എച്ച്1 എന്‍1 ഇന്‍ഫ്ളൂവന്‍സ, വൈറല്‍ പനി റിപ്പോര്‍ട്ട് ചെയ്യുന്ന സാഹചര്യത്തില്‍ സ്‌കൂള്‍ വിദ്യാര്‍ഥികള്‍ക്കിടയില്‍ പനി, ചുമ, തൊണ്ടവേദന, ശരീരവേദന, തലവേദന തുടങ്ങിയ രോഗലക്ഷണങ്ങള്‍ കണ്ടാല്‍ ആവശ്യമായ ചികത്സ തേടണമെന്ന് ജില്ല മെഡിക്കല്‍ ഓഫീസര്‍ (ആരോഗ്യം) എല്‍ അനിതകുമാരി അറിയിച്ചു.

കേന്ദ്ര വനിതാ ശിശു വികസന മന്ത്രാലയത്തിന്റെ പ്രധാനമന്ത്രി രാഷ്ട്രീയ ബാല്‍ പുരസ്‌കാരത്തിന് ധീരത, സാമൂഹ്യസേവനം, പരിസ്ഥിതി, കലാ-കായിക-സാംസ്‌കാരികം, ശാസ്ത്ര- സാങ്കേതികം എന്നീ മേഖലകളില്‍ അസാധാരണ പ്രാഗത്ഭ്യം തെളിയിച്ച കുട്ടികളില്‍ നിന്ന് അപേക്ഷ സ്വീകരിക്കുന്നു. അപേക്ഷ https://awards.gov.in മുഖേനെയും ജില്ല ശിശു സംരക്ഷണ യൂണിറ്റിലും സമര്‍പ്പിക്കാം. വെബ് പോര്‍ട്ടലില്‍ അപേക്ഷ സമര്‍പ്പിക്കേണ്ട അവസാന തീയതി ജൂലൈ 31. ജില്ല ശിശു സംരക്ഷണ യൂണിറ്റില്‍ അപേക്ഷ സമര്‍പ്പിക്കേണ്ട അവസാന തീയതി ജൂണ്‍ 23. ഫോണ്‍ 0468 2319998.

ഏഴംകുളം ഗ്രാമപഞ്ചായത്ത് ജാഗ്രതാസമിതി പ്രവര്‍ത്തനങ്ങള്‍ക്ക് കമ്മ്യൂണിറ്റി വുമണ്‍ ഫെസിലിറ്റേറെ നിയമിക്കുന്നു. സോഷ്യല്‍ വര്‍ക്ക്, സൈക്കോളജി, ജന്‍ഡര്‍ സ്റ്റഡീസ്  വിഷയങ്ങളില്‍ ഏതെങ്കിലും ഒന്നില്‍ ബിരുദാനന്തര ബിരുദമുള്ള 40 വയസ് തികയാത്ത വനിതകള്‍ക്ക് അപേക്ഷിക്കാം. അവസാന തീയതി ജൂണ്‍ 16. ഫോണ്‍ 04734 240637.
 

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ നടത്തുന്ന ഒരു വര്‍ഷം ദൈര്‍ഘ്യമുള്ള പി ജി ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത ബിരുദം), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത പ്ലസ് ടു), ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത എസ് എസ് എല്‍ സി) കോഴ്‌സുകളിലേക്ക് അപേക്ഷ ക്ഷണിച്ചു. ഫോണ്‍: 7994449314.
 

കേരള സിലബസ്സില്‍ 10, പ്ലസ് ടു ക്ലാസ്സുകളില്‍ എല്ലാ വിഷയങ്ങള്‍ക്കും എ വണ്‍/ എ പ്ലസ് ലഭിച്ചവരും, സി ബി എസ് ഇ / ഐ സി എസ് ഇ സിലബസ്സില്‍ 90 ശതമാനത്തിന് മുകളില്‍ മാര്‍ക്ക് നേടി 2025-26 ല്‍ വിജയം കരസ്ഥമാക്കിയ (അഡീഷണല്‍ വിഷയം ഒഴികെ) വിമുക്തഭടന്മാരുടെ മക്കള്‍ക്കുള്ള ഒറ്റത്തവണ ക്യാഷ് അവാര്‍ഡിന് അപേക്ഷ ക്ഷണിച്ചു. സര്‍വീസ് പ്ലസ് പ്ലാറ്റ്‌ഫോം  മുഖേനെ ഓണ്‍ലൈനായി  ഓഗസ്റ്റ് 14 ന് മുമ്പ് അപേക്ഷിക്കണം. വിവരങ്ങള്‍ക്ക് ജില്ല സൈനികക്ഷേമ കാര്യാലയവുമായി ബന്ധപ്പെടണം. ഫോണ്‍: 0468 2961104.
 

പുതിയ അധ്യയന വര്‍ഷത്തിലെ വിദ്യാര്‍ഥികളുടെ യാത്രാ സൗജന്യം സംബന്ധിച്ച് സ്റ്റുഡന്റ്‌സ് ട്രാവല്‍ ഫെസിലിറ്റി യോഗം ജൂണ്‍ 15 രാവിലെ 11.30 ന് ജില്ല കലക്ടര്‍ എ നിസാമുദ്ദീന്റെ അധ്യക്ഷതയില്‍ കലക്ടറേറ്റ് കോണ്‍ഫറന്‍സ് ഹാളില്‍ ചേരും. സ്റ്റുഡന്റ്‌സ് ട്രാവല്‍ ഫെസിലിറ്റിയുടെ എല്ലാ അംഗങ്ങളും പങ്കെടുക്കണമെന്ന് പത്തനംതിട്ട ആര്‍.ടി.ഒ അറിയിച്ചു.
 

ജില്ല ടൂറിസം പ്രമോഷന്‍ കൗണ്‍സില്‍ ഗവിയിലേക്കുള്‍പ്പെടെ ജില്ലക്ക് അകത്തും പുറത്തുമായി നടത്തുന്ന വിവിധ ടൂര്‍ പാക്കേജുകള്‍ക്ക് ഡ്രൈവര്‍ ഉള്‍പ്പെടെ കാര്‍, ഇന്നോവ/ ക്രിസ്റ്റ ഏഴ് സീറ്റര്‍, ടെമ്പോ ട്രാവലര്‍ 15 സീറ്റ് മുതല്‍, ബസ്സ് എന്നീ വാഹനങ്ങള്‍ ലഭിക്കുന്നതിന് താല്‍പര്യപത്രം ക്ഷണിച്ചു. അവസാന തീയതി ജൂണ്‍ 16 പകല്‍ 11. ഫോണ്‍ 9447709944, 0468 2311343.
 

ജില്ല ടൂറിസം പ്രമോഷന്‍ കൗണ്‍സിലിന്റെ അക്കൗണ്ടുകള്‍ പരിശോധിച്ച് ലോക്കല്‍ ഓഡിറ്റ് റിപ്പോര്‍ട്ട്, ബാലന്‍സ് ഷീറ്റ്, ഇന്‍കം ആന്റ് എക്‌സ്‌പ്ലെന്‍ഡിച്ചര്‍ അക്കൗണ്ട്, റിസീപ്റ്റ് ആന്റ് പേയ്‌മെന്റ് അക്കൗണ്ട് എന്നിവ തയ്യാറാക്കുന്നതിനും ഓഡിറ്റുമായി ബന്ധപ്പെട്ട സേവനങ്ങള്‍ നിര്‍വഹിക്കുന്നതിനും യോഗ്യതയുള്ള ചാര്‍ട്ടേഡ് അക്കൗണ്ടന്റുമാരില്‍/ചാര്‍ട്ടേഡ് അക്കൗണ്ടന്റ് സ്ഥാപനങ്ങളില്‍ നിന്നും താല്‍പര്യപത്രം ക്ഷണിച്ചു.  ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്റ്‌സ് ഓഫ് ഇന്ത്യ  അംഗീകൃത ചാര്‍ട്ടേഡ് അക്കൗണ്ടന്റ്/ചാര്‍ട്ടേഡ് അക്കൗണ്ടന്റ് സ്ഥാപനം ആയിരിക്കണം.

ഐരവണ്‍ വില്ലേജ് ഓഫീസ് പഴയ കെട്ടിടം പൊളിച്ച് മാറ്റുന്നതിനുള്ള ലേലം ജൂണ്‍ 17 രാവിലെ 11.30 ന് വില്ലേജ് ഓഫീസ് പരിസരത്ത് നടക്കും. ഫോണ്‍ 0468 2325270.

ഇരുചക്ര വാഹന യാത്രക്കാരുടെ സുരക്ഷ  പരിഗണിച്ച് പൊതുനിരത്തുകള്‍ക്ക് കുറുകെ കെട്ടിയിട്ടുള്ള  തോരണങ്ങള്‍ അടിയന്തരമായി നീക്കം ചെയ്യണമെന്ന് കല്ലൂപ്പാറ ഗ്രാമപഞ്ചായത്ത് സെക്രട്ടറി അറിയിച്ചു.