കേരള കള്ള് വ്യവസായ ക്ഷേമനിധി പെൻഷൻ മസ്റ്ററിംഗ് ജൂലൈ 15 വരെ നടത്തുമെന്ന് വെൽഫെയർ ഫണ്ട് ഇൻസ്പെക്ടർ അറിയിച്ചു. പെൻഷൻ വാങ്ങുന്നവരിൽ ഇതുവരെ മസ്റ്ററിംഗ് നടത്താത്തവർ അക്ഷയ കേന്ദ്രങ്ങളിൽ നേരിട്ട് ഹാജരായി മസ്റ്ററിംഗ് നടത്തണം. ഫോൺ: 0487 2364900.

കോഴിക്കോട് - ജില്ലയില്‍ ഇന്ന് (29.06.2020) ഒമ്പതു കോവിഡ്  കേസ് കൂടി റിപ്പോര്‍ട്ട് ചെയ്തതായി  ജില്ലാ  മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു.  എട്ടു പേര്‍ക്ക് രോഗമുക്തിയുണ്ടാവുകയും ചെയ്തു.

1 ഏറാമല  സ്വദേശി (39) ജൂണ്‍19 ന് ബഹ്‌റൈനില്‍  നിന്നും  വിമാനമാര്‍ഗ്ഗം കോഴിക്കോടെത്തി. ടാക്‌സിയില്‍ വീട്ടിലെത്തി നിരീക്ഷണത്തിലായിരുന്നു. ജൂണ്‍ 27 ന് രോഗലക്ഷണങ്ങളെ തുടര്‍ന്ന് ആംബുലന്‍സില്‍ വടകര ജില്ലാ ആശുപത്രിയിലെത്തി സ്രവ പരിശോധന നടത്തി. പോസിറ്റീവ് ആയതിനെ തുടര്‍ന്ന് ചികിത്സക്കായി എഫ്.എല്‍.ടി.സിയിലേക്ക് മാറ്റി. 

      തരിശുനിലങ്ങില്‍ പൊന്നുവിളയിക്കാന്‍ പദ്ധതികളൊരുക്കി മാനന്തവാടി നഗരസഭ. സംസ്ഥാന സര്‍ക്കാരിന്റെ സുഭിക്ഷ കേരളം പദ്ധതിയുടെ ഭാഗമായാണ് വിവിധ പദ്ധതികള്‍ നഗരസഭ ആവിഷ്‌ക്കരിക്കുന്നത്. ആദ്യഘട്ടത്തില്‍ നെല്ല് കൃഷി പ്രോത്സാഹനത്തിനായി തരിശിലൊരു നെല്‍പാടം പദ്ധതിയില്‍ നഗരസഭ പരിധിയിലെ നൂറ് ഏക്കറിലധികം തരിശുനിലങ്ങളിലാണ് നെല്‍കൃഷി ആരംഭിക്കുക. നെല്‍ക്കൃഷിക്ക് മുന്‍കൈയെടുക്കുന്ന കര്‍ഷകര്‍ക്ക് ഹെക്ടറിന് 40000 രൂപ സുഭിക്ഷ കേരളം പദ്ധതിയില്‍ ധനസഹായം നല്‍കും.

കോവിഡ് 19 പശ്ചാത്തലത്തിൽ ഔഷധസസ്യവൃക്ഷലതാദികളുടെ പ്രാധാന്യം പൊതുജനങ്ങളെ മനസ്സിലാക്കുന്നതിന്റെ ഭാഗമായി പുത്തൂർ സുവോളജിക്കൽ പാർക്കിൽ സംഘടിപ്പിക്കുന്ന വനമഹോത്സവം- 2020 ന്റെ ഭാഗമായി വൃക്ഷവത്കരണം, ലാൻഡ്‌സ്‌കേപ്പിങ്ങ്, അതിജീവനവന നിർമ്മാണം എന്നിവയുടെ ഉദ്ഘാടനം ജൂലൈ രണ്ടിന് രാവിലെ 10 മണിക്ക് വനം, മൃഗസംരക്ഷണ, മൃഗശാല വകുപ്പ് മന്ത്രി അഡ്വ കെ രാജു നിർവഹിക്കും. ഗവൺമെന്റ് ചീഫ് വിപ്പും ഒല്ലൂർ എംഎൽഎയുമായ അഡ്വ കെ രാജൻ അധ്യക്ഷത വഹിക്കും. സുവോളജിക്കൽ പാർക്കിനെ 9 വ്യത്യസ്ത മേഖലകളായി തിരിച്ച് വൈവിധ്യങ്ങളായ 10 ലക്ഷത്തിലേറെ തൈകൾ വച്ചുപിടിപ്പിക്കുകയാണ് ലക്ഷ്യം.

എസ് എസ് എൽ സി പരീക്ഷയിൽ ജില്ലയ്ക്ക് 98.93 ശതമാനം വിജയം. ജില്ലയിലെ 155 സ്‌കൂളുകൾ നൂറുമേനി വിജയം നേടി.

മത്സ്യത്തൊഴിലാളി ക്ഷേമനിധിബോര്‍ഡ് മുഖേന പെന്‍ഷന്‍ ലഭിച്ചുകൊണ്ടിരിക്കുന്ന മത്സ്യത്തൊഴിലാളി, അനുബന്ധത്തൊഴിലാളി വിധവ പെന്‍ഷണര്‍മാരില്‍ ഇനിയും മസ്റ്റര്‍ ചെയ്യാത്തവരുണ്ടെങ്കില്‍ ആധാര്‍ കോപ്പി, മത്സ്യത്തൊഴിലാളി പെന്‍ഷന്‍ ബുക്ക് എന്നിവ സഹിതം ജൂലൈ 15 നകം അക്ഷയകേന്ദ്രം മുഖേന മസ്റ്റര്‍ ചെയ്യണമെന്ന് കോഴിക്കോട് മത്സ്യബോര്‍ഡ് മേഖല എക്സിക്യൂട്ടീവ് അറിയിച്ചു.