ബേപ്പൂര്‍ ഫിഷറീസ് ഗവണ്‍മെന്റ് റീജിയണല്‍ ടെക്‌നിക്കല്‍ ഹൈസ്‌ക്കൂള്‍ കെട്ടിടത്തിന് ഭീഷണിയായി  നില്‍ക്കുന്ന ഒരു ഞെട്ടാവല്‍ മരവും  ഒരു തെങ്ങും  ജൂലൈ മൂന്നിന്  രാവിലെ 11 മണിയ്ക്ക് ബേപ്പൂര്‍ ഫിഷറീസ് സ്റ്റേഷനില്‍ പൊതു ലേലം ചെയ്യും.  താല്‍പര്യമുള്ളവര്‍  ബേപ്പൂര്‍ ഫിഷറീസ് അസിസ്റ്റന്റ് ഡയറക്ടറുടെ ഓഫീസില്‍ ഹാജരാകണം. ഫോണ്‍ : 0495 2414074

കോവിഡ് -19 ജാഗ്രത കണക്കിലെടുത്ത് വടകര സബ് ജയില്‍ നിന്നും വടകര താലൂക്ക് സപ്ലൈ ഓഫീസിലേക്ക് കോട്ടണ്‍ മാസ്‌ക്കുകള്‍ തയ്യാറാക്കി നല്‍കി.   ജയില്‍ സൂപ്രണ്ട്  ജിജേഷ് ഇ.വി താലൂക്ക് സപ്ലൈ ഓഫീസര്‍ക്ക് മാസ്‌ക്കുകള്‍ കൈമാറി.   ഡെപ്യൂട്ടി പ്രിസണ്‍ ഓഫീസര്‍മാരായ മണി കെ.പി, ബാബു കെ.പി എന്നിവരും അസിസ്റ്റന്റ് പ്രിസണ്‍ ഓഫീസര്‍മാരായ സുബിന്‍ ലാല്‍ എ.കെ, മോഹന്‍ സി, മനു കെ എന്നിവരും പങ്കെടുത്തു.

സംസ്ഥാന സര്‍ക്കാര്‍ സ്ഥാപനമായ കേരള മീഡിയ അക്കാദമിയുടെ ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷന്‍ നടത്തുന്ന ജേര്‍ണലിസം & കമ്യൂണിക്കേഷന്‍, പബ്ലിക് റിലേഷന്‍സ് & അഡ്വര്‍ടൈസിങ്ങ്, ടിവി ജേര്‍ണലിസം എന്നീ പോസ്റ്റ് ഗ്രാഡ്വേറ്റ് ഡിപ്ലോമ കോഴ്‌സുകള്‍ക്ക് അപേക്ഷ ക്ഷണിച്ചു.

ഉദ്യോഗസ്ഥര്‍ കോവിഡ് ഡ്യൂട്ടിക്ക് നിയുക്തരായ സാഹചര്യത്തില്‍ ഇന്നും നാളെയും (ജൂണ്‍ 26, 27)  നന്മണ്ട ഗ്രാമപഞ്ചായത്തില്‍ നടത്തുവാനിരുന്ന വ്യാപാരികളുടെ പുന:പരിശോധനാ ക്യാംപ് ഇനിയൊരറിയിപ്പുണ്ടാകുന്നതു വരെ മാറ്റിവെച്ചതായി കോഴിക്കോട് സര്‍ക്കിള്‍ - 2 ലീഗല്‍ മെട്രോളജി ഇന്‍സ്‌പെക്ടര്‍ അറിയിച്ചു.  ഫോൺ:  8281698107/0495  2374203.

ശാരീരിക അകലം പാലിക്കുന്നത് ഉൾപ്പെടെയുള്ള ആരോഗ്യ സുരക്ഷാ മാനദണ്ഡങ്ങൾ കർശനമാക്കുന്നതിന് പൊലീസ് നടപടി ഊർജിതപ്പെടുത്തിയതായി മുഖ്യമന്ത്രി പിണറായി വിജയൻ പറഞ്ഞു. കടകൾ, ചന്തകൾ മുതലായ സ്ഥലങ്ങളിലും ഇത്തരം സ്ഥാപനങ്ങൾക്ക് അകത്തും ജനം കൂട്ടം കൂടുന്നത് അനുവദിക്കില്ല. സ്ഥാപനങ്ങൾ അണുവിമുക്തമാക്കണം. ഏറ്റവും കുറച്ച് ജീവനക്കാരെ മാത്രമേ നിയോഗിക്കാവൂ. നിർദ്ദേശങ്ങൾക്ക് വിരുദ്ധമായി പ്രവർത്തിക്കുന്നവരുടെ ഫോട്ടോയും മറ്റ് വിവരങ്ങളും പൊലീസ് ആസ്ഥാനത്തെ കൺട്രോൾ റൂമിന് അയച്ചു നൽകാൻ പൊതുജനങ്ങൾ തയ്യാറാകണം.

കോവിഡ് രോഗികളെ ചികിത്‌സിക്കുന്നതിന് രോഗികളുടെ എണ്ണമനുസരിച്ച് സജ്ജീകരണങ്ങൾ ഒരുക്കുന്നതിന്പ്ലാൻ എ, ബി, സി തയ്യാറാക്കിയതായി മുഖ്യമന്ത്രി പിണറായി വിജയൻ പറഞ്ഞു.

ജൂൺ 25 മുതൽ 30 വരെ കേരളത്തിലേക്ക് എത്തുന്നത് 154 വിമാനങ്ങളാണെന്ന് മുഖ്യമന്ത്രി പിണറായി വിജയൻ പറഞ്ഞു. 111 ചാർട്ടേർഡ് ഫ്‌ളൈറ്റുകളും 43 വന്ദേഭാരത് ഫ്‌ളൈറ്റുകളുമാണ് വിദേശ മന്ത്രാലയം ചാർട്ട് ചെയ്തിട്ടുള്ളത്. 26 മുതൽ ഒരു ദിവസം 40, 50 വിമാനങ്ങളാണ് പ്രതീക്ഷിക്കുന്നത്. കൊച്ചിയിലേക്കും കോഴിക്കോട്ടേക്കുമാണ് കൂടുതൽ വിമാനങ്ങൾ. എല്ലാ വിമാനത്താവളത്തിലും വിപുലമായ സജ്ജീകരണങ്ങൾ ഒരുക്കിയിട്ടുണ്ട്. കോവിഡ് പരിശോധനയ്ക്കുള്ള ആന്റിബോഡി കിറ്റ് എല്ലായിടത്തും എത്തിച്ചു. വിമാനത്താവളങ്ങളിൽ പ്രത്യേക ബൂത്തുകൾ തയ്യാറാക്കിയിട്ടുണ്ട്.  ഇതിന് ചുമതലയുള്ളവർക്ക് വ്യക്തമായ മാർഗനിർദേശവും നൽകി.