ചിറ്റൂര്‍-തത്തമംഗലം നഗരസഭയില്‍ 22-ാം വാര്‍ഡിലെ വിദ്യാര്‍ഥികള്‍ക്ക് പഠനോപകരണങ്ങളുടെ വിതരണവും എസ്.എസ്.എല്‍.സി, പ്ലസ്ടു വിജയികളെ അനമോദിക്കലും നടന്നു. മേട്ടുപ്പാളയം ഗുരുസ്വാമിയാര്‍ മഠം കല്ല്യാണമണ്ഡപത്തില്‍ നടന്ന പരിപാടി ചിറ്റൂര്‍-തത്തമംഗലം നഗരസഭ ചെയര്‍പേഴ്സണ്‍ കെ.എല്‍.കവിത ഉദ്ഘാടനം ചെയ്തു.

കേരള സര്‍ക്കാറിന്റെ പുതു സംരംഭമായ നൈപുണ്യവികസന കേന്ദ്രം (സ്‌കില്‍ ഡെവലെപ്പ്മെന്റ് സെന്റര്‍) കൂനത്തറ ഗവ.വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍  പ്രവര്‍ത്തനം ആരംഭിച്ചു. നൈപുണ്യവികസന കേന്ദ്രത്തിന്റെ ഉദ്ഘാടനം പി മമ്മിക്കുട്ടി എംഎല്‍എ നിര്‍വ്വഹിച്ചു.

തൃത്താല മണ്ഡലത്തിന്റെ സുസ്ഥിര വികസനം ലക്ഷ്യമിട്ട് മന്ത്രി എം. ബി. രാജേഷ് ആവിഷകരിച്ച സുസ്ഥിര തൃത്താല പദ്ധതിയിലൂടെ മണ്ഡലത്തില്‍ നാല് വര്‍ഷത്തിനിടെ 4500 ടണ്‍ കാര്‍ബണ്‍ കുറയ്ക്കാനായി. 2024-25 വര്‍ഷത്തില്‍ മാത്രം 722 ടണ്‍ പുന:ചക്രമണം നടത്താന്‍ കഴിയുന്ന മാലിന്യങ്ങളാണ് ക്ലീന്‍ കേരള കമ്പനിക്ക് കൈമാറിയത്.

നിയമസഭാ പട്ടികജാതി പട്ടികവര്‍ഗ സമിതി സന്ദര്‍ശനം ജൂണ്‍ മൂന്ന്,നാല് തീയതികളില്‍

വ്യക്തികള്‍ക്കും സംഘടനകള്‍ക്കും പരാതികള്‍ നേരിട്ട് നല്‍കാം

 ജൂൺ രണ്ടിന് രാവിലെ 10.30 ന് പാലക്കാട് ഗസ്റ്റ് ഹൗസ് കോൺഫറൻസ് ഹാളിൽ മന്ത്രി രാമചന്ദ്രൻ കടന്നപ്പള്ളി  പത്രസമ്മേളനം നടത്തുന്നു. ഏവരുടേയും സാന്നിധ്യമുണ്ടാകണമെന്നഭ്യർത്ഥിക്കുന്നു.

എലിപ്പനി തുടക്കത്തില്‍ കണ്ടെത്തി ചികിത്സിച്ചില്ലെങ്കില്‍ സങ്കീര്‍ണതകളിലേക്കും മരണത്തിലേക്കും പോകാന്‍ സാധ്യതയുള്ള രോഗമാണ്. ലെപ്‌ടോസ്‌പൈറ ഇനത്തില്‍പ്പെട്ട സ്‌പൈറോകീറ്റ ബാക്ടീരിയ മനുഷ്യരില്‍ ഉണ്ടാക്കുന്ന ഒരു ജന്തുജന്യരോഗമാണ് എലിപ്പനി. കെട്ടിക്കിടക്കുന്ന വെള്ളത്തില്‍ രോഗാണുവാഹകരയായ എലി, അണ്ണാന്‍, പശു, ആട്, നായ എന്നിവയുടെ മൂത്രം, വിസര്‍ജ്ജ്യം മുതലായവ കലര്‍ന്നാണ് എലിപ്പനി പടരുന്നത്. ആയതിനാല്‍ കാലില്‍ മുറിവ്, വിണ്ടുകീറിയ കാല്‍പ്പാദങ്ങള്‍ എന്നിവ ഉള്ളവര്‍ കെട്ടിക്കിടക്കുന്ന മലിനജലവുമായി നേരിട്ട് സമ്പര്‍ക്കം ഇല്ലെന്ന് ഉറപ്പാക്കണം.

അനോഫിലിസ് വിഭാഗത്തിലെ പെട്ട കൊതുകുകളാണ് രോഗം പരത്തുന്നത്. പെട്ടെന്നുണ്ടാകുന്ന അതികഠിനമായ പനി, വിറയലും കുളിരും, അസഹ്യമായ ശരീരവേദനയും തലവേദനയും, ചുട്ടുപൊള്ളുന്ന അവസ്ഥ എന്നിവയാണ് രോഗലക്ഷണങ്ങള്‍. ഇതര സംസ്ഥാനങ്ങളില്‍ നിന്ന് യാത്ര ചെയ്ത് വരുന്നവര്‍ക്ക് പനി വന്നാല്‍ നിര്‍ബന്ധമായും ആശുപത്രിയില്‍ എത്തി രക്ത പരിശോധന നടത്തി മലമ്പനി അല്ല എന്ന് ഉറപ്പ് വരുത്തണം. എല്ലാ സര്‍ക്കാര്‍ ആശുപത്രിയിലും മലമ്പനി രോഗത്തിനുള്ള പരിശോധനയും ചികിത്സയും സൗജന്യമായി ലഭ്യമാണ്.
 

ആല്‍ഫാ വൈറസാണ് ചിക്കുന്‍ഗുനിയ പനി ഉണ്ടാക്കുന്ന രോഗാണു. കെട്ടി നില്‍ക്കുന്ന ശുദ്ധജലത്തില്‍ പെരുകുന്ന ഈഡിസ് കൊതുകുകളാണ് ഇതു പരത്തുന്നത്. പെട്ടെന്നുണ്ടാകുന്ന പനി, ത്വക്കില്‍ ഉണ്ടാകുന്ന പാടുകള്‍, സന്ധി വേദന, പ്രത്യേകിച്ചും കൈകാലുകളിലെ മുട്ടുകളുടെ വേദന,  നടുവേദന, തുടങ്ങിയവയാണ് ചിക്കുന്‍ ഗുനിയയുടെ ലക്ഷണങ്ങള്‍.