കോട്ടയം: ഏറ്റുമാനൂർ ഗവൺമെന്റ് ഐ.ടി.ഐയിൽ 2023 അധ്യയന വർഷത്തെ പ്രവേശനത്തിന് ഇതുവരെ അപേക്ഷ സമർപ്പിക്കാൻ കഴിയാത്ത  ഇ.ഡബ്ല്യു.എസ് വിഭാഗത്തിൽപ്പെട്ടവർക്ക്  വിവിധ ട്രേഡുകളിലേക്ക് ഓഫ് ലൈനായി സെപ്റ്റംബർ 11 വരെ അപേക്ഷിക്കാം. അപേക്ഷകൾ ഐ.ടി.ഐ.യിൽ നേരിട്ട് സമർപ്പിക്കണം. വിശദവിവരങ്ങൾക്ക്  ഫോൺ 9496800788, 9048462639,9895287429
 

കോട്ടയം: ഏറ്റുമാനൂർ ഗവൺമെന്റ് ഐ.ടി.ഐയിൽ 2023 അധ്യയന വർഷത്തെ പ്രവേശനത്തിന് ഇതുവരെ അപേക്ഷ സമർപ്പിക്കാൻ കഴിയാത്ത പെൺകുട്ടികൾക്ക് വിവിധ ട്രേഡുകളിലേക്ക് ഓഫ് ലൈനായി സെപ്റ്റംബർ 12 വരെ അപേക്ഷിക്കാം.  അപേക്ഷകൾ ഐ.ടി.ഐയിൽ നേരിട്ട് സമർപ്പിക്കണം. കൂടുതൽ വിവരങ്ങൾക്ക് ഫോൺ: 9496800788, 9048462639, 9895287429.

കോട്ടയം: പട്ടികജാതി വികസന വകുപ്പിന് കീഴിൽ മാടപ്പള്ളിയിൽ പ്രവർത്തിക്കുന്ന ഗവൺമെന്റ് ഐ.ടി.ഐയിൽ എൻ.സി.വി.ടി അംഗീകാരമുള്ള ഏകവത്സര വുഡ് വർക്ക് ടെക്‌നീഷൻ ട്രേഡിൽ പ്രവേശനത്തിന് പട്ടികജാതി വിഭാഗത്തിൽ സീറ്റ് ഒഴിവുണ്ട്. സൗജന്യ പഠനം, പോഷകാഹാരം, പാഠപുസ്തകങ്ങൾ, ഉച്ചഭക്ഷണം, യൂണിഫോം അലവൻസ്, സ്റ്റഡി ടൂർ അലവൻസ്, പ്രതിമാസ സ്‌റ്റൈപ്പന്റ്, ലംസംഗ്രാന്റ് എന്നിവ നൽകുന്നു. താൽപ്പര്യമുള്ളവർ എസ്.എസ്.എൽ.സി. ടി. സി, ജാതിതെളിയിക്കുന്ന സർട്ടിഫിക്കറ്റ്, സ്വഭാവ സർട്ടിഫിക്കറ്റ് എന്നിവയുടെ അസലുമായി ഓഫീസിൽ നേരിട്ട് ഹാജരാകണം.

കോട്ടയം: ഒരുക്കങ്ങൾ പൂർണസജ്ജം, പുതുപ്പള്ളി നിയോജകമണ്ഡലം ഉപതെരഞ്ഞെടുപ്പിലെ വോട്ടെണ്ണൽ ഇന്നു( സെപ്റ്റംബർ 8) നടക്കും. രാവിലെ എട്ടുമണിമുതൽ കോട്ടയം ബസേലിയോസ് കോളജ് ഓഡിറ്റോറിയത്തിൽ സജ്ജമാക്കിയിട്ടുള്ള വോട്ടെണ്ണൽ കേന്ദ്രത്തിലാണ് വോട്ടെണ്ണൽ. രാവിലെ ഏഴരയോടെ വോട്ടിങ് യന്ത്രങ്ങൾ സൂക്ഷിച്ചിട്ടുള്ള ബസേലിയോസ് കോളജിലെ സ്‌ട്രോങ് റൂം തുറക്കും. എട്ടുമണിയോടെ തപാൽ വോട്ടുകൾ എണ്ണിത്തുടങ്ങും. ജില്ലാ തെരഞ്ഞെടുപ്പ് ഓഫീസറായ ജില്ലാ കളക്ടർ വി. വിഗ്‌നേശ്വരി വോട്ടെണ്ണൽ കേന്ദ്രത്തിലെത്തി അവസാനവട്ട ഒരുക്കങ്ങൾ വിലയിരുത്തി.

നെയ്യാറ്റിൻകര സർക്കാർ പോളിടെക്‌നിക് കോളേജിലെ ഒന്നാം വർഷ ഡിപ്ലോമ പ്രവേശനത്തിന് ഒഴിവുള്ള സീറ്റുകളിലേക്ക് തിങ്കളാഴ്ച (സെപ്റ്റംബർ 11) സ്‌പോട്ട് അഡ്മിഷൻ നടക്കും. സ്ട്രീം ഒന്നിലെ സ്‌പോട്ട് രജിസ്‌ട്രേഷൻ രാവിലെ 9.30 മുതൽ 10 വരെയും സ്ട്രീം രണ്ടിലെ സ്‌പോട്ട് രജിസ്‌ട്രേഷൻ ഉച്ചയ്ക്ക് 1.30 മുതൽ 2 വരെയുമാണ്.

പെണ്‍കുട്ടികള്‍ കഴിവ് തിരിച്ചറിഞ്ഞു സ്വയം പ്രോത്സാഹനം നല്‍കണമെന്ന് ജില്ലാ കളക്ടര്‍ ഡോ.ദിവ്യ എസ് അയ്യര്‍ പറഞ്ഞു. ബേഠി ബച്ചാവോ ബേഠി പഠാവോ  പദ്ധതി പ്രകാരം ജില്ലയിലെ പത്താം ക്ലാസിലും പ്ലസ് ടുവിലും ഉന്നത വിജയം നേടിയ ഏറ്റവും അര്‍ഹരായ പെണ്‍കുട്ടികള്‍ക്കുള്ള ക്യാഷ് അവാര്‍ഡ് വിതരണത്തിന്റെ ഉദ്ഘാടനം കലകട്രേറ്റ് കോണ്‍ഫറന്‍സ് ഹാളില്‍ നിര്‍വഹിച്ചു സംസാരിക്കുക ആയിരുന്നു കളക്ടര്‍. ഉള്ളിലെ കഴിവുകള്‍ തിരിച്ചറിയുന്നതിനും സ്വയം മനസിലാക്കുന്നതിനും പെണ്‍കുട്ടികള്‍ക്ക് സാധിക്കണം.

മോട്ടോര്‍ തൊഴിലാളി ക്ഷേമനിധി പദ്ധതിയില്‍ അംഗങ്ങളായ തൊഴിലാളികള്‍ക്ക് നിബന്ധനകള്‍ക്ക് വിധേയമായി  (ഒന്‍പത് ശതമാനം പലിശ ഉള്‍പ്പെടെ) കുടിശിക ഒടുക്കുന്നതിനുളള സമയം നവംബര്‍ 30 വരെ നീട്ടി. കുടിശിക ഒടുക്കുവാനുളള തൊഴിലാളികള്‍ പരമാവധി ഈ അവസരം പ്രയോജനപ്പെടുത്തണമെന്ന്  പത്തനംതിട്ട   മോട്ടോര്‍ തൊഴിലാളി ക്ഷേമനിധി ജില്ലാ എക്സിക്യൂട്ടീവ് ഓഫീസര്‍ അറിയിച്ചു. ഫോണ്‍ : 0468 2320158

കൈപ്പട്ടൂര്‍ ജിവിഎച്ച്എസ് സ്‌കൂളില്‍ ഹിന്ദി ക്ലബിന്റെ നേതൃത്വത്തില്‍ അധ്യാപക ദിനാചരണം നടത്തി. കുട്ടികള്‍ അധ്യാപകര്‍ക്ക് സമ്മാനങ്ങള്‍ നല്‍കി ആദരിച്ചു. പ്രധാന അധ്യാപിക ടി.സുജ, ആര്‍.ശ്രീദേവിയമ്മ, ആര്‍.ബിന്ദു, പി.എസ് സബിധ തുടങ്ങിയവര്‍ പങ്കെടുത്തു.

കൊച്ചി :എറണാകുളം സ്‌പെഷ്യലിസ്റ്റ്‌സ് ആശുപത്രിയിലെ 'സ്നേഹത്തണൽ' മെഡിക്കൽ സംഘം  വടുതലയിലെ കിടപ്പുരോഗികളുടെ വീടുകളിലെത്തി പരിശോധനയും മരുന്നു വിതരണവും നടത്തി. വിവിധ രോഗങ്ങളാലും പ്രായാധിക്യത്താലും വീടുകളിൽ കഴിയുന്ന പത്രണ്ടോളം പേരുടെ വീടുകളിലാണ് സാന്ത്വനവുമായി സ്നേഹത്തണൽ എത്തിയത്‌. മെഡിക്കൽ ഓഫീസർ ഡോ. മെറിൻ, നഴ്‌സ് ലുബീന, ഗിരീഷ് കൈമൾ, ചന്ദ്രഹാസൻ വടുതല, സെൻദാസ്, ബിജോയ്, ജിനീഷ്, ശ്രീകല, പ്രീതി  എന്നിവർ നേതൃത്വം നൽകി.