സൗദി അറേബ്യയിലെ അല്‍ - മൗവ്വാസാത്ത് ഹെല്‍ത്ത് ഗ്രൂപ്പിലേക്ക് ബി.എസ്.സി/ഡിപ്ലോമ നഴ്‌സുമാരെ (സ്ത്രീകള്‍ മാത്രം) നിയമിക്കുന്നതിന് ഒ.ഡി.ഇ.പി.സി തിരുവനന്തപുരം വഴുതക്കാട് ഓഫീസില്‍ മെയ് ഒന്‍പതിന് സ്‌കൈപ്പ് ഇന്റര്‍വ്യൂ ചെയ്യും.  പങ്കെടുക്കുവാന്‍ താത്പര്യമുളളവര്‍ www.odepc.kerala.gov.in എന്ന വെബ്‌സൈറ്റിലെ നോട്ടിഫിക്കേഷന്‍ പ്രകാരം odepcmou@gmail.com എന്ന ഇ-മെയിലില്‍ അപേക്ഷിക്കണം. ഫോണ്‍: 0471 2329440, 41, 42, 43, 45, 9446444522
പി.എന്‍.എക്‌സ്.1641/18

    അബുദാബിയിലെ ടാലേ അല്‍നൂര്‍ ഐ.എന്‍.ടി സ്‌കൂളിലേക്ക് ഇംഗ്ലീഷ് അധ്യാപികമാരെ ഒഡെപെക് വഴി തെരഞ്ഞെടുക്കും. ഇംഗ്ലീഷ് ഭാഷയില്‍ ബിരുദവും രണ്ട് വര്‍ഷം പ്രവൃത്തി പരിചയം, കമ്പ്യൂട്ടര്‍ പരിജ്ഞാനം, ഇംഗ്ലീഷില്‍ നല്ലവണ്ണം സംസാരിക്കാനും എഴുതുവാനുമുള്ള കഴിവ് എന്നിവയാണ് യോഗ്യതകള്‍.  2500 സൗദി റിയാല്‍ (ഒമ്പത് മാസം) വേതനം. താമസം, യാത്രാചെലവ് എന്നിവ സൗജന്യമായിരിക്കും. തൊഴില്‍ നിയമപ്രകാരമുള്ള മറ്റ് ആനുകൂല്യങ്ങളും ലഭിക്കും.  പ്രായം 40 വയസ്സുവരെ.

    ആരോഗ്യപരമായ ജീവിതശൈലിക്കായി പൊതുസമൂഹത്തെ ഒരു കുടക്കീഴിലാക്കാന്‍ ലക്ഷ്യമിട്ട് കണ്ണൂര്‍ ജില്ലാ ഭരണകൂടത്തിന്റെ നേതൃത്വത്തില്‍ സംഘടിപ്പിക്കുന്ന 'സാഹസികമാസം' പദ്ധതിക്ക് മെയ് ആറിന് തുടക്കമാകും. 
    നാലു ഞായറാഴ്ചകളിലായി നാലു സാഹസികയജ്ഞങ്ങള്‍ക്ക് ആരംഭമാകും. ടൂറിസത്തിന്റെ സാധ്യതകള്‍ വിനിയോഗിച്ചുകൊണ്ടുള്ള ചതുര്‍ദിനപരിപാടി കണ്ണൂരിന്റെ ചരിത്രവും സംസ്‌കാരവും അടുത്തറിയാന്‍ സഹായിക്കുമെന്ന് മന്ത്രിമാരായ കെ.കെ. ശൈലജ ടീച്ചര്‍, രാമചന്ദ്രന്‍ കടന്നപ്പള്ളി, ജില്ലാ കളക്ടര്‍ മീര്‍ മുഹമ്മദ് അലി എന്നിവര്‍ വാര്‍ത്താസമ്മേളനത്തില്‍ അറിയിച്ചു.

* വൈദ്യുതി സുരക്ഷാ വാരാചരണം തുടങ്ങി

    മാര്‍ച്ചില്‍ നടന്ന എസ്. എസ്. എല്‍. സി പരീക്ഷയില്‍ 97.84 ശതമാനം വിജയം. കേരളത്തിലും ലക്ഷദ്വീപിലും ഗള്‍ഫ് മേഖലയിലുമായി 2953 സെന്ററുകളില്‍ 441103 വിദ്യാര്‍ത്ഥികളാണ് പരീക്ഷ എഴുതിയത്. 431162 പേര്‍ ഉന്നത വിദ്യാഭ്യാസത്തിന് യോഗ്യത നേടി. 34313 പേര്‍ എല്ലാ വിഷയങ്ങള്‍ക്കും എ പ്ലസ് നേടി. കഴിഞ്ഞ വര്‍ഷം 95.98 ശതമാനമായിരുന്നു വിജയം. എറണാകുളം ജില്ലയിലാണ് കൂടുതല്‍ വിജയശതമാനം, 99.12 ശതമാനം. വയനാടാണ് കുറഞ്ഞ വിജയശതമാനം, 93.87 ശതമാനം. മലപ്പുറത്താണ് ഏറ്റവുമധികം വിദ്യാര്‍ത്ഥികള്‍ക്ക് എപ്ലസ് ലഭിച്ചത്, 2435 പേര്‍. വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് പി. ആര്‍. ചേംബറിലാണ് ഫലപ്രഖ്യാപനം നടത്തിയത്. 

*മദ്യത്തിനും മയക്കുമരുന്നിനുമെതിരെയുള്ള ബോധവത്കരണ സെമിനാറും
പരിശീലനവും മുഖ്യമന്ത്രി ഉദ്ഘാടനം ചെയ്തു
    വിദ്യാലയങ്ങളിലാണ് ഭാവിതലമുറ നിലനില്‍ക്കുന്നതെന്നും ഇന്നത്തെ വിദ്യാര്‍ത്ഥികളാണ് നാളത്തെ പലരുമായി മാറുന്നതെന്നും  സ്‌കൂളുകളെ ലഹരി മുക്തമാക്കുന്നതിന് നാട് ഒന്നിക്കണമെന്നും മുഖ്യമന്ത്രി പിണറായി വിജയന്‍ പറഞ്ഞു. ഉന്നത വിദ്യാഭ്യാസ വകുപ്പും എക്‌സൈസ് വകുപ്പും എന്‍സിസി ഡയറക്ടറേറ്റും സംയുക്തമായി സംഘടിപ്പിച്ച മദ്യത്തിനും മയക്കുമരുന്നിനുമെതിരെയുള്ള ബോധവത്കരണ സെമിനാറും പരിശീലനവും ഉദ്ഘാടനം ചെയ്യുകയായിരുന്നു മുഖ്യമന്ത്രി.

    ഈ വര്‍ഷത്തെ എസ്.എസ്.എല്‍.സി പരീക്ഷാഫലം ഇന്ന് (മെയ് മൂന്ന്) രാവിലെ 10.30 ന് വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് പ്രഖ്യാപിക്കും. ഇതോടൊപ്പം തന്നെ ടി.എച്ച്.എസ്.എല്‍.സി, ടി.എച്ച്.എസ്.എല്‍.സി (ഹിയറിംഗ് ഇംപേര്‍ഡ്) എ.എച്ച്.എസ്.എല്‍.സി, എസ്.എസ്.എല്‍.സി (ഹിയറിംഗ് ഇംപേര്‍ഡ്) എന്നീ പരീക്ഷകളുടെ ഫലപ്രഖ്യാപനവും നടത്തും.

    ഒമ്പത് ജില്ലകളിലെ 19 തദ്ദേശ സ്വയംഭരണ വാര്‍ഡുകളില്‍ മേയ് 31 ന് ഉപതെരഞ്ഞെടുപ്പ് നടത്താന്‍ തീരുമാനിച്ചതായി സംസ്ഥാന തെരഞ്ഞെടുപ്പു കമ്മീഷണര്‍  വി.ഭാസ്‌കരന്‍  അറിയിച്ചു. തിരുവനന്തപുരം, പത്തനംതിട്ട, എറണാകുളം, മലപ്പുറം, കോഴിക്കോട്, കണ്ണൂര്‍ ജില്ലകളിലെ 11 ഗ്രാമപഞ്ചായത്ത് വാര്‍ഡുകളിലും  കൊല്ലം, പാലക്കാട് ജില്ലകളിലെ ഓരോ ബ്ലോക്ക് പഞ്ചായത്ത് വാര്‍ഡുകളിലും കൊല്ലം കോര്‍പ്പറേഷനിലെ ഒരു വാര്‍ഡിലും ഇടുക്കി, പാലക്കാട്, മലപ്പുറം, കോഴിക്കോട്, കണ്ണൂര്‍  ജില്ലകളിലെ ഒരോ  നഗരസഭ വാര്‍ഡുകളിലുമാണ് ഉപതെരഞ്ഞെടുപ്പ്.