അബുദാബിയിലെ സാറ്റലൈറ്റ് ക്ലീനിക്കുകളില്‍ എം.ബി.ബി.എസ് കഴിഞ്ഞ് മൂന്ന് വര്‍ഷം പ്രവൃത്തി പരിചയവും എച്ച്.എ.എ.ഡി ലൈസന്‍സുമുളള ഡോക്ടര്‍മാരെ (പുരുഷന്‍മാര്‍ മാത്രം) നിയമിക്കുന്നതിന് ഒ.ഡി.ഇ.പി.സി വഴി ഇന്റര്‍വ്യൂ നടത്തും.  ആകര്‍ഷകമായ ശമ്പളവും മറ്റു ആനുകൂല്യങ്ങളും ലഭിക്കും.  താത്പര്യമുളളവര്‍ www.odepc.kerala.gov.in ല്‍ കൊടുത്തിരിക്കുന്ന നോട്ടിഫിക്കേഷന്‍ പ്രകാരം അപേക്ഷിക്കണം.  ഫോണ്‍: 0471 2329440, 41, 42, 43, 45.

പി.എന്‍.എക്‌സ്.1475/18

നാഷണല്‍ യൂണിവേഴ്‌സിറ്റി ഓഫ് അഡ്വാന്‍സ്ഡ് ലീഗല്‍ സ്റ്റഡീസില്‍ അസോസിയേറ്റ് പ്രൊഫസര്‍ നിയമം (എസ്.സി ഒന്ന്), അസിസ്റ്റന്റ് പ്രൊഫസര്‍ നിയമം (ഒ.സി ഒന്ന്), കണ്‍ട്രോളര്‍ ഓഫ് എക്‌സാമിനേഷന്‍സ് (ഒ.സി ഒന്ന്) ഒഴിവുകളിലേക്ക് അപേക്ഷ ക്ഷണിച്ചു.  അവസാന തീയതി  മെയ് 26.  വിശദവിവരങ്ങള്‍ക്ക് www.nuals.ac.in

പി.എന്‍.എക്‌സ്.1474/18

തിരുവനന്തപുരം ജില്ലയിലെ താത്കാലിക ഒന്നാം ക്ലാസ് മജിസ്‌ട്രേറ്റ് കോടതിയിലെ ഒഴിവുകളില്‍ 179 ദിവസത്തേക്ക് അല്ലെങ്കില്‍ നിയമിക്കപ്പെടുന്ന വ്യക്തി 60 വയസ് പൂര്‍ത്തിയാക്കുന്നതു വരെയോ എല്‍.ഡി. ക്ലാര്‍ക്ക്, എല്‍.ഡി ടൈപ്പിസ്റ്റ്, ഓഫീസ് അസിസ്റ്റന്റ് തസ്തികകളില്‍ കരാര്‍ അടിസ്ഥാനത്തില്‍ നിയമനത്തിന് അപേക്ഷ ക്ഷണിച്ചു. എല്‍.ഡി ക്ലാര്‍ക്കിന് 19, 950, എല്‍.ഡി. ടൈപ്പിസ്റ്റിന് 19, 950, ഓഫീസ് അറ്റന്റന്റ്, 17,325 എന്നിങ്ങനെയാണ് വേതനം.

സര്‍ക്കാര്‍ ജീവനക്കാരുടെ പൊതുസ്ഥലംമാറ്റവും നിയമനവും സംബന്ധിച്ച മാനദണ്ഡത്തില്‍ ഭേദഗതിവരുത്തി സര്‍ക്കാര്‍ ഉത്തരവിറക്കി.  ജില്ല സംബന്ധിച്ച് പരിധിയില്ലാതെ ഓപ്ഷന്‍ നല്‍കാമെന്നും സ്വന്തം ജില്ലയെന്നത് സര്‍വീസില്‍ പ്രവേശിക്കുന്ന സമയത്ത് നല്‍കുന്ന സ്ഥിരമേല്‍വിലാസപ്രകാരമുള്ള ജില്ലയായിരിക്കുമെന്നും ഭേദഗതി വരുത്തിയിട്ടുണ്ട്.  സര്‍വീസില്‍ പ്രവേശിച്ച ശേഷം ഹോം സ്റ്റേഷന്‍ ഒരു തവണ മാത്രമേ മാറ്റാന്‍ സാധിക്കുകയുള്ളൂ എന്നും ഉത്തരവില്‍ വ്യക്തമാക്കി.  

പി.എന്‍.എക്‌സ്.1470/18

തൈക്കാട് സ്ത്രീകളുടേയും കുട്ടികളുടേയും ആശുപത്രിയുടെ 50 വര്‍ഷത്തെ വികസനം മുന്നില്‍ക്കണ്ട് മാസ്റ്റര്‍ പ്ലാന്‍ തയ്യാറാക്കാന്‍ താല്‍പ്പര്യമുള്ള സര്‍ക്കാര്‍, സര്‍ക്കാരിതര ഏജന്‍സികളില്‍ നിന്നും അപേക്ഷകള്‍ ക്ഷണിച്ചു.  ഏപ്രില്‍ 30ന് മുമ്പ് ആശുപത്രി സൂപ്രണ്ടിന് അപേക്ഷ നല്‍കണം.  

പി.എന്‍.എക്‌സ്.1467/18

കേരള നിയമസഭയുടെ പാര്‍ലമെന്ററി പഠന പരിശീലന കേന്ദ്രം കേരളത്തിലെ സര്‍ക്കാര്‍/എയ്ഡഡ് മേഖലയിലെ ഒന്‍പതാം ക്ലാസ് മുതല്‍ പന്ത്രണ്ടാം ക്ലാസ് വരെയുളള വിദ്യാര്‍ത്ഥികള്‍ക്കായി തിരുവനന്തപുരത്ത് സംഘടിപ്പിക്കുന്ന ഉപന്യാസ രചനാ മത്സരത്തിനുളള അപേക്ഷകള്‍ ഏപ്രില്‍ 30 വരെ സ്വീകരിക്കും.  വിശദ വിവരങ്ങള്‍, നിബന്ധന, അപേക്ഷ ഫോറം എന്നിവ നിയമസഭയുടെ ഔദ്യോഗിക വെബ്‌സൈറ്റായ www.niyamsabha.org യില്‍ ലഭിക്കും.  മെയ് എട്ടിന് രാവിലെ 11.30 മുതല്‍ ഉച്ചയ്ക്ക് 1.30 വരെയാണ് മത്സരം.

പി.എന്‍.എക്‌സ്.1466/18