ആലപ്പുഴ: നേരത്തെ പാലക്കാട്, കോട്ടയം, കാസർഗോട് എന്നിവിടങ്ങളിൽ ജില്ലാ പോലീസ് മേധാവിയായി ജോലി നോക്കിയതിന് ശേഷമാണ് ആലപ്പുഴയിലേക്ക് എത്തുന്നത്.
ആലപ്പുഴ ജില്ലയിൽ വിവിധ പോലീസ് സ്റ്റേഷനുകളിൽ സബ് ഇൻസ്‌പെക്ടർ ആയും, ഹരിപ്പാട്, ആലപ്പുഴ സൗത്ത്, കുത്തിയതോട് എന്നിവിടങ്ങളിൽ സർക്കിൾ ഇൻസ്‌പെക്ടർ ആയും ആലപ്പുഴ സ്റ്റേറ്റ് സ്പെഷ്യൽ ബ്രാഞ്ചിൽ ഡി  വൈ എസ് പി ആയും ജോലി നോക്കിയിട്ടുണ്ട്. റാന്നി സ്വദേശിയാണ്.ഭാര്യ ആശ, മക്കൾ ജയലക്ഷ്മി, കണ്ണൻ,  മരുമകൻ രാജേഷ്

ജില്ലയിൽ ഇന്ന് ഏഴ് പേർക്ക് കോവിഡ് സ്ഥിരീകരിച്ചു. മെയ് 17ന് അബുദാബി -കൊച്ചി വിമാനത്തിൽ നാട്ടിലെത്തുകയും, കോവിഡ് കെയർ സെന്ററിലെ നിരീക്ഷണം പൂർത്തിയാക്കി, വീട്ടിൽ നിരീക്ഷണത്തിലായിരുന്ന 69 വയസ്സുള്ള  മാരാരിക്കുളം സ്വദേശിയ്ക്കും അദ്ദേഹത്തിന്റെ ഭാര്യയ്ക്കും  കോവിഡ് സ്ഥിരീകരിച്ചു.

 മെയ് 26ന് പൂനയിൽ നിന്നും സ്വകാര്യ വാഹനത്തില്‍ വീട്ടിലെത്തിയ ചെങ്ങന്നൂർ സ്വദേശിനിയായ യുവതിയാണ് കോവിഡ്  സ്ഥിരീകരിച്ച മൂന്നാമത്തെയാൾ.

ആലപ്പുഴ: കോവിഡ് കെയര്‍ സെന്ററുകളിലെ ശുചീകരണം, അണുനശീകരണം എന്നിവ സംബന്ധിച്ച് ജില്ലാ കളക്ടര്‍ എ. അലക്സാണ്ടറുടെ അധ്യക്ഷതയില്‍ അവലോകന യോഗം ചേര്‍ന്നു. ജില്ലയിലെ കോവിഡ് കെയര്‍ സെന്‍ററുകളിലെ ശുചീകരണവും അണുനശീകരണവും കുറ്റമറ്റ രീതിയില്‍ നടപ്പാക്കാനായി    സന്നദ്ധപ്രവര്‍ത്തകര്‍, ഫയര്‍ഫോഴ്‌സ്, തദ്ദേശസ്വയംഭരണവകുപ്പുദ്യോഗസ്ഥര്‍ എന്നിവര്‍ക്ക് കൂടുതല്‍ പരിശീലനം നല്കും. അഗ്‌നിശമന സേന, ആരോഗ്യം, തദ്ദേശ സ്വയംഭരണം, ശുചിത്വ മിഷന്‍ എന്നീ വകുപ്പ് ഉദ്യോഗസ്ഥരുടെ യോഗത്തിലാണ് കളക്ടര്‍ നിര്‍ദ്ദേശം നല്‍കിയത്. 

ആലപ്പുഴ : ഓണ്‍ലൈന്‍ ക്ലാസ്സുകള്‍ക്കായി വീടുകളില്‍ സൗകര്യമില്ലാത്ത കുട്ടികള്‍ക്ക് തണ്ണീര്‍മുക്കം ഗ്രാമപഞ്ചായത്തിന്റെ കരുതല്‍. പ്രദേശത്തെ വായനശാലകള്‍, കമ്മ്യൂണിറ്റി ഹാളുകള്‍ എന്നിവ കേന്ദ്രീകരിച്ച് ടെലിവിഷന്‍,  ഇന്റര്‍നെറ്റ് സംവിധാനങ്ങളാണ് കുട്ടികള്‍ക്കായി പഞ്ചായത്ത് ഒരുക്കി നല്‍കുന്നത്.   ടെലിവിഷന്‍, ഇന്റര്‍നെറ്റ്,  മൊബൈല്‍ ഫോണ്‍ എന്നിവ ഇല്ലാത്ത നൂറിലധികം വിദ്യാര്‍ത്ഥികള്‍ ഉണ്ടെന്ന സ്‌കൂള്‍ അധികൃതരുടെ അറിയിപ്പിന്റെ അടിസ്ഥാനത്തിലാണ് സഹായവുമായി പഞ്ചായത്ത് രംഗത്തെത്തിയത്. 

ആലപ്പുഴ : ഓണ്‍ലൈന്‍ ക്ലാസ്സുകള്‍ക്ക്   വീടുകളില്‍ സൗകര്യങ്ങള്‍ ഇല്ലാത്ത കുട്ടികള്‍ക്ക് സഹായവുമായി ആര്യാട് ബ്ലോക്ക് പഞ്ചായത്ത്. വിക്‌ടേഴ്‌സ് ചാനല്‍ വഴി നല്കുന്ന ക്‌ളാസുകള്‍ കാണാനായുള്ള സംവിധാനം ബ്‌ളോക്ക് പഞ്ചായത്തില്‍ സജ്ജീകരിച്ചിട്ടുെണ്ടന്ന് ബ്ലോക്ക് പഞ്ചായത്ത് സെക്രട്ടറി രജിത് അറിയിച്ചു. ഓരോ ക്ലാസ്സിനും നല്‍കിയിട്ടുള്ള സമയത്തിന്റെ അടിസ്ഥാനത്തില്‍ സാമൂഹിക അകലം പാലിച്ച്  കുട്ടികള്‍ക്ക് ഇരിക്കാനുള്ള സൗകര്യം ഒരുക്കിയിട്ടുണ്ട്. വീടുകളില്‍ സൗകര്യങ്ങള്‍ ഇല്ലാത്ത കുട്ടികള്‍ക്ക് ബ്ലോക്ക് ഓഫീസിലെ സംവിധാനം ഉപയോഗിക്കാമെന്നും സെക്രട്ടറി പറഞ്ഞു.

ആലപ്പുഴ: ലോക പരിസ്ഥിതി ദിനാചരണത്തിന്റെ (ജൂണ്‍ അഞ്ച്) ഭാഗമായി കേരള സംസ്ഥാന ജൈവവൈവിധ്യ ബോര്‍ഡ് ജൂണ്‍ നാലിന് വെബിനാര്‍ സംഘടിപ്പിക്കുന്നു. ജൈവവൈവിധ്യ സംരക്ഷണത്തില്‍ തദ്ദേശ സ്വയംഭരണ സ്ഥാപനങ്ങളുടെ പങ്ക് എന്നതാണ് വിഷയം. രജിസ്റ്റര്‍ ചെയ്യുന്ന സംസ്ഥാനത്തെ ജൈവവൈവിധ്യ പരിപാലന സമിതികളിലെ ആദ്യത്തെ നൂറുപേര്‍ക്ക് പരിപാടിയില്‍ പങ്കെടുക്കാന്‍ അവസരമുണ്ടാകും.