ജില്ലാ പോലീസ് കംപ്ലയിന്റ് അതോറിറ്റി സിറ്റിംഗ് നവംബര്‍ 23ന് രാവിലെ 11ന് കളക്‌ട്രേറ്റ് മിനി കോണ്‍ഫറന്‍സ് ഹാളില്‍ നടത്തും.

                പൊതുവിദ്യാഭ്യാസ സംരക്ഷണ യജ്ഞവുമായി ബന്ധപ്പെട്ട അദ്ധ്യാപക പരിശീലനം നവംബര്‍ 18ന് രാവിലെ 9.30 മുതല്‍ ബത്തേരി ഡയറ്റില്‍ നടക്കും.   എല്ലാ പ്രധാനാധ്യാപകരും ഹയര്‍ സെക്കന്ററി പ്രിന്‍സിപ്പാള്‍മാരും പങ്കെടുക്കണമെന്ന് ജില്ലാ വിദ്യാഭ്യാസ ഓഫീസര്‍ അറിയിച്ചു.

                ജില്ലാ വികസന സമിതി യോഗം നവംബര്‍ 25ന് രാവിലെ 11ന് ആസൂത്രണ ഭവനിലെ എ.പി.ജെ. ഹാളില്‍ ചേരും.

                മാനന്തവാടി ഗവണ്‍മെന്റ് കോളേജില്‍ ഇക്കണോമിക്‌സ് വിഭാഗത്തില്‍ പാര്‍ട് ടൈം ഗസ്റ്റ് ലക്ചര്‍ നിയമനത്തിനായുള്ള അഭിമുഖം നവംബര്‍ 22ന് രാവിലെ 11ന് കോളേജ് ഓഫീസില്‍ നടത്തും.  കോഴിക്കോട് ഡെപ്യൂട്ടി ഡയറക്ടറുടെ ഓഫീസ് ഗസ്റ്റ് ലക്ചറര്‍മാരുടെ പാനലില്‍ ഉള്‍പ്പെട്ട അര്‍ഹരായവര്‍ യോഗ്യത സര്‍ട്ടിഫിക്കറ്റുമായി ഹാജരാകണം. ഫോണ്‍ 04935 240351.

    ഫിഷറീസ് വകുപ്പ് മുഖേന താനൂര്‍ ഗവ.റീജണല്‍ ഫിഷറീസ് ടെക്‌നിക്കല്‍ ഹൈസ്‌ക്കൂള്‍, ഗണപ്രഭ എ.എം.യു.പി സ്‌കൂള്‍ തേവര്‍ കടപ്പുറം സ്ഥാപനങ്ങളില്‍ ഫുട്‌ബോള്‍ ടീം രൂപീകരിച്ച് വിദ്യാര്‍ത്ഥികള്‍ക്ക് കോച്ചിംഗ് നല്‍കുന്നതിന് ഫുട്‌ബോള്‍ കോച്ചിനെ നിയമിക്കുന്നതിന് അപേക്ഷ ക്ഷണിക്കുന്നു. ഫുട്‌ബോള്‍ ഇനത്തില്‍ സംസ്ഥാന തലത്തില്‍ സീനിയര്‍ വിഭാഗത്തില്‍ കഴിവ് തെളിയിച്ച വ്യക്തിയായിരിക്കണം. അല്ലാത്ത പക്ഷം സ്‌പോര്‍ട്‌സ് കൗണ്‍സിലിന്റെ അംഗീകാരമുളള കോച്ചായിരിക്കണം. കൂടികാഴ്ച നവംബര്‍ 17ന് രാവിലെ 11 ന് പൊന്നാനി ജില്ലാ ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തില്‍ നടത്തും.ഫോണ്‍ 0494-2666428.

    2018 ജനുവരി ഒന്നിന് 18 വയസ്സ് പൂര്‍ത്തിയാക്കുന്നവരെ വോട്ടര്‍ പട്ടികയില്‍ ഉള്‍പ്പെടുത്തുന്നതിന്റെ ഭാഗമായി നവംബര്‍ 11, 26 തിയ്യതികളില്‍ ബി.എല്‍.ഒ മാര്‍ അതത് ബൂത്തുകളില്‍ ക്യാമ്പ് ചെയ്യും.

    സംസ്ഥാന വ്യവസായ വാണിജ്യ വകുപ്പിന്റെ കീഴില്‍ മഞ്ചേരി, പയ്യനാടുളള കോമണ്‍ ഫെസിലിറ്റി സര്‍വ്വീസ് സെന്ററില്‍ റബ്ബര്‍ പാലില്‍ നിന്നും ഡ്രൈ റബ്ബറില്‍ നിന്നും ഉല്‍പന്നങ്ങള്‍ നിര്‍മ്മിച്ച് റബ്ബറധിഷ്ഠിത വ്യവസായങ്ങള്‍ ആരംഭിക്കാന്‍ താല്‍പര്യമുളളവര്‍ക്ക്  നവംബര്‍ 16 മുതല്‍ 18 വരെ പ്രായോഗിക പരിശീലന നല്‍കുന്നു. താല്‍പര്യമുളളവര്‍  നവംബര്‍ 14 നകം പേര് രജിസ്റ്റര്‍ ചെയ്യണം.  വിവരങ്ങള്‍ക്ക്  അസിസ്റ്റന്റ് ഡയറക്ടര്‍, കോമണ്‍ ഫെസിലിറ്റി സര്‍വ്വീസ് സെന്റര്‍,     പയ്യനാട് (പി.ഒ), മഞ്ചേരി, മലപ്പുറം. പിന്‍ 676122. വിലാസത്തില്‍ ബന്ധപ്പെടണം.  ഫോണ്‍ :0483 2768507.

മലപ്പുറം ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റില്‍ പ്രൊട്ടക്ഷന്‍ ഓഫീസര്‍ നോണ്‍ ഇന്‍സ്റ്റിറ്റിയൂഷണല്‍ കെയര്‍,  സോഷ്യല്‍ വര്‍ക്കര്‍ തസ്ത്ഥികകളിലേക്ക് ഒരു വര്‍ഷത്തെ കരാര്‍ വ്യവസ്ഥയില്‍  അപേക്ഷകള്‍ ക്ഷണിച്ചു.  സോഷ്യല്‍ വര്‍ക്കിലുള്ള ബിരുദാനന്തര ബിരുദം, കുട്ടികളുടെ അവകാശവുമായി ബന്ധപ്പെട്ട പ്രവര്‍ത്തി പരിചയം എന്നിവയാണ്  പ്രൊട്ടക്ഷന്‍ ഓഫീസര്‍ നോണ്‍ ഇന്‍സ്റ്റിസ്റ്റ്യൂഷണല്‍ കെയറിനുള്ള യോഗ്യത. വേതനം പ്രതിമാസം 27825 രൂപ. പ്രായം 2017 ജനുവരി ഒന്നിന് 35 വയസ്സ് കവിയാന്‍ പാടില്ല.