2017-18 വര്‍ഷത്തെ എം.സി.എ സ്‌കോളര്‍ഷിപ്പ് അപേക്ഷകളില്‍ (പുതിയതും, പുതുക്കല്‍ അപേക്ഷകളും ഉള്‍പ്പെടെ) ന്യൂനതകളുള്ളവ പരിഹരിച്ച് നവംബര്‍ 12 ന് മുമ്പ് സ്ഥാപനങ്ങളില്‍ പുനര്‍സമര്‍പ്പണം നടത്തണം. സ്ഥാപനങ്ങളില്‍നിന്ന് നവംബര്‍ 15 നകം സംസ്ഥാന നോഡല്‍ ഓഫീസിലേക്ക് ഓണ്‍ലൈനായി പുനര്‍സമര്‍പ്പണം നടത്തണം. നിര്‍ദിഷ്ട തീയതിക്കുശേഷം അപേക്ഷകള്‍ അയയ്ക്കാനാവില്ല. വിശദവിവരങ്ങള്‍ക്ക് സാങ്കേതിക വിദ്യാഭ്യാസ വകുപ്പിന്റെ www.dtekerala.gov.in എന്ന വെബ്‌സൈറ്റില്‍ MCM Scholarship എന്ന ലിങ്കിലും www.scholarships.gov.in ലും ലഭ്യമാണ്.

കൊല്ലം സര്‍ക്കാര്‍ മെഡിക്കല്‍ കോളേജിലെ ഇന്‍സ്റ്റിറ്റിയൂഷണല്‍ റിസര്‍ച്ച് കമ്മിറ്റി ഫ്രണ്ട് ഓഫീസില്‍ ഓഫീസ് അസിസ്റ്റന്റിന്റെ ഒഴിവുണ്ട്. ബിരുദമാണ് യോഗ്യത. കമ്പ്യൂട്ടര്‍ പരിജ്ഞാനം, മെഡിക്കല്‍ കോളേജിലെ ഒരു വര്‍ഷത്തെ പ്രവര്‍ത്തിപരിചയം എന്നിവ അഭികാമ്യം. പ്രായം പരമാവധി 40 വയസ്.  ഉദ്യോഗാര്‍ത്ഥികള്‍ യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റ്, പകര്‍പ്പുകള്‍, സര്‍ക്കാര്‍ അംഗീകൃത തിരിച്ചറിയല്‍ കാര്‍ഡ്, പാസ്‌പോര്‍ട്ട് സൈസ് ഫോട്ടോ എന്നിവ സഹിതം നവംബര്‍ 10 ന് രാവിലെ 10.30 ന് മെഡിക്കല്‍ കോളേജിലെ ഇന്‍സ്റ്റിറ്റിയൂഷണല്‍ റിസര്‍ച്ച് കമ്മിറ്റി ഫ്രണ്ട് ഓഫീസില്‍ കൂടിക്കാഴ്ചയ്ക്ക് എത്തണം.

കോട്ടയം ജില്ലയില്‍ വിവിധ വകുപ്പുകളില്‍ ഡ്രൈവര്‍ ഗ്രേഡ് 2 (എച്ച്.ഡി.വി) (കാറ്റഗറി നമ്പര്‍ 443/14 നേരിട്ടുള്ള നിയമനം, കാറ്റഗറി നമ്പര്‍ 19/14 തസ്തികമാറ്റം മുഖേനയുള്ള നിയമനം) എന്നീ തസ്തികകളുടെ റാങ്ക്‌ലിസ്റ്റ് പ്രസിദ്ധീകരിച്ചു. വിശദവിവരങ്ങള്‍ പി.എസ്.സി യുടെ ഔദ്യോഗിക വെബ്‌സൈറ്റായ www.keralapsc.gov.in ല്‍ ലഭ്യമാണ്.

പി.എന്‍.എക്‌സ്.4746/17

നാടാര്‍ സമുദായത്തിന്റെ പിന്നാക്കാവസ്ഥ പഠിച്ച് റിപ്പോര്‍ട്ട് നല്‍കാന്‍ നിയോഗിച്ച ജസ്റ്റിസ് എം.ആര്‍ ഹരിഹരന്‍ നായര്‍ കമ്മീഷന്റെ ഓഫീസ് തിരുവനന്തപുരം പെരുന്താന്നിയില്‍ ചെമ്പകശ്ശേരി ജംഗ്ഷനടുത്തെ റ്റി.സി. 29/820, പരുത്തിക്കാട് ഹൗസ് എന്ന കെട്ടിടത്തിലേക്ക് മാറ്റിയതായി സെക്രട്ടറി അറിയിച്ചു. 

പി.എന്‍.എക്‌സ്.4745/17

കേരള സാമൂഹ്യനീതി വകുപ്പിന്റെ കീഴില്‍ ജില്ലാ വനിതാ പ്രൊട്ടക്ഷന്‍ ഓഫീസര്‍മാരെ സഹായിക്കുന്നതിന് മെസ്സഞ്ചര്‍ തസ്തികയില്‍ ആലപ്പുഴ ജില്ലയില്‍ നിലവിലുള്ള ഒഴിവിലേക്ക് വാക് ഇന്‍ ഇന്റര്‍വ്യൂ നടത്തും. പത്താം ക്ലാസ്സ് പാസ്സായിരിക്കണം. ജില്ലയിലുടനീളം യാത്ര ചെയ്യേണ്ടി വരും.  25 വയസ്സിനും 45 വയസ്സിനുമിടയിലായിരിക്കണം പ്രായം.  ഉദ്യോഗാര്‍ത്ഥികള്‍ വുമണ്‍ പ്രൊട്ടക്ഷന്‍ ഓഫീസ്, മിനി സിവില്‍ സ്റ്റേഷന്‍, 6-ാം നില, തത്തമ്പള്ളി, ആലപ്പുഴ ജില്ല എന്ന വിലാസത്തില്‍ നവംബര്‍ 15 ന് ഉച്ചക്ക് രണ്ടിന് ഇന്റര്‍വ്യൂവിനെത്തണം. ഫോണ്‍ : 0471-2913212, 9447666077. 

പി.എന്‍.എക്‌സ്.4744/17

അഞ്ച് വര്‍ഷത്തില്‍ താഴെ പഴക്കമുള്ള മുഖത്തെ കറുത്തപാടിനും കരുവാളിപ്പിനും തിരുവനന്തപുരം ഗവ: ആയുര്‍വേദ കോളേജ് ആശുപത്രിയിലെ രസശാസ്ത്ര ഭൈഷജ്യകല്‍പനാ വിഭാഗം റിസര്‍ച്ച് ഒ.പി. യില്‍ (1-ാം  നമ്പര്‍ ഒ.പി) ചൊവ്വ, വെള്ളി, ശനി ദിവസങ്ങളില്‍ രാവിലെ 8  മണി മുതല്‍ 12.30 വരെ ഗവേഷണാടിസ്ഥാനത്തിലുള്ള ചികിത്സ ലഭിക്കും. 20 നും 50 വയസിനുമിടയില്‍ പ്രായമുള്ളവര്‍ക്ക് രജിസ്റ്റര്‍ ചെയ്യാം. ഫോണ്‍ : 9497768443.

പി.എന്‍.എക്‌സ്.4743/17

തിരുവനന്തപുരം വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളേജിലെ കണ്ടിന്യൂയിംഗ് എഡ്യൂക്കേഷന്‍ സെല്ലില്‍ ആരംഭിക്കുന്ന ഡിപ്ലോമ ഇന്‍ ഫാഷന്‍ ടെക്‌നോളജി, കംപ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിംഗ് (ടാലി),  കോഴ്‌സുകളിലേക്ക് അപേക്ഷ ക്ഷണിച്ചു. അപേക്ഷാഫാറവും കൂടുതല്‍ വിവരങ്ങളും കണ്ടിന്യൂയിംഗ് എഡ്യൂക്കേഷന്‍ സെല്‍ ഓഫീസില്‍ നിന്നും ലഭിക്കും. ഫോണ്‍: 0471 -2360611 

പി.എന്‍.എക്‌സ്.4742/17

പിന്നാക്ക വിഭാഗ ഉദ്യോഗാര്‍ത്ഥികള്‍ക്ക് കേന്ദ്ര സംസ്ഥാന പൊതു മേഖലാ സ്ഥാപനങ്ങളില്‍ ജോലി ലഭിക്കുന്നതിനുളള വിവിധ മത്സര പരീക്ഷാ പരിശീലനത്തിന് ധനസഹായം നല്‍കുന്ന എംപ്ലോയബിലിറ്റി എന്‍ഹാന്‍സ്‌മെന്റ് പ്രോഗ്രാമിന് അപേക്ഷ ക്ഷണിച്ചു.

മെഡിക്കല്‍ / എഞ്ചിനീയറിങ്ങ് എന്‍ട്രന്‍സ്, സിവില്‍ സര്‍വീസ് പരീക്ഷ, ബാങ്കിങ്ങ് സര്‍വീസ് തുടങ്ങിയ വിവിധ മത്സര പരീക്ഷ പരിശീലനത്തിന് ചേര്‍ന്നിട്ടുളളവര്‍ക്കും അപേക്ഷിക്കാം. വിശദ വിവരങ്ങള്‍ക്ക് www.bcdd.kerala.gov.in  . ഫോണ്‍ 0495-2377786.

മീസില്‍സ് റൂബെല്ല കുത്തിവെയ്പ്പ് ക്യാമ്പെയ്‌നില്‍ പിന്നിലായ ചാവക്കാട്  രാജാസ് ഹൈസ്‌കൂളില്‍ സബ് കളക്ടര്‍  ഡോ. രേണുരാജ് സന്ദര്‍ശിച്ച് പ്രിന്‍സിപ്പാളുമായി ചര്‍ച്ച നടത്തി.

അഡീഷണല്‍ ഡി.എം.ഒ ഡോ.ഉണ്ണികൃഷ്ണന്‍ സന്നിഹിതനായി.
 

ഇരിങ്ങാലക്കുട ജനറല്‍ ആശുപത്രിയില്‍ പ്രവര്‍ത്തനം ആരംഭിക്കുന്ന വണ്‍ സ്‌റ്റോപ്പ് സെന്ററില്‍ വിവിധ തസ്തികളില്‍ കരാര്‍ അടിസ്ഥാനത്തില്‍ നിയമനം നടത്തുന്നു. പ്രവൃത്തി പരിചയമുളളവര്‍ക്ക് മുന്‍ഗണന. സെക്യൂരിറ്റി ഓഫീസര്‍ ഒഴികെയുളള തസ്തികയില്‍ സ്ത്രീകള്‍ മാത്രം അപേക്ഷിച്ചാല്‍ മതി.  തസ്തിക, യോഗ്യത യഥാക്രമം :  സെന്റര്‍ അഡ്മിനിസ്‌ട്രേറ്റര്‍-നിയമം / എം.എസ്.ഡബ്യൂ ബിരുദം. സ്ഥാപനത്തില്‍ താമസിച്ച് ജോലി ചെയ്യണം. കേസ് വര്‍ക്കര്‍--നിയമം / എം.എസ്.ഡബ്യൂ ബിരുദം. സൈക്കോ സോഷ്യല്‍ കൗണ്‍സിലര്‍-ക്ലിനിക്കല്‍ സൈക്കോളജി / എം.എസ്.ഡബ്യൂ ബിരുദം.