കിഴിശ്ശേരി - മൊറയൂര്‍ റോഡില്‍ പ്രവൃത്തി നടക്കുന്നതിനാല്‍ ഇതിലൂടെയുള്ള ഗതാഗതം  ഇന്ന് (മെയ് ഒന്ന്) മുതല്‍ നിരോധിച്ചു.  കിഴിശ്ശേരിയില്‍ നിന്ന് മൊറയൂര്‍ ഭാഗത്തേക്കുള്ള വാഹനങ്ങള്‍ എക്കാപ്പറമ്പ് - ഒഴുകൂര്‍ - എടപ്പറമ്പ് വഴിയും മൊറയൂരില്‍ നിന്ന് കിഴിശ്ശേരി ഭാഗത്തേക്കുള്ള വാഹനങ്ങള്‍ എടപ്പറമ്പ് - ഒഴുകൂര്‍ - എക്കാപ്പറമ്പ് വഴിയും പോകണം.

സുവര്‍ണജൂബിലിയാഘോഷത്തോടനുബന്ധിച്ച് കേരള ഭാഷാ ഇന്‍സ്റ്റിറ്റ്യൂട്ട്  നെയ്യാറ്റിന്‍കര നഗരസഭയുമായി സഹകരിച്ച്  മേയ് രണ്ടു മുതല്‍ അഞ്ചുവരെ  നെയ്യാറ്റിന്‍കര സ്വദേശാഭിമാനി  ടൗണ്‍ ഹാളില്‍ നടത്തുന്ന സാഹിത്യ സാംസ്‌കാരിക പുസ്തകോത്സവം  ഇന്ന് (മേയ് രണ്ട്) അഞ്ചു മണിക്ക് സഹകരണവും,ടൂറിസവും, ദേവസ്വവും വകുപ്പ്മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്യും.

സംസ്ഥാനത്തെ സര്‍ക്കാര്‍ സ്‌കൂളുകളിലെ ഒന്നു മുതല്‍ ഏഴുവരെ ക്ലാസുകളില്‍ പഠിക്കുന്ന നാലര ലക്ഷം കുട്ടികള്‍ക്ക് രണ്ടു ജോടി വീതം കൈത്തറി യൂണിഫോം സൗജന്യമായി നല്‍കുന്ന പദ്ധതിയുടെ സംസ്ഥാനതല ഉദ്ഘാടനം ഇന്ന് (മെയ് രണ്ട്) ഉച്ചയ്ക്ക് 12 ന് മുഖ്യമന്ത്രി പിണറായി വിജയന്‍ തിരുവനന്തപുരം മണക്കാട് ഗവ. ഗേള്‍സ് ഹയര്‍ സെക്കണ്ടറി സ്‌കൂളില്‍ നിര്‍വഹിക്കും. വിതരണത്തിനാവശ്യമായ 48 നിറങ്ങളിലുള്ള 23 ലക്ഷം മീറ്റര്‍ തുണി ഹാന്റെക്‌സ്, ഹാന്‍വീവ് എന്നിവയുടെ നേതൃത്വത്തില്‍ ശേഖരിച്ച് 163 ഉപജില്ലാ വിദ്യാഭ്യാസ ഓഫീസുകളില്‍ എത്തിച്ചു കഴിഞ്ഞുവെന്ന് കൈത്തറി വകുപ്പ് ഡയറക്ടര്‍ അറിയിച്ചു.

    കവിതയെ കലാപത്തിന്റെ കൊടുങ്കാറ്റാക്കിയ കവിയാണ് റൗള്‍ സുറിറ്റയെന്ന് മുഖ്യമന്ത്രി പിണറായി വിജയന്‍. പാബ്‌ളോ നെരൂദയ്ക്ക് ശേഷം ലോക കവിതയെ ഇത്രയേറെ സ്വാധീനിച്ച ലാറ്റിനമേരിക്കന്‍ കവിയില്ലെന്നും അദ്ദേഹം പറഞ്ഞു. ചിലിയന്‍ കവി റൗള്‍ സുറിറ്റയ്ക്ക് ആശാന്‍ വിശ്വകവിത പുരസ്‌കാരം കായിക്കരയില്‍വെച്ച് സമ്മാനിച്ച് സംസാരിക്കുകയായിരുന്നു മുഖ്യമന്ത്രി.
    പ്രതികരിക്കാത്ത പൊള്ളയായ ജന്‍മമാകരുത് കവിയുടേത് എന്ന് എഴുതുകയും ആ വാക്കുകള്‍ ജീവിതത്തിലും സാഹിത്യത്തിലും ഒരുപോലെ പ്രായോഗികമാക്കുകയും ചെയ്തുവെന്നതാണ് സുറിറ്റയുടെ പ്രത്യേകത.