ആലപ്പുഴ: സ്റ്റാറ്റിക് സർവൈലൻസ് ടീം, ഫ്‌ളൈയിംങ് സ്‌ക്വാഡ് തുടങ്ങിയ തിരഞ്ഞെടുപ്പ് പരിശോധന സംഘത്തിന്റെ പരിശോധനയുടെ വീഡിയോറെക്കോർഡ് / ഡി.വി.ഡി ഏതൊരാൾക്കും 300 രൂപ നല്കിയാൽ ബന്ധപ്പെട്ട വരണാധികാരിയിൽ നിന്നും ലഭിക്കും.

(പി.എൻ.എ 970/ 2018)

ആലപ്പുഴ: ഫ്‌ളൈയിങ് സ്‌ക്വാഡ്, സ്റ്റാറ്റിക് സർവൈലൻസ് ടീം എന്നിവയെക്കുറിച്ച് പൊതുജനങ്ങൾക്ക് ആവലാതിയുണ്ടെങ്കിൽ പരാതി പരിഹാരത്തിനായി് കളക്ട്രേറ്റിലെ ഫിനാൻസ് ഓഫീസർ പി. രജികുമാറിനെ സമീപിക്കാവുന്നതാണെന്ന് ജില്ല തിരഞ്ഞെടുപ്പ് ഓഫീസറായ ജില്ല കളക്ടർ അറിയിച്ചു. ഫോൺ: 8547610052.

(പി.എൻ.എ 969/ 2018)

പാലക്കാട് അട്ടപ്പാടിയില്‍ പട്ടികവര്‍ഗ വിദ്യാര്‍ത്ഥികള്‍ക്ക് സൈനിക് സ്‌കൂള്‍/നവോദയ വിദ്യാലയം എന്നിവിടങ്ങളില്‍ പ്രവേശനത്തിന് താമസ സൗകര്യങ്ങളോടെ പരിശീലനം നല്‍കുന്നതിന് ഈ മേഖലയില്‍ അഞ്ച് വര്‍ഷം മുന്‍പരിചയം ഉളള സ്ഥാപനങ്ങളില്‍ നിന്നും പ്രൊപ്പോസല്‍ ക്ഷണിച്ചു.  പ്രൊപ്പോസലുകള്‍ മെയ് 13 ഉച്ചയ്ക്ക് രണ്ട് വരെ സ്വീകരിക്കും.  അന്നേ ദിവസം മൂന്നു മണിക്ക് പ്രൊപ്പോസലുകള്‍ പരിഗണിക്കും.  പ്രീബിഡ് മീറ്റിംഗ് മെയ് 14ന് പട്ടികവര്‍ഗ വികസന വകുപ്പ് ഡയറക്ടറേറ്റില്‍ നടക്കും.  കൂടുതല്‍ വിവരങ്ങള്‍ വികാസ് ഭവനില്‍ പ്രവര്‍ത്തിക്കുന്ന പട്ടികവര്‍ഗ വികസന വകുപ്പ് ഡയറക്ടറുടെ ഓഫീസില്‍ ലഭിക്കും  ഫോണ്‍: 0471 2303229, 2304594.

സംസ്ഥാനത്തിന്റെ പൊതുവായ അഭിവൃദ്ധിക്കും വ്യാവസായിക നന്മയ്ക്കും തൊഴില്‍മേഖല ശക്തിപ്പെടുത്തുന്നതിനുമായി തൊഴിലാളി സമൂഹം സര്‍ക്കാരുമായി ഒന്നിച്ചു നീങ്ങണമെന്ന് മുഖ്യമന്ത്രി പിണറായി വിജയന്‍ പറഞ്ഞു. സര്‍ക്കാരിന്റെ രണ്ടാം വാര്‍ഷികാഘോഷത്തിന്റെ ഭാഗമായി സംസ്ഥാനത്തെ തൊഴിലാളി യൂണിയനുകളുടെ പ്രതിനിധികളുമായി ആശയവിനിമയം നടത്താന്‍ വിളിച്ചുചേര്‍ത്ത യോഗത്തില്‍ സംസാരിക്കുകയായിരുന്നു അദ്ദേഹം.

കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സുനിത വിമല്‍ മേയ് 26 ന് പീരുമേടും 22 ന് പുനലൂരിലും മറ്റു പ്രവൃത്തി ദിനങ്ങളില്‍ ആസ്ഥാനത്തും തൊഴില്‍തര്‍ക്ക കേസുകളും എംപ്ലോയീസ് ഇന്‍ഷുറന്‍സ് കേസുകളും, എംപ്ലോയീസ് കോമ്പന്‍സേഷന്‍ കേസുകളും വിചാരണ ചെയ്യും.
പി.എന്‍.എക്‌സ്.1728/18

ഈ മാസം 26, 27 തിയതികളില്‍ നടക്കുന്ന കേരള ജുഡീഷ്യല്‍ സര്‍വീസ് (മെയിന്‍) പരീക്ഷയുടെ അഡ്മിഷന്‍ ടിക്കറ്റുകള്‍ www.hckrecruitment.nic.in ല്‍ നിന്ന് ഡൗണ്‍ലോഡ് ചെയ്യാം.
പി.എന്‍.എക്‌സ്.1727/18

തിരുവനന്തപുരം കോളേജ് ഓഫ് ഫൈന്‍ ആര്‍ട്‌സില്‍ പെയിന്റിംഗ്, ഗ്രാഫിക്‌സ് പ്രിന്റ് മേക്കിംഗ് (പെയിന്റിംഗ്), ഹിസ്റ്ററി ഓഫ് ആര്‍ട്ട് ആന്റ് ഏസ്‌ത്തെറ്റിക്‌സ് എന്നീ വിഭാഗങ്ങളിലേക്ക് താത്കാലിക/ദിവസവേതനാടിസ്ഥാനത്തില്‍ ഗസ്റ്റ് അധ്യാപകരെ തിരഞ്ഞെടുക്കുന്നു. മേയ് 17ന് രാവിലെ 10.30നാണ് കോളേജില്‍ കൂടിക്കാഴ്ച നടത്തുന്നത്.

  കിഫ്ബിയില്‍ നിന്നുള്ള സാമ്പത്തികസഹായത്തോടെ അഴീക്കല്‍ തുറമുഖം വികസിപ്പിക്കുന്നതിനുള്ള ടെക്‌നിക്കല്‍ കണ്‍സള്‍ട്ടന്‍സി കരാറില്‍ ഒപ്പുവെച്ചു. രണ്ടുഘട്ടമായി വികസിപ്പിക്കുന്ന പദ്ധതിയുടെ പ്രാരംഭഘട്ടത്തിന് വേണ്ടി 500 കോടി രൂപയാണ് കിഫ്ബിയില്‍ നിന്ന് അനുവദിച്ചിരിക്കുന്നത്.

    സര്‍ക്കാര്‍ ജീവനക്കാരുടെ കാര്യക്ഷമത വര്‍ദ്ധിപ്പിക്കുന്നത് സംബന്ധിച്ച വിഷയം ചര്‍ച്ച ചെയ്യുന്നതിന് മുഖ്യമന്ത്രി പിണറായി വിജയന്റെ അദ്ധ്യക്ഷതയില്‍ സര്‍ക്കാര്‍ സര്‍വ്വീസ് സംഘടനാ പ്രതിനിധികളുടെ യോഗം മെയ് 17 ന് രാവിലെ 10.30 ന് തൈക്കാട് ഗവണ്‍മെന്റ് ഗസ്റ്റ് ഹൗസില്‍ ചേരും. 
പി.എന്‍.എക്‌സ്.1724/18

    കേരള കളള് വ്യവസായ തൊഴിലാളി ക്ഷേമനിധി ബോര്‍ഡിലെ പെന്‍ഷന്‍ വാങ്ങിക്കൊണ്ടിരിക്കെ മരണമടയുന്ന തൊഴിലാളികളുടെ ഭാര്യ/ഭര്‍ത്താവിന് കുടുംബ പെന്‍ഷനും, സര്‍വീസിലിരിക്കെ മരണമടയുന്ന തൊഴിലാളികളുടെ വിധവകള്‍ക്ക്/മക്കള്‍ക്ക് സാന്ത്വന പദ്ധതി പ്രകാരം ആനുകൂല്യവും അനുവദിക്കുന്നതിന് അവകാശികള്‍ അപേക്ഷ സമര്‍പ്പിക്കണം.  കൂടുതല്‍ വിവരങ്ങള്‍ക്ക് തിരുവനന്തപുരം ജില്ലാ ഓഫീസില്‍ രജിസ്റ്റര്‍ ചെയ്ത തൊഴിലാളികള്‍ തിരുവനന്തപുരം വെല്‍ഫയര്‍ ഫണ്ട് ഇന്‍സ്‌പെക്ടര്‍ ഓഫീസുമായി ബന്ധപ്പെടണം.  ഫോണ്‍: 0471 2448451.
പി.എന്‍.എക്‌സ്.1723/18