എൽ.പി.ജി. വിതരണത്തിൽ സംസ്ഥാനത്ത് വിവിധ തലങ്ങളിലുള്ള പരിശോധനകൾ ഊർജ്ജിതമായി നടന്നുവരുന്നതായി സിവിൽ സപ്ലൈസ് കമ്മീഷണർ അറിയിച്ചു.

വരണാധികാരികളുടെയും നോഡല്‍ ഓഫീസര്‍മാരുടെയും യോഗം ചേര്‍ന്നു

വോട്ടര്‍ ബോധവത്കരണ പരിപാടികളുടെ ഭാഗമായി ജില്ലാ സ്വീപ് ടീമിന്റെ നേതൃത്വത്തില്‍ ആരംഭിച്ച വോട്ട് കാരിക്കേച്ചര്‍ ശ്രദ്ധേയമായി. ജില്ലാ കളക്ടര്‍ ഡി. ആര്‍. മേഘശ്രീ ഉദ്ഘാടനം ചെയ്തു. ഞാന്‍ ഉറപ്പായും വോട്ട് ചെയ്യുമെന്ന സന്ദേശത്തോടൊപ്പം വോട്ടര്‍മാര്‍ക്ക് സ്വന്തം കാരിക്കേച്ചര്‍ ചിത്രം സ്വന്തമാക്കാനായത് പുതിയ അനുഭവമായി. യുവതലമുറയെ പോളിങ് ബൂത്തുകളിലേക്ക് ആകര്‍ഷിക്കുകയാണ് പദ്ധതിയുടെ ലക്ഷ്യം. മാനന്തവാടി ഗവ. എന്‍ജിനീയറിങ് കോളേജിലെ വിദ്യാര്‍ത്ഥികള്‍ വികസിപ്പിച്ച സോഫ്റ്റ്വെയറാണ് കാരിക്കേച്ചര്‍ നിര്‍മാണത്തിന് ഉപയോഗിക്കുന്നത്.

ഇതുകൂടാതെ പരസ്യ പ്രചാരണം അവസാനിക്കുന്ന ഏപ്രിൽ 7 വൈകുന്നേരം 6 മുതൽ പ്രഖ്യാപിത രീതിയിലുള്ള നിരോധനാജഞയും മദ്യനിരോധനവും ജില്ലയിൽ നിലവിൽ വരും.

നിയമസഭ തിരഞ്ഞെടുപ്പുമായി ബന്ധപ്പെട്ട മുൻകരുതൽ നിർദേശം കണക്കിലെടുത്ത് ജില്ലയിലെ പടക്കകടകൾ ഏപ്രിൽ 7 മുതൽ 10 വരെ അടച്ചിടണമെന്ന് ജില്ലാ തിരഞ്ഞെടുപ്പ് ഉദ്യോഗസ്ഥനും ജില്ലാ കളക്ടറുമായ അരുൺ കെ വിജയൻ അറിയിച്ചു.
 

എട്ടാം ക്ലാസ്സ് മുതല്‍ കുട്ടികള്‍ക്ക് എഞ്ചിനീയറിംഗ് വിദ്യാഭ്യാസം നല്‍കുന്ന നെടുമങ്ങാട് ​ഗവ. ടെക്‌നിക്കല്‍ ഹൈസ്‌കൂൾ പ്രവേശനത്തിന് ഏപ്രിൽ 18 വരെ ഓണ്‍ലൈനായി അപേക്ഷിക്കാം. വിശദവിവരങ്ങള്‍ക്ക് 9846170024, 7907788350, ഇമെയിൽ: www.polyadmission.org/ths

ഇടവിട്ട് വേനൽ മഴ പെയ്യുന്നതിനാല്‍ ഡെങ്കിപ്പനിയ്ക്കെതിരെ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. ഡെങ്കിപ്പനിക്ക് കാരണമാകുന്ന ഈഡിസ് കൊതുകുകള്‍ മുട്ടയിട്ട് പെരുകാനുള്ള സാധ്യത കൂടുതലായതിനാൽ ഉറവിട നശീകരണ പ്രവർത്തനങ്ങൾ ഊർജ്ജിതമാക്കണം.

ഞായറാഴ്ച്ച വീടുകളിലും പൊതുസ്ഥലങ്ങളിലും ശനിയാഴ്ച്ച സ്ഥാപനങ്ങളിലും നിർമ്മാണ മേഖലകളിലും വെള്ളിയാഴ്ച്ച വിദ്യാഭ്യാസ സ്ഥാപനങ്ങളിലും ഡ്രൈ ഡേ ആചരിക്കേണ്ടതാണ്. ഡെങ്കിപ്പനി കേസുകള്‍ ജില്ലയിൽ പലയിടത്തും റിപ്പോര്‍ട്ട് ചെയ്യപ്പെടുന്ന സാഹചര്യത്തില്‍ പൊതുജനങ്ങള്‍ പരമാവധി ജാ​ഗ്രത പാലിക്കണം.

നിയമസഭ തിരഞ്ഞെടുപ്പുമായി ബന്ധപ്പെട്ട് ഫ്‌ളയിങ് സ്‌ക്വാഡ് നടത്തിയ വാഹന പരിശോധനയില്‍ മതിയായ രേഖകളില്ലാതെ കൊണ്ടുപോവുകയായിരുന്ന 3,99,500 രൂപ പിടികൂടി. കുറ്റ്യാടി മണ്ഡലത്തില്‍നിന്ന് 2,79,500 രൂപയും നാദാപുരം മണ്ഡലത്തില്‍നിന്ന് 1,20,000 രൂപയുമാണ് പിടിച്ചെടുത്തത്. ഇതുവരെ 80,27,160 രൂപ ഇത്തരത്തില്‍ പിടിച്ചെടുത്തിട്ടുണ്ട്. 

 എന്റെ ഒരു വോട്ട് കൊണ്ട് എന്തു സംഭവിക്കാൻ എന്ന ജെൻ സീ ചോദ്യങ്ങൾക്ക്  ആ ഒരു വോട്ട് മതി നാടിന്റെ വിധി മാറ്റിയെഴുതാൻ എന്ന തകർപ്പൻ സന്ദേശവുമായി വൈറലായിരിക്കുകയാണ് തിരുവനന്തപുരം ജില്ലാ കളക്ടർ അനു കുമാരിയും മുഖ്യ തിരഞ്ഞെടുപ്പ്  ഓഫീസർ ഡോ രത്തൻ  യു കേൽക്കറും സംഘവും തയ്യാറാക്കിയ വീഡിയോ. അടിപൊളി മ്യൂസിക്കും കുറിക്കു കൊള്ളുന്ന സന്ദേശവുമാണ് വീഡിയോയുടെ പ്രത്യേകത.

ജില്ലയിൽ ഫോം ഡി പ്രകാരം അവശ്യ സർവീസ് വിഭാഗത്തിൽ ഉൾപ്പെട്ട് തപാൽ വോട്ടിന് അപേക്ഷിച്ച പോലീസുകാരിൽ 97.38 ശതമാനം പേർ വോട്ട് ചെയ്തു. പോലീസിന്റെ ഈ വിഭാഗത്തിൽ അംഗീകരിച്ച 2745 തപാൽ വോട്ട് അപേക്ഷകളിൽ 2673 പേരാണ് വോട്ട് ചെയ്തത്. 

കണ്ണൂർ സിറ്റി പോലിസ് പരിധിയിൽ ഫോം 12 ഡി പ്രകാരം തപാൽ വോട്ടിന് അപേക്ഷിച്ച മുഴുവൻ പേരും വോട്ട് ചെയ്തു. 1769 പേരാണ് ഈ വിഭാഗത്തിൽ വോട്ട് രേഖപ്പെടുത്തിയത്. 

കണ്ണൂർ റൂറൽ പോലീസ് പരിധിയിൽ 976 പേരാണ് ഫോം 12 ഡി പ്രകാരം തപാൽ വോട്ടിന് അപേക്ഷിച്ചത്. ഇതിൽ 904 പേരും വോട്ട് ചെയ്തു.