തിരുവല്ല-മല്ലപ്പള്ളി റോഡിലെ ചിലങ്ക ജംഗ്ഷനില്‍ നിന്നും റെയില്‍വേ സ്റ്റേഷന്‍ റോഡു വഴി, റ്റി കെ റോഡിലെ വൈഎംസിഎ ജംഗ്ഷനിലെത്തുന്ന  പിഡബ്ല്യൂഡി റോഡ് ബി എം ആന്‍ഡ് ബി സി ടാറിംഗ് നടത്തുന്നതിന് എംഎല്‍എയുടെ ആസ്തി വികസന ഫണ്ടില്‍ നിന്നും 90 ലക്ഷം രൂപ അനുവദിച്ച് ഭരണാനുമതിയായതായി  മാത്യു ടി. തോമസ് എംഎല്‍ എ അറിയിച്ചു. റെയില്‍വേ സ്റ്റേഷന്‍ റോഡില്‍ ബൈപ്പാസ് കടന്നു പോകുന്ന നാല്‍ക്കവലയില്‍ അപകടസാധ്യത കൂടുതലായതിനാല്‍ ഇവിടെ അമിത വേഗത നിയന്ത്രിക്കുന്നതിന് അനുവദനീയമായ വിധത്തില്‍ ഹമ്പുകള്‍ സ്ഥാപിച്ചായിരിക്കും പണികള്‍ നടത്തുക. 

ഡെങ്കിപ്പനിക്കെതിരേ ആരോഗ്യവകുപ്പിന്റെ നേതൃത്വത്തില്‍ പ്രതിരോധപ്രവര്‍ത്തനങ്ങള്‍ വ്യാപകമാക്കുന്നു. കുമ്പള ഹെല്‍ത്ത് ബ്ലോക്കില്‍ ഡെങ്കിപ്പനി പ്രതിരോധപ്രവര്‍ത്തനത്തിനായി 840 സ്‌ക്വാഡുകള്‍ രൂപീകരിച്ചു. കുമ്പള, ബദിയഡുക്ക, പുത്തിഗെ, മധൂര്‍, എന്‍മകജെ, കുമ്പഡാജെ, ബെള്ളൂര്‍ എന്നീ ഗ്രാമപഞ്ചായത്തുകളിലെ 119 വാര്‍ഡുകളിലാണ് സ്‌ക്വാഡുകള്‍ പ്രവര്‍ത്തിക്കുക. ജനപ്രതിനിധികള്‍, ആരോഗ്യപ്രവര്‍ത്തകര്‍, ആശവര്‍ക്കര്‍മാര്‍, അങ്കണവാടി, കുടുംബശ്രീ പ്രവര്‍ത്തകര്‍, യൂത്ത്കബ്ബ്, മറ്റു സന്നദ്ധ പ്രവര്‍ത്തകര്‍ ഉള്‍പ്പെട്ട 8400 ഓളം പേരാണ് സ്‌ക്വാഡില്‍ അംഗങ്ങളായിട്ടുള്ളത്.

നാല്  വര്‍ഷമോ അതില്‍ കൂടുതലോ വാഹന നികുതി അടയ്ക്കാതെ വീഴ്ച വരുത്തിയവര്‍ക്ക് ഒറ്റത്തവണ തീര്‍പ്പാക്കല്‍ പദ്ധതിയിലൂടെ കുടിശ്ശിക അടയ്ക്കാം. 2020 മാര്‍ച്ച് 31  വരെ നാല്  വര്‍ഷത്തെ നികുതി കുടിശ്ശികയുള്ളവര്‍ക്കാണ് പദ്ധതിയുടെ പ്രയോജനം ലഭിക്കുക. പദ്ധതി പ്രകാരം സ്വകാര്യവാഹനങ്ങള്‍ക്ക് നികുതിയും, അധികനികുതിയും, പലിശയും ഉള്‍പ്പെടെ തുകയുടെ 40 ശതമാനം മാത്രം അടച്ചാല്‍ മതി.  പൊതുകാര്യ വാഹനങ്ങള്‍ക്ക്  30 ശതമാനം തുകയാണ് അടയ്‌ക്കേണ്ടത്. നിയമ നടപടി ഒഴിവാക്കി രജിസ്റ്റര്‍ നമ്പര്‍ ക്യാന്‍സല്‍ ചെയ്യാം.

ഈ വര്‍ഷത്തെ എസ്.എസ്.എല്‍.സി പ്ലസ്ടു റിസള്‍ട്ട് പുറത്തു വരുമ്പോള്‍ സര്‍ക്കാറിന് മധുര സമ്മാനം നല്‍കിയിരിക്കുകയാണ് ഒരു കാസര്‍കോട്ടുകാരി. കണ്‍വല്‍ഷന്‍ ഡിസോര്‍ഡറെന്ന വില്ലനെ പൊരുതി തോല്‍പ്പിച്ച് അവള്‍ ഏഴ് എ പ്ലസുകളോടെ ഉന്നത വിജയം നേടിയിരിക്കുന്നു. ക്ലാസില്‍ നിന്ന് ഇറങ്ങി ഓടുകയും അമാനുഷിക ശക്തിയോടെ ബഞ്ചും ഡസ്‌കും തള്ളിമാറ്റുയും, ബോധക്ഷയം ഉണ്ടാകുകയും ഒക്കെ നടന്നപ്പോഴും ആ കുഞ്ഞിനെ ചേര്‍ത്തു പിടിച്ച ഓരോരുത്തര്‍ക്കും അഭിമാനിക്കാം.

ഏറത്ത് പഞ്ചായത്തിലെ ജനകീയ ഹോട്ടല്‍ പ്രവര്‍ത്തനോദ്ഘാടനം വടക്കടത്തുകാവില്‍  ചിറ്റയം ഗോപകുമാര്‍ എംഎല്‍എ നിര്‍വഹിച്ചു. സംസ്ഥാന സര്‍ക്കാര്‍ 2020-2021 ബജറ്റില്‍ പ്രഖ്യാപിച്ച വിശപ്പ് രഹിതം കേരളം പദ്ധതിയില്‍ ആയിരം ജനകീയഹോട്ടല്‍ തുടങ്ങുന്നതിന്റെ ഭാഗമായാണ് കുടുംബശ്രീയുടെ നേതൃത്വത്തില്‍ വടക്കടത്തുകാവ് ജങ്ഷനില്‍ ജനകീയ ഹോട്ടല്‍ തുടങ്ങിയത്.

ജില്ലയിലെ ആദ്യത്തെ ഓപ്പണ്‍ ജിം ചെന്നീര്‍ക്കര പഞ്ചായത്തിലാണെന്നും എല്ലാവരുടെയും ആരോഗ്യം ഉറപ്പാക്കുക എന്ന ലക്ഷ്യത്തോടെയാണ് ജിം ആരംഭിച്ചിരിക്കുന്നതെന്നും വീണാ ജോര്‍ജ് എം.എല്‍.എ പറഞ്ഞു. ചെന്നീര്‍ക്കര പഞ്ചായത്ത് സ്റ്റേഡിയത്തില്‍ ആരോഗ്യ വകുപ്പിന്റെ ഓപ്പണ്‍ ജിം ഉദ്ഘാടനം ചെയ്തു സംസാരിക്കുകയായിരുന്നു വീണാജോര്‍ജ് എംഎല്‍എ. 

കര്‍ഷകര്‍ക്ക് ആശ്വാസമായി വിള ഇന്‍ഷുറന്‍സ് പദ്ധതി വരുന്നു. അതിന്റെ ഭാഗമായി കാര്‍ഷിക വികസന കര്‍ഷക ക്ഷേമ വകുപ്പ് ജൂലൈ 1(ബുധന്‍) സംസ്ഥാന വിള ഇന്‍ഷുറന്‍സ് ദിനമായി ആചരിക്കുന്നു. ഇതിന്റെ ഭാഗമായി ജൂലൈ 15 വരെ കൃഷിഭവന്‍ തലത്തില്‍ കാമ്പയിന്‍ നടത്തും. ഈ പദ്ധതി പ്രകാരം സംസ്ഥാനത്ത് 27 വിളകള്‍ക്ക് ഇന്‍ഷുറന്‍സ് പരിരക്ഷ ലഭിക്കും.

2019-20 അധ്യയന വര്‍ഷം ട്രൈബല്‍ മേഖലയില്‍ ആരംഭിച്ച സമഗ്രശിക്ഷ പത്തനംതിട്ടയുടെ ബോയ്‌സ് റസിഡന്‍ഷ്യല്‍ ഹോസ്റ്റലില്‍ നക്ഷത്രത്തിളക്കം. 15 കുട്ടികളുമായി ആരംഭിച്ച ഹോസ്റ്റലില്‍ രണ്ടു വിദ്യാര്‍ത്ഥികളാണ് എസ്.എസ്.എല്‍.സിക്ക് ഉണ്ടായിരുന്നത്. റാന്നി ബി.ആര്‍.സിയുടെ പരിധിയില്‍ കിസുമം സ്‌കൂളില്‍ പഠിക്കുന്ന അഭിജിത്ത് എം.ടി, അശ്വിന്.പി.അനില്‍ എന്നീ കുട്ടികളാണ് ഈ വിജയം കൈവരിച്ചത്.