ഇതര സംസ്ഥാനങ്ങളിൽ 
 നിന്ന് വാളയാർ ചെക്പോസ്റ്റ് വഴി ഇന്ന്   ( ജൂൺ ഏഴിന് വൈകിട്ട് 6  വരെ) 1258 പേർ  കേരളത്തിൽ എത്തിയതായി സ്പെഷ്യൽ ബ്രാഞ്ച് ഡി.വൈ.എസ്.പി ആർ. മനോജ് കുമാർ അറിയിച്ചു.705 പുരുഷൻമാരും 375 സ്ത്രീകളും 178
കുട്ടികളുമുൾപ്പെടെയുള്ളവർ 479 വാഹനങ്ങളിലായാണ് കേരളത്തിലേക്ക് എത്തിയത്. 390 കാറുകൾ, 49 ഇരുചക്രവാഹനങ്ങൾ, 16 ട്രാവലറുകൾ, 19 മിനി ബസുകൾ, 4 ഓട്ടോറിക്ഷകൾ , ഒരു ആംബുലൻസ്   എന്നിവയാണ് അതിർത്തി കടന്ന് കേരളത്തിലെത്തിയത്.

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 70 പേർക്കെതിരെ ഇന്ന് (ജൂൺ ഏഴ്) പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത പറഞ്ഞതിനു ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.

 മസ്കറ്റ്,  ബഹറിൻ എന്നിവിടങ്ങളിൽ നിന്നും കരിപ്പൂർ,  നെടുമ്പാശ്ശേരി അന്താരാഷ്ട്ര വിമാനത്താവളത്തിൽ  ഇന്നലെ (ജൂൺ 6) ജില്ലയിലെത്തിയത് 31 പാലക്കാട് സ്വദേശികൾ.  ഇവരിൽ 6 പേർ  ഇൻസ്റ്റിറ്റ്യൂഷനൽ ക്വാറന്റൈനിൽ പ്രവേശിച്ചു.  

 മസ്കറ്റിൽ  നിന്നും കരിപ്പൂർ അന്താരാഷ്ട്ര വിമാനത്താവളത്തിൽ എത്തിയ ആറ് പാലക്കാട് സ്വദേശികളും  ഇൻസ്റ്റിറ്റ്യൂഷനൽ ക്വാറന്റൈനിൽ  പ്രവേശിച്ചു. 

 ബഹറിനിൽ നിന്നും നെടുമ്പാശ്ശേരി അന്താരാഷ്ട്ര വിമാനത്താവളത്തിലെത്തിയ 25 പാലക്കാട് സ്വദേശികളും  വീടുകളിൽ നിരീക്ഷണത്തിലായി. 

ലോക്ക് ഡൗണിനെ തുടർന്ന് ഇന്ന് (ജൂൺ 7)  വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 49 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി  ആർ. മനോജ് കുമാർ അറിയിച്ചു. ഇത്രയും കേസുകളിലായി 56 പേരെ അറസ്റ്റ് ചെയ്തു. 35 വാഹനങ്ങൾ പിടിച്ചെടുത്തു.   
ലോക്ക് ഡൗൺ നിർദ്ദേശങ്ങൾ  പാലിക്കാത്തതിനെ തുടർന്നാണ് കേസ് രജിസ്റ്റർ ചെയ്തത്.

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 159 പേരാണ് ചികിത്സയിലുള്ളത്.   

ഇന്ന് (ജൂൺ 7) ജില്ലയിൽ 6 പേർക്കാണ് കോവിഡ് 19 സ്ഥിരീകരിച്ചത്. വിദേശത്തുനിന്ന് വന്ന ഒരാൾക്കും ഇതര സംസ്ഥാനങ്ങളിൽ നിന്നും എത്തിയ രണ്ടുപേർക്കും സമ്പർക്കം വഴി മൂന്നുപേർക്കുമാണ് രോഗം സ്ഥിരീകരിച്ചത്.

പരിശോധനയ്ക്കായി ഇതുവരെ 10797 സാമ്പിളുകളാണ് അയച്ചത്. സെന്റിനെന്റൽ സർവൈലൻസ് പ്രകാരം ഇതുവരെ 1574 സാമ്പിളുകളും ഓഗ്മെന്റഡ് സർവൈലൻസ് പ്രകാരം ഇതുവരെ 195 സാമ്പിളുകളാണ്  പരിശോധിച്ചത്.

24*7 കോള്‍ സെന്റര്‍ നമ്പര്‍ 0491 2505264, 2505189, 2505847

പാലക്കാട് ജില്ലയിൽ ഇന്ന്(ജൂൺ ഏഴ്)  ആറ് പേർക്ക്  കോവിഡ് 19  സ്ഥിരീകരിച്ചു.  

 ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

ദുബായ് -1
തൃത്താല സ്വദേശി (38 പുരുഷൻ)

മുംബൈ-2
തിരുമിറ്റക്കോട് സ്വദേശി (50 സ്ത്രീ),
മെയ് 25 ന് വന്ന ഷൊർണൂർ സ്വദേശി(24 പുരുഷൻ)

 കടമ്പഴിപ്പുറം ഗ്രാമ പഞ്ചായത്തിലെ പതിനഞ്ചാം വാർഡിലുൾപ്പെടുന്ന പാളമല പട്ടികവർഗ കോളനിയിലെ ഒൻപത് വീടുകളിലെ 10 പട്ടികവർഗ  വിദ്യാർത്ഥികൾക്കായി ശ്രീകൃഷ്ണപുരം ബ്ലോക്ക് പഞ്ചായത്ത് ഇടപെട്ടതിലൂടെ ടി.വി ലഭ്യമാക്കി. ബ്ലോക്ക് പഞ്ചായത്ത് നിർമ്മാണം പൂർത്തീകരിക്കുന്ന അയ്യങ്കാളി സ്മാരക സാംസ്ക്കാരിക നിലയത്തിൽ സജ്ജീകരിച്ച ടി.വിയുടെ സ്വിച്ച് ഓൺ കർമ്മം പി.ഉണ്ണി എം.എൽ.എ നിർവഹിച്ചു. കേരള എൻ.ജി.ഒ യൂണിയൻ ശ്രീകൃഷ്ണപുരം ഏരിയാ കമ്മറ്റിയാണ് ഒരു 32 ഇഞ്ച് കളർ എൽ.ഇ.ഡി ടി.വി സൗജന്യമായി നൽകിയത്.      

കോവിഡ് 19 രോഗ പ്രതിരോധത്തിന്റെ ഭാഗമായി 
ഒറ്റപ്പാലം മണ്ഡലത്തിലെ വിവിധ ആശുപത്രികളിലെ വികസനത്തിനായി  പി ഉണ്ണി എം എൽ എയുടെ ആസ്തി വികസന ഫണ്ടിൽ നിന്നും 98.57 ലക്ഷം രൂപ അനുവദിച്ചു.
കേരളം മെഡിക്കൽ സർവീസ് കോർപറേഷൻ മുഖാന്തിരം  വെന്റിലേറ്ററുകൾ , ടെസ്റ്റിംഗ് കിറ്റുകൾ , ചികിത്സ സാമഗ്രികൾ , ആശുപത്രി ഉപകരണങ്ങൾ എന്നിവ വാങ്ങുന്നതിനാണ്‌ തുക അനുവദിച്ചിട്ടുള്ളത്.

പാലക്കാട് ഡി.എം.ഒ കെ പി റീത്തയുടെ സാമ്പിൾ  പരിശോധനാഫലം നെഗറ്റീവ് ആയതായി ഡി.എം.ഒ അറിയിച്ചിട്ടുണ്ട്. ഫലം നെഗറ്റീവ് ആണെങ്കിലും നിരീക്ഷണ കാലാവധി പൂർത്തിയാകുന്നതുവരെ വീട്ടിലിരുന്ന്  ഔദ്യോഗിക കാര്യങ്ങൾ നിയന്ത്രിക്കുമെന്ന് അറിയിച്ചിട്ടുണ്ട്. കോവിഡ് 19 സ്ഥിരീകരിച്ച ചില ആരോഗ്യ പ്രവർത്തകരുമായി സമ്പർക്കമുണ്ടായതിനാലാണ്  ഡി.എം.ഒ ഹോം ക്വാറന്റൈനിൽ പ്രവേശിച്ചത്.14 ദിവസം കഴിഞ്ഞ് ജൂൺ 11 നാണ് നിരീക്ഷണ കാലാവധി  പൂർത്തിയാകുക. 12 മുതൽ നേരിട്ട് ജോലിയിൽ സജീവമാകുമെന്നും ഡി.എം.ഒ അറിയിച്ചിട്ടുണ്ട്.