സംസ്ഥാന മന്ത്രി സഭയുടെ രണ്ടാം വാര്‍ഷികത്തോടനുബന്ധിച്ച് മലപ്പുറം എംഎസ് പി. എല്‍. പി  സ്‌കൂള്‍ ഗ്രൗണ്ടില്‍ 2018 മെയ് 7 മുതല്‍ 13 വരെ നടക്കുന്ന വ്യാപാര പ്രദര്‍ശനമേളക്കായി  ലൈറ്റ്, സൗണ്ട്, ജനറേറ്ററുകള്‍ തുടങ്ങിയവയ്ക്ക് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ഇന്ന് (2018 മെയ് 4)  ഉച്ചയ്ക്ക് 2 മണിക്ക് മുമ്പായി ജില്ലാ ഇന്‍ഫര്‍മേഷന്‍ ഓഫീസറുടെ കാര്യാലയത്തില്‍ ലഭിക്കണം. ലഭ്യമായ ക്വട്ടേഷനുകള്‍ ഇന്ന് 2 മണിക്ക് സന്നിഹിതരായ കരാറുകാരുടെ സാന്നിധ്യത്തില്‍ തുറക്കുന്നതാണ്. ഫോണ്‍ 0483-2734387

ദേശീയപാത സ്ഥമെടുപ്പ് വില നിര്‍ണ്ണയം മെയ് ഒമ്പതിന് തുടങ്ങാന്‍ ജില്ലാ കലക്ടര്‍ അമിത് മീണയുടെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനം. ദേശീയപാതക്കായി സര്‍വ്വേ ചെയ്ത സ്ഥങ്ങളിലെ എല്ലാ നിര്‍മ്മിതികളുടെയും, കൃഷി, മരങ്ങള്‍ എന്നിവയുടെയും വില നിര്‍ണ്ണയം നടത്തും. റവന്യൂ, ദേശീയപാത അതോറിറ്റി, കൃഷി, സോഷ്യല്‍ ഫോറസ്ട്രി വകുപ്പ് ഉദ്യോഗസ്ഥര്‍ നേതൃത്വം നല്‍കും. കൃത്യമായ നഷ്ടപരിഹാരം ലഭ്യമാക്കുന്നതിന് ഭൂവുടമകള്‍ സഹകരിക്കണമെന്ന് ജില്ലാ കലക്ടര്‍ ആവശ്യപ്പെട്ടു.

ജില്ലയിലെ സര്‍ക്കാര്‍ സ്‌കൂളുകളിലെ വിദ്യാര്‍ത്ഥികള്‍ക്കുള്ള സൗജന്യ യൂണിഫോമുകള്‍ വിതരണത്തിന് തയ്യാറായി. പദ്ധതിയുടെ ജില്ലാതല ഉദ്ഘാടനം ഇന്ന് (മെയ് മൂന്ന്) നിലമ്പൂര്‍ ചന്തക്കുന്ന് ജി.എം.എല്‍.പി സ്‌കൂളില്‍ നടക്കും. സൗജന്യപാഠപുസ്തക വിതരണോദ്ഘാടനവും ചടങ്ങില്‍ നടക്കും.

    പരപ്പനങ്ങാടി - അരീക്കോട് റോഡില്‍ പ്രവൃത്തി നടക്കുന്നതിനാല്‍ വാഹന ഗതാഗതം ഇന്ന് മുതല്‍ (മെയ് മൂന്ന്) നിരോധിച്ചു.  അരീക്കോട് നിന്നും കൊണ്ടോട്ടി ഭാഗത്തേക്ക് വരുന്ന വാഹനങ്ങള്‍ ആലിന്‍ചുവട് - നീറാട്- പാണ്ടിക്കാട് വഴിയും മലപ്പുറം ഭാഗത്തേക്കുള്ള വാഹനങ്ങള്‍ ഏക്കാപറമ്പ് - ഒഴുകൂര്‍ - മൊറയൂര്‍ വഴിയും പോകണം. 

    ജില്ലയിലെ തദ്ദേശ സ്വയംഭരണ സ്ഥാപനങ്ങള്‍ തയ്യാറാക്കിയ നൂതന പദ്ധതികള്‍ പരിശോധിക്കുന്നതിന് രൂപീകരിച്ച ജില്ലാതല വിദഗ്ദ്ധ സമിതിയുടെ യോഗം മെയ് ഏഴിന് രാവിലെ 11.30ന് ജില്ലാ കലക്ടറുടെ ചേമ്പറില്‍ ചേരും. 

    ഏറനാട് താലൂക്ക് വികസന സമിതി യോഗം മെയ് അഞ്ചിന് രാവിലെ 10.30ന് താലൂക്ക് ഓഫീസില്‍ ചേരും.

    മാലിന്യ മുക്ത ചാലിയാര്‍ സംബന്ധിച്ച് ചര്‍ച്ച ചെയ്യുന്നതിന് ജില്ലാ കലക്ടറുടെ ചേമ്പറില്‍ മെയ് നാലിന് വൈകീട്ട് 4.30 ന് യോഗം ചേരും.