മീസില്‍സ് റൂബെല്ല കുത്തിവെയ്പ്പ് ക്യാമ്പെയ്‌നില്‍ പിന്നിലായ ചാവക്കാട്  രാജാസ് ഹൈസ്‌കൂളില്‍ സബ് കളക്ടര്‍  ഡോ. രേണുരാജ് സന്ദര്‍ശിച്ച് പ്രിന്‍സിപ്പാളുമായി ചര്‍ച്ച നടത്തി.

അഡീഷണല്‍ ഡി.എം.ഒ ഡോ.ഉണ്ണികൃഷ്ണന്‍ സന്നിഹിതനായി.
 

ഇരിങ്ങാലക്കുട ജനറല്‍ ആശുപത്രിയില്‍ പ്രവര്‍ത്തനം ആരംഭിക്കുന്ന വണ്‍ സ്‌റ്റോപ്പ് സെന്ററില്‍ വിവിധ തസ്തികളില്‍ കരാര്‍ അടിസ്ഥാനത്തില്‍ നിയമനം നടത്തുന്നു. പ്രവൃത്തി പരിചയമുളളവര്‍ക്ക് മുന്‍ഗണന. സെക്യൂരിറ്റി ഓഫീസര്‍ ഒഴികെയുളള തസ്തികയില്‍ സ്ത്രീകള്‍ മാത്രം അപേക്ഷിച്ചാല്‍ മതി.  തസ്തിക, യോഗ്യത യഥാക്രമം :  സെന്റര്‍ അഡ്മിനിസ്‌ട്രേറ്റര്‍-നിയമം / എം.എസ്.ഡബ്യൂ ബിരുദം. സ്ഥാപനത്തില്‍ താമസിച്ച് ജോലി ചെയ്യണം. കേസ് വര്‍ക്കര്‍--നിയമം / എം.എസ്.ഡബ്യൂ ബിരുദം. സൈക്കോ സോഷ്യല്‍ കൗണ്‍സിലര്‍-ക്ലിനിക്കല്‍ സൈക്കോളജി / എം.എസ്.ഡബ്യൂ ബിരുദം.

പിന്നാക്ക വിഭാഗ വികസന വകുപ്പ് മുഖേന വിശ്വകര്‍മ്മ പെന്‍ഷന്‍ ലഭിക്കുന്ന ഗുണഭോക്താക്കള്‍ ലൈഫ് സര്‍ട്ടിഫിക്കറ്റ്, പഞ്ചായത്തില്‍ നിന്നുളള സാക്ഷ്യപത്രം എന്നിവ നവംബര്‍ 30 നകം പിന്നാക്ക വിഭാഗ വകുപ്പിന്റെ തിരുവനന്തപുരം / കോഴിക്കോട് / എറണാകുളം ഓഫീസില്‍ ലഭ്യമാക്കണം.

സര്‍ക്കാര്‍ / എയ്ഡഡ് സ്‌കൂളുകളില്‍ ഒന്നു മുതല്‍ 10 വരെ ക്ലാസ്സുകളില്‍ പഠിക്കുന്ന ഒ ഇ സി വിദ്യാര്‍ത്ഥികളുടെ വിവരങ്ങള്‍ ഓണ്‍ലൈന്‍ വഴി സമര്‍പ്പിക്കാത്ത സ്ഥാപനങ്ങള്‍ക്ക് നവംബര്‍ 20 വരെ  www.scholarship.itschool.gov.in ലോഗില്‍ ചെയ്ത വിവരങ്ങള്‍ ചേര്‍ക്കാം.

കെല്‍ട്രോണില്‍ ജാവ, ഡോട്ട്‌നെറ്റ്, ആന്‍ഡ്രോയ്ഡ്, പി എച്ച് പി, വെബ് ഡിസൈനിംങ്ങ്, ഡി സി എ, പി ജി ഡി സി എ എന്നീ കോഴ്‌സുകളിലേക്ക് അപേക്ഷ ക്ഷണിച്ചു.

പ്രോജക്ട് ഇന്റേണ്‍ഷിപ്പിന് സൗകര്യമുണ്ട്. കൂടുതല്‍ വിവരങ്ങള്‍ക്ക് ഫോണ്‍ :  0487-2337005.
 

ഭക്ഷ്യസുരക്ഷാ ഗുണനിലവാര നിയമപ്രകാരമുളള ലൈസന്‍സ് / രജിസ്‌ട്രേഷന്‍ ലഭിച്ചിട്ടില്ലാത്ത ഭക്ഷ്യ ഉല്‍പാദന, വിതരണ, വില്‍പ്പന സ്ഥാപനങ്ങള്‍ക്ക് ലൈസന്‍സ് / രജിസ്‌ട്രേഷന്‍ നല്‍കുന്നതിന് ക്യാമ്പ് സംഘടിപ്പിക്കുന്നു. നാളെ (നവംബര്‍ 8)  തൃശൂര്‍, ഒല്ലൂര്‍, സര്‍ക്കിളുകളിലെ ഭക്ഷണ വ്യാപാരികള്‍ക്ക് തൃശൂര്‍ ടൗണ്‍ഹാളിലെത്തി ലൈസന്‍സ് / രജിസ്‌ട്രേഷന്‍ കൈപ്പറ്റാം. രാവിലെ 10 മുതല്‍ 2 മണിവരെയാണ് മേള.

കുടുംബശ്രീ ജില്ലാ മിഷനില്‍ 6 മാസത്തേ ജേണലിസ്റ്റ് ഇന്റേണ്‍ഷിപ്പ് പ്രോഗ്രാമിലേക്ക് അപേക്ഷ ക്ഷണിച്ചു. ജേര്‍ണലിസത്തില്‍ ബിരുദം / ബിരുദാനന്തര ബിരുദമാണ് യോഗ്യത. ഉയര്‍ന്ന പ്രായപരിധി 30 വയസ്സ്. പ്രവര്‍ത്തിപരിചയം നിര്‍ബന്ധമില്ല. 15000 രൂപ സ്റ്റൈപ്പന്റ്.

താല്‍പര്യമുളളവര്‍ ഫോട്ടോ സഹിതമുളള ബയോഡാറ്റാ കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍, സിവില്‍ സ്റ്റേഷന്‍, അയ്യന്തോള്‍ എന്ന വിലാസത്തില്‍ നവംബര്‍ 30 നകം നല്‍കണം.
 

പീച്ചി കേരള വനഗവേഷണ സ്ഥാപനത്തില്‍ പ്രോജക്ട് ഫെല്ലോ തസ്തികയില്‍ താല്‍ക്കാലിക നിയമനം നടത്തുന്നു. എന്റോമോളജി അല്ലെങ്കില്‍ ബയോഡൈവഴ്‌സിറ്റി കണ്‍സര്‍വേഷന്‍ മാനേജ്‌മെന്റ് സ്‌പെഷ്യലൈസേഷനോടുകൂടിയ ഒന്നാം ക്ലാസ്സ് എം.എസ്.സി സുവോളജി ബിരുദമാണ് യോഗ്യത. പ്രവൃത്തി പരിചയമുളളവര്‍ക്ക് മുന്‍ഗണന.

ഗവണ്‍മെന്റ് മെഡിക്കല്‍ കോളേജിലെ ന്യൂറോളജി വിഭാഗത്തിലേക്ക് ദിവസവേതനാടിസ്ഥാനത്തില്‍ ഇ.ഇ.ജി ടെക്‌നീഷ്യനെ നിയമിക്കുന്നു. എസ്.എസ്.എല്‍.സി യും ഇ.ഇ.ജി ട്രെയിനിംഗ് സര്‍ട്ടിഫിക്കറ്റുമാണ് യോഗ്യത.

താല്‍പര്യമുളളവര്‍ പ്രായം, യോഗ്യത, പ്രവര്‍ത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റിന്റെ അസ്സലും പകര്‍പ്പും സഹിതം നവംബര്‍ 9 രാവിലെ 11 ന് പ്രിന്‍സിപ്പാളിന്റെ കാര്യാലയത്തില്‍ അഭിമുഖത്തിന് എത്തണം. കൂടുതല്‍ വിവരങ്ങള്‍ക്ക് ഫോണ്‍ : 0487-2200315, 2200318.
 

നോര്‍ക്ക റൂട്‌സിന്റെ ആഭിമുഖ്യത്തില്‍ ഗുരുവായൂര്‍ എല്‍.ബി.എസ് സ്ബ സെന്ററില്‍ നവംബറില്‍ ആരംഭിക്കുന്ന മൂന്ന് മാസം ദൈര്‍ഘ്യമുളള ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍ കോഴ്‌സിലേക്ക് എസ്.എസ്.എല്‍.സി യോഗ്യതയുളളരില്‍ നിന്നും അപേക്ഷ ക്ഷണിച്ചു.

പ്രായം 18 നും 45 നും മദ്ധ്യേ. കോഴ്‌സ് ഫീസിന്റെ 20 ശതമാനം വിദ്യാര്‍ത്ഥികള്‍ നല്‍കണം. കൂടുതല്‍ വിവരങ്ങള്‍ക്ക് ഫോണ്‍  : 0487-2552387, 9495331702.