പൊതുജനങ്ങള്‍ക്ക് പോലീസ് സ്റ്റേഷനുകളിലും മറ്റ് പോലീസ് ഓഫീസുകളിലും നേരിട്ടെത്താതെ വിവിധ സേവനങ്ങള്‍ ഓണ്‍ലൈനായി ലഭ്യമാക്കുന്ന പുതിയ സിറ്റിസണ്‍ പോര്‍ട്ടല്‍ 'തുണ' മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. www.thuna.keralapolice.gov.in ല്‍ രജിസ്റ്റര്‍ ചെയ്ത് ലോഗിന്‍ ചെയ്യാം.

    പട്ടികവിഭാഗങ്ങള്‍ നേരിടുന്ന വിവിധ പ്രശ്‌നങ്ങള്‍ പഠിക്കുമെന്നും ഇവരുടെ സമഗ്ര ക്ഷേമത്തിനായി സര്‍ക്കാര്‍ പ്രവര്‍ത്തിക്കുമെന്നും മുഖ്യമന്ത്രി പിണറായി വിജയന്‍ പറഞ്ഞു. സര്‍ക്കാരിന്റെ രണ്ടാം വാര്‍ഷികാഘോഷങ്ങളുടെ ഭാഗമായി സംസ്ഥാനത്തെ പട്ടികജാതി പട്ടികവര്‍ഗ സംഘടനകളുടെ നേതാക്കളുമായി തിരുവനന്തപുരം ഗസ്റ്റ് ഹൗസില്‍ ആശയവിനിമയം നടത്തുകയായിരുന്നു അദ്ദേഹം. പട്ടികവിഭാഗങ്ങള്‍ നേരിടുന്ന വിവിധ പ്രശ്‌നങ്ങള്‍ മുഖ്യമന്ത്രിയെ നേരിട്ട് അറിയിക്കാന്‍ സംഘടനാപ്രവര്‍ത്തകര്‍ക്ക് അവസരമൊരുക്കിയത് അഭിനന്ദനീയമാണെന്ന് നേതാക്കള്‍ അഭിപ്രായപ്പെട്ടു.

    കേരളത്തില്‍ ഹയര്‍ സെക്കന്ററി മേഖലയില്‍ എന്‍.എസ്.ക്യു.എഫ്. (National Skill Qualification Framework) നടപ്പിലാക്കുന്നതു സംബന്ധിച്ച് വിദ്യാഭ്യാസ മന്ത്രി പ്രൊഫ. സി.രവീന്ദ്രനാഥ്, അദ്ധ്യാപക-സര്‍വ്വീസ് സംഘടനാ പ്രതിനിധികളുമായി ചര്‍ച്ച നടത്തി. കേന്ദ്ര സര്‍ക്കാരിന്റെ മാര്‍ഗ്ഗ നിര്‍ദ്ദേശമനുസരിച്ച് വി.എച്ച്.എസ്.ഇ. പാഠ്യപദ്ധതി എന്‍.എസ്.ക്യു.എഫി. ലേക്ക് മാറ്റേണ്ടി വരുന്ന സാഹചര്യത്തില്‍, അദ്ധ്യാപക-അനദ്ധ്യാപക മേഖലയിലും അക്കാദമിക് തലത്തിലും ഉണ്ടാകുന്ന പ്രശ്‌നങ്ങള്‍ ചര്‍ച്ചയില്‍ സംഘടനാ പ്രതിനിധികള്‍ ചൂണ്ടിക്കാട്ടി.

    പ്ലസ്‌വണ്‍ പ്രവേശനത്തിനായി ഹയര്‍സെക്കന്‍ഡറി വകുപ്പ് ഡയറക്ടര്‍ സമര്‍പ്പിച്ച ഏകജാലക സംവിധാനം ഉള്‍പ്പെടുത്തിയ പ്രോസ്‌പെക്ടസ് അംഗീകരിച്ച് സര്‍ക്കാര്‍ ഉത്തരവായി.
പി.എന്‍.എക്‌സ്.1707/18

    കേന്ദ്ര സര്‍ക്കാര്‍ പദ്ധതിയായ ദേശീയ നഗര ഉപജീവനമിഷന്റെ കീഴില്‍ തിരുവനന്തപുരം മോഡല്‍ ഫിനിഷിംഗ് സ്‌കൂളില്‍ ആരംഭിക്കുന്ന റിപ്പയര്‍ ഓഫ് ഇലക്‌ട്രോണിക്‌സ്  ആന്റ് ഡൊമസ്റ്റിക് അപ്ലയന്‍സസ് സൗജന്യകോഴ്‌സിലേക്ക് അപേക്ഷ ക്ഷണിച്ചു. അവസാന തീയതി മേയ് 20. അപേക്ഷാഫോറം സ്‌കൂളിലും www.modelfinishingschool.org വെബ്‌സൈറ്റിലും ലഭിക്കും. 520 മണിക്കൂറാണ് കോഴ്‌സിന്റെ കാലാവധി. 14 വയസ് തികഞ്ഞ എട്ടാം ക്ലാസാണ് യോഗ്യത.

    ഏകജാലക സംവിധാനത്തിലൂടെയുള്ള പ്ലസ്‌വണ്‍ പ്രവേശനത്തിനായുള്ള അപേക്ഷ ഓണ്‍ലൈനായി മെയ് ഒമ്പത് രാവിലെ 10 മുതല്‍ അഡ്മിഷന്‍ വെബ്‌സൈറ്റില്‍ (www.hscap.kerala.gov.in) ലഭിക്കും.  സ്‌കൂളുകളിലെ കമ്പ്യൂട്ടര്‍ ലാബ്/ഇന്റര്‍നെറ്റ് സൗകര്യവും മറ്റു മാര്‍ഗ്ഗ നിര്‍ദ്ദേശവും അപേക്ഷ ഓണ്‍ലൈനായി സമര്‍പ്പിക്കാന്‍ അപേക്ഷകര്‍ക്കു നല്‍കാന്‍ സ്‌കൂള്‍തലത്തില്‍ ഹെല്‍പ് ഡെസ്‌കുകള്‍ അതത് പ്രിന്‍സിപ്പല്‍മാരുടെ നേതൃത്വത്തില്‍ സജ്ജമാക്കിയിട്ടുണ്ട്.  വെബ്‌സൈറ്റില്‍ നിന്നും അതത് ജില്ലകളുടെ പ്രോസ്‌പെക്ടസ് പ്രിന്റ് എടുത്ത് എല്ലാ സര്‍ക്കാര്‍/എയ്ഡഡ് ഹയര്‍സെക്കണ്ടറി സ്‌കൂളുകളിലെ നോട്ടീസ

    കമ്പ്യൂട്ടര്‍ സയന്‍സ് ആന്‍ഡ് എഞ്ചിനീയറിംഗ്, ഇലക്‌ട്രോണിക്‌സ് ആന്റ് കമ്മ്യൂണിക്കേഷന്‍ എഞ്ചിനീയറിംഗ്, ഇന്‍ഫര്‍മേഷന്‍ ടെക്‌നോളജി, അപ്ലൈഡ് ഇലക്‌ട്രോണിക്‌സ് ആന്റ് ഇന്‍സ്ട്രുമെന്റേഷന്‍, സിവില്‍ എഞ്ചിനീയറിംഗ് ബ്രാഞ്ചുകളിലെ എന്‍.ആര്‍.ഐ സീറ്റുകളിലേക്ക് പൂജപ്പുര എല്‍.ബി.എസ് ഇന്‍സ്റ്റിറ്റ്യൂട്ട് ഓഫ് ടെക്‌നോളജി ഫോര്‍ വിമന്‍ അപേക്ഷ ക്ഷണിച്ചു. എന്‍ട്രന്‍സ് പരീക്ഷ എഴുതാത്തവര്‍ക്കും അപേക്ഷിക്കാം. 1000 രൂപാ ഫീസടച്ച് അപേക്ഷാഫോറം കോളേജ് ഓഫീസില്‍ നിന്നും വാങ്ങാം.

     തിരുവനന്തപുരം ഗവണ്‍മെന്റ് ലോ കോളേജില്‍ 2018-19 അധ്യയന വര്‍ഷത്തില്‍ പഞ്ചവത്സര എല്‍.എല്‍.ബി (ബി.എ. ലിറ്ററേച്ചര്‍) കോഴ്‌സില്‍ ഇംഗ്ലീഷ്  ഗസ്റ്റ് അധ്യാപകരുടെ രണ്ട് ഒഴിവുകളില്‍ 21ന് രാവിലെ 10 ന് ഇന്റര്‍വ്യൂ നടത്തും. ഡി.ഡി. ഓഫീസില്‍ പേര് രജിസ്റ്റര്‍ ചെയ്ത ഉദ്യോഗാര്‍ത്ഥികള്‍ യു.ജി.സി നിഷ്‌കര്‍ഷിച്ചിട്ടുള്ള യോഗ്യതകള്‍ തെളിയിക്കുന്ന അസല്‍ സര്‍ട്ടിഫിക്കറ്റുകളുമായി കോളേജ് ഓഫീസില്‍ എത്തണം.
പി.എന്‍.എക്‌സ്.1703/18

    കേരള ഈറ്റ, കാട്ടുവളളി, തഴ, തൊഴിലാളി ക്ഷേമനിധി ബോര്‍ഡിലെ അംഗങ്ങളായിട്ടുളള തൊഴിലാളികളുടെ മക്കള്‍ക്ക് വിദ്യാഭ്യാസ സ്‌കോളര്‍ഷിപ്പിനുളള അപേക്ഷ ക്ഷണിച്ചു.  പ്രൊഫഷണല്‍ കോഴ്‌സുകള്‍ക്കും ബിരുദാനന്തര ബിരുദ കോഴ്‌സുകള്‍ക്കും ആദ്യ വര്‍ഷം പഠിക്കുന്ന വിദ്യാര്‍ത്ഥികളുടെ രക്ഷിതാക്കള്‍ വിശദ വിവരങ്ങളടങ്ങിയ വെളളക്കടലാസില്‍ തയ്യാറാക്കിയ അപേക്ഷ മെയ് 20 വൈകിട്ട് അഞ്ചിനു മുമ്പ് ക്ഷേമനിധി ഓഫീസില്‍ എത്തിക്കണം.

    പട്ടികജാതി/പട്ടികവര്‍ഗ വികസന വകുപ്പിന്റെ വിവിധ ജില്ലകളിലെ മോഡല്‍ റസിഡന്‍ഷ്യല്‍ സ്‌കൂളുകളില്‍ നിലവിലുളള അധ്യാപക ഒഴിവുകള്‍ സ്ഥലംമാറ്റം മുഖേന നികത്തും.