കാരുണ്യ പദ്ധതി പ്രകാരം കഴിഞ്ഞ സാമ്പത്തിക വര്‍ഷം കാസര്‍കോട് ജില്ലാ ഭാഗ്യക്കുറി ഓഫീസില്‍ നിന്ന് 22.4 കോടി രൂപ  രോഗികള്‍ക്കായി വിതരണം ചെയ്തു.  മാരക രോഗങ്ങള്‍ ബാധിച്ചവര്‍ക്ക് മൂന്നു ലക്ഷം രൂപ വരെ ധനസഹായം വിതരണം ചെയ്തു.  ജില്ലയില്‍ മൊത്തം 1898 രോഗികള്‍ക്കാണ്  2017-18 സാമ്പത്തിക വര്‍ഷം 22.4 കോടി രൂപ വിതരണം ചെയ്തത്.

പ്ലസ് വണ്‍  പ്രവേശനം: അപേക്ഷ അക്ഷയ കേന്ദ്രങ്ങള്‍ വഴി

കൊച്ചി: പ്ലസ് വണ്‍ പ്രവേശനത്തിനുളള അപേക്ഷകള്‍  ഓണ്‍ലൈനായി അക്ഷയകേന്ദ്രങ്ങള്‍ വഴി നല്‍കാം. അപേക്ഷ നല്‍കല്‍, ഓപ്ഷന്‍ നല്‍കല്‍ തുടങ്ങി പ്ലസ് വണ്‍ പ്രവേശനവുമായി എല്ലാവിധ ഓണ്‍ലൈന്‍ സേവനങ്ങളും അക്ഷയ കേന്ദ്രങ്ങള്‍ വഴി ലഭിക്കും. വിദ്യാര്‍ഥികള്‍ക്ക് അപേക്ഷ അയക്കുന്നതുമായി ബന്ധപ്പെട്ട സംശയനിവാരണമടക്കം ആവശ്യമായ സഹായങ്ങള്‍ അക്ഷയ കേന്ദ്രങ്ങള്‍ വഴി ലഭിക്കും. സര്‍ക്കാര്‍ അംഗീകൃത സേവന കേന്ദ്രങ്ങളായ അക്ഷയവഴി അപേക്ഷ അയയ്ക്കുവാനുളള സൗകര്യം വിദ്യാര്‍ഥികള്‍ പ്രയോജനപ്പെടുത്തണമെന്ന് അക്ഷയ ഡയറക്ടര്‍ അറിയിച്ചു.

നം 22/2018/ഐഒഇ                          

ജില്ലാ ഇന്‍ഫര്‍മേഷന്‍ ഓഫീസ്
എറണാകുളം, 04/05/2017
ഫോണ്‍ 0484 2354208

ക്വട്ടേഷന്‍ നോട്ടീസ്

കൊച്ചി: വിനോദ സഞ്ചാര വകുപ്പിന്റെ   അധീനതയിലുളള എറണാകുളം ഗവ: ഗസ്റ്റ്ഹൗസില്‍ എത്തിച്ചേരുന്ന അതിഥികള്‍ ഉപയോഗിക്കുന്ന തുണിത്തരങ്ങള്‍ അലക്കി വൃത്തിയായി, തേച്ച് തിരികെ ഏല്‍പ്പിക്കുന്നതിന് ഈ മേഖലയില്‍ പരിചയ സമ്പന്നരായ വ്യക്തികള്‍/സ്ഥാപനങ്ങള്‍ മുതലായവരില്‍ നിന്ന് ദര്‍ഘാസ് ക്ഷണിച്ചു.  ദര്‍ഘാസുകള്‍ സമര്‍പ്പിക്കുന്നവര്‍ 5000 രൂപയുടെ നിരതദ്രവ്യം ഡപ്യൂട്ടി ഡയറക്ടര്‍, ഗവ: ഗസ്റ്റ് ഹൗസ്, വിനോദ സഞ്ചാര വകുപ്പ്, എറണാകുളം എന്ന പേരില്‍ ഡി.ഡി എടുത്ത് ദര്‍ഘാസിനൊപ്പം ഉളളടക്കം ചെയ്യണം. കൂടുതല്‍ വിവരങ്ങള്‍ക്ക് ഫോണ്‍ 0484-2360502.

ആലപ്പുഴ: നിയമസഭ ഉപതിരഞ്ഞെടുപ്പുമായി ബന്ധപ്പെട്ട് ജില്ലയിലെ രാഷ്ട്രീയ പാർട്ടികളും സ്ഥാനാർഥികളും മൊബൈൽ ഫോണുകളിൽ എസ്.എം.എസ്., റെക്കോഡ് ചെയ്ത ശബ്ദസന്ദേശം വഴി നടത്തുന്ന പ്രചരണത്തിന് മുൻകൂർ അനുമതി വാങ്ങണമെന്ന് ജില്ല തിരഞ്ഞെടുപ്പ് ഓഫീസറായ ജില്ല കളക്ടർ ടി.വി. അനുപമ അറിയിച്ചു. 

ആലപ്പുഴ: പത്രിക സമർപ്പണ വേളയിൽ വരണാധികാരിയുടെ മുറിയിൽ സ്ഥാനാർഥിയോടൊപ്പം നാലുപേർക്കു മാത്രമാണ് പ്രവേശം അനുവദിക്കൂ. വരണാധികാരി,സഹവരണാധികാരി  ഓഫീസിനു 100 മീറ്റർ ചുറ്റളവിൽ സ്ഥാനാർഥിയുടേതായി മൂന്നു വാഹനങ്ങൾ മാത്രമേ ഉപയോഗിക്കാൻ പാടുള്ളു. ഈ പരിധിക്കുള്ളിൽ പ്രകടനങ്ങൾ അനുവദനീയമല്ല. ഒരു സ്ഥാനാർഥിക്കു നാലു സെറ്റ് പത്രിക വരെ സമർപ്പിക്കാം.

ആലപ്പുഴ: ചെങ്ങന്നൂർ നിയമസഭ മണ്ഡലത്തിൽ നിന്നുള്ള ഉപതിരഞ്ഞെടുപ്പിനുള്ള വിജ്ഞാപനം ഇന്ന് പുറപ്പെടുവിക്കും. രാവിലെ വരണാധികാരിയായ ചെങ്ങന്നൂർ റവന്യൂ ഡിവിഷണൽ ഓഫീസിൽ വിജ്ഞാപനം പതിക്കുന്നതോടെ തിരഞ്ഞെടുപ്പ് പ്രക്രിയ്ക്കു തുടക്കമാകും. രാവിലെ 11 മുതൽ വൈകീട്ടു മൂന്നു വരെയാണ് പത്രികസമർപ്പണത്തിനുള്ള സമയം. മെയ് 10 വരെ നാമനിർദ്ദേശ പത്രികകൾ സമർപ്പിക്കാം. നാമനിർദ്ദേശപത്രികകളുടെ സൂക്ഷ്മ പരിശോധന മെയ് 11ന് വരണാധികാരിയുടെ കാര്യാലയത്തിൽ നടത്തും. 14ന് വൈകീട്ട് മൂന്നുവരെ നാമനിർദ്ദേശ പത്രികകൾ പിൻവലിക്കാം. മെയ് 28നാണ് തിരഞ്ഞെടുപ്പ്. 31ന് വോട്ടെണ്ണൽ നടത്തും.

ചെങ്ങന്നൂർ ഉപതിരഞ്ഞെടുപ്പിൽ ഉപയോഗിക്കുന്നതിന് ആവശ്യമായ 500 ബാലറ്റ് യൂണികൾ സജ്ജമായി.  400 കൺട്രോൾ യൂണിറ്റും 712 വിവിപാറ്റ് മെഷീനുകളും പരിശോധന പൂർത്തിയാക്കിയ ശേഷം പൂർണ സജ്ജമാക്കിയതായി  ജില്ലാകളക്ടർ ടി.വി .അനുപമ പറഞ്ഞു.  ചെങ്ങന്നൂരിൽ ആവശ്യമായ വിവിപാറ്റ് മെഷീനുകൾ കൂടാതെ  30 ശതമാനം കരുതൽ യന്ത്രങ്ങളും അധികമായി സൂക്ഷിച്ചിട്ടുണ്ട്. കളക്‌ട്രേറ്റിൽ നിന്നുള്ള  വി.വി.പാറ്റ് മെഷീനുകളുടെ  വിതരണം മെയ്20ന് ശേഷം  നടക്കുമെന്ന്  കളക്ടർ അറിയിച്ചു.

(പി.എൻ.എ 955/ 2018)

 2019 നടക്കാനിരിക്കുന്ന ലോക്‌സഭ തിരഞ്ഞെടുപ്പിന് ആവശ്യമായ ഇലക്ട്രോണിക് വോട്ടിങ് മെഷീനുകൾ  ജില്ലയിലെത്തി.  ഇലക്ട്രോണിക് കോർപ്പറേഷൻ ഇന്ത്യ ലിമിറ്റഡ് ഹൈദരാബാദിൽ നിന്നാണ് യന്ത്രങ്ങൾ  കളക്ടറേറ്റിലെത്തിച്ചത്.  അഞ്ചു വലിയ ട്രക്കുകളിലായാണ് മെഷീനുകൾ എത്തിച്ചത്.  സ്‌പെഷ്യൽ തഹസിൽദാർ ഒ.ജെ.ബേബി  മെഷീനുകൾ കൊണ്ടുവന്ന വാഹനത്തോടൊപ്പം ഉണ്ടായിരുന്നു. മുമ്പ് മെഷീനുകൾ എത്തിച്ചിരുന്നത് ഇരുമ്പ് പെട്ടിക്കുള്ളിൽ ആയിരുന്നു.