കുടുംബശ്രീ സംസ്ഥാന മിഷനിലെ പ്രോഗ്രാം ഓഫീസര്‍ (ഒരൊഴിവ്) അസി.ജില്ലാമിഷന്‍ കോ-ഓര്‍ഡിനേറ്റര്‍ (തൃശ്ശൂര്‍-ഒന്ന്, കാസര്‍കോട്-ഒന്ന്) തസ്തികകളിലേയ്ക്ക് ഡെപ്യൂട്ടേഷന്‍ നിയമനത്തിന് യോഗ്യതയുള്ള കേന്ദ്ര-സംസ്ഥാന സര്‍ക്കാര്‍, അര്‍ദ്ധസര്‍ക്കാര്‍ ജീവനക്കാരില്‍ നിന്നും ചട്ടപ്രകാരം അപേക്ഷ ക്ഷണിച്ചു. അപേക്ഷകള്‍ അയയ്‌ക്കേണ്ട വിലാസം : എക്‌സിക്യൂട്ടീവ് ഡയറക്ടര്‍, കുടുംബശ്രീ, ട്രിഡ ബില്‍ഡിംഗ്, ചാലക്കുഴി ലെയിന്‍, മെഡിക്കല്‍ കോളേജ്, തിരുവനന്തപുരം-695011. അപേക്ഷ ലഭിക്കേണ്ട അവസാന തീയതി : നവംബര്‍ 15 വൈകിട്ട് അഞ്ച് മണി. എഴുത്തുപരീക്ഷയും ഇന്റര്‍വ്യൂവും : നവംബര്‍ 11 രാവിലെ 10 മുതല്‍.

തിരുവനന്തപുരം സി.ഇ.ടി കോളേജ് സിവില്‍ എന്‍ജിനീയറിംഗ് വിഭാഗത്തില്‍ ദിവസ വേതനാടിസ്ഥാനത്തില്‍ ഫസ്റ്റ് ഗ്രേഡ് ഇന്‍സ്ട്രക്ടറുടെ ഒരു ഒഴിവ് ഉണ്ട്. സിവില്‍ എന്‍ജിനീയറിംഗില്‍ ഫസ്റ്റ് ക്ലാസ് ബിരുദമാണ് യോഗ്യത. എഴുത്ത് പരീക്ഷയുടെയും അഭിമുഖത്തിന്റെയും അടിസ്ഥാനത്തില്‍ തയ്യാറാക്കുന്ന റാങ്ക് പട്ടിക പ്രകാരം ആയിരിക്കും നിയമനം. താത്പര്യമുള്ളവര്‍ നവംബര്‍ രാവിലെ 10 ന് സിവില്‍ എന്‍ജിനീയറിംഗ് വിഭാഗത്തില്‍ വിദ്യാഭ്യാസ യോഗ്യത, വയസ്, വ്യക്തിവിവരം എന്നിവ തെളിയിക്കുന്ന അസല്‍ രേഖകള്‍ സഹിതം എത്തിച്ചേരണം. ഫോണ്‍ : 0471-2515560.

പി.എന്‍.എക്‌സ്.4657/17

ഒ.ബി.സി വിഭാഗത്തില്‍പ്പെട്ട ഉദ്യോഗാര്‍ത്ഥികള്‍ക്കും, വിദ്യാര്‍ത്ഥികള്‍ക്കും സിവില്‍ സര്‍വ്വീസ്, മെഡിക്കല്‍/എന്‍ജിനീയറിങ് എന്‍ട്രന്‍സ്, ബാങ്കിങ് സര്‍വ്വീസ്, തുടങ്ങിയ മത്സര പരീക്ഷാ പരിശീലനത്തിന് ധനസഹായം അനുവദിക്കുന്ന പദ്ധതിയായ എംപ്ലോയബിലിറ്റി എന്‍ഹാന്‍സ്‌മെന്റ് പ്രോഗ്രാമിന് പിന്നാക്ക വിഭാഗ വികസന വകുപ്പ് അപേക്ഷ ക്ഷണിച്ചു. രണ്ട് ലക്ഷത്തില്‍ അധികരിക്കാത്ത കുടുംബ വാര്‍ഷിക വരുമാനമുള്ളവര്‍ക്ക് അപേക്ഷിക്കാം. കുറഞ്ഞ കുടുംബ വാര്‍ഷിക വരുമാനമുള്ളവര്‍ക്കായിരിക്കും പ്രഥമ പരിഗണന. www.eep.bcdd.kerala.gov.in എന്ന വെബ്‌സൈറ്റ് മുഖേന ഓണ്‍ലൈന്‍ ആയാണ് അപേക്ഷിക്കേണ്ടത്. അവസാന തീയതി നവംബര്‍ 30.

തമിഴ്‌നാട്, കര്‍ണ്ണാടക, ആന്ധ്രപ്രദേശ്, തെലുങ്കാന, പുതുച്ചേരി എന്നീ ദക്ഷിണേന്ത്യന്‍ സംസ്ഥാനങ്ങളിലെ മുഖ്യമന്ത്രിമാരുടെയും ദേവസ്വം മന്ത്രിമാരുടേയും ഉന്നത ഉദ്യോഗസ്ഥരുടെയും യോഗം നവംബര്‍ 13 ഉച്ചയ്ക്ക് 12 മണിക്ക് മുഖ്യമന്ത്രി പിണറായി വിജയന്റെ നേതൃത്വത്തില്‍ മാസ്‌ക്കറ്റ് ഹോട്ടലില്‍ നടക്കും. 2017-18 വര്‍ഷത്തെ ശബരിമല മണ്ഡല മകരവിളക്ക് തീര്‍ത്ഥാടനത്തോടനുബന്ധിച്ച് എത്തുന്ന തീര്‍ത്ഥാടകര്‍ക്ക് ആവശ്യമായ സൗകര്യം ഒരുക്കുന്നത് ചര്‍ച്ച ചെയ്യാനാണ് യോഗം. ദേവസ്വം-സഹകരണ-ടൂറിസം മന്ത്രി കടകംപള്ളി സുരേന്ദ്രന്‍ അദ്ധ്യക്ഷത വഹിക്കും.

പി.എന്‍.എക്‌സ്.4655/17

ഈ വര്‍ഷത്തെ മലയാള ദിനാഘോഷം, ഭരണഭാഷാ വാരാഘോഷം, ഭരണഭാഷാവര്‍ഷാഘോഷം എന്നിവയുടെയും ഭരണഭാഷ സംബന്ധിച്ച അവബോധ പരിപാടിയുടെയും സംസ്ഥാനതല ഉദ്ഘാടനം ഇന്ന് (നവംബര്‍ ഒന്ന്) രാവിലെ 10.30ന് സെക്രട്ടേറിയറ്റ് ദര്‍ബാര്‍ ഹാളില്‍ മുഖ്യമന്ത്രി പിണറായി വിജയന്‍ നിര്‍വഹിക്കും. സമകാലിക ജനപഥം ഭരണഭാഷാ പതിപ്പ്, ഭരണഭാഷാ പഠനപദ്ധതി പരിഷ്‌കരിച്ച പതിപ്പ് എന്നിവയുടെ പ്രകാശനവും സംസ്ഥാനതല ഭരണഭാഷാ പുരസ്‌കാര വിതരണവും മുഖ്യമന്ത്രി നിര്‍വഹിക്കും. സാംസ്‌കാരിക വകുപ്പ് മന്ത്രി എ.കെ. ബാലന്‍ അധ്യക്ഷത വഹിക്കും. മലയാള ഭാഷയ്ക്ക് നല്‍കിയ വിലപ്പെട്ട സംഭാവനകള്‍ കണക്കിലെടുത്ത് പ്രൊഫ. പന്മന രാമചന്ദ്രന്‍ നായരെ ആദരിക്കും.

പരിസ്ഥിതി സംരക്ഷണത്തിലും പൊതുജന സേവനത്തിലും മികവുകാട്ടിയ സംസ്ഥാനത്തെ ഹൈസ്‌കൂളുകളെ അവാര്‍ഡിനായി പരിഗണിക്കുന്നതിന് അപേക്ഷ ക്ഷണിച്ചു. സംസ്ഥാനതലത്തില്‍ ഒന്നാമതായി എത്തുന്ന സ്‌കൂളിന് ഒരു ലക്ഷം രൂപയും പ്രശസ്തി പത്രവും ട്രോഫിയും രണ്ടാമതായി എത്തുന്ന സ്‌കൂളിന് 50,000 രൂപയും പ്രശസ്തി പത്രവും ട്രോഫിയും മൂന്നാമതായി എത്തുന്ന സ്‌കൂളിന് 25,000 രൂപയും പ്രശസ്തി പത്രവും ട്രോഫിയും നല്‍കും. പ്രോല്‍സാഹനസമ്മാനാര്‍ഹര്‍ക്ക് പ്രശസ്തി പത്രവും 10,000 രൂപയും ലഭിക്കും.

സര്‍ദാര്‍ വല്ലഭായ് പട്ടേലിന്റെ ജന്മദിനവും ഇന്ദിരാഗാന്ധിയുടെ ചരമദിനവുമായ ഇന്നലെ (ഒക്ടോബര്‍ 31) ദേശീയ ഏക്താ ദിവസ് ആയും ദേശീയ പുനരര്‍പ്പണദിനമായും ആചരിച്ചു. സെക്രട്ടേറിയറ്റ് ദര്‍ബാര്‍ഹാളില്‍ ചീഫ് സെക്രട്ടറി കെ.എം. എബ്രഹാം ജീവനക്കാര്‍ക്ക് ദേശീയ ഏക്താ പ്രതിജ്ഞയും ദേശീയ പുനരര്‍പ്പണ പ്രതിജ്ഞയും ചൊല്ലിക്കൊടുത്തു. പൊതുഭരണ വകുപ്പ് പ്രിന്‍സിപ്പല്‍ സെക്രട്ടറി ബിശ്വനാഥ് സിന്‍ഹ ചടങ്ങില്‍ സംബന്ധിച്ചു.

പി.എന്‍.എക്‌സ്.4652/17

കേരള ട്രാവല്‍ മാര്‍ട്ട് പത്താം എഡിഷന്‍ ഔദ്യോഗിക ഉദ്ഘാടനം ലോക ടൂറിസം ദിനമായ സെപ്റ്റംബര്‍ 27ന് കൊച്ചിയില്‍ നടക്കുമെന്ന് ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ വാര്‍ത്താ സമ്മേളനത്തില്‍ അറിയിച്ചു. 28,29,30 തിയതികളിലാണ് ട്രാവല്‍ മാര്‍ട്ട്. ബിസിനസ് ടു ബിസിനസ് മീറ്റുകളെല്ലാം ഈ ദിനങ്ങളിലായിരിക്കും. കേരളം എന്ന ഡെസ്റ്റിനേഷന്റെ വിപണന സാധ്യതകള്‍ വര്‍ധിപ്പിക്കുന്നതിന് കേരള ട്രാവല്‍ മാര്‍ട്ട് സൊസൈറ്റി സംഘടിപ്പിക്കുന്ന മേള കേരളത്തിലെ ഏറ്റവും വലിയ ടൂറിസം മേളയായിരിക്കും. ടൂറിസം മേഖലയിലെ വൈവിധ്യമാര്‍ന്ന ഉത്പന്നങ്ങള്‍ അണിനിരക്കുന്ന മുന്നൂറോളം സ്റ്റാളുകള്‍ പത്താം എഡിഷനിലുണ്ടാവും.

കെല്‍ട്രോണ്‍ നടത്തുന്ന ടെലിവിഷന്‍ ജേണലിസം കോഴ്‌സിന്റെ 2017-18 ലെ പുതിയ ബാച്ചിലേക്ക് അപേക്ഷിക്കാം. ഏതെങ്കിലും വിഷയത്തില്‍ ബിരുദമാണ് യോഗ്യത. പ്രായപരിധി 27. മാധ്യമസ്ഥാപനങ്ങളില്‍ പരിശീലനം, ഇന്റേണ്‍ഷിപ്, പ്ലേസ്‌മെന്റ് സഹായം എന്നിവ പഠനസമയത്ത് നിബന്ധനകള്‍ക്ക് വിധേയമായി ലഭിക്കും. പ്രിന്റ് ജേണലിസം, ഓണ്‍ലൈന്‍ ജേണലിസം എന്നിവയിലും പരിശീലനം ലഭിക്കും. വിദ്യാഭ്യാസ യോഗ്യത തെളിയിക്കുന്ന രേഖകളുമായി കെല്‍ട്രോണ്‍ നോളജ് സെന്ററുകളില്‍ നേരിട്ട് എത്തിയും അപേക്ഷിക്കാം. അപേക്ഷകള്‍ ഒക്‌ടോബര്‍ 15 നകം ലഭിക്കണം.

സംസ്ഥാന സ്‌കൂള്‍ കലോത്സവം ജില്ലാതലത്തിലും സംസ്ഥാനതലത്തിലും വിധിനിര്‍ണയത്തിനു യോഗ്യരായ വിധികര്‍ത്താക്കളില്‍ നിന്ന് അപേക്ഷ ക്ഷണിച്ചു. വിധികര്‍ത്താക്കളായിരിക്കാന്‍ താല്പര്യമുള്ളവര്‍ നിശ്ചിത അപേക്ഷാ മാതൃകയില്‍ ബയോഡാറ്റ സമര്‍പ്പിക്കണം. അപേക്ഷയുടെ മാതൃക www.education.kerala.gov.in എന്ന വെബ്‌സൈറ്റില്‍ നല്‍കിയിട്ടുണ്ട്. നിശ്ചിത മാതൃകയുടെ പ്രിന്റ് എടുത്ത് ബയോഡേറ്റ രേഖപ്പെടുത്തി വി. ശ്രീകുമാര്‍, പബ്ലിക് റിലേഷന്‍സ് ഓഫീസര്‍, പൊതുവിദ്യാഭ്യാസ ഡയറക്ടറുടെ കാര്യാലയം, ജഗതി പി.ഒ., തിരുവനന്തപുരം - 695014 എന്ന വിലാസത്തിലോ, y2section@gmail.comഎന്ന ഇ-മെയില്‍ വിലാസത്തിലോ ഒക്‌ടോബര്‍ 25 നു മുമ്പ് അയയ്ക്കണം.