കോട്ടയം ജനറല്‍ ആശുപത്രി റേഡിയോളജി വിഭാഗത്തില്‍ മാമോഗ്രാം മെഷീന്‍ സ്ഥാപിക്കുന്നതിനുള്ള  മുറി പുതുക്കി നിര്‍മ്മിച്ച് വൈദ്യുതീകരണ ജോലികള്‍ ചെയ്യുന്നതിന്  പൊതുമരാമത്ത് രജിസ്‌ട്രേഷന്‍ ഉള്ള കോണ്‍ട്രാക്ടര്‍മാരില്‍ നിന്നും ദര്‍ഘാസ്  ക്ഷണിച്ചു.  ജൂണ്‍ ഒന്‍പതിന് രാവിലെ 11 നകം ആശുപത്രി സൂപ്രണ്ടിന് നല്‍കണം. കൂടുതല്‍ വിവരങ്ങള്‍ ആശുപത്രി ഓഫീസില്‍ ലഭിക്കും.

താൽക്കാലിക നിയമനം  

നാഷണൽ ഹെൽത്ത്‌ മിഷൻ കണ്ണൂർ ഓഫീസിലേക്ക് COVID-19 ഭാഗമായി JPHN (ജൂനിയർ പബ്ലിക് ഹെൽത്ത്‌ നേഴ്സ് ) ഒഴിവിലേക്ക് താൽക്കാലിക നിയമനം നടത്തുന്നു.  അപേക്ഷകർ www.nhmkannur.in എന്ന വെബ്സൈറ്റ് വഴി അപേക്ഷ സമർപ്പിക്കാം.  അവസാന തീയതി 25/05/2020 വൈകുന്നേരം 5 മണി.  യോഗ്യത : കേരള സർക്കാർ രജിസ്ട്രേഷനോടുകൂടിയ ANM (Auxiliary  Nursing Midwifery ) കോഴ്സ്

കേരള ഖാദി ഗ്രാമ വ്യവസായ ബോര്‍ഡില്‍ രജിസ്റ്റര്‍ ചെയ്ത് ജില്ലയില്‍ പ്രവര്‍ത്തിക്കുന്ന സഹകരണ സംഘങ്ങളുടെ പുനരുദ്ധാരണത്തിന് പദ്ധതി തയ്യാറാക്കുന്ന നടപടികള്‍ തുടങ്ങി. സംഘങ്ങളുടെ പ്രവര്‍ത്തനം മെച്ചപ്പെടുത്തുന്നതിനുവേണ്ട ഫണ്ട് ലഭ്യമാക്കുന്ന പദ്ധതികളാണ് പരിഗണനയില്‍. പുനരുദ്ധാരണ സാധ്യതയുള്ള സംഘങ്ങള്‍ ജില്ലാ ഖാദി ഗ്രാമ വ്യവസായ ഓഫീസുമായി ഉടന്‍ ബന്ധപ്പെടണമെന്ന് പ്രോജക്ട് ഓഫീസര്‍ അറിയിച്ചു.ഫോണ്‍: 0481 2560586,9496174175

കൊറോണ വ്യാപനത്തിന്റെ പശ്ചാത്തലത്തില്‍ കേരളത്തിലേക്ക് മുംബൈയില്‍ നിന്നെത്തിയ ട്രെയിനില്‍ കണ്ണൂരിലിറങ്ങിയത് 152 പേര്‍. ഇവരില്‍ 56 പേര്‍ കണ്ണൂര്‍ സ്വദേശികളാണ്. കാസര്‍ക്കോട്- 72, കോഴിക്കോട്- 17, വയനാട്- 5, മലപ്പുറം- 1, തമിഴ്‌നാട് -1 എന്നിങ്ങനെയാണ് കണ്ണൂരിലിറങ്ങിയ മറ്റ് യാത്രക്കാരുടെ കണക്കുകള്‍. കണ്ണൂര്‍ ജില്ലക്കാരെ വീടുകളിലും കൊറോണ കെയര്‍ സെന്ററിലേക്കും അയച്ചു. മറ്റുള്ളവരെ പ്രത്യേകം തയ്യാറാക്കിയ കെഎസ്ആര്‍ടിസി ബസ്സുകളിലാണ് മറ്റു ജില്ലകളിലേക്ക് അയച്ചത്. രോഗ ലക്ഷണം പ്രകടമാക്കിയ ഒരാളെ ആശുപത്രിയിലേക്ക് മാറ്റിയിട്ടുണ്ട്.

സംസ്ഥാനത്ത് അതിവര്‍ഷം ഉണ്ടായേക്കുമെന്ന മുന്നറിയിപ്പിന്റെ പശ്ചാത്തലത്തില്‍  മുന്നൊരുക്കങ്ങള്‍ ഊര്‍ജ്ജിതമാക്കാന്‍ ജില്ലാതല ദുരന്ത നിവാരണ അവലോകന യോഗത്തില്‍ തീരുമാനം. കോവിഡ് 19 ന്റെ  പശ്ചാത്തലത്തില്‍ കൂടുതല്‍ ജാഗ്രതയോടെ തയ്യാറെടുപ്പുകള്‍ ശക്തമാക്കാനാണ് നിര്‍ദ്ദേശം.  മെയ് 25 നകം പഞ്ചായത്തുതല സമിതികള്‍ അടിയന്തിര യോഗം ചേരാനും  30 നുള്ളില്‍ ദുരന്ത ലഘൂകരണ പദ്ധതി രൂപീകരിക്കാനും തീരുമാനമായി.

വിമുക്തഭടന്‍മാര്‍ക്ക് എംപ്ലോയ്‌മെന്റ് രജിസ്‌ട്രേഷന്‍ പുതുക്കാം
2020 ജനുവരി മുതല്‍ എംപ്ലോയ്‌മെന്റ് രജിസ്‌ട്രേഷന്‍ പുതുക്കാത്ത വിമുക്ത ഭടന്‍മാര്‍ക്ക് ആഗസ്ത് 31 വരെ രജിസ്‌ട്രേഷന്‍ പുതുക്കാം.  പ്രസ്തുത കാലയളവില്‍ രജിസ്‌ട്രേഷന്‍ പുതുക്കാന്‍ സാധിക്കാത്ത വിമുക്ത ഭടന്‍മാര്‍ക്ക് തപാല്‍ മുഖേനയും രജിസ്‌ട്രേഷന്‍ പുതുക്കാമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു.  ഫോണ്‍: 0497 2700069.
പി എന്‍ സി/1709/2031

കോവിഡ് ലോക്ഡൗണിനെത്തുടര്‍ന്ന് കാര്‍ഷിക  ഉത്പാദനത്തിലുണ്ടായ കുറവ് പരിഹരിച്ച് സ്വയംപര്യാപ്തത കൈവരിക്കുന്നതിന് കാര്‍ഷിക വികസന -കര്‍ഷക ക്ഷേമ വകുപ്പ് നടപ്പാക്കുന്ന തരിശ് കൃഷിക്ക് ഇന്ന് (ജൂണ്‍ അഞ്ച്) തുടക്കമാകും. 1177 ഹെക്ടര്‍ തരിശ് സ്ഥലത്താണ് കൃഷിയിറക്കുന്നതിന്റെ ജില്ലാതല ഉദ്ഘാടനം കുമാരനല്ലൂര്‍ കൃഷിഭവനു സമീപം തോമസ് ചാഴികാടന്‍ എം.പി നിര്‍വ്വഹിക്കും.

കണ്ണൂര്‍ നിയോജക മണ്ഡലത്തിലെ 11 റോഡുകളുടെ
പുനരുദ്ധാരണത്തിന് 5.2 കോടിയുടെ ഭരണാനുമതി
കണ്ണൂര്‍ നിയോജക മണ്ഡലത്തിലെ 11 റോഡുകളുടെ പുനരുദ്ധാരണ പ്രവൃത്തിക്ക് മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി 5.2 കോടി രൂപ അനുവദിച്ചു. തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി മുഖാന്തരമാണ് അപേക്ഷ നല്‍കിയിരുന്നത്. കണ്ണൂര്‍ കോര്‍പ്പറേഷന്‍ പരിധിയിലും മുണ്ടേരി ഗ്രാമപഞ്ചായത്തിലും ഉള്‍പ്പെട്ട 11 റോഡുകള്‍ക്കാണ് ഭരണാനുമതിയായത്.