ഗ്രീന്‍ പ്രോട്ടോക്കോള്‍ പാലിക്കുന്നതിന്റെ ഭാഗമായി ഹരിത കേരള മിഷന്റെ നേതൃത്വത്തില്‍ നടപ്പിലാക്കുന്ന പെന്‍ ബൂത്ത് പദ്ധതി പ്രകാരം ശേഖരിച്ച ഉപയോഗ ശൂന്യമായ പ്ലാസ്റ്റിക് പേനകള്‍ പുനഃചംക്രമണത്തിനായി കൈമാറി. കലക്ട്രേറ്റില്‍ വിവിധ ഭാഗങ്ങളില്‍ സ്ഥാപിച്ച പെന്‍ ബൂത്തില്‍ നിന്ന് ശേഖരിച്ച 10.5 കിലോ പേനകളാണ് എ.ഡി.എം ഇ. മുഹമ്മദ് യൂസഫ്
കേരള സ്‌ക്രാപ്പ് മെര്‍ച്ചന്റ്‌സ് അസോസിയേഷന്‍ ജില്ലാ പ്രസിഡന്റ് എം.സി. ബാവയ്ക്ക് കൈമാറിയത്.

ഗുണനിലവാരമില്ലാത്ത വസ്തുക്കള്‍ ഉപയോഗിച്ച് കരാറുകാരന്‍ വീടുകള്‍ നിര്‍മ്മിച്ചതിനാലാണ് നൂല്‍പ്പുഴ പഞ്ചായത്തിലെ മൂന്ന് ഗുണഭോക്താക്കള്‍ക്ക് ധനസഹായ തുകയില്‍ ഒന്നാം ഗഡു ഒഴികെയുളളവ അനുവദിക്കാതി രുന്നതെന്ന് സുല്‍ത്താന്‍ ബത്തേരി ബ്ലോക്ക് പട്ടികവര്‍ഗ്ഗ വികസന ഓഫീസര്‍ സി. ഇസ്മയില്‍ അറിയിച്ചു.

കേരള എന്‍ജിനീയറിങ്, ആര്‍ക്കിടെക്ചര്‍ ആന്‍ഡ് മെഡിക്കല്‍ പ്രവേശന പരീക്ഷ (കീം) ആരോഗ്യ വകുപ്പിന്റെ മുഴുവന്‍ കോവിഡ് മാനദണ്ഡങ്ങളും പാലിച്ച് നടത്തി. ജില്ലയില്‍ അഞ്ച് സെന്ററുകളിലാണ് പരീക്ഷ നടന്നത്. പരീക്ഷാ കേന്ദ്രങ്ങള്‍ ഫയര്‍ ഫോഴ്‌സിന്റെ നേതൃത്വത്തില്‍ അണുവിമുക്തമാക്കിയിരുന്നു.

സംസ്ഥാന ഐ.ടി മിഷന്റെ വയനാട് ജില്ലയിലെ ഇ-ഓഫീസ് പ്രോജക്ടില്‍ ഹാന്റ് ഹോള്‍ഡ് സപ്പോര്‍ട്ട് എഞ്ചിനിയര്‍ തസ്തികയില്‍ നിയമനം നടത്തുന്നതിനായി ജൂലൈ 21 ന് നടത്താനിരുന്ന പരീക്ഷ മാറ്റിവെച്ചതായി ജില്ലാ കളക്ടര്‍ അറിയിച്ചു. പുതുക്കിയ തീയ്യതി പിന്നീട് അറിയിക്കും.

ബീനാച്ചി പനമരം റോഡില്‍ പുനരുദ്ധാരണ പ്രവൃത്തികള്‍ക്ക് തടസ്സമായി നില്‍ക്കുന്ന വിവിധ ഇനത്തില്‍പ്പെട്ട മരങ്ങള്‍ ജൂലൈ 28 നു സുല്‍ത്താന്‍ ബത്തേരി പൊതുമരാമത്ത് നിരത്ത് വിഭാഗം കാര്യാലയത്തില്‍ രാവിലെ 11 മണിക്ക് ലേലം ചെയ്യും. ഫോണ്‍. 04936 222750

ഒരാള്‍ക്ക് രോഗമുക്തി

 ഭക്ഷ്യസുരക്ഷ ഉറപ്പുവരുത്തുന്നതിന്റെ ഭാഗമായി സംസ്ഥാന സര്‍ക്കാര്‍ നടപ്പിലാക്കുന്ന  സുഭിക്ഷ കേരളം പദ്ധതിയില്‍ ബാണാസുര സാഗര്‍ പദ്ധതി പ്രദേശത്തെ 50 ഏക്കര്‍ തരിശു ഭൂമിയില്‍ കൃഷിയിറക്കും. മൃഗസംരക്ഷണ വകുപ്പിന്റെ സഹായത്തോടെ പത്ത് ഏക്കര്‍ സ്ഥലത്ത് പശു വളര്‍ത്തല്‍, തീറ്റപ്പുല്‍ കൃഷി എന്നിവയും ബാക്കി വരുന്ന 40 ഏക്കര്‍ സ്ഥലത്തു പച്ചക്കറി കൃഷിയും, ജില്ലയ്ക്ക് അനുയോജ്യമായ പൂ കൃഷി, ഫാഷന്‍ ഫ്രൂട്ട്, സ്‌ട്രോബെറി എന്നിവയും, പപ്പായ കൃഷിയും നടത്തും.

സുല്‍ത്താന്‍ ബത്തേരി നഗരസഭയിലെ 24-ാം വാര്‍ഡിലുള്ള ജൂബിലി റസ്‌റ്റോറന്റ്, ഇമേജ് മൊബൈല്‍ ഷോറൂം എന്നിവ ഉള്‍പ്പെടുന്ന കെട്ടിടങ്ങള്‍ മൈക്രോ കണ്ടെയ്ന്‍മെന്റ് സോണില്‍ നിന്ന് ഒഴിവാക്കിയതായി ജില്ലാ കലക്ടര്‍ ഡോ. അദീല അബ്ദുള്ള അറിയിച്ചു.

നാല് പേര്‍ക്ക് രോഗമുക്തി

വയനാട് ജില്ലയില്‍ ഇന്ന് (വെളളി) 28 പേര്‍ക്ക് കോവിഡ് സ്ഥിരീകരിച്ചു. ജില്ലയില്‍ ഏറ്റവും കൂടുതല്‍ കോവിഡ് റിപ്പോര്‍ട്ട് ചെയ്ത ദിവസമാണിത്. നാല് പേര്‍ ഇന്ന് രോഗമുക്തരായി.

മെയ്, ജൂണ്‍ മാസങ്ങളില്‍ അനുവദിച്ച സ്‌പെഷ്യല്‍ അരി വാങ്ങിയിട്ടില്ലാത്ത നോണ്‍ എന്‍.എഫ്.എസ്.എ കാര്‍ഡുകള്‍ക്ക് ജൂലൈ മാസത്തില്‍ പ്രതിമാസം 10 കിലോ പ്രകാരം പരമാവധി 20 കിലോ സ്‌പെഷ്യല്‍ അരി കിലോഗ്രാമിന് 15 രൂപ നിരക്കില്‍ വിതരണം ചെയ്യുമെന്ന് ജില്ലാ സപ്ലൈ ഓഫിസര്‍ അറിയിച്ചു.