മലമ്പനി നിവാരണ യജ്ഞത്തിന്റെ ജില്ലാതല ഔദേ്യാഗിക പ്രഖ്യപനവും ശില്‍പശാല ഉദ്ഘാടനവും മെയ് 2 ന് രാവിലെ 10 മണിക്ക് ജില്ലാ ആസൂത്രണ സമിതി മിനി കോണ്‍ഫറന്‍സ് ഹാളില്‍ മേയര്‍ ഇ പി ലത ഉദ്ഘാടനം ചെയ്യും.  ജില്ലാ പഞ്ചായത്ത് പ്രസിഡണ്ട് കെ വി സുമേഷ് അധ്യക്ഷത വഹിക്കും.
 

കണ്ണൂര്‍ ഗവ.എഞ്ചിനീയറിങ്ങ് കോളേജില്‍ മെക്കാനിക്കല്‍ എഞ്ചിനീയറിങ്ങ് വിഭാഗത്തിലേക്ക് വിന്‍ഡോ സ്റ്റേ ഹുക്കുകള്‍ വിതരണം ചെയ്യാന്‍ താല്‍പര്യമുള്ളവരില്‍ നിന്നും ദര്‍ഘാസ് ക്ഷണിച്ചു.    മെയ് 3 ന് വൈകിട്ട് 2 മണി വരെ ദര്‍ഘാസുകള്‍ സ്വീകരിക്കും.  ഫോണ്‍: 0497 2780226. 
വാഹനം വാടകയ്ക്ക് ആവശ്യമുണ്ട്
കല്ല്യാശ്ശേരി അഡീഷണല്‍ ഐ സി ഡി എസ് പ്രൊജക്ട് ഓഫീസിന്റെ ഔദേ്യാഗിക ആവശ്യത്തിനായി വാഹനം വാടകയ്ക്ക് നല്‍കാന്‍ താല്‍പര്യമുള്ളവരില്‍ നിന്നും ക്വട്ടേഷന്‍ ക്ഷണിച്ചു.  മെയ് 14 ന് വൈകിട്ട് 2 മണി വരെ ക്വട്ടേഷന്‍ സ്വീകരിക്കും. 
 

കൊച്ചി: നാഷണല്‍ ഹൈവേ -66  വികസനത്തിന്റെ ഭാഗമായുള്ള സ്ഥലമേറ്റെടുക്കലുമായി ബന്ധപ്പെട്ട നടപടികള്‍ ഓഗസ്റ്റില്‍ പൂര്‍ത്തിയാക്കും. നാഷണല്‍ ഹൈവേ വികസനം സംബന്ധിച്ച് ബോള്‍ഗാട്ടി ലുലു കണ്‍വെന്‍ഷന്‍ സെന്ററില്‍ കേന്ദ്ര ഗതാഗത ഹൈവേ ഷിപ്പിംഗ് മന്ത്രി നിതിന്‍ ഗഡ്കരിയുടെയും മുഖ്യമന്ത്രി പിണറായി വിജയന്റെയും നേതൃത്വത്തില്‍ നടന്ന അവലോകനയോഗത്തിലാണ് തീരുമാനം.

ജനകീയ മത്സ്യകൃഷി/നീലവിപ്ലവം പദ്ധതി - 2018-19 വര്‍ഷം നടപ്പിലാക്കുന്ന പടുതാകുളത്തിലെ കരിമീന്‍ കൃഷി (5 സെന്റ്), പിന്നാമ്പുറ കുളങ്ങളിലെ കരിമീന്‍ കൃഷി (5 സെന്റ്), വന്നാമി, കാര, നാരന്‍ ചെമ്മീന്‍ കൃഷി,  ഞണ്ട്കൃഷി, മത്സ്യകൃഷി, ഓരുജല സമ്മിശ്ര കൃഷി, സംയോജിത മത്സ്യകൃഷി, മത്സ്യവിത്ത്ഉല്പാദനകേന്ദ്രം, ലൈവ് ഫിഷ്മാര്‍ക്കറ്റ്എന്നിവയ്ക്ക് താല്പര്യമുള്ള കര്‍ഷകരില്‍ നിന്നും അപേക്ഷ ക്ഷണിച്ചു.  അപേക്ഷാ ഫോമുകളും വിശദ വിവരങ്ങളും കണ്ണൂര്‍ മാപ്പിളബേയിലുള്ള മത്സ്യകര്‍ഷക വികസന ഏജന്‍സിയില്‍ നിന്നും തദ്ദേശ സ്വയംഭരണ സ്ഥാപനങ്ങളിലെ അക്വാകള്‍ച്ചര്‍ പ്രൊമോട്ടര്‍മാരില്‍ നിന്നും ലഭിക്കും.

ജില്ലയില്‍ വിദ്യാഭ്യാസ വകുപ്പില്‍ ഫിസിക്കല്‍ എജുക്കേഷന്‍ ടീച്ചര്‍ തസ്തികയുടെ തെരഞ്ഞെടുപ്പിനായി ജനുവരി 24 ന് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ട ഉദേ്യാഗാര്‍ത്ഥികളുടെ ഇന്റര്‍വ്യൂ മെയ് 2 മുതല്‍ 4 വരെ ജില്ലാ പി എസ് സി സി ഓഫീസില്‍ നടത്തും.  ഇന്റര്‍വ്യൂ മെമ്മോ ഒ ടി ആര്‍ പ്രൊഫൈലില്‍ നിന്നും ഡൗണ്‍ലോഡ് ചെയ്‌തെടുത്ത് വണ്‍ ടൈം െവരിഫിക്കേഷന്‍ സര്‍ട്ടിഫിക്കറ്റും അസ്സല്‍ പ്രമാണങ്ങളും സഹിതം പ്രസ്തുത തീയതിയില്‍ മെമ്മോയില്‍ പറഞ്ഞിരിക്കുന്ന സമയത്ത് ഹാജരാകണം.  ഫോണ്‍: 0497 2700482.

കണ്ണൂര്‍ സെന്റ് ആഞ്ചലോസ് കോട്ടയില്‍ കാണികള്‍ക്ക് വിനോദവും വിജ്ഞാനവും പകര്‍ന്നുനല്‍കി ലൈറ്റ് & സൗണ്ട് ഷോ പുനരാരംഭിച്ചു. കണ്ണൂര്‍ കോട്ടയുടെ അഞ്ഞൂറ് വര്‍ഷത്തെ ചരിത്രം പുനരാവിഷ്‌ക്കരിക്കന്ന രീതിയിലാണ് ഷോ സംവിധാനിച്ചിരിക്കുന്നത്. വിനോദസഞ്ചാര വകുപ്പ് ഡിടിപിസി വഴി നടപ്പിലാക്കുന്ന ഷോ സംസ്ഥാനത്ത് കണ്ണൂരില്‍ മാത്രമേയുള്ളൂ എന്ന സവിശേഷതയുമുണ്ട്. 

സൗകര്യവും സാമ്പത്തിക ലാഭവും പരിഗണിച്ച് കുഴല്‍ കിണറുകളെ ആശ്രയിക്കുന്നത് അവസാനിപ്പിക്കണമെന്നും അടിയന്തര സാഹചര്യങ്ങളില്‍ മാത്രമായി അത് പരിമിതപ്പെടുത്തണമെന്നും ജില്ലാ പഞ്ചായത്ത് സംഘടിപ്പിച്ച ജല പാര്‍ലമെന്റ് ജനങ്ങളോട് അഭ്യര്‍ഥിച്ചു. സ്വന്തമായി കിണര്‍ കുഴിക്കാന്‍ സൗകര്യമില്ലാത്ത സ്ഥലങ്ങളില്‍ കുടിവെള്ളത്തിനായി പൊതു കിണറുകളെ ആശ്രയിക്കണം. കുടിവെള്ളത്തിനുള്ള അവസാന മാര്‍ഗമെന്ന രീതിയില്‍ മാത്രമേ കുഴല്‍ കിണറിനെ കാണാന്‍ പാടുള്ളൂ എന്നും യോഗം അറിയിച്ചു. ഭൂഗര്‍ഭ ജലത്തിന്റെ തോത് ഭയാനകമാം വിധം കുറഞ്ഞുകൊണ്ടിരിക്കുന്ന സാഹചര്യത്തില്‍ കുഴല്‍ക്കിണറുകള്‍ പ്രശ്‌നം കൂടുതല്‍ സങ്കീര്‍ണമാക്കും.

ജില്ലയിലെ വികസന പ്രവര്‍ത്തനങ്ങള്‍ക്കായി കോടിക്കണക്കിന് രൂപയുടെ ഫണ്ട് സര്‍ക്കാര്‍ ചെലവഴിക്കുന്നതിന്റെ പ്രയോജനം ജനങ്ങള്‍ക്ക് ലഭിക്കണമെന്ന് തുറമുഖ, പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി ജില്ലാ വികസന സമിതി യോഗത്തില്‍ പറഞ്ഞു. പദ്ധതി പ്രവര്‍ത്തനങ്ങള്‍ സമയബന്ധിതമായി പൂര്‍ത്തീകരിക്കണം. ഇതില്‍ വേഗതയും കാര്യക്ഷമതയും ഉറപ്പുവരുത്തണം. കണ്ണൂര്‍ മണ്ഡലത്തിലെ തോട്ടട-കിഴുന്നപ്പാറ റോഡ് പ്രവൃത്തി ഉദ്ഘാടനം കഴിഞ്ഞ് എട്ടുമാസമായിട്ടും പണി നടക്കാത്തതില്‍ കടുത്ത അതൃപ്തി രേഖപ്പെടുത്തിയായിരുന്നു മന്ത്രിയുടെ പ്രതികരണം.

    നിയമസഭാ ദിനാചരണത്തിന്റെ ഭാഗമായി ഇന്ന് (ഏപ്രില്‍ 29) രാവിലെ 10.30 മുതല്‍ രാത്രി 9.30 വരെ പൊതുജനങ്ങള്‍ക്ക് നിയമസഭാ ഹാളും മ്യൂസിയവും സന്ദര്‍ശിക്കാം.
പി.എന്‍.എക്‌സ്.1575/18

ഞാറു നടീല്‍, കള പറിക്കല്‍, തെങ്ങുകയറ്റം:

കൃഷിപ്പണിക്ക് അങ്കമാലിയിലെ മിടുക്കികള്‍ റെഡി

കൊച്ചി: കൃഷിപ്പണിക്കായി അങ്കമാലിക്കാര്‍ക്ക് ഇനി ഇതരസംസ്ഥാന തൊഴിലാളികളെ അന്വേഷിച്ചു പോകണ്ട. നാട്ടുകാരായ 65 മിടുക്കികള്‍ ഏതു കൃഷിപ്പണി ചെയ്യാനും റെഡിയായി നില്‍പ്പുണ്ട്. ആവശ്യപ്പെട്ടാല്‍ ഞാറുനടാനും കളപറിക്കാനും മാത്രമല്ല തെങ്ങുകയറാന്‍ വരെ ഇവര്‍ വരും. ന്യായമായ കൂലി നല്‍കണമെന്നു മാത്രം.