ഇടുക്കി എം.പി അഡ്വ. ഡീന്‍ കുര്യാക്കോസ് നടപ്പിലാക്കുന്ന 'റൈസ്' പദ്ധതിയുടെ ഭാഗമായി, ഈ വര്‍ഷത്തെ പ്ലസ് ടു, എസ്.എസ്.എല്‍.സി പരീക്ഷകളില്‍ എല്ലാ വിഷയങ്ങള്‍ക്കും എ പ്ലസ്  നേടിയ വിദ്യാര്‍ത്ഥികളെ ആദരിക്കുന്ന മെറിറ്റ് അവാര്‍ഡ് വിതരണത്തിന്റെ ഭാഗമായി ദേവികുളം നിയമസഭാ മണ്ഡലതല അവാര്‍ഡ് വിതരണം ജൂണ്‍ 14 ഞായറാഴ്ച ഉച്ചകഴിഞ്ഞ് 2 മണിക്ക് അടിമാലി വിശ്വദീപ്തി സി.എം.ഐ പബ്ലിക് സ്‌കൂളില്‍ നടക്കും.
കേരള പൊലീസ് അക്കാഡമി ഡയറക്ടര്‍  കെ. സേതുരാമന്‍ ചടങ്ങില്‍ മുഖ്യാതിഥിയായി പങ്കെടുത്ത് വിദ്യാര്‍ത്ഥികള്‍ക്ക് പുരസ്‌കാരങ്ങള്‍ വിതരണം ചെയ്യും. അഡ്വ. ഡീന്‍ കുര്യാക്കോസ് എം.പി ചടങ്ങില്‍ അധ്യക്ഷത വഹിക്കും.

ഇടുക്കി എം.പി അഡ്വ. ഡീന്‍ കുര്യാക്കോസ് നടപ്പിലാക്കുന്ന 'റൈസ്'  പദ്ധതിയുടെ ഭാഗമായി, ഈ വര്‍ഷത്തെ പ്ലസ് ടു, എസ്.എസ്.എല്‍.സി പരീക്ഷകളില്‍ എല്ലാ വിഷയങ്ങള്‍ക്കും എ പ്ലസ്  നേടിയ വിദ്യാര്‍ത്ഥികളെ ആദരിക്കുന്ന തൊടുപുഴ നിയമസഭാ മണ്ഡലതല മെറിറ്റ് അവാര്‍ഡ് വിതരണം തിങ്കളാഴ്ച നടക്കും.

ജൂണ്‍ 15 തിങ്കളാഴ്ച രാവിലെ 11 മണിക്ക് തൊടുപുഴ മര്‍ച്ചന്റ്സ് ട്രസ്റ്റ് ഹാളില്‍ നടക്കുന്ന ചടങ്ങിന്റെ ഉദ്ഘാടനം ആഭ്യന്തരമന്ത്രി  രമേശ് ചെന്നിത്തല നിര്‍വ്വഹിക്കും. ചടങ്ങില്‍ മുഖ്യാതിഥിയായി ചീഫ് വിപ്പ് അപു ജോണ്‍ ജോസഫ് പങ്കെടുക്കും. അഡ്വ. ഡീന്‍ കുര്യാക്കോസ് എം.പി അധ്യക്ഷത വഹിക്കും.

കേന്ദ്ര വനിതാ ശിശുവികസന മന്ത്രാലയത്തിനു കീഴില്‍ പൈനാവില്‍ സ്റ്റേറ്റ് ബാങ്കിനു സമീപം പ്രവര്‍ത്തി ക്കുന്ന സഖി വണ്‍ സ്റ്റോപ്പ് സെന്ററിന്റെ ഓദ്യോഗിക ആവശ്യത്തിനായി 3 മാസത്തേയ്ക്ക് കരാറടിസ്ഥാനത്തില്‍ വാഹനങ്ങള്‍ വാടകയ്ക്ക് നല്‍കുന്നതിന് താല്‍പര്യമുളള വ്യക്തികള്‍/സ്ഥാപനങ്ങളില്‍ നിന്നും മുദ്ര വച്ച കവറില്‍ മത്സര സ്വഭാവമുളള ടെന്‍ഡറുകള്‍  ക്ഷണിച്ചു. ടെന്‍ഡര്‍ ഫോമുകള്‍ പൈനാവില്‍ പ്ര വര്‍ത്തിക്കുന്ന വനിതാ സംരക്ഷണ ഓഫീസില്‍ നിന്നും ജൂണ്‍ 27 ഉച്ചയ്ക്ക് 1 മണി വരെ ഓഫീസ് പ്രവൃത്തി സമയത്ത് വാങ്ങാം. അന്നേ ദിവസം ഉച്ചകഴിഞ്ഞ്  3 മണി വരെ ടെന്‍ഡറുകള്‍ സ്വീകരിക്കും.

വേള്‍ഡ് കപ്പ് ഫുട്ബോളിനോട് അനുബന്ധിച്ച് ഇടുക്കി ജില്ലയിലെ വിവിധ ഇടങ്ങളില്‍ വലിയ കട്ടൗട്ടുകളും ഫ്ളക്സ് ബോര്‍ഡുകളും സ്ഥാപിക്കുന്നതായി ശ്രദ്ധയില്‍പെട്ടിട്ടുണ്ട്. വൈദ്യുതി പോസ്റ്റുകളിലോ ട്രാന്‍സ്ഫോര്‍മര്‍ ഫെന്‍സിങ്ങുകളിലോ വൈദ്യുതി ലൈനുകളോട് ചേര്‍ന്നോ ഇത്തരം ബോര്‍ഡുകള്‍ സ്ഥാപിക്കരുതെന്നും  ബോര്‍ഡുകള്‍ കൊണ്ടു പോവുകയോ സ്ഥാപിക്കുകയോ ചെയ്യുന്ന അവസരങ്ങളില്‍ സമീപത്തുളള ലൈനുകളില്‍ മുട്ടാതിരിക്കുവാന്‍ അതീവ ശ്രദ്ധപുലര്‍ത്തണമെന്നും വൈദ്യുത അപകടങ്ങള്‍ ഒഴിവാക്കണമെന്നും ഇലക്ട്രിക്കല്‍ ഇന്‍സ്പെക്ടര്‍ അറിയിച്ചു.

ഇടുക്കി ഗവ. എഞ്ചിനീയറിംഗ് കോളേജില്‍ ദിവസ വേതന അടിസ്ഥാനത്തില്‍ ബസ് ഡ്രൈവര്‍ കം ക്ളീനര്‍  തസ്തികയില്‍    താല്‍ക്കാലിക നിയമനം നടത്തുന്നതിന് അപേക്ഷ ക്ഷണിച്ചു.  30 നും 60 നും ഇടയില്‍ പ്രായമുള്ളഉദ്യോഗാര്‍ഥികള്‍ക്ക് അപേക്ഷിക്കാം. 10 വര്‍ഷത്തെ പ്രവൃത്തിപരിചയം ഉണ്ടായിരിക്കണം. ബയോഡാറ്റ, പ്രവൃത്തിപരിചയ സര്‍ട്ടിഫിക്കറ്റ്, പോലീസ് ക്ലിയറന്‍സ് സര്‍ട്ടിഫിക്കറ്റ് എന്നിവ സഹിതം ജൂണ്‍ 17ന് രാവിലെ 10 മണിക്ക് കോളേജ് ഓഫീസില്‍ അഭിമുഖത്തിന് ഹാജരാകണമെന്ന് പ്രിന്‍സിപ്പല്‍ അറിയിച്ചു.

ജില്ലാ പൊലീസ് മേധാവിയുടെ ഓഫീസിലെ ലൈലന്‍ഡ് സ്മാര്‍ട്ട് ബസിന് ടയര്‍ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. ജില്ലാ പൊലീസ് മേധാവി, സിവില്‍ സ്റ്റേഷന്‍, ഇടുക്കി എന്ന മേല്‍വിലാസത്തില്‍ അഞ്ച് ദിവസത്തിനുളളില്‍ ക്വട്ടേഷന്‍ ലഭിക്കണം. കവറിന് പുറത്ത് കെ.എല്‍. 01.സി.എം-4967 ലൈലന്‍ഡ് ലിന്‍ക്സ് സ്മാര്‍ട്ട് ബസിന്റെ ടയര്‍ നല്‍കുന്നതിനുള്ള ക്വട്ടേഷന്‍'' എന്ന് എഴുതിയിരിക്കണം. കൂടുതല്‍ വിവരങ്ങള്‍ക്ക് ഓഫീസുമായി ബന്ധപ്പെടാം. ഫോണ്‍: 04862232354.
 

കെ.എസ്.ആര്‍.ടി.സി ഓര്‍ഡിനറി ബസുകളില്‍ സ്ത്രീകള്‍ക്ക്  സൗജന്യയാത്ര അനുവദിക്കുന്ന പ്രിയദര്‍ശിനി പദ്ധതിയുടെ ജില്ലാതല ഉദ്ഘാടനം ഇന്ന്(ജൂൺ 15 തിങ്കള്‍) കോട്ടയത്ത് നടക്കും. രാവിലെ ഒന്‍പതിന് കോട്ടയം കെ.എസ്.ആര്‍.ടി.സി ഡിപ്പോ അങ്കണത്തില്‍ നിയമസഭാ സ്പീക്കര്‍ തിരുവഞ്ചൂര്‍ രാധാകൃഷ്ണന്‍ ഉദ്ഘാടനം നിര്‍വഹിക്കും.   ജില്ലാ പഞ്ചായത്ത് പ്രസിഡന്‍റ് ജോഷി ഫിലിപ്പ്, മുനിസിപ്പല്‍ ചെയര്‍മാന്‍ എം.പി. സന്തോഷ് കുമാര്‍ തുടങ്ങിയവര്‍ പങ്കെടുക്കും.  ഇതോടനുബന്ധിച്ച് ജില്ലയിലെ മറ്റ് നിയമസഭാ നിയോജക മണ്ഡലങ്ങളിലും ഉദ്ഘാടന പരിപാടികള്‍ നടക്കും.

ലോക ഭക്ഷ്യസുരക്ഷാ ദിനത്തോടനുബന്ധിച്ച് ജില്ലാ ഭക്ഷ്യസുരക്ഷാ വകുപ്പ് വിവിധ പരിപാടികള്‍ സംഘടിപ്പിച്ചു. ജൂണ്‍ 11ന് അരുവിത്തുറ സെന്റ് ജോര്‍ജ്് കോളജില്‍ വെച്ച് വിവിധ കോളേജുകളിലെ വിദ്യാര്‍ഥികള്‍ക്കായി ഭക്ഷ്യസുരക്ഷാ പരിശീലന ക്ലാസും ഭക്ഷ്യസുരക്ഷാ ക്വിസ്സും നടത്തി. ക്വിസ് മത്സരത്തില്‍ അരുവിത്തുറ സെന്റ് ജോര്‍ജ്് കോളജ് ഒന്നാം സ്ഥാനവും ആലുവ സെന്റ് സേവ്യഴ്‌സ് കോളജ് രണ്ടാംസ്ഥാനവും നേടി. ഭക്ഷ്യസംരംഭകര്‍ക്കായി സെമിനാറും നടത്തി. ജൂണ്‍ 12ന് കോട്ടയം കാരിത്താസില്‍ നിന്ന് വിദ്യാര്‍ഥികളും പൊതുജനങ്ങളും ഭക്ഷ്യസുരക്ഷാ വകുപ്പ് ജീവനക്കാരും അണിനിരന്ന വാക്കത്തണ്‍ കോട്ടയം ഡി.വൈ.എസ്.പി കെ.എസ.് അരുണ്‍ ഫ്ലാഗ് ഓഫ് ചെയ്തു.

തിരുവനന്തപുരം നാഷണല്‍ കരിയര്‍ സര്‍വീസ് സെന്റര്‍ ഫോര്‍ എസ്.സി/എസ്.ടി നടത്തുന്ന സൗജന്യ കംപ്യൂട്ടര്‍ പരിശീലനത്തിന് (ഓഫീസ് ഓട്ടോമേഷന്‍, അക്കൗണ്ടിംഗ് ആന്‍ഡ് പബ്ലിഷിംഗ് അസിസ്റ്റന്റ്) അപേക്ഷ ക്ഷണിച്ചു. കെല്‍ട്രോണിന്റെ കോട്ടയം നോളജ് സെന്ററില്‍ ആണ് കോഴ്‌സ് നടത്തുന്നത്. 30 വയസ്സില്‍ താഴെ പ്രായമുള്ള മൂന്നു ലക്ഷത്തില്‍ താഴെ വാര്‍ഷിക വരുമാനമുള്ള പ്ലസ് ടൂ പാസ്സായ എസ്.സി/എസ്.ടി വിഭാഗത്തിലുള്ളവര്‍ക്ക് അപേക്ഷിക്കാം. താല്‍പര്യമുള്ളവര്‍ യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി ജൂണ്‍ 25 ന് മുന്‍പായി നാഗമ്പടത്തുള്ള കെല്‍ട്രോണ്‍ നോളജ് സെന്ററില്‍ എത്തണം. ഫോണ്‍: 9567788890, 0481 2304031.

വാകത്താനം ഗ്രാമപഞ്ചായത്ത് ഒന്ന്, പത്ത് വാര്‍ഡുകളിലെ ആശ വര്‍ക്കറുടെ ഒഴിവിലേക്ക് അപേക്ഷ ക്ഷണിച്ചു. 25നും 45നും ഇടയില്‍ പ്രായമുള്ള വിവാഹിതരും പത്താം ക്ലാസ് യോഗ്യതയുമുള്ള അതത് വാര്‍ഡിലെ സ്ഥിരതാമസക്കാര്‍ക്ക് അപേക്ഷിക്കാം. ജൂണ്‍ 22നകം വാകത്താനം സി.എച്ച്.സി ഓഫീസില്‍ അപേക്ഷ നല്‍കണം. അഭിമുഖം ജൂണ്‍ 23ന് (ചൊവ്വാഴ്ച) രാവിലെ 11ന്.