വിഴിഞ്ഞം തുറമുഖ കരാര്‍ സംബന്ധിച്ച അന്വേഷണം നടത്തുന്ന ജസ്റ്റിസ് സി.എന്‍. രാമചന്ദ്രന്‍ നായര്‍ കമ്മീഷന്‍ മെയ് 15ന് രാവിലെ 10.30 മുതല്‍ തിരുവനന്തപുരം തൈക്കാട് ഗസ്റ്റ് ഹൗസില്‍ സിറ്റിംഗ് നടത്തും.
പി.എന്‍.എക്‌സ്.1720/18
 

    ഉപയോഗ ശൂന്യമായ എല്‍.ഇ.ഡി ബള്‍ബുകളുടെ കേടുപാടുകള്‍ തീര്‍ത്ത് പുനര്‍ ജന്മമേകാന്‍ വി.എച്ച്.എസ്.ഇ എന്‍.എസ്.എസ് വാളണ്ടിയര്‍മാര്‍. സംസ്ഥാനത്തെ പതിനാല് ജില്ലകളിലെയും വിദ്യാലയങ്ങളിലെ 308 നാഷണല്‍ സര്‍വീസ് സ്‌കീം യൂണിറ്റുകളിലെ വാളണ്ടിയര്‍മാരാണ് ഇന്ന് (മെയ് 10) ആരംഭിക്കുന്ന അവധിക്കാല ക്യാമ്പുകളിലൂടെ 300 ഗ്രാമ ങ്ങളിലെ  വീടുകളിലെ ഉപയോഗ ശൂന്യമായ എല്‍.ഇ.ഡി ബള്‍ബുകള്‍ കണ്ടെത്തി നന്നാക്കി നല്‍കുന്നത്.

    ജവഹര്‍ ബാലഭവനില്‍ 2018 ജൂണ്‍ മുതല്‍ ഫെബ്രുവരി വരെ നടത്തുന്ന റഗുലര്‍ ക്ലാസുകളുടെ വിവിധ ബാച്ചുകളിലേക്കുള്ള പ്രവേശനം ആരംഭിച്ചു.  ശാസ്ത്രീയ സംഗീതം, ലളിതഗാനം, ഭരതനാട്യം, മോഹിനിയാട്ടം, സിനിമാറ്റിക് ഡാന്‍സ്, നാടോടിനൃത്തം, വീണ, ഗിത്താര്‍, കളരിപ്പയറ്റ്, കീബോര്‍ഡ്, വയലിന്‍, മൃദംഗം, തബല, ഹാര്‍മോണിയം ചിത്രരചന - പെയിന്റിംഗ്, കളിമണ്‍ ശില്പ നിര്‍മ്മാണം, ക്രാഫ്റ്റ്, നാടകം, മലയാള ഭാഷാ പരിചയം ഇലക്‌ട്രോണിക്‌സ്, എയ്‌റോ മോഡലിംഗ്, യോഗ, എംബ്രോയിഡറി, റോളര്‍ സ്‌കേറ്റിംഗ്, സ്‌പോക്കണ്‍ ഇംഗ്ലീഷ്, കളരിപ്പയറ്റ് മുതലായ 25 വിഷയങ്ങളിലാണ് പ്രവേശനം.  ഫോണ്‍ 2316477.
പി.എന്‍.എക്‌സ്.1718/18
 

    പശ്ചാത്തലസൗകര്യം ഒരുക്കി സംരംഭകര്‍ക്കും വ്യവസായികള്‍ക്കും അവസരം വര്‍ധിപ്പിക്കുകയാണ് സര്‍ക്കാര്‍ നയമെന്ന് വ്യവസായമന്ത്രി എ.സി. മൊയ്തീന്‍ പറഞ്ഞു. കേരളത്തിലെ വ്യവസായ അന്തരീക്ഷം സമൃദ്ധമാക്കുന്നത് സംബന്ധിച്ച് കെ.എഫ്.സി കോണ്‍ക്ലേവിനോടനുബന്ധിച്ച് നടന്ന ചര്‍ച്ചയില്‍ മുഖ്യാതിഥിയായി സംസാരിക്കുകയായിരുന്നു അദ്ദേഹം.

* കേരള ഫിനാന്‍ഷ്യല്‍ കോര്‍പറേഷന്‍ കോണ്‍ക്ലേവ് സംഘടിപ്പിച്ചു
    കേരള ഫിനാന്‍ഷ്യല്‍ കോര്‍പറേഷനില്‍ മികച്ച വായ്പാനിര്‍ദേശങ്ങള്‍ കണ്ടെത്താനായി കേന്ദ്രീകൃത അപ്രൈസല്‍ സംവിധാനം നിലവില്‍ വരുമെന്ന് മുഖ്യമന്ത്രി പിണറായി വിജയന്‍ അറിയിച്ചു. ഇതിനായി തുടക്കത്തില്‍ കോഴിക്കോട്, എറണാകുളം, കൊല്ലം കേന്ദ്രങ്ങളായി മൂന്നു അപ്രൈസല്‍ ഹബ്ബുകള്‍ രൂപീകരിക്കും. കേരള ഫിനാന്‍ഷ്യല്‍ കോര്‍പ്പറേഷന്‍ സംഘടിപ്പിച്ച ദ്വിദിന കോണ്‍ക്ലേവ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

* കര്‍ഷക സംഘടനാ പ്രതിനിധികളുമായി ചര്‍ച്ച നടത്തി
    കാര്‍ഷിക രംഗത്ത് സമഗ്ര വികസനം സാധ്യമാകണമെന്നും നാടിന്റെ വികസനത്തിന് കാര്‍ഷിക രംഗത്തിന്റെ വികസനം പ്രധാനപ്പെട്ടതാണെന്നും മുഖ്യമന്ത്രി പിണറായി വിജയന്‍ പറഞ്ഞു. മന്ത്രിസഭയുടെ രണ്ടാം വാര്‍ഷികത്തോടനുബന്ധിച്ച് കര്‍ഷക സംഘടനാ പ്രതിനിധികളുമായി തൈക്കാട് ഗസ്റ്റ് ഹൗസില്‍ കൂടിക്കാഴ്ച നടത്തുകയായിരുന്നു അദ്ദേഹം.

*ഒഎന്‍വിയുടെ ജനനദിവസം പിതാവെഴുതിയ ഡയറിക്കുറിപ്പ് കൈമാറി
     സ്വകാര്യ വ്യക്തികളുടെയും സ്ഥാപനങ്ങളുടെയും കൈവശമുള്ള ചരിത്ര രേഖകള്‍സമാഹരിക്കുന്നതിന് സംസ്ഥാന സാക്ഷരതാ മിഷനും ആര്‍ക്കൈവ്‌സ് വകുപ്പും സംയുക്തമായി സംഘടിപ്പിക്കുന്ന ചരിത്ര രേഖാ സര്‍വേക്ക് തുടക്കമായി. തിരുവനന്തപുരത്ത് മഹാകവി ഒ.എന്‍.വി കുറുപ്പിന്റെ വസതിയില്‍ അദ്ദേഹത്തിന്റെ സഹധര്‍മിണി സരോജിനിയില്‍ നിന്ന്  വിദ്യാഭ്യാസമന്ത്രിയും പുരാരേഖാ പുരാവസ്തു വകുപ്പ് മന്ത്രിയും ചേര്‍ന്ന് ചരിത്ര രേഖകള്‍ സ്വീകരിച്ച് സര്‍വേ ഉദ്ഘാടനം ചെയ്തു.

കൊച്ചി: എല്ലാവര്‍ക്കും പാര്‍പ്പിടം എന്ന ലക്ഷ്യത്തിനായുള്ള സംസ്ഥാന സര്‍ക്കാരിന്റെ ലൈഫ് മിഷന്‍ പദ്ധതിക്ക് കീഴില്‍ മുളന്തുരുത്തി ഗ്രാമപഞ്ചായത്തില്‍ 27 ഗുണഭോക്താക്കള്‍ക്കായുള്ള 11.60 ലക്ഷം രൂപ ധനസഹായത്തിന്റെ ആദ്യ ഗഡു വിതരണം ചെയ്തു.

2017-18 സാമ്പത്തിക വര്‍ഷം പഞ്ചായത്തില്‍ ലൈഫ് പദ്ധതിയില്‍ ഉള്‍പ്പെട്ട  അപേക്ഷകരില്‍ നാല് പേര്‍ക്ക് സന്നദ്ധ സംഘടനകളുടെയും വ്യക്തികളുടെയും സഹായത്തോടെ ഭവന നിര്‍മ്മാണം പൂര്‍ത്തിയായിരുന്നു.