പുതിയാപ്പ ഒഴികെയുള്ള ഹാർബറുകളുടെ പ്രവർത്തനം സാധാരണ നിലയിലാണെന്ന് ഫിഷറീസ് ഡപ്യൂട്ടി ഡയറക്ടർ അറിയിച്ചു. കൊയിലാണ്ടി ഹാർബർ അടച്ചിട്ടു എന്ന രീതിയിൽ ചില ചാനലുകളിലും സമൂഹ മാധ്യമങ്ങളിലും പ്രചരിക്കുന്ന വാർത്ത വ്യാജമാണെന്ന് അദ്ദേഹം പറഞ്ഞു.
കോവിഡ് രോഗി സന്ദർശിച്ചതിൻ്റെ അടിസ്ഥാനത്തിൽ പ്രതിരോധ പ്രവർത്തനങ്ങളുടെ ഭാഗമായാണ് പുതിയാപ്പ ഹാർബർ അടച്ചത്. ഇതൊഴികെ ജില്ലയിലെ മറ്റെല്ലാ ഹാർബറുകളും ലാൻഡിംഗ് സെൻ്ററുകളും തുറന്നു പ്രവർത്തിക്കുന്നുണ്ട്.    കോവിഡ് പ്രതിരോധ മാർഗ്ഗങ്ങൾ സ്വീകരിച്ചേ മത്സ്യത്തൊഴിലാളികൾ മത്സ്യബന്ധനം നടത്താവൂ എന്നും നിർദ്ദേശിച്ചു.

ഉള്ളിയേരി ഗ്രാമപഞ്ചായത്തിന്റെ നേതൃത്വത്തിൽ പഞ്ചായത്തിലെ പ്രവാസികൾക്ക് കുറഞ്ഞ ചെലവിൽ നാട്ടിലെത്താൻ സ്നേഹനാണയം പദ്ധതിയിലൂടെ ചാർട്ടേഡ് വിമാനത്തിൽ സ്നേഹയാത്രയ്ക്ക് അവസരമൊരുക്കുന്നു..

ദുബായിൽ സാമൂഹിക പ്രവർത്തകൻ ആയ റയീസ് പൊയിലുങ്കലിന്റെ സഹായത്തോടെ  ഷാർജ, റാസൽഖൈമ എന്നിവിടങ്ങളിൽ നിന്ന് കോഴിക്കോട്,  കണ്ണൂർ വിമാനത്താവളത്തിലേക്ക് നാല് വിമാനങ്ങൾ ഉള്ളിയേരിയിലെ പ്രവാസികൾക്കായി സ്നേഹയാത്ര നടത്തും.

ദുബായ്,  ബഹറിന്‍,  ഷാര്‍ജ, റാസല്‍ഖൈമ, അബുദാബി,  ദോഹ, ഖത്തര്‍, ജിദ്ദ എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂര്‍,  കണ്ണൂര്‍,   അന്താരാഷ്ട്ര വിമാനത്താവളങ്ങളിലായി  ഇന്നലെ (ജൂണ്‍ 25) ജില്ലയിലെത്തിയത് 89 പാലക്കാട് സ്വദേശികള്‍.  ഇവരില്‍ 41 പേര്‍ ഇന്‍സ്റ്റിറ്റിയൂഷനല്‍ ക്വാറന്റൈനില്‍ പ്രവേശിച്ചു.

അബുദാബി,  ബഹറിന്‍,  ദുബായ്,  ദോഹ,  ഷാര്‍ജ,  റാസല്‍ഖൈമ, ഖത്തര്‍ എന്നിവിടങ്ങളില്‍ നിന്നും കൊച്ചി അന്താരാഷ്ട്ര വിമാനത്താവളത്തില്‍ എത്തിയ 59 പേരില്‍ 26 പേര്‍  ഇന്‍സ്റ്റിറ്റിയൂഷനല്‍ ക്വാറന്റൈനില്‍ പ്രവേശിച്ചു. 33 പേര്‍ വീടുകളില്‍ നിരീക്ഷണത്തിലാണ്.

സാംസ്‌കാരിക വകുപ്പിന്റെ സോഷ്യല്‍ മീഡിയ പ്ലാറ്റ്‌ഫോമായ 'സര്‍ഗസാകല്യം' ഫേസ്ബുക്ക് പേജ് വഴി 'ഇന്ത്യയുടെ കലാ സാംസ്‌കാരിക പൈതൃകം' എന്ന വിഷയത്തില്‍ ജൂണ്‍ 15 മുതല്‍ 24 വരെ സംഘടിപ്പിച്ച ഓണ്‍ലൈന്‍ ക്വിസ് മത്സരം അവസാനിച്ചു. ഫൈനല്‍ മത്സരത്തിലെ വിജയികള്‍ക്കുള്ള സമ്മാനദാനം മന്ത്രി എ.കെ.ബാലന്‍ പിന്നീട് നിര്‍വഹിക്കും. ജൂണ്‍ 15 ന് നിയമസഭാ സ്പീക്കര്‍ പി. ശ്രീരാമകൃഷ്ണന്‍ ഓണ്‍ലൈനായി ഉദ്ഘാടനം ചെയ്ത ക്വിസ് മത്സരത്തില്‍ 10 ദിവസങ്ങളിലായി ആയിരത്തോളം മത്സരാര്‍ഥികളാണ് പങ്കെടുത്തത്.

    കോവിഡ് പ്രതിരോധപ്രവര്‍ത്തനങ്ങളില്‍ പങ്കാളികളായ പഞ്ചായത്ത് ജീവനക്കാര്‍ക്കും ജനപ്രതിനിധികള്‍ക്കും ആദരവര്‍പ്പിച്ച് 'ഒപ്പമുണ്ട് കരുതലായ്'  എന്ന വീഡിയോ ആല്‍ബം പഞ്ചായത്ത് ഡെപ്യൂട്ടി ഡയറക്ടര്‍ ത്രേസ്യാമ്മ ആന്റണി പ്രകാശനം ചെയ്തു. പഞ്ചായത്ത് ഡെപ്യൂട്ടി ഡയറക്ടര്‍ ഓഫീസാണ് ആല്‍ബം തയ്യാറാക്കിയത്. ജില്ലയിലെ പഞ്ചായത്തുകള്‍ നടപ്പാക്കിയ ബ്രേക്ക് ദി ചെയിന്‍, കമ്മ്യൂണിറ്റി കിച്ചണ്‍, സുഭിക്ഷകേരളം എന്നീ പദ്ധതികളും മറ്റ് പ്രതിരോധ പ്രവര്‍ത്തനങ്ങളും പത്രക്കുറിപ്പുകളും കോര്‍ത്തിണക്കിയാണ് വീഡിയോ തയ്യാറാക്കിയിരിക്കുന്നത്.

ജില്ലയില്‍ ഒമ്പത് പേര്‍ക്ക് ഇന്നലെ (ജൂണ്‍ 25) കോവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. അഞ്ച് പേര്‍ വിദേശത്ത് നിന്നും നാല് പേര്‍ ഇതര സംസ്ഥാനങ്ങളില്‍ നിന്നെത്തിയവരുമാണ്.

ട്രോളിംഗ് നിരോധനം: സൗജന്യറേഷന് അപേക്ഷ ക്ഷണിച്ചു

ഒലവക്കോട് - ധോണി, പാലക്കാട്- പെരിന്തല്‍മണ്ണ റോഡുകളിലെ വിവിധ ഭാഗങ്ങളില്‍ നില്‍ക്കുന്ന മരം/ മരത്തിന്റെ ശാഖകള്‍ ജൂലൈ രണ്ടിന് രാവിലെ 11.30, ഉച്ചയ്ക്ക് 12, ഒന്ന്, 2.15, 2.30 സമയങ്ങളില്‍ ലേലം ചെയ്യും. താല്‍പര്യമുള്ളവര്‍ക്ക് നിരതദ്രവ്യം കെട്ടിവെച്ച് ലേലത്തില്‍ പങ്കെടുക്കാമെന്ന് പൊതുമരാമത്ത് വകുപ്പ് നിരത്ത് വിഭാഗം അസി. എന്‍ജിനീയര്‍ അറിയിച്ചു.

ഐതീഹ്യപ്പെരുമ കൊണ്ടും പ്രകൃതി സൗന്ദര്യം കൊണ്ടും സമ്പന്നമായ  തെക്കുമ്പാട് ദ്വീപ് കേരളത്തിന്റെ ടൂറിസം ഭൂപടത്തില്‍ ഇടം നേടാന്‍ ഒരുങ്ങുന്നു. മലനാട് റിവര്‍ ക്രൂയിസ് ടൂറിസം പദ്ധതിയുടെ ഭാഗമായാണ് തെക്കുമ്പാട് ടൂറിസം പദ്ധതി നടപ്പാക്കുന്നത്.  പ്രവൃത്തി ഉദ്ഘാടനം തെക്കുമ്പാട് കൂലോം  പരിസരത്ത് ടി വി രാജേഷ് എംഎല്‍എ നിര്‍വഹിച്ചു.