കണ്ണൂര്‍, സേലം, ഗഡഗ് (കര്‍ണ്ണാടക), വെങ്കിടഗിരി (ആന്ധ്രാപ്രദേശ്) എന്നിവിടങ്ങളിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്റ്‌ലൂം ടെക്‌നോളജിയില്‍ നടത്തുന്ന എ.ഐ.സി.റ്റി.ഇ അംഗീകാരമുളള ത്രിവത്സര ഹാന്റ്‌ലൂം ടെക്‌സ്റ്റൈല്‍ ടെക്‌നോളജി കോഴ്‌സിന് അപേക്ഷ ക്ഷണിച്ചു.  എസ്.എസ്.എല്‍.സിയോ ഇംഗ്ലീഷ് ഒരു വിഷയമായി തത്തുല്യ പരീക്ഷയില്‍ ജയിച്ചവര്‍ക്കും അപേക്ഷിക്കാം.  പ്രായം 2018 ജൂലൈ ഒന്നിന് 15 വയസിനും 23 നും മധ്യേ.

  ഹോട്ടലുകളിലും ടീ ഷോപ്പുകളിലും പാല്‍ ചേര്‍ക്കാത്ത കട്ടന്‍ ചായയ്ക്കും മധുരം ചേര്‍ക്കാത്ത ചായയ്ക്കും സാധാരണ ചായയുടെ വിലയേക്കാള്‍ കുറഞ്ഞ വില ഈടാക്കണമെന്നും വിലവിവരപ്പട്ടികയില്‍ പ്രദര്‍ശിപ്പിക്കണമെന്നും സര്‍ക്കാര്‍ ഉത്തരവായി.
പി.എന്‍.എക്‌സ്.1559/18

    ന്യൂനപക്ഷ ക്ഷേമ വകുപ്പിനു കീഴിലെ ന്യൂനപക്ഷ യുവജനതയ്ക്കായുളള മലപ്പുറം ജില്ലയിലെ പെരിന്തല്‍മണ്ണ പരിശീലന കേന്ദ്രത്തില്‍ ഒഴിവുളള (ഒരു ഒഴിവ്) കമ്പ്യൂട്ടര്‍ ഓപ്പറേറ്റര്‍ തസ്തികയില്‍ (യോഗ്യത: പ്ലസ്ടു, ഡി.സി.എ) ഒരു വര്‍ഷത്തേക്ക് കരാറടിസ്ഥാനത്തില്‍ നിയമിക്കുന്നതിന് വാക്ക് ഇന്‍ ഇന്റര്‍വ്യൂ നടത്തും.  യോഗ്യതയുളളവര്‍ അസല്‍ പകര്‍പ്പുകള്‍ സഹിതം മെയ് രണ്ടിന് രാവിലെ 11ന് ഡയറക്ടര്‍, ന്യൂനപക്ഷ ക്ഷേമ ഡയറക്ടറേറ്റ്, വികാസ്ഭവന്‍ (നാലാം നില), തിരുവനന്തപുരം മുമ്പാകെ നേരിട്ടെത്തണം.
പി.എന്‍.എക്‌സ്.1558/18

    സൗദി അറേബ്യയിലെ ഒപ്റ്റിക് ഹൗസ് കമ്പനിയിലേക്ക് പ്രൊഫഷണല്‍ ഒപ്‌റ്റോമെട്രിസ്റ്റുമാരെ ഒഡെപെക് വഴി തെരഞ്ഞെടുക്കുന്നു.

    ജവഹര്‍ലാല്‍ നെഹ്‌റു ട്രോപ്പിക്കല്‍ ബൊട്ടാണിക് ഗാര്‍ഡന്‍ ആന്റ് റിസര്‍ച്ച് ഇന്‍സിറ്റിറ്റിയൂട്ടിലെ  ഗവേഷണ പദ്ധതിയിലെ ഒഴിവിലേക്ക് അപേക്ഷ ക്ഷണിച്ചു.          സീനിയര്‍ റിസര്‍ച്ച് ഫെല്ലോ : ഒഴിവ് ഒന്ന് കാലാവധി മൂന്ന് വര്‍ഷം.  മൈക്രോബയോളജിയിലോ ബയോടെക്‌നോളജിയിലോ ഒന്നാം ക്ലാസ് ബിരുദാനന്തര ബിരുദം അല്ലെങ്കില്‍ എം.ടെക് ഉണ്ടായിരിക്കണം.

    കൈറ്റ് വിക്ടേഴ്‌സില്‍ ഇന്ന് (28) രാത്രി 9.15-ന് ജോയ്‌സി കാരീസിന്റെ മിസ്റ്റര്‍ ജോണ്‍സണ്‍ എന്ന നോവലിനെ ആധാരമാക്കി പ്രദീപ് കൃഷേന്‍ സംവിധാനം ചെയ്ത മാസ്സി സാഹിബ് സംപ്രേഷണം ചെയ്യും. 1929-ലെ സെന്‍ട്രല്‍ ഇന്ത്യയിലെ ബിട്ടീഷ് ഭരണത്തിന്റെ കീഴില്‍ ജീവിക്കുന്ന സാധാരണ ജനതയുടെ കഥ പറയുന്ന ഈ ചിത്രത്തില്‍ രഘുവീര്‍ യാദവ്, ബാറിജോണ്‍, അരുന്ധതി റോയ് തുടങ്ങിയവര്‍ അഭിനയിച്ചിരിക്കുന്നു.

  എസ്.എസ്.എല്‍.സി ഫലപ്രഖ്യാപനം നടന്ന ഉടനെ www.results.itscholl.gov.in  വെബ്‌സൈറ്റിലൂടെ ഫലമറിയാന്‍ കൈറ്റ് സംവിധാനം ഒരുക്കി. ഇതിനു പുറമെ സഫലം 2018 എന്ന മൊബൈല്‍ ആപ് വഴിയും ഫലമറിയാം. വ്യക്തിഗത റിസള്‍ട്ടിനു പുറമെ സ്‌കൂള്‍ - വിദ്യാഭ്യാസ ജില്ല - റവന്യൂ ജില്ലാ തലങ്ങളിലുള്ള റിസള്‍ട്ട് അവലോകനം ഉള്‍ക്കൊള്ളുന്ന. പൂര്‍ണ്ണമായ വിശകലനം പോര്‍ട്ടലിലും മൊബൈലില്‍ ആപ്പിലും റിസള്‍ട്ട് അനാലിസിസ് എന്ന ലിങ്ക് വഴി ലോഗിന്‍ ചെയ്യാതെതന്നെ ലഭ്യമാകും.

കണ്ണൂര്‍ ഗവ.ഐ ടി ഐ യില്‍ ഐ എം സി നടത്തുന്ന അവധിക്കാല തൊഴിലധിഷ്ഠിത കോഴ്‌സുകളായ മൊബൈല്‍ ഫോണ്‍ ടെക്‌നീഷ്യന്‍, റോബോട്ടിക്‌സ് എഞ്ചിനീയറിങ്ങ് കോഴ്‌സുകളിലേക്ക് അപേക്ഷ ക്ഷണിച്ചു.  രണ്ടുമാസമാണ് കോഴ്‌സ് കാലാവധി.  മെയ് 4 വരെ അപേക്ഷിക്കാം.  ഫോണ്‍: 9745479354.  ര

ജലക്ഷാമം രൂക്ഷമായിക്കൊണ്ടിരിക്കുന്ന സാഹചര്യത്തില്‍ ജലസംരക്ഷണത്തിന്റെ പ്രാധാന്യത്തെ കുറിച്ചും അതിനുള്ള വഴികളെ കുറിച്ചും ജനങ്ങളെ ബോധവല്‍ക്കരിക്കുന്നതിന്റെ ഭാഗമായി ജില്ലാ പഞ്ചായത്തിന്റെ നേതൃത്വത്തില്‍ നാളെ (ഏപ്രില്‍ 28) ജലപാര്‍ലമെന്റ് സംഘടിപ്പിക്കും. രാവിലെ 9.30 ന്  ജില്ലാ പഞ്ചായത്ത് കോണ്‍ഫറന്‍സ് ഹാളിലാണ് പരിപാടി.  പി കെ ശ്രീമതി ടീച്ചര്‍ എം പി ജലപാര്‍ലമെന്റ് ഉദ്ഘാടനം ചെയ്യും.  ജില്ലാ കലക്ടര്‍ മീര്‍ മുഹമ്മദലി മുഖ്യാതിഥിയായിരിക്കും.