കോഴിക്കോട് ഗവ. ലോ കോളേജില്‍ 2018-19 അധ്യയനവര്‍ഷത്തില്‍ ഇംഗ്ലീഷ്, നിയമം, മാനേജ്‌മെന്റ് എന്നീ വിഷയങ്ങളില്‍ ഗസ്റ്റ് ലക്ചററായി സേവനം ചെയ്യാന്‍ ആഗ്രഹിക്കുന്ന കോഴിക്കോട് കോളേജ് വിദ്യാഭ്യാസ ഡെപ്യൂട്ടി ഡയറക്ടറേറ്റില്‍ പേര് രജിസ്റ്റര്‍ ചെയ്ത ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു.  ബന്ധപ്പെട്ട വിഷയത്തില്‍ 55 ശതമാനത്തില്‍ കുറയാത്ത മാര്‍ക്കോടെ ബിരുദാനന്തര ബിരുദവും നെറ്റുമാണ് യോഗ്യത.  നെറ്റ് യോഗ്യതയുള്ളവരുടെ അഭാവത്തില്‍ മറ്റുള്ളവരെയും പരിഗണിക്കും. 

  സ്റ്റേറ്റ് സിവില്‍ സര്‍വീസ് അക്കാദമിയുടെ, പൊന്നാനി കേന്ദ്രത്തില്‍ യു.പി.എസ്.സി 2019 ല്‍ നടത്തുന്ന സിവില്‍ സര്‍വീസ് പരീക്ഷാ പരിശീലനത്തിന് അപേക്ഷ ക്ഷണിച്ചു.  www.ccek.org ല്‍ മേയ് അഞ്ച് മുതല്‍ 26 വൈകിട്ട് അഞ്ച് വരെ ഓണ്‍ലൈനായി അപേക്ഷ സമര്‍പ്പിക്കാം.  പ്രവേശനപരീക്ഷ മേയ് 27 ന് സിവില്‍ സര്‍വീസ് അക്കാദമിയുടെ പൊന്നാനി ഈശ്വരമംഗലത്തുള്ള കേന്ദ്രത്തില്‍ നടക്കും.  ജൂണ്‍ 11 ന് ക്ലാസുകള്‍ ആരംഭിക്കും. 

തൃശൂര്‍ ആസ്ഥാനമായി പുതുതായി പ്രവര്‍ത്തനമാരംഭിച്ച സ്‌പെഷ്യല്‍ അഡീഷണല്‍ ചീഫ് ജുഡീഷ്യല്‍ മജിസ്‌ട്രേറ്റ് കോടതിയില്‍ കരാര്‍ അടിസ്ഥാനത്തില്‍ 179 ദിവസത്തേക്ക് നിയമനത്തിന് അപേക്ഷ ക്ഷണിച്ചു. എല്‍.ഡി. ക്ലര്‍ക്ക് (രണ്ട് ഒഴിവ്) 19, 950 രൂപ പ്രതിമാസ വേതനം.  എസ്.എസ്.എല്‍.സിയാണ് യോഗ്യത. എല്‍.ഡി. ടൈപ്പിസ്റ്റ് (ഒഴിവ് ഒന്ന്). 19,950 രൂപയാണ് വേതനം. എസ്.എസ്.എല്‍.സിയോ ടൈപ്പ്‌റൈറ്റിംഗ് (ലോവര്‍) ഇംഗ്ലീഷും മലയാളവും (കെ.ജി.റ്റി.ഇ) യോഗ്യത. പ്യൂണ്‍/ഓഫീസ് അസിസ്റ്റന്റ് (മൂന്ന് ഒഴിവ്) 17,325 രൂപ വേതനം. മലയാളം എഴുതാനും വായിക്കാനും അറിയണം.

മഹാത്മ ഗാന്ധിയുടെ രക്തസാക്ഷിത്വത്തിന്റെ എഴുപതാം വാര്‍ഷികം ആചരിക്കുന്നതിന്റെ ഭാഗമായി രൂപീകരിച്ച സംസ്ഥാനല കോര്‍ കമ്മിറ്റിയില്‍ യുവജനക്ഷേമ  ബോര്‍ഡിനെയും ഉള്‍പ്പെടുത്തി ഉത്തരവായി.
പി.എന്‍.എക്‌സ്.1687/18

കൊല്ലം ജില്ലയില്‍ വിവിധ വകുപ്പുകളില്‍ ലാസ്റ്റ് ഗ്രേഡ് സര്‍വന്റ്‌സ് (കാറ്റഗറി നം 71/17) തസ്തികയുടെ തെരഞ്ഞെടുപ്പിനായി  2018 മേയ് രണ്ടിന് പ്രസിദ്ധീകരിച്ച സാധ്യതാ പട്ടികയില്‍ ഉള്‍പ്പെട്ട ഉദ്യോഗര്‍ത്ഥികളുടെ ഒറ്റത്തവണ വെരിഫിക്കെഷന്‍ മെയ് ഒമ്പത് മുതല്‍ 28 വരെയുളള തീയതികളില്‍ കൊല്ലം, ആണ്ടാമുക്കത്തുളള പബ്ലിക് സര്‍വീസ് കമ്മീഷന്‍ കൊല്ലം ജില്ലാ ഓഫീസില്‍ നടത്തും.  ഉദ്യോര്‍ത്ഥികള്‍ തങ്ങളുടെ ജനന തീയതി, യോഗ്യത, ജാതി എന്നിവ തെളിയിക്കുന്ന പ്രമാണങ്ങളും അപേക്ഷ സമര്‍പ്പിക്കുന്ന അവസാന തീയതിക്കോ (2016 ജൂണ്‍ 21) അതിനു മുമ്പോ ബിരുദം നേടിയിട്ടില്ലെന്ന സത്യവാങ്മൂലവും (Format Website ല്‍ ലഭ്യമാണ്) പ്രൊഫൈലില്‍ അപ് ല

  ഒമ്പത് ജില്ലകളിലെ 19 തദ്ദേശ സ്വയംഭരണ വാര്‍ഡുകളില്‍ മേയ് 31ന് ഉപതെരഞ്ഞെടുപ്പ് നടത്താന്‍ സംസ്ഥാന തെരഞ്ഞെടുപ്പു കമ്മീഷന്‍  വിജ്ഞാപനം പുറപ്പെടുവിച്ചു.   തിരുവനന്തപുരം, പത്തനംതിട്ട, എറണാകുളം, മലപ്പുറം, കോഴിക്കോട്, കണ്ണൂര്‍ ജില്ലകളിലെ 11 ഗ്രാമപഞ്ചായത്ത് വാര്‍ഡുകളിലും  കൊല്ലം, പാലക്കാട് ജില്ലകളിലെ ഓരോ ബ്ലോക്ക് പഞ്ചായത്ത് വാര്‍ഡുകളിലും കൊല്ലം കോര്‍പ്പറേഷനിലെ ഒരു വാര്‍ഡിലും ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂര്‍  ജില്ലകളിലെ ഒരോ  നഗരസഭ വാര്‍ഡുകളിലുമാണ് ഉപതെരഞ്ഞെടുപ്പ്.

 നിയമസഭാ സമ്മേളന നടപടികള്‍ റിപ്പോര്‍ട്ട് ചെയ്യുന്നതിനായി പത്ര-ദൃശ്യ-ശ്രവ്യ മാധ്യമങ്ങള്‍ക്ക് നിയമസഭാ സെക്രട്ടേറിയറ്റില്‍ നിന്നും 2017-18 കാലയളവിലേയ്ക്ക് അനുവദിച്ചിരിക്കുന്ന സ്ഥിരം പാസ്സുകളുടെ കാലാവധി മേയ് 31 ന് അവസാനിക്കും.  പാസ്സ് പുതുക്കി ലഭിക്കാന്‍  ആഗ്രഹിക്കുന്ന മാധ്യമങ്ങള്‍ക്ക് തങ്ങളുടെ അപേക്ഷ, നിശ്ചിത ഫോറത്തില്‍ രണ്ട് പാസ്‌പോര്‍ട്ട് സൈസ് കളര്‍ഫോട്ടോ സഹിതം മേയ് 25 വരെ സെക്രട്ടറി, നിയമസഭാ സെക്രട്ടേറിയറ്റ്, വികാസ്ഭവന്‍ പി.ഒ., തിരുവനന്തപുരം - 695033 എന്ന വിലാസത്തിലോ, പ്രസ് റിലേഷന്‍സ് വിഭാഗത്തില്‍ നേരിട്ടോ നല്‍കാം.

തിരുവനന്തപുരം വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളേജിലെ സിവില്‍ എഞ്ചിനീയറിംഗ് വിഭാഗത്തില്‍ ഒഴിവുള്ള ഒരു ലക്ചറര്‍ തസ്തികയില്‍ താത്കാലിക ഒഴിവിലേക്കുള്ള അഭിമുഖം മേയ് പത്ത് രാവിലെ 10 ന് കോളേജില്‍ നടത്തും. ബന്ധപ്പെട്ട വിഷയത്തില്‍ ഒന്നാംക്ലാസ് ബി.ടെക് വിജയിച്ച ഉദ്യോഗാര്‍ത്ഥികള്‍ അസല്‍ സര്‍ട്ടിഫിക്കറ്റുമായി നേരിട്ട് ഹാജരാകണം.  വിശദവിവരങ്ങള്‍ www.cpt.ec.in എന്ന വെബ്‌സൈറ്റില്‍ ലഭിച്ചു. ഫോണ്‍ : 0471 2360391.
പി.എന്‍.എക്‌സ്.1683/18

 നാല്‍പ്പത്തയ്യായിരം ക്ലാസ്മുറികള്‍ ഹൈടെക്കാക്കുന്നതിന്റെ  ഭാഗമായി സ്‌കൂളുകള്‍ക്ക് 34500 ക്ലാസ്മുറികള്‍ക്കുള്ള ലാപ്ടോപ്പുകളും, മള്‍ട്ടിമീഡിയ പ്രൊജക്ടറുകളും, മൗണ്ടിംഗ് കിറ്റുകളും, യു.എസ്.ബി സ്പീക്കറുകളും  ലഭ്യമാക്കി. ഇതില്‍ 20728 ക്ലാസ്മുറികളില്‍ പ്രൊജക്ടര്‍ മൗണ്ട് ചെയ്യുന്നതിനും 11115 ക്ലാസ്മുറികളില്‍ സ്‌ക്രീനിനു പകരം ഭിത്തി പെയിന്റ് ചെയ്യുന്നതിനുമായി 3.74 കോടി രൂപ സ്‌കൂളുകള്‍ക്ക് അനുവദിച്ചു.

കേരളത്തില്‍ ഒന്നും നടക്കില്ലെന്ന ധാരണ മാറ്റാനും വികസനരംഗത്തെ മുരടിപ്പ് ഒഴിവാക്കാനും രണ്ടുവര്‍ഷത്തെ എല്‍.ഡി.എഫ് ഭരണം കൊണ്ട് കഴിഞ്ഞിട്ടുണ്ടെന്ന് മുഖ്യമന്ത്രി പിണറായി വിജയന്‍ പറഞ്ഞു. ജനങ്ങളുടെ പ്രതീക്ഷയ്ക്കനുസരിച്ച് പ്രവര്‍ത്തിക്കാനും ഉയരാനും സര്‍ക്കാര്‍ ശ്രമിക്കുന്നുണ്ട്. 2011-16 കാലഘട്ടത്തിലുണ്ടായിരുന്ന അപമാനകരമായിരുന്ന അന്തരീക്ഷം മാറ്റി പുതിയ രാഷ്ട്രീയ സംസ്‌കാരം കൊണ്ടുവരാന്‍ സര്‍ക്കാരിന് കഴിഞ്ഞിട്ടുണ്ട്. സര്‍ക്കാര്‍ ചെയ്യുന്ന നല്ല കാര്യങ്ങള്‍ തിരിച്ചറിയാന്‍ ജനങ്ങള്‍ക്ക് കഴിയും. അഴിമതി നിയന്ത്രിക്കുന്നതില്‍ സര്‍ക്കാര്‍ വലിയ വിജയം നേടി.