ആലപ്പുഴ: നിയമസഭ ഉപതിരഞ്ഞെടുപ്പുമായി ബന്ധപ്പെട്ട് ജില്ലയിലെ രാഷ്ട്രീയ പാർട്ടികളും സ്ഥാനാർഥികളും മൊബൈൽ ഫോണുകളിൽ എസ്.എം.എസ്., റെക്കോഡ് ചെയ്ത ശബ്ദസന്ദേശം വഴി നടത്തുന്ന പ്രചരണത്തിന് മുൻകൂർ അനുമതി വാങ്ങണമെന്ന് ജില്ല തിരഞ്ഞെടുപ്പ് ഓഫീസറായ ജില്ല കളക്ടർ ടി.വി. അനുപമ അറിയിച്ചു. 

ആലപ്പുഴ: പത്രിക സമർപ്പണ വേളയിൽ വരണാധികാരിയുടെ മുറിയിൽ സ്ഥാനാർഥിയോടൊപ്പം നാലുപേർക്കു മാത്രമാണ് പ്രവേശം അനുവദിക്കൂ. വരണാധികാരി,സഹവരണാധികാരി  ഓഫീസിനു 100 മീറ്റർ ചുറ്റളവിൽ സ്ഥാനാർഥിയുടേതായി മൂന്നു വാഹനങ്ങൾ മാത്രമേ ഉപയോഗിക്കാൻ പാടുള്ളു. ഈ പരിധിക്കുള്ളിൽ പ്രകടനങ്ങൾ അനുവദനീയമല്ല. ഒരു സ്ഥാനാർഥിക്കു നാലു സെറ്റ് പത്രിക വരെ സമർപ്പിക്കാം.

ആലപ്പുഴ: ചെങ്ങന്നൂർ നിയമസഭ മണ്ഡലത്തിൽ നിന്നുള്ള ഉപതിരഞ്ഞെടുപ്പിനുള്ള വിജ്ഞാപനം ഇന്ന് പുറപ്പെടുവിക്കും. രാവിലെ വരണാധികാരിയായ ചെങ്ങന്നൂർ റവന്യൂ ഡിവിഷണൽ ഓഫീസിൽ വിജ്ഞാപനം പതിക്കുന്നതോടെ തിരഞ്ഞെടുപ്പ് പ്രക്രിയ്ക്കു തുടക്കമാകും. രാവിലെ 11 മുതൽ വൈകീട്ടു മൂന്നു വരെയാണ് പത്രികസമർപ്പണത്തിനുള്ള സമയം. മെയ് 10 വരെ നാമനിർദ്ദേശ പത്രികകൾ സമർപ്പിക്കാം. നാമനിർദ്ദേശപത്രികകളുടെ സൂക്ഷ്മ പരിശോധന മെയ് 11ന് വരണാധികാരിയുടെ കാര്യാലയത്തിൽ നടത്തും. 14ന് വൈകീട്ട് മൂന്നുവരെ നാമനിർദ്ദേശ പത്രികകൾ പിൻവലിക്കാം. മെയ് 28നാണ് തിരഞ്ഞെടുപ്പ്. 31ന് വോട്ടെണ്ണൽ നടത്തും.

ചെങ്ങന്നൂർ ഉപതിരഞ്ഞെടുപ്പിൽ ഉപയോഗിക്കുന്നതിന് ആവശ്യമായ 500 ബാലറ്റ് യൂണികൾ സജ്ജമായി.  400 കൺട്രോൾ യൂണിറ്റും 712 വിവിപാറ്റ് മെഷീനുകളും പരിശോധന പൂർത്തിയാക്കിയ ശേഷം പൂർണ സജ്ജമാക്കിയതായി  ജില്ലാകളക്ടർ ടി.വി .അനുപമ പറഞ്ഞു.  ചെങ്ങന്നൂരിൽ ആവശ്യമായ വിവിപാറ്റ് മെഷീനുകൾ കൂടാതെ  30 ശതമാനം കരുതൽ യന്ത്രങ്ങളും അധികമായി സൂക്ഷിച്ചിട്ടുണ്ട്. കളക്‌ട്രേറ്റിൽ നിന്നുള്ള  വി.വി.പാറ്റ് മെഷീനുകളുടെ  വിതരണം മെയ്20ന് ശേഷം  നടക്കുമെന്ന്  കളക്ടർ അറിയിച്ചു.

(പി.എൻ.എ 955/ 2018)

 2019 നടക്കാനിരിക്കുന്ന ലോക്‌സഭ തിരഞ്ഞെടുപ്പിന് ആവശ്യമായ ഇലക്ട്രോണിക് വോട്ടിങ് മെഷീനുകൾ  ജില്ലയിലെത്തി.  ഇലക്ട്രോണിക് കോർപ്പറേഷൻ ഇന്ത്യ ലിമിറ്റഡ് ഹൈദരാബാദിൽ നിന്നാണ് യന്ത്രങ്ങൾ  കളക്ടറേറ്റിലെത്തിച്ചത്.  അഞ്ചു വലിയ ട്രക്കുകളിലായാണ് മെഷീനുകൾ എത്തിച്ചത്.  സ്‌പെഷ്യൽ തഹസിൽദാർ ഒ.ജെ.ബേബി  മെഷീനുകൾ കൊണ്ടുവന്ന വാഹനത്തോടൊപ്പം ഉണ്ടായിരുന്നു. മുമ്പ് മെഷീനുകൾ എത്തിച്ചിരുന്നത് ഇരുമ്പ് പെട്ടിക്കുള്ളിൽ ആയിരുന്നു.

ചെങ്ങന്നൂർ ഉപതെരഞ്ഞെടുപ്പിൽ എസ്. യു. സി. ഐ സ്ഥാനാർത്ഥിയായി  മധു ചെങ്ങന്നൂർ വരണാധികാരിയായ ചെങ്ങന്നൂർ ആർ.ഡി.ഒ മുമ്പാകെ ശനിയാഴ്ച ഉച്ചക്ക് ഒരു മണിക്ക് നാമനിർദ്ദേശ പത്രിക നൽകി. പുലിയൂർ ഗ്രാമപഞ്ചായത്തിലെ നൂററവൻപാറ തടത്തിൽ പരേതരായ കുഞ്ഞുകുഞ്ഞ് -തങ്കമ്മ ദമ്പതികളുടെ മകനാണ് മധു. 

(പി.എൻ.എ 953/ 2018)

ആലപ്പുഴ: ചെങ്ങന്നൂർ ഉപതിരഞ്ഞെടുപ്പുമായി ബന്ധപ്പെട്ട ഉദ്യോഗസ്ഥർക്ക് വിവിധ തലങ്ങളിൽ ഇന്ന് മുതൽ പരിശീലനം നൽകാൻ തുടങ്ങും.സെക്ടറൽ ഓഫീസർ, അസിസ്റ്റന്റ് തുടങ്ങിയവർക്കുള്ള പരിശീലനം ഇന്ന് (മെയ് എട്ടിന്) നടത്തും. ഇവരുടെ രണ്ടാംഘട്ട പരിശീലനം 22നാണ്. പോളിങ് ഉദ്യോഗസ്ഥർക്ക് മൂന്നു ഘട്ടമായാണ് പരിശീലനം നൽകുന്നത്. ആദ്യ ഘട്ട പരിശീലനം ഈ മാസം 14,15 തീയതികളിലാണ്. രണ്ടാംഘട്ട പരിശീലനം 21, 22 തീയതികളിലും നടത്തും. മൂന്നാംഘട്ടമായ സംശയനിവാരണ ക്ലാസ് മെയ് 27നും നടത്തും.

ആലപ്പുഴ: ചെങ്ങന്നൂർ ഉപതിരഞ്ഞെടുപ്പുമായി ബന്ധപ്പെട്ട ഉദ്യോഗസ്ഥർക്ക് വിവിധ തലങ്ങളിൽ ഇന്ന് മുതൽ പരിശീലനം നൽകാൻ തുടങ്ങും.സെക്ടറൽ ഓഫീസർ, അസിസ്റ്റന്റ് തുടങ്ങിയവർക്കുള്ള പരിശീലനം ഇന്ന് (മെയ് എട്ടിന്) നടത്തും. ഇവരുടെ രണ്ടാംഘട്ട പരിശീലനം 22നാണ്. പോളിങ് ഉദ്യോഗസ്ഥർക്ക് മൂന്നു ഘട്ടമായാണ് പരിശീലനം നൽകുന്നത്. ആദ്യ ഘട്ട പരിശീലനം ഈ മാസം 14,15 തീയതികളിലാണ്. രണ്ടാംഘട്ട പരിശീലനം 21, 22 തീയതികളിലും നടത്തും. മൂന്നാംഘട്ടമായ സംശയനിവാരണ ക്ലാസ് മെയ് 27നും നടത്തും.

ആലപ്പുഴ: ചെങ്ങന്നൂർ ഉപതിരഞ്ഞെടുപ്പിൽ 17 പോളിങ് ബൂത്തുകൾക്ക് സഹായ ബൂത്തുകളുണ്ടാകും. തിരഞ്ഞെടുപ്പ് കമ്മിഷന്റെ മാനദണ്ഡമനുസരിച്ച് 1400 വോട്ടർമാരിൽ കൂടുതലുള്ള പോളിങ് ബൂത്തുകൾക്കാണ് സഹായക ബൂത്തുകൾ സ്ഥാപിക്കുക. മണ്ഡലത്തിൽ ഇത്തരത്തിൽ 17 ബൂത്തുകളാണുള്ളത്. 1402 മുതൽ 1514 വരെ വോട്ടർമാരുള്ളതാണ് ഈ ബൂത്തുകൾ. കാരക്കാട് ഗവ. എൽ.പി.എസിലെ 73-ാം ബൂത്തിൽ 1402 വോട്ടർമാരാണുള്ളത്. കുട്ടമ്പേരൂർ യു.പി.സ്‌കൂളിലെ 17-ാം നമ്പർ ബൂത്തിൽ 1514 വോട്ടർമാരുമുണ്ട്.