'
മഹാകവി മോയിന്‍കുട്ടി വൈദ്യര്‍ മാപ്പിള കലാ അക്കാദമി സംഘടിപ്പിച്ച 'മാപ്പിളപ്പാട്ടും മലയാള സിനിമയും' ഓണ്‍ലൈന്‍ പ്രശ്‌നോത്തരിയില്‍ പെരിന്തല്‍മണ്ണ സ്വദേശി മുഹമ്മദ് ഷെരീഫ് കാപ്പ് ഒന്നാം സ്ഥാനം  നേടി. കെ.പി മൈമുന്നീസ, പി.സി റഷീദ്, പി.നഷ്‌വ,  ഷമീര്‍ കരിപ്പൂര്‍, ആബിദ് അരീക്കോട്,  സി.കെ ഷാജി ഇല്യാസ്, കെ. അഭിന തുടങ്ങിയവര്‍ പ്രോത്സാഹന സമ്മാനത്തിന് അര്‍ഹരായി. വിജയികള്‍ക്ക് സര്‍ട്ടിഫിക്കറ്റും അക്കാദമി പ്രസിദ്ധീകരിച്ച പുസ്തകങ്ങളും സമ്മാനമായി നല്‍കുമെന്ന് മോയിന്‍ കുട്ടി വൈദ്യര്‍ അക്കാദമി സെക്രട്ടറി  അറിയിച്ചു.
(എം.പി.എം  2075 /2020)

മലപ്പുറം കലക്ടറേറ്റില്‍ കേരളാ സാമൂഹ്യ സുരക്ഷാ മിഷന്‍ കാല് ഉപയോഗിച്ച് പ്രവര്‍ത്തിപ്പിക്കാവുന്ന സാനിറ്റൈസര്‍ മെഷീന്‍  സ്ഥാപിച്ചു. ജില്ലാ കലക്ടര്‍ കെ. ഗോപാലകൃഷ്ണന്‍് ഉദ്ഘാടനം ചെയ്തു. എ.ഡി.എം എന്‍.എം മെഹ്‌റലി, ജില്ലാ സാമൂഹ്യ നീതി ഓഫീസര്‍ കെ.കൃഷ്ണ മൂര്‍ത്തി, കെ.എസ്.എസ്.എം ജില്ലാ കോര്‍ഡിനേറ്റര്‍ സി.ടി നൗഫല്‍ തുടങ്ങിയവര്‍ ചടങ്ങില്‍ പങ്കെടുത്തു.
(എം.പി.എം  2074 /2020)
 

നിലമ്പൂര്‍ ജില്ലാ ആശുപത്രിയിലെ ഓര്‍ത്തോ വിഭാഗം സര്‍ജറികള്‍ക്ക് ആവശ്യമായ ഇംപ്ലാന്റ്‌സ് ജൂലൈ ഒന്ന് മുതല്‍ ഒരു വര്‍ഷത്തേക്ക് വിതരണം ചെയ്യാന്‍         തയ്യാറുള്ള നിര്‍മാതാക്കള്‍, മൊത്ത  വിതരണക്കാര്‍ എന്നിവരില്‍ നിന്ന് ദര്‍ഘാസ് ക്ഷണിച്ചു. ദര്‍ഘാസ് സ്വീകരിക്കുന്ന അവസാന തീയതി ജൂണ്‍ 11. ഫോണ്‍: 0493 :1220351
(എം.പി.എം  2073 /2020)
 

കാലവര്‍ഷം ശക്തിപ്പെടുന്നതിന്റെ സാഹചര്യത്തില്‍  വാഴക്കാട് ഗ്രാമപഞ്ചായത്തിലെ കവണക്കല്ല് റഗുലേറ്റര്‍ കം ബ്രിഡ്ജിന്റെ ഷട്ടറുകള്‍ ഏതു സമയത്തും തുറക്കുമെന്ന് മൈനര്‍ ഇറിഗേഷന്‍ സെക്ഷന്‍ അസിസ്റ്റന്റ് എഞ്ചിനീയര്‍ അറിയിച്ചു. പൊതുജനങ്ങളും സമീപ വാസികളും ജാഗ്രത പാലിക്കണം.
മമ്പാട് ഗ്രാമപഞ്ചായത്തില ഒടായിക്കല്‍ റഗുലേറ്ററിന്റെ ഷട്ടറുകള്‍ ഇന്ന് ( ജൂണ്‍ അഞ്ച്) മുതല്‍ ഉയര്‍ത്തുന്നതിനാല്‍ ചാലിയാറില്‍ വെള്ളം  ക്രമാധീതമായി ഉയരുവാന്‍ സാധ്യതയുണ്‍് .ചാലിയാറിന്റെ തീരങ്ങളിലുള്ളവര്‍ ജാഗ്രത പാലിക്കണമെന്ന്  എക്‌സിക്യൂട്ടീവ് എഞ്ചിനീയര്‍ അറിയിച്ചു.
(എം.പി.എം  2072 /2020)
 

സംസ്ഥാന യുവജനക്ഷേമ ബോര്‍ഡും ഹരിതകേരളം മിഷനും നേതൃത്വത്തില്‍ ജില്ലയില്‍ നടത്തിയ  'ഒരു കോടി വൃക്ഷതൈകളിലേക്ക് എന്റെ പങ്ക് ഫല വൃക്ഷത്തൈ'  മത്സരത്തില്‍ പങ്കെടുത്ത ക്ലബുകള്‍ തയ്യാറാക്കിയ വൃക്ഷത്തൈകളും ഇന്ന് (ജൂണ്‍ അഞ്ച്) നടും. ജില്ലയിലെ 86 ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബുകള്‍ തയ്യാറാക്കിയ 25,000 ഫല വൃക്ഷത്തൈകളാണ് പരിസ്ഥിതി ദിനത്തിന്റെ ഭാഗമായി നട്ടുപിടിപ്പിക്കുക.

ജില്ലാതല ഉദ്ഘാടനം മലപ്പുറം ഗവ.കോളജില്‍