സപ്ലൈകോയ്ക്ക് പുതിയതായി രൂപകല്പന ചെയ്യുന്ന ലോഗോ ജൂലൈ 13 വരെ അയക്കാം. ലോഗോ രൂപകല്പന ചെയ്യുന്ന വിജയികള്‍ക്ക് കമ്പനി ഉചിതമായ പാരിതോഷികം നല്‍കും. ലോഗോ അയക്കേണ്ട ഇ -മെയില്‍: Iogo@ supplycomail.com. ഫോണ്‍: 0484-2206780. 2207935

ഇടുക്കി ആരോഗ്യകേരളം ഓഫീസില്‍ പ്രവര്‍ത്തിക്കുന്ന ഹെല്‍പ്പ് ഡസ്‌കിന്റെ പ്രവര്‍ത്തനം രാവിലെ 9 മുതല്‍ വൈകിട്ട് ആറുവരെ പുന:ക്രമീകരിച്ചു. ഫോണ്‍ 04862- 232221.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  13) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 7  കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 26 പ്രതികളാണ് ഉള്ളത്. ഇവരിൽ 22 പേരെ അറസ്റ്റ് ചെയ്തു. 
 
*മാസ്ക് ധരിക്കാത്ത 167 പേർക്കെതിരെ കേസ്* 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 167 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

കോവിഡ് 19 ബാധിതരായി  ജില്ലയില്‍ നിലവില്‍ 322  പേരാണ് ചികിത്സയിലുള്ളത്.  ഇന്ന് (ജൂലായ് 13) ജില്ലയില്‍ 19 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 61 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 26675 സാമ്പിളുകള്‍ പരിശോധനയ്ക്കായി അയച്ചതില്‍ 23318 പരിശോധനാ ഫലങ്ങളാണ് ലഭ്യമായത്. ഇന്ന് 616 പരിശോധനാ ഫലങ്ങളാണ് ലഭിച്ചത്. പുതുതായി 252 സാമ്പിളുകൾ അയച്ചു. 879  പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 552 പേർ രോഗമുക്തി നേടി. ഇനി 3357 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

പാലക്കാട് ജില്ലയിൽ ഇന്ന്(ജൂലൈ 13)പല്ലശ്ശന,തച്ചമ്പാറ സ്വദേശികളായ രണ്ടു വയസ്സുള്ള രണ്ടു പെൺകുട്ടികൾക്ക് ഉൾപ്പെടെ ഉൾപ്പെടെ 19 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.യുഎഇ യിൽ നിന്നുമെത്തിയവരാണ്  രോഗം സ്ഥിരീകരിച്ചവരിൽ കൂടുതലും.കൂടാതെ ഇന്ന് 25 പേർക്ക് രോഗമുക്തിയുള്ളതായി  അധികൃതർ അറിയിച്ചിട്ടുണ്ട്.

*ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്.* 

*തമിഴ്നാട്-3*

 ദോഹ, മസ്കറ്റ്, ദുബായ്,  മലേഷ്യ, റിയാദ്,  ബിഷ്ക്കെക്ക്,  റാസൽഖൈമ,  കോലാലമ്പൂർ, ബഹറിൻ,  ഷാർജ, യു.എ.ഇ,  അബുദാബി,  കുവൈറ്റ് എന്നിവിടങ്ങളിൽ നിന്നും നെടുമ്പാശ്ശേരി, കരിപ്പൂർ, കണ്ണൂർ അന്താരാഷ്ട്ര വിമാനത്താവളങ്ങളിൽ കഴിഞ്ഞ നാല് ദിവസങ്ങളിലായി (ജൂലൈ 9 മുതൽ 12 വരെ) ജില്ലയിലെത്തിയത് 110 പാലക്കാട് സ്വദേശികള്‍. ഇവരിൽ 17 പേർ ഇൻസ്റ്റിറ്റ്യൂഷനൽ ക്വാറന്റൈനിൽ  പ്രവേശിച്ചു. 93 പേർ വീടുകളിൽ നിരീക്ഷണത്തിലാണ്.

ഒറ്റപ്പാലം മണ്ഡലത്തിൽ നാലു പഞ്ചായത്തുകളിലെ 12 റോഡുകളുടെ വികസനത്തിനായി 1.7 കോടി രൂപ അനുവദിച്ചതായി പി ഉണ്ണി എം.എൽ.എ അറിയിച്ചു. എം.എൽ.എയുടെ 2020-21 വർഷത്തെ ആസ്തി വികസനം, പ്രത്യേക വികസന ഫണ്ടുകളിൽ നിന്നാണ് തുക അനുവദിച്ചത്.
ശ്രീകൃഷ്ണപുരം, ഒറ്റപ്പാലം മണ്ഡലത്തിലെ കടമ്പഴിപ്പുറം, കരിമ്പുഴ, ശ്രീകൃഷ്ണപുരം, പൂക്കോട്ടുകാവ് ഗ്രാമപഞ്ചായത്തുകളിലെ ഗ്രാമീണ റോഡുകളുടെ  പുനരുദ്ധാരണത്തിനാണ് തുക അനുവദിച്ചിട്ടുള്ളത്.