ജില്ലയില്‍ 35 പേര്‍ക്ക് കൂടി ഇന്നലെ (ജൂലൈ ആറ്) കോവിഡ് 19 സ്ഥിരീകരിച്ചു. മൂന്ന് പേര്‍ക്കാണ് ഇന്നലെ സമ്പര്‍ക്കത്തിലൂടെ രോഗബാധ സ്ഥിരീകരിച്ചത്. 11 പേര്‍ ഇതര സംസ്ഥാനങ്ങളില്‍ നിന്നും 21 പേര്‍ വിവിധ വിദേശ രാജ്യങ്ങളില്‍ നിന്നും എത്തിയവരാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. ഇവരെല്ലാം മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ ചികിത്സയിലാണ്. ഇവര്‍ക്കു പുറമെ മഞ്ചേരിയില്‍ ചികിത്സയിലുള്ള രണ്ട് പാലക്കാട് സ്വദേശികള്‍ക്കും ഓരോ കണ്ണൂര്‍, പത്തനംതിട്ട സ്വദേശികള്‍ക്കും ഇന്നലെ രോഗബാധ സ്ഥിരീകരിച്ചു.

കോഴിക്കോട്-വയനാട് ദേശീയ പാത നവീകരണത്തിന് 35.41 കോടി രൂപ അനുവദിച്ചു.  ദേശീയ പാത 766ല്‍ മണ്ണില്‍ കടവ് മുതല്‍ അടിവാരം വരെയുള്ള 20 കിലോമീറ്റര്‍ ദൂരത്തിലുള്ള നവീകരണ പ്രവൃത്തിക്കാണ്  കേന്ദ്ര ഉപരിതല ഗതാഗത വകുപ്പ്  35.41 കോടി രൂപ അനുവദിച്ചത്. മണ്ണില്‍ കടവ് മുതല്‍ കൊടുവള്ളി മണ്ഡലത്തിന്റെ അതിര്‍ത്തിയായ പുല്ലാഞ്ഞിമേട് വരെയാണ് ആദ്യഘട്ടത്തില്‍ പ്രവൃത്തി ആരംഭിക്കുന്നത്.

    ജില്ലയില്‍ 2 പേര്‍ക്ക് കൂടി കോവിഡ്19 സ്ഥിരീകരിച്ചതായി ജില്ലാ കളക്ടര്‍ അറിയിച്ചു.

മൂലമറ്റത്ത് പ്രവര്‍ത്തിച്ചിരുന്ന ജില്ലാ പട്ടികജാതി വികസന ഓഫീസ് കളക്ടറേറ്റിലേക്ക് മാറ്റി. മുമ്പ് പ്ലാനിംഗ് ഓഫീസ് പ്രവര്‍ത്തിച്ചിരുന്ന കളക്ട്രേറ്റിലെ രണ്ടാം നിലയില്‍ തിങ്കളാഴ്ച(06) ഓഫീസ്  മുതല്‍ പ്രവര്‍ത്തനം ആരംഭിക്കും.

   മക്കരപ്പറമ്പ് ഗ്രാമപഞ്ചായത്ത് ഓഫീസിന് പുതിയ കെട്ടിട നിര്‍മിക്കുന്നതിനുള്ള ഭൂമിയുടെ രേഖ കൈമാറി. പഞ്ചായത്ത് ഓഫീസില്‍ പഞ്ചായത്ത് പ്രസിഡന്റ്  ഹബീബ കരുവള്ളിക്ക് രേഖ കൈമാറി ടി.എ അഹമ്മദ് കബീര്‍ എം.എല്‍.എ  നിര്‍വഹിച്ചു. കുറുവ റോഡില്‍ ചെറുപുഴക്ക് സമീപം ജലവിഭവ വകുപ്പിന് കീഴിലുള്ള ഇരുപത് സെന്റ് സ്ഥലത്താണ് പുതിയ കെട്ടിടം നിര്‍മിക്കുന്നത്. എം.എല്‍.എയുടെ ആസ്തി വികസന ഫണ്ടില്‍നിന്ന് 50 ലക്ഷം രൂപയും പഞ്ചായത്തിന്റെ തനത് ഫണ്ടായ 50 ലക്ഷം രൂപയും ഉപയോഗിച്ചാണ് കെട്ടിടം നിര്‍മിക്കുന്നത്. ടെന്‍ഡര്‍ നടപടികള്‍ പൂര്‍ത്തിയാക്കി നിര്‍മാണ പ്രവര്‍ത്തനങ്ങള്‍ ഉടന്‍ തന്നെ ആരംഭിക്കുമെന്ന് എം.എല്‍.എ അറിയിച്ചു.

   പാലക്കാട് ജില്ലയിലെ ഏത്തന്നൂര്‍ ചെറുവട്ടത്ത് ഹൗസിലെ പ്രശാന്ത് എന്നയാളെ 2019 നവംബര്‍ 12 മുതല്‍ കാണ്മാനില്ല. ചേളാരിയിലുള്ള ഐ.ഒ.സി പ്ലാന്റില്‍ ജോലി ചെയ്യുന്നതിനിടെയാണ് കാണാതായത്. കണ്ടെത്തുന്നവര്‍ തേഞ്ഞിപ്പലം പൊലീസ് സ്റ്റേഷനില്‍ വിവരം അറിയിക്കണമെന്ന് സബ് ഇന്‍സ്‌പെക്ടര്‍ അറിയിച്ചു.