ആറന്മുള നിയോജക മണ്ഡലത്തിലെ മൂന്ന് വില്ലേജ് ഓഫീസുകള്‍ സ്മാര്‍ട്ട് വില്ലേജ് ഓഫീസുകളായി മാറ്റുന്നതിന് ഭരണാനുമതി ലഭിച്ചതായി വീണാ ജോര്‍ജ് എംഎല്‍എ അറിയിച്ചു. മണ്ഡലത്തിലെ ആറന്മുള, ചെന്നീര്‍ക്കര, കുളനട വില്ലേജ് ഓഫീസുകളാണ് സ്മാര്‍ട്ട് വില്ലേജ് ഓഫീസുകളായി മാറുന്നത്. റീബില്‍ഡ് കേരള ഇനിഷ്യേറ്റീവില്‍ ഉള്‍പ്പെടുത്തി റവന്യു വകുപ്പില്‍ നിന്നാണ് ഭരണാനുമതി ലഭിച്ചത്. ഓരോ വില്ലേജ് ഓഫീസിനെയും സ്മാര്‍ട്ട് വില്ലേജ് ഓഫീസാക്കി മാറ്റുന്നതിന് 44 ലക്ഷം രൂപയാണ് അനുവദിച്ചിരിക്കുന്നത്.

പത്തനംതിട്ട ജില്ലയില്‍ ഇന്ന് (2) 27 പേര്‍ക്ക് കോവിഡ്-19 സ്ഥിരീകരിച്ചു. 1) ജൂണ്‍ 12 ന് കുവൈറ്റില്‍ നിന്നും എത്തിയ കടമ്പനാട് സ്വദേശിയായ 53 വയസുകാരന്‍. 2)ജൂണ്‍ 24 ന് ബഹ്‌റനില്‍ നിന്നും എത്തിയ പത്തനംതിട്ട മുനിസിപ്പാലിറ്റി സ്വദേശിയായ 30 വയസുകാരന്‍.
3)ജൂണ്‍ 18 ന് ദുബായില്‍ നിന്നും എത്തിയ ഇളമണ്ണൂര്‍ സ്വദേശിയായ 38 വയസുകാരന്‍.
4)ജൂണ്‍ 18 ന് കുവൈറ്റില്‍ നിന്നും എത്തിയ പന്തളം സ്വദേശിയായ 31 വയസുകാരന്‍.
5) ജൂണ്‍ 19 ന് ദുബായില്‍ നിന്നും എത്തിയ കോട്ടാങ്ങല്‍ സ്വദേശിയായ 29 വയസുകാരന്‍.
6)ജൂണ്‍ 18 ന് ഡല്‍ഹിയില്‍ നിന്നും എത്തിയ പളളിക്കല്‍ സ്വദേശിനിയായ 47 വയസുകാരി.

കട്ടിപ്പാറ ഗ്രാമപഞ്ചായത്ത് കുടുംബാരോഗ്യ കേന്ദ്രത്തില്‍ സായാഹ്ന ഒ.പി. ആരംഭിച്ചു.
രാവിലെ ഒമ്പത് മണി മുതല്‍ വൈകുന്നേരം ആറു മണി വരെ ഒ.പി പ്രവര്‍ത്തിക്കും. കുടുംബാരോഗ്യ കേന്ദ്രമായി മാറിയതോടെയാണ് വെട്ടിഒഴിഞ്ഞതോട്ടത്തില്‍ പ്രവര്‍ത്തിക്കുന്ന പ്രാഥമികാരോഗ്യ കേന്ദ്രത്തില്‍ ഒ.പി. സമയം ആറു മണി വരെ ദീര്‍ഘിപ്പിച്ചത്. കാരാട്ട് റസാഖ് എംഎല്‍എ ഉദ്ഘാടനം ചെയ്തു.

കൊടുവള്ളി നഗരസഭ കുടുംബശ്രീ സിഡിഎസിലെ പട്ടിക വര്‍ഗ അയല്‍ക്കൂട്ടങ്ങളുടെ സംഘകൃഷി
അസി. കലക്ടര്‍ ശ്രീധന്യ സുരേഷ് സന്ദര്‍ശിച്ചു. വാരിക്കുഴിത്താഴം എഡിഎസിന് കീഴിലെ അഞ്ച്എസ് ടി അയല്‍ക്കൂട്ടങ്ങളിലെ അംഗങ്ങള്‍ ചേര്‍ന്ന് നടത്തുന്ന സംഘകൃഷിയും പട്ടിക വര്‍ഗ സംരംഭക തൊഴില്‍ യൂണിറ്റുകളുമാണ് അസി. കലക്ടര്‍ സന്ദര്‍ശിച്ചത്. എല്ലാ അയല്‍ക്കൂട്ട  അംഗങ്ങള്‍ക്കും വരുമാനം വര്‍ധിപ്പിക്കുന്ന വിധം സംഘകൃഷിയും സംരംഭങ്ങളും വികസിപ്പിക്കണമെന്ന് അസി. കലക്ടര്‍ നിര്‍ദ്ദേശിച്ചു.

ഇന്ന് പുതുതായി വന്ന 979 പേര്‍ ഉള്‍പ്പെടെ ജില്ലയില്‍ 18,937 പേര്‍ നിരീക്ഷണത്തിലുണ്ട്്. ജില്ലയില്‍ ഇതുവരെ 49,373 പേര്‍ നിരീക്ഷണം പൂര്‍ത്തിയാക്കി.  ഇന്ന് പുതുതായി വന്നവരില്‍ 59 പേര്‍ ഉള്‍പ്പെടെ 200 പേരാണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 136 പേര്‍ മെഡിക്കല്‍ കോളേജിലും 64 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ്ഹൗസിലുമാണ്. 34 പേര്‍ ഇന്ന് ഡിസ്ചാര്‍ജ്ജ് ആയി. 

കോഴിക്കോട് - ജില്ലയില്‍ ഇന്ന് ഏഴു  കോവിഡ് പോസിറ്റീവ്  കൂടി റിപ്പോര്‍ട്ട് ചെയ്തതായി  ജില്ലാ  മെഡിക്കല്‍ ഓഫീസര്‍ ഡോ.ജയശ്രീ വി. അറിയിച്ചു. 

പോസിറ്റീവായവര്‍

കിഫ്ബിയില്‍ ഉള്‍പ്പെടുത്തി 52.20 കോടി രൂപയുടെ ഭരണാനുമതി ലഭ്യമാക്കിയ മാവൂര്‍ - എന്‍.ഐ.ടി - കൊടുവള്ളി റോഡിന്‍റെ പ്രവൃത്തികള്‍ ആരംഭിക്കാൻ  നടപടിയായി. ചാത്തമംഗലം ഗ്രാമപഞ്ചായത്ത് ഹാളില്‍ കുന്ദമംഗലം, കൊടുവള്ളി എം.എല്‍.എമാരുടെ സാന്നിദ്ധ്യത്തില്‍ ചേര്‍ന്ന ജനപ്രതിനിധികളുടേയും ഉദ്യോഗസ്ഥരുടേയും യോഗത്തിലാണ് ഇതുസംബന്ധിച്ച തീരുമാനമുണ്ടായത്.

മാവൂര്‍, ചാത്തമംഗലം ഗ്രാമപഞ്ചായത്തുകളിലും കൊടുവള്ളി നഗരസഭയിലും ഉള്‍പ്പെട്ട പ്രദേശങ്ങളിലൂടെ കടന്നുപോവുന്ന  റോഡിന് 13 കി.മീ നീളമാണുള്ളത്. 10 മീറ്റർ വീതിയിലാണ് റോഡിന്‍റെ പ്രവൃത്തി നടത്തുന്നത്.

അസൗകര്യങ്ങൾ നിറഞ്ഞ് വീർപ്പുമുട്ടിയ കുന്ദമംഗലം ഐ.സി.ഡി.എസ്. ഓഫീസിന് മോചനം. മിനി സിവിൽ സ്റ്റേഷനിൽ പുതുതായി അനുവദിച്ച സ്ഥലത്തേക്ക് മാറ്റിയ ഐ.സി.ഡി.എസ് ഓഫീസ് പി.ടി.എ റഹീം എം.എൽ.എ ഉദ്ഘാടനം ചെയ്തു.

കുന്ദമംഗലം ബ്ലോക്ക് പരിധിയിലുള്ള കുന്ദമംഗലം, ചാത്തമംഗലം, പെരുവയൽ, പെരുമണ്ണ, കുരുവട്ടൂർ  പഞ്ചായത്തുകളിലെ 184 അങ്കണവാടികളാണ്  കുന്ദമംഗലം ഐ.സി.ഡി.എസ് ഓഫീസിന് കീഴിലുള്ളത്.
ഓഫീസ് മേധാവിയായ സി.ഡി.പി.ഒ ഉൾപ്പെടെ ഈ ഓഫീസിൽ ഏഴ് സൂപ്പർവൈസർമാരും  ഏഴ് സ്കൂൾ കൗൺസിലർമാരും  അഞ്ച് ഓഫീസ് ജീവനക്കാരുമാണുള്ളത്.

വോട്ടര്‍ പട്ടികയിലെ പരാതികള്‍ പരിഹരിക്കുന്നതിനും പോളിങ് സ്റ്റേഷനുകള്‍ പുനക്രമീകരിക്കുന്നതും ചര്‍ച്ച ചെയ്യുന്നതിനും രാഷ്ട്രീയ പാര്‍ട്ടി പ്രതിനിധികളുടെ യോഗം  ചേര്‍ന്നു.കളക്ടറേറ്റില്‍ നടന്ന യോഗത്തില്‍  ജില്ലാകളക്ടര്‍ ഡോ ഡി സജിത് ബാബു അധ്യക്ഷ വഹിച്ചു. മരിച്ചവരും വാര്‍ഡില്‍ താമസമില്ലാത്തവരും പട്ടികയില്‍ ഉള്‍പ്പെട്ടതായും വോട്ടരുടെ പേര് വ്യത്യസ്ത ബൂത്തുകളില്‍ ഉള്‍പ്പെട്ടതായുമുള്ള പരാതികള്‍ പരിഗണിക്കുന്നതിന് എല്ലാ പഞ്ചായത്തുകളിലും രാഷ്ട്രീയ കക്ഷി പ്രതിനിധികളുടെ യോഗം വിളിച്ചു ചേര്‍ക്കും.

കോവിഡ് 19 സമ്പര്‍ക്കത്തിലൂടെ വ്യാപിക്കാതിരിക്കാന്‍  അധ്യാപകരുടെ  നേതൃത്വത്തില്‍ ബോധവത്കരണം നടത്തുന്ന കാസര്‍കോട് ജില്ലാ ഭരണകൂടം നടപ്പാക്കുന്ന 'മാഷ് പദ്ധതിക്ക് മുഖ്യമന്ത്രി പിണറായി വിജയന്‍ അഭിനന്ദനമറിയിച്ചു. കാസര്‍കോട് മാതൃകയില്‍ മറ്റ് ജില്ലകളിലേക്കും മാഷ് പദ്ധതി വ്യാപിപ്പിക്കുമെന്ന് മുഖ്യമന്ത്രി പറഞ്ഞു. ജില്ലാ കളക്ടര്‍ ഡോ. ഡി സജിത് ബാബുവിന്റെ നിര്‍ദ്ദേശപ്രകാരം  വിദ്യാഭ്യാസ ഉപഡയറക്ടര്‍ കെവി പുഷ്പയുടെ മേല്‍നോട്ടത്തിലാണ് അധ്യാപകര്‍ ഈ പ്രവര്‍ത്തനങ്ങളില്‍ പങ്കാളികളാകുന്നത്. ജില്ലയിലെ മുഴുവന്‍ വാര്‍ഡുകളിലും അധ്യാപകരുടെ സാന്നിധ്യം ഉറപ്പാക്കി രോഗവ്യാപനം തടയുകയാണ്  മാഷിന്റെ ലക്ഷ്യം.