മലബാറിന്റെ  സാംസ്‌ക്കാരിക  തനിമ വിളിച്ചോതി കേരള ഫോക് ലോര്‍ അക്കാദമി ആദ്യമായി  25 സംസ്ഥാനങ്ങളില്‍ നിന്നുള്ള കലാരൂപങ്ങള്‍ ഒരു വേദിയില്‍ അവതരിപ്പിക്കുന്നു,. താനൂര്‍ എം എല്‍ എ വി അബ്ദുറഹ്മാന്റെ ശ്രമ ഫലമായാണ്  നാടന്‍ കലകളുടെ മാമാങ്കത്തിന് താനൂര്‍ വേദിയാകുന്നത്. ഏപ്രില്‍ 27ന് തുടങ്ങി മെയ് 6വരെ താനൂര്‍ ദേവദാര്‍ സ്‌കൂള്‍ ഗ്രൗണ്ടിലാണ്  പരിപാടികള്‍ അരങ്കേറുന്നത്.
  കാശ്മീര്‍ മുതല്‍ കേരളം വരെയുള്ള സംസ്ഥാനങ്ങളില്‍ നിന്നുള്ള വംശീയ ഉത്പന്ന മേളയും ഇതോടൊപ്പം സംഘടിപ്പിക്കുന്നുണ്ട്. കലാ സാഹിത്യ സിനിമാരംഗത്തെ  പ്രമുഖരും കലാവിരുന്നില്‍ അണിനിരക്കും.

മലപ്പുറം എം.എസ്.പി പൊലീസ് കോണ്‍സ്റ്റബിള്‍ കാറ്റഗറി 012/2015 റാങ്ക് പട്ടികയില്‍ നിന്ന് മെയിന്‍ ലിസ്റ്റില്‍പ്പെട്ട മുഴുവന്‍ പേര്‍ക്കും നിയമന ശുപാര്‍ശ നല്‍കിയതിനാല്‍  റാങ്ക് പട്ടിക 2017 ഡിസംബര്‍ 13ന് റദ്ദായതായി ജില്ലാ പി.എസ്.സി ഓഫീസര്‍ അറിയിച്ചു.

    താനൂര്‍ ഗവ. റീജിയണല്‍ ഫിഷറീസ് ടെക്‌നിക്കല്‍ ഹൈസ്‌കൂളിലെ എട്ട്, ഒമ്പത് ക്ലാസ്സുകളിലേക്ക് പ്രവേശനം ആരംഭിച്ചു.  മത്സ്യത്തൊഴിലാളികളുടെ ആണ്‍ മക്കള്‍ക്ക് പഠനയാത്ര അടക്കമുള്ള വിദ്യാഭ്യാസ ചെലവുകള്‍ വകുപ്പ് വഹിക്കും.  റെസിഡന്‍ഷ്യല്‍ സൗകര്യം ആവശ്യമില്ലാത്തവര്‍ക്കും അപേക്ഷിക്കാം.  വിവരങ്ങള്‍ക്ക് 0494 2443721 എന്ന നമ്പറില്‍ ബന്ധപ്പെടാം.

       കേന്ദ്ര-സംസ്ഥാനസര്‍ക്കാരുകള്‍ സംയുക്തമായി  നടപ്പിലാക്കിവരുന്ന ആര്‍എസ്ബിവൈ-ചിസ് പദ്ധതിയുടെ ഭാഗമായി  ആശുപത്രി ശില്‍പശാലയും സ്വകാര്യ ആശുപത്രികളുടെ  യോഗവും ഇന്ന് (27) കളക്ടറേറ്റ് മിനി കോണ്‍ഫറന്‍സ് ഹാളില്‍ നടക്കും. രാവിലെ 10 മണി മുതല്‍ ജില്ലയില്‍ പദ്ധതി നടപ്പിലാക്കുന്ന ആശുപത്രികള്‍ക്കുളള ശില്‍പശാലയും  ഉച്ചയ്ക്ക് രണ്ടിന്  ജില്ലയിലെ എല്ലാ സ്വകാര്യ ആശപത്രികളുടെ യോഗവുമാണ് നടക്കുന്നത്.  ജില്ലാകളക്ടര്‍ ജീവ്ബാബു കെ, ചിയാക്ക് എക്‌സിക്യുട്ടീവ് ഡയറക്ടര്‍  എന്‍. അശോക് കുമാര്‍,  എഡിഎം: എന്‍. ദേവിദാസ്, വിവിധ വകുപ്പു മേധാവികള്‍ സംബന്ധിക്കും.