2018-19 വാര്‍ഷിക പദ്ധതിയിലെ ഗുണഭോക്താക്കളെ തെരഞ്ഞെടുക്കുന്നതിനുള്ള അപേക്ഷകള്‍ ഈ മാസം 17 വരെ ഗ്രാമ കേന്ദ്രങ്ങള്‍, വാര്‍ഡ് മെമ്പര്‍മാര്‍, നിര്‍വഹണ ഉദ്യോഗസ്ഥരുടെ ആഫീസ് എന്നിവിടങ്ങളില്‍ സ്വീകരിക്കും. ഗുണഭോക്താക്കള്‍ ബന്ധപ്പെട്ട രേഖകളുടെ പകര്‍പ്പുകള്‍ സഹിതം നിശ്ചിത തീയതിക്കകം അപേക്ഷ നല്‍കണം. അപേക്ഷ ഫോറങ്ങള്‍ മെമ്പര്‍മാരില്‍ നിന്നും നിര്‍വ്വവഹണ ഉദ്യോഗസ്ഥരുടെ ഓഫീസില്‍ നിന്നും പഞ്ചായത്ത് വെബ് സൈറ്റില്‍ നിന്നും  ലഭിക്കും. അപേക്ഷ ഫോറത്തിന്റെ ഫോട്ടോ സ്റ്റാറ്റ് കോപ്പിയും ഉപയോഗിക്കാം. അപേക്ഷിക്കേണ്ട പദ്ധതിയുടെ വിവരങ്ങള്‍ ഫോറങ്ങളില്‍ നിന്നും ലഭ്യമാകും.
               

    റവന്യൂ റിക്കവറി നിയമപ്രകാരം ജപ്തി ചെയ്ത പഡ്രെ വില്ലേജിലുള്‍പ്പെട്ട ഏഴ് സെന്റ് ഭൂമി ഈ മാസം  10 ന്  രാവിലെ 11 ന്  വില്ലേജോഫീസില്‍ ലേലം ചെയ്യും.   വസ്തു സംബന്ധിച്ച കൂടുതല്‍ വിവരങ്ങള്‍ക്ക്  പഡ്രെ വില്ലേജ് ഓഫീസ്, കാസര്‍കോട് റവന്യൂ റിക്കവറി തഹസില്‍ദാരുടെ ഓഫീസ് എന്നിവിടങ്ങളുമായി ബന്ധപ്പെടുക.  ഫോണ്‍ 04994 225789, 8547617323.  

    ഹയര്‍സെക്കന്ററി ഏകജാലക പ്രവേശനുമായി  ബന്ധപ്പെട്ട് വിദ്യാര്‍ത്ഥികള്‍ക്കും രക്ഷാകര്‍ത്താക്കള്‍ക്കും വിവരങ്ങള്‍ ലഭ്യമാക്കുന്ന സഹായകേന്ദ്രമായ  ഫോക്കസ് പോയിന്റ് ഇന്നു (8) ചെര്‍ക്കള  സെന്‍ട്രല്‍ ജിഎച്ച്എസ്എസില്‍ രാവിലെ  9.30 ന്  എന്‍ എ നെല്ലിക്കുന്ന് എംഎല്‍എ ഉദ്ഘാടനം ചെയ്യും. ഇന്നു (8) മുതല്‍  ഈ മാസം 18 വരെ രാവിലെ 9.30 മുതല്‍ വൈകീട്ട് 4.30 വരെ ഫോക്കസ് പോയിന്റ് പ്രവര്‍ത്തിക്കും. ഫോണ്‍ 04994 282999.

    പെരിയ ജവഹര്‍ നവോദയ വിദ്യാലയത്തില്‍ 2018-19 അധ്യയ വര്‍ഷത്തില്‍ ഒമ്പതാം ക്ലാസില്‍ നിലവിലുള്ള ഒഴിവുകള്‍ നികത്തുന്നതിനായി നടത്തുന്ന പ്രവേശന പരീക്ഷ ഈ മാസം 19 ന് പെരിയ ജവഹര്‍ നവോദയ വിദ്യാലയത്തില്‍ നടക്കും.  അപേക്ഷ നല്‍കിയിട്ടുള്ളവര്‍ 19 ന് രാവിലെ 9.30 ന്  അഡ്മിറ്റ്  കാര്‍ഡുമായി ഹാജരാകണം.  അഡ്മിറ്റ്  കാര്‍ഡ് ംംം.ി്‌വെൂ.ീൃഴ ,  ംംം.ി്‌മെറാശശൈീിരഹമിൈശില.ശി എന്ന വെബ് സൈറ്റില്‍ ലഭ്യമാണ്. ഇതുവരെയും അഡ്മിറ്റ് കാര്‍ഡ് ലഭിക്കാത്തവര്‍ നവോദയവിദ്യാലയത്തില്‍ നിന്ന് 18  ന് മുമ്പ് നേരിട്ട് കൈപ്പറ്റണം.  
           

         കാസര്‍കോട് സര്‍ക്കാര്‍ പോളിടെക്‌നിക് കോളേജില്‍ കളിസ്ഥലനിര്‍മ്മാണവുമായി ബന്ധപ്പെട്ട് പിഴുത് മാറ്റിയ  30 തടി-വിറക്  ഈ മാസം 18 ന് 11 മണിക്ക് കോളേജില്‍ ലേലം ചെയ്യും.  ലേലത്തില്‍ പങ്കെടുക്കാന്‍ താല്‍പര്യമുള്ളവര്‍ അന്നേ ദിവസം ലേല സമയത്തിന് മുന്‍പ് കോളേജ് ഓഫീസില്‍ 634/ രൂപ നിരത ദ്രവ്യം അടച്ച് രസീത് വാങ്ങണം. 
       ലേല സാധനങ്ങളുടെ നിലവിലുള്ള സ്ഥിതി എല്ലാ പ്രവൃത്തി ദിവസങ്ങളിലും ഉച്ചയ്ക്കു ശേഷം നാല് മണി വരെ കോളേജില്‍  വന്നു കണ്ട് മനസ്സിലാക്കാം.
         

         പെരിയയിലുള്ള സര്‍ക്കാര്‍ പോളിടെക്‌നിക് കോളേജില്‍ കമ്പ്യൂട്ടര്‍, എഞ്ചിനീയറിംഗ് ബ്രാഞ്ചില്‍ ഡെമോണ്‍സ്‌ട്രേറ്റര്‍ , മെക്കാനിക്കല്‍ ബ്രാഞ്ചില്‍ ഡെമോണ്‍സ്‌ട്രേറ്റര്‍, വര്‍ക്ക്‌ഷോപ്പ് ഇന്‍സ്ട്രക്ടര്‍, സ്മിത്തി വിഭാഗത്തില്‍ ട്രേഡ്  ഇന്‍സ്ട്രക്ടര്‍, ട്രേഡ്‌സ്മാന്‍, ഇലക്ടിക്കല്‍ വിഭാഗത്തില്‍ ഡെമോണ്‍സ്‌ട്രേറ്റര്‍, ട്രേഡ്‌സ്മാന്‍, സിവില്‍ എഞ്ചിനീയറിംഗ് വിഭാഗത്തില്‍ ഡെമോണ്‍സ്‌ട്രേറ്റര്‍ ട്രേഡ് ഇന്‍സ്ട്രക്ടര്‍, ട്രേഡ്‌സ്മാന്‍ ഒഴിവുകളില്‍ ദിവസവേതനാടിസ്ഥാനത്തില്‍ അധ്യാപകരെ നിയമിക്കുന്നു.

       സംസ്ഥാന സര്‍ക്കാര്‍ സ്ഥാപനമായ ഐ.എച്ച്.ആര്‍.ഡി യുടെ കീഴില്‍ കുമ്പളയില്‍ പ്രവര്‍ത്തിക്കുന്ന കോളേജ് ഓഫ് അപ്ലൈഡ് സയന്‍സില്‍ വിവിധ വിഷയങ്ങളില്‍ അധ്യാപകരെ താല്‍ക്കാലികാടിസ്ഥാനത്തില്‍ നിയമിക്കുന്നു. 
    അസി.പ്രൊഫസര്‍ (കമ്പ്യൂട്ടര്‍ സയന്‍സ്) കമ്പ്യൂട്ടര്‍ പ്രോഗ്രാമര്‍, അസി.പ്രൊഫസര്‍ (മാത്തമാറ്റിക്‌സ്), അസി.പ്രൊഫസര്‍ (ഇംഗ്ലീഷ്), അസി.പ്രൊഫസര്‍ (ഇലക്‌ട്രോണിക്‌സ്), ഡെമോണ്‍സ്‌ട്രേറ്റര്‍ ഇന്‍ ഇലക്‌ട്രോണിക്‌സ്, അസി.പ്രൊഫസര്‍ (ഹിന്ദി), അസി.പ്രൊഫസര്‍ (മലയാളം), അസി.പ്രൊഫസര്‍ (കന്നഡ), അസി.പ്രൊഫസര്‍ (കോമേഴ്‌സ്) എന്നീ തസ്തികകളിലേക്കാണ് നിയമനം നടത്തുന്നത്. 

    കാഞ്ഞങ്ങാട് ബ്ലോക്ക് പഞ്ചായത്തിന് കീഴിലുളള പെരിയ സാമൂഹികാരോഗ്യ കേന്ദ്രത്തില്‍ താല്‍ക്കാലികാടിസ്ഥാനത്തില്‍ റേഡിയോഗ്രാഫറെ നിയമിക്കുന്നു.  യോഗ്യത പ്ലസ് ടു സയന്‍സ് ഐഛിക വിഷയമായെടുത്ത് ഡിപ്ലോമ ഇന്‍  റേഡിയോളജിക്കല്‍  ടെക്‌നോളജി (ഗവ. അംഗീകൃത കോഴ്‌സ്) സര്‍ട്ടിഫിക്കറ്റും അസല്‍ പകര്‍പ്പുമായി  കൂടിക്കാഴ്ചയ്ക്ക് ഹാജരാകണം.  അപേക്ഷകര്‍ ഗവ. അംഗീകൃത (പിഎസ് സി അംഗീകൃതം) കോഴ്‌സ് പാസായിരിക്കണം.  യോഗ്യരായവര്‍ സര്‍ട്ടിഫിക്കറ്റുകളുടെ  അസലും പകര്‍പ്പും സഹിതം   നാളെ (9) രാവിലെ  11 ന്  കൂടിക്കാഴ്ചയ്ക്ക് ഹാജരാകണം.  കൂടുതല്‍ വിവരങ്ങള്‍ക്ക് 04672 234141.