പത്തനംതിട്ട ജില്ലയില്‍ ഇന്ന് (30) ഒരാള്‍ക്ക് കോവിഡ്-19 സ്ഥിരീകരിച്ചു. ജൂണ്‍ 12 ന് കുവൈറ്റില്‍ നിന്നും എത്തിയ തണ്ണിത്തോട് സ്വദേശിയായ 27 വയസുകാരനാണ് ജില്ലയില്‍ ഇന്ന് (30) രോഗം സ്ഥിരീകരിച്ചത്. ജില്ലയില്‍ ഇതുവരെ ആകെ 290 പേര്‍ക്ക് രോഗം സ്ഥിരീകരിച്ചിട്ടുണ്ട്. കോവിഡ്-19 മൂലം ജില്ലയില്‍ ഇതുവരെ ഒരാള്‍ മരണമടഞ്ഞിട്ടുണ്ട്.

     കണിയാരം ആറാട്ടുത്തറ റോഡ് കിഫ്ബിയില്‍ ഉള്‍പ്പെടുത്തി നവീകരിക്കും. 20.90 കോടി രൂപ ചെലവില്‍ 10.450 കിലോമീറ്റര്‍ റോഡ് നവീകരിക്കുന്ന പ്രോജക്ടിന് കിഫ്ബി അംഗീകാരം ലഭിച്ചു. ധനകാര്യമന്ത്രിയുടെ അധ്യക്ഷതയില്‍ ചേര്‍ന്ന കിഫ്ബി എക്‌സിക്യൂട്ടീവ് കമ്മിറ്റി യോഗത്തിലാണ് പദ്ധതിക്ക് അനുമതി ലഭിച്ചത്. 

കുടുംബശ്രീ ദേശീയ നഗര ഉപജീവനമിഷന്റെ സാമൂഹ്യ സംഘടന പദ്ധതി പ്രവര്‍ത്തനങ്ങള്‍ സമൂഹത്തിന്റെ അടിസ്ഥാനതലംവരെ എത്തിക്കുന്നതിന് തിരുവല്ല നഗരസഭയില്‍ കമ്മ്യൂണിറ്റി ഓര്‍ഗനൈസറായി പ്രവര്‍ത്തിക്കുവാന്‍ താത്പര്യമുള്ളവരില്‍ നിന്നും അപേക്ഷ ക്ഷണിച്ചു. 

  അമ്പലവയല്‍ ഗ്രാമപഞ്ചായത്ത് മുഖേന സാമൂഹ്യസുരക്ഷാ പെന്‍ഷന്‍ ലഭിച്ചുകൊണ്ടിരിക്കുന്ന ഗുണഭോക്താക്കളില്‍ മസ്റ്ററിംഗ് ചെയ്യാത്തവര്‍ ജൂലൈ 15 നകം അക്ഷയസെന്ററുകള്‍ മുഖേന മസ്റ്ററിംഗ് ചെയ്യണം.

എസ്.എസ്.എല്‍.സി പരീക്ഷാഫലം  വന്നപ്പോള്‍ പത്തനംതിട്ട ജില്ല ഇത്തവണയും ഒന്നാം സ്ഥാനം നിലനിര്‍ത്തി. കഴിഞ്ഞ വര്‍ഷം നേടിയ വിജയ ശതമാനത്തേക്കാള്‍ വര്‍ധനയും ഈ വര്‍ഷം ഉണ്ട്. 99.34 ശതമാനമെന്നത് ഈ വര്‍ഷം 99.71 ശതമാനമായി ഉയര്‍ന്നു. 

ഈ വര്‍ഷം 10417 വിദ്യാര്‍ഥികളാണു ജില്ലയില്‍ പരീക്ഷ എഴുതിയത്. ഇതില്‍ 10387 വിദ്യാര്‍ഥികളും വിജയിച്ചു. കഴിഞ്ഞ വര്‍ഷം 10852 കുട്ടികള്‍ പരീക്ഷ എഴുതിയതില്‍ 10780 പേരാണു വിജയിച്ചത്. കഴിഞ്ഞ വര്‍ഷം ഉന്നത പഠനത്തിന് അര്‍ഹത നേടാന്‍ കഴിയാത്ത കുട്ടികളുടെ എണ്ണം 72 ആയിരുന്നത് ഈ വര്‍ഷം 30 ആയി കുറയ്ക്കാനും കഴിഞ്ഞു. 

കോവിഡ്-19 വാര്‍ത്തകള്‍ റിപ്പോര്‍ട്ട് ചെയ്യുമ്പോള്‍ മാധ്യമങ്ങള്‍ അതിവൈകാരികത ഒഴിവാക്കണമെന്ന് പ്രമുഖ കാന്‍സര്‍ ചികിത്സാ വിദഗ്ദ്ധനും ഇന്റര്‍നാഷണല്‍ നെറ്റ്‌വര്‍ക്ക് ഫോര്‍ കാന്‍സര്‍ ട്രീറ്റ്‌മെന്റ് ആന്‍ഡ് റിസര്‍ച്ച് പ്രസിഡന്റുമായ ഡോ. എം.വി.പിള്ള അഭിപ്രായപ്പെട്ടു. ആരോഗ്യ-പ്രതിരോധ റിപ്പോര്‍ട്ടിംഗില്‍ ആരോഗ്യശാസ്ത്രത്തെപ്പറ്റി സവിശേഷ അറിവ് സമ്പാദിക്കുന്നത് നന്നാകും.