ഇടുക്കി ജില്ലയില്‍ നിന്നും ഇന്നലെ  ( 3ന് ) ഉത്തര്‍പ്രദേശിലേയ്ക്ക് 46 ഉം ഒഡീഷയിലേയ്ക്ക് 180 ഓളം അതിഥി തൊഴിലാളികളും മടങ്ങി. സ്വദേശത്തേക്ക് മടങ്ങാന്‍ പാസെടുത്ത് തയ്യാറെടുത്തിരുന്ന അതിഥി തൊഴിലാളികളെ  അതത് സ്ഥലങ്ങളില്‍ നിന്നും കെ എസ് ആര്‍ ടി സി ബസുകളില്‍ ആലുവ, എറണാകുളം റെയില്‍വേ സ്റ്റേഷനുകളിലെത്തിച്ചു. മടങ്ങിപ്പോകുന്നവര്‍ക്ക് യാത്രാവേളയില്‍ കഴിക്കാന്‍ ഭക്ഷണ കിറ്റുകള്‍  ജില്ലാ ഭരണകൂടം ലഭ്യമാക്കിയിരുന്നു. ഇന്ന് (ജൂണ്‍ 4) 400 അതിഥി തൊഴിലാളികള്‍ ജാര്‍ഖണ്ഡിലേയ്ക്ക് മടങ്ങും.

ജില്ലയിൽ കോവിഡ് 19 ബാധിച്ച് ചികിത്സയിൽ ഉണ്ടായിരുന്ന 17 പേർ ഇന്ന്(ജൂൺ അഞ്ച്) രോഗമുക്തരായി ആശുപത്രി വിട്ടു.മാങ്ങോട് മെഡിക്കൽ കോളേജിൽ ചികിത്സ ലായിരുന്ന 49 പേരിൽ 17 പേരാണ് വീടുകളിലേക്ക് മടങ്ങിയത്.
ഇവരുടെ പരിശോധനാഫലം തുടർച്ചയായി രണ്ടു തവണ നെഗറ്റീവ് ആയതിനെ തുടർന്നാണ്  ആശുപത്രിയിൽനിന്ന്  വിട്ടയക്കുന്നത്. ഇതോടെ പാലക്കാട് ജില്ലയിൽ ചികിത്സയിലുള്ള വരുടെ എണ്ണം 164 ആയി.
വിട്ടയച്ചവരുടെ വിവരങ്ങൾ ഉൾപ്പെടെയുള്ളവ ലഭ്യമാക്കുന്നതിന് അനുസരിച്ച് നൽകുന്നതാണ്.

 ഇടുക്കി ജില്ലയില്‍ കണ്ടെയ്ന്‍മെന്റ്‌സോണില്‍ (ഹോട്ട്‌സ്‌പോട്ട്) ഉള്‍പ്പെട്ടിരുന്ന വണ്ടന്‍മേട്, കരുണാപുരം ഗ്രാമപഞ്ചായത്തുകളിലെ വാര്‍ഡുകളെ കണ്ടെയ്ന്‍മെന്റ് സോണില്‍ നിന്നും ഒഴിവാക്കി. ഈ വാര്‍ഡുകളില്‍ നിലവിലുണ്ടായിരുന്ന കര്‍ശന നിയന്ത്രണങ്ങള്‍ പിന്‍വലിച്ചിട്ടുണ്ട്.  എന്നാല്‍ പൊതുവായ നിയന്ത്രണങ്ങള്‍ തുടരും.
 ഉടുമ്പന്‍ചോല ഗ്രാമപഞ്ചായത്തിലെ 8, 11, 12 വാര്‍ഡുകളില്‍ ഹോട്ട്‌സ്‌പോട്ട് നിയന്ത്രണങ്ങള്‍ തുടരുന്നതാണ്.

ലോക്ക് ഡൗണിനെ തുടർന്ന് ഇന്ന് (ജൂൺ 5)  രാത്രി 7.30 വരെ ജില്ലയിൽ പോലീസ് നടത്തിയ പരിശോധനയിൽ 11 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി  ആർ. മനോജ് കുമാർ അറിയിച്ചു. ഇത്രയും കേസുകളിലായി 19 പേരെ അറസ്റ്റ് ചെയ്തു. 2 വാഹനങ്ങൾ പിടിച്ചെടുത്തു.   
ലോക്ക് ഡൗൺ നിർദ്ദേശങ്ങൾ  പാലിക്കാത്തതിനെ തുടർന്നാണ് കേസ് രജിസ്റ്റർ ചെയ്തത്.

 മാസ്ക് ധരിക്കാത്ത 55 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 55 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത പറഞ്ഞതിനു ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.

തരൂർ മണ്ഡലത്തിലെ വിവിധ പഞ്ചായത്തുകളിൽ ഇന്ന് (ജൂൺ 6) മന്ത്രി എ.കെ ബാലൻ 18 ടെലിവിഷനുകൾ വിതരണം ചെയ്യും. നിലവിൽ സ്കൂളുകൾ തുറക്കാനാവാത്ത സാഹചര്യത്തിൽ  പൊതുവിദ്യാഭ്യാസ വകുപ്പ് വിക്ടേഴ്സ് ചാനൽ വഴി തുടങ്ങിയ ഓൺലൈൻ ക്ലാസുകൾ മണ്ഡലത്തിലെ സൗകര്യമില്ലാത്ത  വിദ്യാർഥികൾക്ക്  ലഭ്യമാക്കാൻ വേണ്ടിയാണ് ടെലിവിഷനുകൾ വിതരണം ചെയ്യുന്നത്. പട്ടികജാതി, പട്ടികവർഗം,  മറ്റ് ജനറൽ വിഭാഗം ഉൾപ്പെടെയുള്ള 250 ഓളം  വിദ്യാർത്ഥികൾക്ക് ഇത്  ഉപകാരപ്രദമാകും.  

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 181 പേരാണ് ചികിത്സയിലുള്ളത്.  കൂടാതെ, ജില്ലയിലെ വിവിധ ആശുപത്രികളിലായി 33 പേർ നിരീക്ഷണത്തിലുണ്ട്. 

ഇന്ന് (ജൂൺ 5) ജില്ലയിൽ 40 പേർക്കാണ് (28 പുരുഷന്മാർ, 12 സ്ത്രീകൾ) കോവിഡ് 19 സ്ഥിരീകരിച്ചത്. ഇതിൽ വിദേശത്തു നിന്നും വന്ന  9 പേർക്കും ഇതര സംസ്ഥാനങ്ങളിൽ നിന്നുമുള്ള 26 പേർക്കും  സമ്പർക്കം വഴി അഞ്ചുപേർക്കുമാണ് രോഗം സ്ഥിരീകരിച്ചത്.

പരിശോധനയ്ക്കായി ഇതുവരെ 9884 സാമ്പിളുകളാണ് അയച്ചത്. ആകെ 28 പേര്‍ രോഗം ഭേദമായി ആശുപത്രി വിട്ടു. 

 ഇതര സംസ്ഥാനങ്ങളിൽ  നിന്ന് വാളയാർ ചെക്പോസ്റ്റ് വഴി ഇന്ന്   ( ജൂൺ അഞ്ചിന് വൈകിട്ട് 6  വരെ) 1229 പേർ  കേരളത്തിൽ എത്തിയതായി സ്പെഷ്യൽ ബ്രാഞ്ച് ഡി.വൈ.എസ്.പി ആർ. മനോജ് കുമാർ അറിയിച്ചു.699 പുരുഷൻമാരും 342 സ്ത്രീകളും 188
കുട്ടികളുമുൾപ്പെടെയുള്ളവർ 476 വാഹനങ്ങളിലായാണ് കേരളത്തിലേക്ക് എത്തിയത്. 371 കാറുകൾ, 55 ഇരുചക്രവാഹനങ്ങൾ, 13 ട്രാവലറുകൾ, 30 മിനി ബസുകൾ, 7 ഓട്ടോറിക്ഷകൾ   എന്നിവയാണ് അതിർത്തി കടന്ന് കേരളത്തിലെത്തിയത്.
 

പാലക്കാട് ജില്ലയിൽ ഇന്ന്(ജൂൺ അഞ്ച്) ഒരു തമിഴ് നാട് സ്വദേശിക്ക് ഉൾപ്പെടെ 40 പേർക്ക് കോവിഡ് 19  സ്ഥിരീകരിച്ചു. ഇതോടെ  ജില്ലയിൽ കോവിഡ്‌  സ്ഥിരീകരിച്ച്  181 പേരാണ് ചികിത്സയിൽ ഉള്ളത്. സമ്പർക്കത്തിലൂടെ അഞ്ച് പേർക്കും ഇതര സംസ്ഥാനങ്ങളിൽ നിന്നും വിദേശത്തു നിന്നും ആയി വന്ന 35 പേർക്കുമാണ് രോഗം സ്വീകരിച്ചിട്ടുള്ളത്.ഇതിൽ ആന്ധ്രാപ്രദേശിൽ നിന്നും ജില്ലയിൽ എത്തിയിട്ടുള്ള ഒരു തമിഴ്നാട് സ്വദേശിയും ഉൾപ്പെടുന്നുണ്ട്.

 ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

ഭൂനികുതി: ഓണ്‍ലൈന്‍ അപേക്ഷകളില്‍
അതത് ദിവസം നടപടിയെടുക്കാന്‍ നിര്‍ദ്ദേശം
കോവിഡ് പ്രതിരോധത്തിന്റെ ഭാഗമായി കൂടുതല്‍ ആളുകള്‍ ഓണ്‍ലൈനായി ഭൂനികുതി അടയ്ക്കാന്‍ മുന്നോട്ടുവരുന്ന സാഹചര്യത്തില്‍ ഭൂനികുതി അപേക്ഷ ഓണ്‍ലൈനായി ലഭിക്കുന്ന ദിവസം തന്നെ വില്ലേജ് ഓഫീസര്‍ അതില്‍ നടപടി സ്വീകരിക്കണമെന്ന് ജില്ലാ കലക്ടര്‍ നിര്‍ദേശം നല്‍കി. വില്ലേജ് ഓഫീസറുടെ അംഗീകാരത്തിനായി നികുതി ദായകന്‍ ദിവസങ്ങള്‍ കാത്തിരിക്കേണ്ടി വരുന്നുവെന്ന പരാതിയെ തുടര്‍ന്നാണ് നടപടി.
പി എന്‍ സി/1849/2020

ജില്ലയില്‍ സുഭിക്ഷ കേരളം പദ്ധതിയുടെ നടത്തിപ്പുമായി ബന്ധപ്പെട്ട് ജില്ലാ കലക്ടര്‍ എച്ച്.ദിനേശന്റെ അധ്യക്ഷതയില്‍ കലക്ട്രേറ്റില്‍ ജില്ലാതല അവലോകന യോഗം ചേര്‍ന്നു. ഇടുക്കി ജില്ലയുടെ സമഗ്രവികസനം ലക്ഷ്യമാക്കി കാര്‍ഷിക -മൃഗസംരക്ഷണ- ക്ഷീര വികസന, മത്സ്യ വികസന മേഖലകള്‍ ഏകോപിപ്പിച്ചു കൊണ്ടുള്ള പ്രവര്‍ത്തനമാണ് പദ്ധതിയിലൂടെ നടപ്പാക്കുന്നത്. സുഭിക്ഷ കേരളം - ഒരു കോടി ഫലവൃക്ഷ തൈ വിതരണത്തിന്റെ ഭാഗമായി ജില്ലയില്‍ ഒരു ലക്ഷത്തില്‍പരം തൈകള്‍ വിതരണം ചെയ്യും. ഇതിനായി തൈകള്‍ വിവിധ കേന്ദ്രങ്ങളില്‍ തയ്യാറായി കഴിഞ്ഞു.