സര്‍ക്കാര്‍/എയ്ഡഡ്/അംഗീകൃത അണ്‍ എയ്ഡഡ്/സി.ബി.എസ്.ഇ.-ഐ.സി.എസ്.ഇ. അഫിലിയേറ്റഡ് സ്‌കൂളുകളില്‍ ഒന്നു മുതല്‍ 10 വരെ ക്ലാസുകളില്‍ പഠിക്കുന്ന ഒ.ഇ.സി./ഒ.ബി.സി.(എച്ച്)  വിദ്യാര്‍ഥികള്‍ക്ക് ഇ-ഗ്രാന്റ്സ് മുഖേന വിദ്യാഭ്യാസാനുകൂല്യം അനുവദിക്കുന്ന  പദ്ധതിയില്‍ പിന്നാക്ക വിഭാഗ വികസന വകുപ്പ് അപേക്ഷ ക്ഷണിച്ചു.   സ്‌കൂള്‍ അധികൃതര്‍ വിദ്യാര്‍ഥികളില്‍ നിന്ന് അപേക്ഷ സ്വീകരിച്ച് ജൂലൈ 15നു മുന്‍പ് ഇ-ഗ്രാന്റ്സ് മുഖേന ഡാറ്റാ എന്‍ട്രി പൂര്‍ത്തീകരിക്കണം. ഇതു സംബന്ധിച്ച സര്‍ക്കുലറുകള്‍ www.egrantz.kerala.gov.in എന്ന വെബ് സൈറ്റില്‍ ലഭിക്കും. വിശദവിവരത്തിന് എറണാകുളം മേഖലാ ഓഫീസുമായി ബന്ധപ്പെടണം. ഫോണ്‍: 0484 2983130.

കാഞ്ഞിരപ്പള്ളി ഐ.സി.ഡി.എസ്  ഓഫീസിന്റെ ഉപയോഗത്തിന് കരാര്‍ അടിസ്ഥാനത്തില്‍ ഒരു വര്‍ഷത്തേക്ക് വാഹനം വാടകയ്ക്ക് നല്‍കുന്നതിന് ടെണ്ടര്‍ ക്ഷണിച്ചു. ഏഴു വര്‍ഷത്തില്‍ കൂടുതല്‍ പഴക്കമില്ലാത്ത ടാക്സി പെര്‍മിറ്റുള്ള വാഹനമായിരിക്കണം. വിശദ വിവരത്തിന് കാഞ്ഞിരപ്പള്ളി മിനി സിവില്‍ സ്റ്റേഷനിലെ ഐ.സി.ഡി.എസ് ഓഫീസുമായി ബന്ധപ്പെടണം. ഫോണ്‍: 9447433611.

വയനാട് ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ ടീച്ചര്‍ - ഹിന്ദി (കാറ്റഗറി നമ്പര്‍ 604/2024) തസ്തികയിലെ ഇന്റര്‍വ്യൂ ജൂണ്‍ 10, 11, 12 തീയ്യതികളില്‍ പി.എസ്.സി വയനാട് ജില്ലാ ഓഫീസില്‍ നടക്കും. ഉദ്യോഗാര്‍ത്ഥികള്‍ക്കുള്ള വ്യക്തിഗത അറിയിപ്പ് പ്രൊഫൈലിലും എസ്.എം.എസ് വഴിയും ലഭ്യമാക്കിയിട്ടുണ്ട്. പ്രൊഫൈലില്‍ നിന്ന് ഡൗണ്‍ലോഡ് ചെയ്‌തെടുത്ത ഇന്റര്‍വ്യൂ മെമ്മോ, ഒ.ടി.വി സര്‍ട്ടിഫിക്കറ്റിന്റെ പകര്‍പ്പ്, കെ-ഫോം, വിദ്യാഭ്യാസ യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകള്‍, അസല്‍ തിരിച്ചറിയല്‍ കാര്‍ഡ് എന്നിവ സഹിതം നിശ്ചിത തീയതിയിലും സമയത്തും ഹാജരാവണം. 

കല്‍പറ്റ, മുണ്ടേരി ജി.വി.എച്ച്.എസ്.എസില്‍ എച്ച്.എസ്.ടി ഇംഗ്ലീഷ്, ഹിന്ദി, ഗണിതം തസ്തികകളിലുള്ള ഒഴിവുകളിലേക്ക് നിയമനം നടത്തുന്നു. താത്പര്യമുള്ളവര്‍ അസല്‍ രേഖകളും പകര്‍പ്പുകളുമായി ജൂണ്‍ 10 രാവിലെ 10ന് സ്‌കൂള്‍ ഓഫീസില്‍ എത്തണം. ഫോണ്‍- 04936 204082

വൈത്തിരി താലൂക്ക് ആസ്ഥാന ആശുപത്രിയില്‍ ദിവസ വേതനാടിസ്ഥാനത്തില്‍ ഡ്രൈവറെ  താത്കാലികമായി നിയമിക്കുന്നു. പത്താം തരം പാസായ ഹെവി ലൈസന്‍സും അഞ്ച് വര്‍ഷത്തില്‍ കുറയാത്ത പ്രവൃത്തി പരിചയവും ബാഡ്ജുമുള്ള 45 വയസില്‍ താഴെ പ്രായമുള്ളവര്‍ക്കാണ് അവസരം. താത്പര്യമുള്ളവര്‍ സര്‍ട്ടിഫിക്കറ്റുകള്‍, ഡ്രൈവിങ് ലൈസന്‍സ്, ആധാര്‍, എന്നിവയുടെ ഒറിജിനലും പകര്‍പ്പുകളുമായി ജൂണ്‍ 17ന് രാവിലെ 11ന് ആശുപത്രി സൂപ്രണ്ടിന്റെ ഓഫീസില്‍ അഭിമുഖത്തിന് എത്തണം. ഫോണ്‍: 04936 256229.

സുല്‍ത്താന്‍ ബത്തേരി പട്ടികവര്‍ഗ വികസന ഓഫീസിന് കീഴിലുള്ള നൂല്‍പ്പുഴ രാജീവ് ഗാന്ധി മെമ്മോറിയല്‍ മോഡല്‍ റസിഡന്‍ഷ്യല്‍ സ്‌കൂളിലും പ്രീമെട്രിക് ഹോസ്റ്റലുകളിലും ദിവസ വേതനാടിസ്ഥാനത്തില്‍ സെക്യൂരിറ്റി ഗാര്‍ഡ്, വാച്ച് മാന്‍, വാച്ച് വുമണ്‍ തസ്തികകളില്‍ താത്കാലിക നിയമനം നടത്തുന്നു. സുല്‍ത്താന്‍ ബത്തേരി താലൂക്കില്‍ സ്ഥിര താമസക്കാരായ പട്ടികവര്‍ഗ വിഭാഗത്തില്‍പ്പെട്ട യുവതീ-യുവാക്കള്‍ക്കാണ് അവസരം. പ്രായപരിധി 18 മുതല്‍ 45 വയസ് വരെ. എസ്.എസ്.എല്‍.സിയാണ് യോഗ്യത.

കുടുംബശ്രീ മിഷന്റെ നേതൃത്വത്തില്‍ പൂതാടി സി.ഡി.എസില്‍ കോഫി പ്രൊഡ്യൂസര്‍ സംരംഭം ആരംഭിച്ചു. ഗ്രാമ പഞ്ചായത്ത് പ്രസിഡന്റ് ബിന്ദു ബാബു ഉദ്ഘാടനം ചെയ്തു. കര്‍ഷക ഉത്പാദക കമ്പനികള്‍ രൂപീകരിക്കുന്നതിനുള്ള ആദ്യപടിയായി പ്രവര്‍ത്തിക്കുന്ന ഈ ഗ്രൂപ്പുകള്‍ വനിതാ കര്‍ഷകരുടെ ഉപജീവനമാര്‍ഗങ്ങള്‍ ശക്തിപ്പെടുത്തുകയും സാമ്പത്തിക ശാക്തീകരണത്തിന് വഴിയൊരുക്കുകയും ചെയ്യുന്നു. വാര്‍ഡ് അംഗം പി വിനീത അധ്യക്ഷയായി.

വനം വന്യജീവി വകുപ്പ് ജില്ലാ സോഷ്യല്‍ ഫോറസ്ട്രി ഡിവിഷന്റെ ആഭിമുഖ്യത്തില്‍ ലോക പരിസ്ഥിതി ദിനാചരണത്തിന്റെ ജില്ലാതല ഉദ്ഘാടനവും തൈ നടീലും സംഘടിപ്പിച്ചു. കല്‍പറ്റ പി.എം ശ്രീ കേന്ദ്രിയ വിദ്യാലയത്തില്‍ നടന്ന പരിപാടി കല്‍പറ്റ മുന്‍സിപ്പാലിറ്റി ചെയര്‍മാന്‍ പി വിശ്വനാഥന്‍ ഉദ്ഘാടനം ചെയ്തു. സോഷ്യല്‍ ഫോറസ്ട്രി അസിസ്റ്റന്റ് കണ്‍സര്‍വേറ്റര്‍ എം നജ്മല്‍ അമീന്‍ അധ്യക്ഷനായി. വയനാട് വന്യജീവി സങ്കേതം കണ്‍സര്‍വേഷന്‍ ബയോളജിസ്റ്റ് ഡോ. ഒ വിഷ്ണു പരിസ്ഥിതി ബോധവത്കരണ ക്ലാസ് നയിച്ചു. തുടര്‍ന്ന് വിദ്യാര്‍ത്ഥികള്‍ പരിസ്ഥിതി ബോധവല്‍ക്കരണ കലാ പരിപാടികള്‍ അവതരിപ്പിച്ചു.

ജില്ലയിൽ ശനി,  ഞായർ ദിവസങ്ങളിൽ റെഡ് അലെർട്ട് പ്രഖ്യാപിച്ച സാഹചര്യത്തിൽ പാക്കം കുറുവ ദ്വീപ്, ബാണാസുര മീൻമുട്ടി വെള്ളച്ചാട്ടം, കാറ്റുകുന്ന് ആനച്ചോല ട്രക്കിങ്, ചെമ്പ്രപീക്ക് ട്രക്കിങ്, സൂചിപ്പാറ വെള്ളച്ചാട്ടം എന്നിവിടങ്ങളിലേക്ക് പ്രവേശനം അനുവദിക്കില്ലെന്ന് സൗത്ത് വയനാട് ഡിവിഷണൽ ഫോറസ്റ്റ് ഓഫീസർ അറിയിച്ചു.

കൃഷിവകുപ്പ് ജില്ലാതല പരിസ്ഥിതി ദിനാഘോഷ പരിപാടി എസ്.കെ.എം.ജെ ഹൈസ്കൂൾ ജൂബിലി ഹാളിൽ ജില്ലാപഞ്ചായത്ത് പ്രസിഡന്റ് ചന്ദ്രിക കൃഷ്ണൻ ഉദ്ഘാടനം ചെയ്തു. സ്കൂൾ പരിസരത്ത്റംബൂട്ടാൻ, മാങ്കോസ്റ്റീൻ, സപ്പോട്ട, പേര എന്നിവയുടെ ഗ്രാഫ്റ്റ് തൈകൾ നട്ടുപിടിപ്പിച്ചു.   കൃഷി വകുപ്പ് സംഘടിപ്പിച്ച പരിസ്ഥിതി ദിന ക്വിസ് മത്സരത്തിലെ വിജയികളെ പരിപാടിയിൽ അനുമോദിച്ചു. എസ്.കെ.എം.ജെ യു.പി, ഹൈസ്കൂൾ, ഹയർ സെക്കണ്ടറി സ്കൂൾ വിദ്യാർത്ഥികളുടെ പരിസ്ഥിതി സന്ദേശമുയർത്തുന്ന വിവിധ കലാപരിപാടികളും അരങ്ങേറി. സംസ്ഥാന കൃഷിവകുപ്പ് മന്ത്രിയുടെ പരിസ്ഥിതി ദിന സന്ദേശം വായിച്ചു.