സാക്ഷരതാ മിഷന്‍ സംഘടിപ്പിക്കുന്ന പത്താംതരം, ഹയര്‍ സെക്കണ്ടറി തുല്യതാ ക്ലാസുകളിലെ ക്ലാസ് ലീഡര്‍മാര്‍ക്കുള്ള പരിശീലനം നാളെ (മാര്‍ച്ച് 20)ജില്ലാ പഞ്ചായത്ത് ഹാളില്‍ രാവിലെ 10 മണിക്ക് നടക്കും. ജില്ലാ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ കെ.പി.ജയബാലന്റെ അധ്യക്ഷതയില്‍ ജില്ലാ പഞ്ചായത്ത് പ്രസിഡണ്ട് കെ.വി. സുമേഷ് ഉദ്ഘാടനം ചെയ്യും. 
പി എന്‍ സി/500/2018 
 

 വിദ്യാലയങ്ങള്‍ കേന്ദ്രീകരിച്ചും അല്ലാതെയും വിദ്യാര്‍ഥികള്‍ക്കിടയില്‍ വര്‍ധിച്ചുവരുന്ന ലഹരി ഉപയോഗം തടയാന്‍ രക്ഷാകര്‍തൃസമിതികളുടെ കൂടി പങ്കാളിത്തം ഉറപ്പുവരുത്തണമെന്ന് ജില്ലാതല ജനകീയ കമ്മിറ്റി യോഗം ആവശ്യപ്പെട്ടു. എക്‌സൈസ്-വിദ്യാഭ്യാസ വകുപ്പുകള്‍ക്കൊപ്പം രക്ഷാകര്‍ത്താക്കള്‍ കൂടി ജാഗ്രത പാലിച്ചാല്‍ മാത്രമേ ഇക്കാര്യത്തില്‍ പുരോഗതി കൈവരിക്കാനാവൂ എന്ന് യോഗത്തില്‍ അധ്യക്ഷത വഹിച്ച എ.ഡി.എം ഇ മുഹമ്മദ് യൂസുഫ് പറഞ്ഞു.

കൊച്ചി: സംസ്ഥാന ആര്‍ക്കൈവ്‌സ് വകുപ്പിന്റെ  നേതൃത്വത്തില്‍ നടത്തുന്ന ചരിത്ര പൈതൃക ബോധന യാത്ര ജില്ലയില്‍ പര്യടനം നടത്തി. പൊതുജനങ്ങളിലും കോളേജ് വിദ്യാര്‍ഥികളിലും കേരളത്തിന്റെ ചരിത്രത്തെക്കുറിച്ചും രേഖാ പൈതൃകത്തെക്കുറിച്ചും ആര്‍ക്കൈവ്‌സ് വകുപ്പിന്റെ് സേവനങ്ങളെക്കുറിച്ചും അവബോധം സൃഷ്ടിക്കുന്നതിനായി, 'പഴമയുടെ പുതുമ എന്റെ പെരുമ' എന്ന പേരില്‍ നടത്തുന്ന യാത്രയുടെ ജില്ലയിലെ ഉദ്ഘാടനം എറണാകുളം മഹാരാജാസ് കോളേജില്‍ കവിയും കോളേജിലെ മലയാളം വിഭാഗം തലവനുമായ എസ്. ജോസഫ് നിര്‍വഹിച്ചു. മഹാരാജാസ് കോളേജിലെ ചരിത്ര വിഭാഗം തലവന്‍ ഡോ. ആര്‍. ശ്രീകുമാര്‍ ചടങ്ങില്‍ ആശംസകള്‍ നേര്‍ന്നു .

കേരള സാമൂഹ്യ സുരക്ഷാ മിഷന്‍ നടപ്പാക്കി വരു വയോമിത്രം പ്രെങുക്ടില്‍ ഇടുക്കി ജില്ലയില്‍ മെഡിക്കല്‍ ഓഫീസര്‍ (മോഡേ മെഡിസിന്‍) തസ്തികയില്‍ കരാര്‍ വ്യവസ്ഥയില്‍ താത്കാലിക നിയമനം നടത്തുു. പ്രതിമാസ വേതനം 39,500 രൂപ.  താത്പര്യമുള്ളവര്‍ മാര്‍ച്ച് 20 ഉച്ചക്ക് രണ്ടിന് തൊടുപുഴ വയോമിത്രം ഓഫീസില്‍ അസല്‍ സര്‍'ിഫിക്കറ്റുകള്‍ സഹിതം കൂടിക്കാഴ്ചക്ക് ഹാജരാകണം.  കൂടുതല്‍ വിവരങ്ങള്‍ക്ക് 90723022562, 9387388889 എീ നമ്പറുകളില്‍ ബന്ധപ്പെടാം.

കൊച്ചി: മത്സ്യഫെഡ് 34-ാമത് സ്ഥാപക ദിനത്തോടനുബന്ധിച്ച് നടത്തിയ ചടങ്ങ് ചെയര്‍മാന്‍ പി.ചിത്തരജ്ഞന്‍ ഉദ്ഘാടനം ചെയ്തു. മൈക്രോ ഫിനാന്‍സ് വായ്പ 50,000 രൂപയായി ഉയര്‍ത്തുമെന്നും മത്സ്യത്തൊഴിലാളികള്‍ക്കായി ആരോഗ്യ ഇന്‍ഷ്വറന്‍സ് പദ്ധതി നടപ്പിലാക്കുമെന്നും ചെയര്‍മാന്‍ അറിയിച്ചു. മാര്‍ച്ച് 31 നകം 376/- രൂപ പ്രീമിയം അടച്ച് മത്സ്യത്തൊഴിലാളി അപകട ഇന്‍ഷ്വറന്‍സ് പദ്ധതിയില്‍ ചേരണമെന്നും ചെയര്‍മാന്‍ പറഞ്ഞു.  

കൊച്ചിന്‍ കോര്‍പറേഷനില്‍  ആരോഗ്യ ഇന്‍ഷുറന്‍സ് കാര്‍ഡ് പുതുക്കല്‍

    ലോക ദന്താരോഗ്യ ദിനാചരണം ഇന്ന് (20) രാവിലെ 10ന് പത്തനംതിട്ട ജനറല്‍ ആശുപത്രിയില്‍ നടക്കും. ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി ഉദ്ഘാടനം  ചെയ്യും. നഗരസഭാധ്യക്ഷ രജനി പ്രദീപ് അധ്യക്ഷത വഹിക്കും. വൈസ് ചെയര്‍മാന്‍ പി കെ ജേക്കബ്, ആരോഗ്യ സ്ഥിരം സമിതി അധ്യക്ഷ സിന്ധു അനില്‍, ജില്ലാ മെഡിക്കല്‍ ഓഫിസര്‍ ഡോ.എല്‍.അനിതകുമാരി, ജില്ലാ പ്രോഗ്രാം മാനേജര്‍ ഡോ.എബിസുഷന്‍, ആശുപത്രി സൂപ്രണ്ട് ഡോ.ശ്രീലത തുടങ്ങിവര്‍ പങ്കെടുക്കും. ദിനാചരണത്തോടനുബന്ധിച്ച് ബോധവത്ക്കരണ ക്ലാസ്, പോസ്റ്റര്‍ പ്രദര്‍ശനം എന്നിവയും നടക്കും.