലെ 26 രോഗികള്‍ക്കാണ് മരുന്നുകള്‍ നല്‍കിയത്. പദ്ധതിയുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് മുംതാസ് സുബൈര്‍ നിര്‍വ്വഹിച്ചു. പഞ്ചായത്ത് ഫണ്ടില്‍ നിന്ന് 100000 രൂപ ചിലവഴിച്ചാണ് പദ്ധതി നടപ്പാക്കിയത്. ഗ്രാമപഞ്ചായത്ത് വൈസ് പ്രസിഡന്റ് ബിനിത പ്രമോദ്, അംഗങ്ങളായ പി.എസ് ബാബു, വിനോദ്, പാലിയേറ്റീവ് കെയര്‍ പ്രവര്‍ത്തക സിസ്റ്റര്‍ ബീന, ഡോ. അനൂപ് തുടങ്ങിയവര്‍ പങ്കെടുത്തു.

   വി.എഫ്.പി.സി.കെ നേതൃത്വത്തില്‍ നടത്തുന്ന ചക്ക സംഭരണത്തിന് ജില്ലയില്‍ തുടക്കമായി. ജില്ലാതല ഉദ്ഘാടനം സി.കെ ശശീന്ദ്രന്‍ എം.എല്‍.എ നിര്‍വഹിച്ചു. മുട്ടില്‍ പഞ്ചായത്തിലെ വി.എഫ്.പി.സി.കെ സ്വാശ്രയ കര്‍ഷക വിപണി കേന്ദ്രീകരിച്ചാണ് ചക്കയുടെ സംഭരണം നടക്കുക. ജില്ലയിലെ വിവിധ ഭാഗങ്ങളിലെ കര്‍ഷകരില്‍ നിന്ന് സംഭരിക്കുന്ന ചക്കകള്‍ ഇടനിലക്കാരെ ഒഴിവാക്കി നേരിട്ട് വിപണനം നടത്തും. അധികമുള്ള ചക്ക ഇടുക്കിയിലെ സംസ്‌കരണ കേന്ദ്രത്തില്‍ എത്തിച്ചു മൂല്യവര്‍ധിത ഉല്‍പ്പന്നങ്ങള്‍ ആക്കി വി.എഫ്.പി.സി.കെയുടെ തളിര്‍ ബ്രാന്‍ഡില്‍ വില്‍പ്പന നടത്തും.

ആലപ്പുുഴ: കോവിഡ് രോഗ നിയന്ത്രണത്തിന്‍റെ ഭാഗമായി ജില്ലയിലെ ഫസ്റ്റ് ലൈന്‍ ട്രീറ്റ് മെന്റ് സെന്ററുകളായി നാല് സ്വകാര്യ ആശുപത്രികള്‍ ഏറ്റെടുത്ത് ജില്ലകളക്ടര്‍ . മാവേലിക്കര പി.എം.ഹോസ്പിറ്റല്‍, ചെങ്ങന്നൂര്‍ സെന്‍റുറി ഹോസ്പിറ്റല്‍, കാര്‍ത്തികപ്പള്ളി മാധവ ഹോസ്പിറ്റല്‍, ജെം ഹോസ്പിറ്റല്‍ എന്നിവയാണ് ഏറ്റെടുക്കുന്നത്. കോവിഡ് രോഗികളുടെ എണ്ണം കൂടി വരുന്ന സാഹചര്യത്തിലാണ് നടപടി.

 മെഡിക്കല്‍ കോളേജ് ഏറ്റെടുക്കലുമായി ബന്ധപ്പെട്ട് പഠനം നടത്താന്‍ സര്‍ക്കാര്‍ നിയോഗിച്ച വിദഗ്ധ സമിതി മേപ്പാടി വിംസ് മെഡിക്കല്‍ കോളേജ്  സന്ദര്‍ശിച്ചു. തിരുവനന്തപുരം മെഡിക്കല്‍ കോളേജിലെ പ്രൊഫസര്‍ ഡോ. കെ.വി വിശ്വനാഥന്റെ നേതൃത്വത്തിലുള്ള സമിതിയാണ് തിങ്കളാഴ്ച്ച ഉച്ചയ്ക്ക് ശേഷം  വിംസില്‍ എത്തിയത്.  തിരുവനന്തപുരം മെഡിക്കല്‍ കോളേജ് അസിസ്റ്റന്റ് പ്രൊഫസര്‍ ഡോ. സി. രവീന്ദ്രന്‍, അസോസിയേറ്റ് പ്രൊഫസര്‍ ഡോ. കൃഷ്ണ കുമാര്‍, ഡോ. ബാബുരാജ്, ഡോ. കെ. സജീഷ് എന്നിവര്‍ക്ക് പുറമെ എഞ്ചിനീയറിംഗ്, അടിസ്ഥാന സൗകര്യം, സാമ്പത്തികം എന്നീ വിഭാഗങ്ങളിലെ വിദഗ്ധരും സമിതിയോടൊപ്പമുണ്ട്.

 ജില്ലയിലെ കോവിഡ് വ്യാപനം തടയാന്‍ ശക്തമായ നടപടികള്‍ എടുക്കുകയാണെന്നും ആളുകള്‍ കൂടുതല്‍ ജാഗ്രത പുലര്‍ത്തണമെന്നും ജില്ല കളക്ടര്‍ എ.അലക്സാണ്ടര്‍ പറഞ്ഞു. മാര്‍ക്കറ്റുകളില്‍ ഇരട്ടി ശ്രദ്ധ ഉണ്ടാകണം. ആള്‍ക്കൂട്ടം അരുത്. അനാവശ്യമായ യാത്ര ഒഴിവാക്കണം. നിര്‍ബന്ധമായും മാസ്ക് ധരിക്കുകയും സാനിട്ടൈസര്‍ ഉപയോഗിക്കുകയും വേണം. ശാരീരിക അകലം പാലിക്കാന്‍ എല്ലാവരും ശ്രദ്ധിക്കണമെന്നും കളക്ടര്‍ അറിയിച്ചു. കോവിഡ് രോഗികളുമായി ഏതെങ്കിലും തരത്തില്‍ സമ്പര്‍ക്കം ഉണ്ടായിട്ടുള്ളവര്‍ കോവി‍‍ഡ് കണ്‍ട്രോള്‍ റൂമില്‍ വിളിച്ച് അറിയിക്കേണ്ടതാണ്. ഫോണ്‍-04772239999.