കുടുംബശ്രീ ജില്ലാ കലോത്സവം- അരങ്ങ് 2018-ന് മലപ്പുറം ഗവണ്‍മെന്റ് കോളേജില്‍ തുടക്കമായി. പി. ഉബൈദുല്ല എം.എല്‍.എ ഉദ്ഘാടനം നിര്‍വഹിച്ച ചടങ്ങില്‍ ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ അദ്ധ്യക്ഷനായിരുന്നു.

    കാസര്‍കോട് നിയോജക മണ്ഡലത്തിലെ എന്‍എ നെല്ലിക്കുന്ന് എംഎല്‍എയുടെ പ്രത്യേക വികസന ഫണ്ടില്‍പ്പെടുത്തി റോഡുകള്‍ കോണ്‍ക്രീറ്റ് ചെയ്യുന്നതിന് ജില്ലാ ഭരണകൂടം ഭരണാനുമതി നല്‍കി. ചെങ്കള ഗ്രാമപഞ്ചായത്തില്‍പ്പെടുന്ന സന്തോഷ് നഗര്‍-കുഞ്ഞിക്കാനം, എച്ച് നഗര്‍-അലക്കല്‍ കനാല്‍ റോഡ് എന്നീ റോഡുകളുടെ കോണ്‍ക്രീറ്റിംഗ് ജോലികള്‍ക്കാണ് യഥാക്രമം നാല്, മൂന്ന് ലക്ഷം വീതം രൂപയുടെ ഭരണാനുമതി നല്‍കിയിട്ടുള്ളത്. രണ്ടു റോഡുകളുടെയും നിര്‍മാണം 2018 ഒക്ടോബര്‍ 31-നകം പൂര്‍ത്തിയാക്കണം.
 

        റോഡ് ഉപയോഗിക്കുന്ന ഭിന്ന ശേഷിക്കാര്‍ക്ക് ശാസ്ത്രീയ പരിശീലന പദ്ധതിയുമായി മോട്ടോര്‍ വാഹന വകുപ്പ്. നാളെ (27) രാവിലെ 10 ന് കളക്ടറേറ്റ് കോണ്‍ഫറന്‍സ് ഹാളില്‍ പരിശീലന പരിപാടി സംഘടിപ്പിക്കും. തദ്ദേശസ്വയംഭരണ സ്ഥാപനങ്ങള്‍ വഴി വാഹനങ്ങള്‍ ലഭ്യമായവരും  ഈ അവസരം  ഉപയോഗപ്പെടുത്തണമെന്ന് ആര്‍ടിഒ അറിയിച്ചു. നിലവില്‍  റോഡില്‍  വാഹനം ഉപയോഗിച്ചുവരുന്ന  ബഹുഭൂരിപക്ഷം ഭിന്നശേഷിക്കാരും മോട്ടോര്‍ ഡ്രൈവിംഗ് ലൈസന്‍സ് ഇല്ലാതെയാണ് വാഹനം ഉപയോഗിക്കുന്നതെന്ന തിരിച്ചറിവാണ് മോട്ടോര്‍ വാഹന വകുപ്പ് ഭിന്നശേഷിക്കാര്‍ക്ക് സഹായഹസ്തവുമായി മുന്നിട്ടിറങ്ങുന്നത്. 

        ബെള്ളൂര്‍ ഗ്രാമപഞ്ചായത്തിലെ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി ഓഫീസില്‍ ഒഴിവുള്ള  ഓവര്‍സീയര്‍ നിയമനത്തിനായി  മെയ്  17 ന്  രാവിലെ 10 മണിക്ക് ഗ്രാമപഞ്ചായത്ത് ഓഫീസില്‍ അഭിമുഖം നടത്തും. 18 നും 40 നും ഇടയില്‍ പ്രായമുളള, സിവില്‍ ഡിപ്ലോമ യോഗ്യതയുള്ളവര്‍ അസ്സല്‍ സര്‍ട്ടിഫിക്കറ്റുകളുമായി ഹാജരാകണം. കന്നട അറിയുന്നവര്‍ക്ക് മുന്‍ഗണന.

വെള്ളിക്കോത്ത് ഇന്‍സ്റ്റിറ്റ്യൂട്ടില്‍  മെയ് മാസത്തില്‍ ആരംഭിക്കാന്‍ പോകുന്ന അലൂമിനിയം ഫാബ്രിക്കേഷന്‍ കോഴ്‌സിലേക്ക് അപേക്ഷ ക്ഷണിച്ചു. 18 നും 45 നും ഇടയില്‍ പ്രായമുള്ള യുവാക്കള്‍ക്ക് അപേക്ഷിക്കാം. താമസം, ഭക്ഷണം, പരിശീലനം എന്നിവ തികച്ചു സൗജന്യമായിരിക്കും. താല്‍പ്പര്യമുള്ളവര്‍  ബന്ധപ്പെടുക. കൂടുതല്‍ വിവരങ്ങള്‍ക്ക് 0467 2268240.
           

    മെയ് മാസത്തെ കാസര്‍കോട് താലൂക്ക് വികസന സമിതി യോഗം  മെയ് അഞ്ചിന് രാവിലെ  10.30 ന്  കാസര്‍കോട് താലൂക്ക് ഓഫീസ് കോണ്‍ഫറന്‍സ് ഹാളില്‍ ചേരും.
 

പട്ടികവര്‍ഗ്ഗ വികസന വകുപ്പിന് കീഴില്‍ ഐ.റ്റി.ഡി.പി. ഓഫീസിലും എടവണ്ണ, നിലമ്പൂര്‍, പെരിന്തല്‍മണ്ണ ട്രൈബല്‍ എക്സ്റ്റന്‍ഷന്‍ ഓഫീസുകളിലുമായി ഓഫീസ് മാനേജ്‌മെന്റ് ട്രെയിനികളെ തിരഞ്ഞെടുക്കുന്നതിന്  പട്ടികവര്‍ഗ്ഗ യുവതീയുവാക്കളില്‍ നിന്ന് അപേക്ഷ ക്ഷണിച്ചു.  എസ്.എസ്.എല്‍.സി. പാസ്സായവര്‍ക്ക് അപേക്ഷിക്കാം.  അപേക്ഷകര്‍ 2018 ജനുവരി ഒന്നിന് 18 നും 35 നും മധ്യേ പ്രായമുള്ളവരായിരിക്കണം.  ബിരുദധാരി കള്‍ക്ക് അഞ്ച് മാര്‍ക്ക് ഗ്രേസ് മാര്‍ക്കായി ലഭിക്കും.

        ഓഫീസ് നവീകരണത്തിന്റെ ഭാഗമായി കറന്തക്കാടുളള ആത്മ കെട്ടിടത്തില്‍ താല്‍ക്കാലികമായി പ്രവര്‍ത്തിച്ചിരുന്ന കാസര്‍കോട് പ്രിന്‍സിപ്പല്‍ കൃഷി ഓഫീസ് ഇന്നു (26) മുതല്‍ സിവില്‍ സ്റ്റേഷന്‍ എ ബ്ലോക്കിലെ  ഒന്നാം നിലയിലെ നവീകരിച്ച ഓഫീസിലേക്ക്  പ്രവര്‍ത്തനം  മാറ്റിയതായി പ്രിന്‍സിപ്പല്‍ കൃഷി ഓഫീസര്‍ അറിയിച്ചു. ഫോണ്‍ 04994 255346.