ആലപ്പുഴ: എടത്വ ഗ്രാമപഞ്ചായത്തും ചങ്ങങ്കരി ഹെൽത്ത് ആൻഡ് വെൽനസ് സെൻ്ററും സംയുക്തമായി ആരോഗ്യ മേള സംഘടിപ്പിച്ചു. സെൻറ് ജോസഫ് ചർച്ച് പരീഷ് ഹാളിൽ നടന്ന മേള ചമ്പക്കുളം ബ്ലോക്ക് പഞ്ചായത്ത് പ്രസിഡൻറ് ജിൻസി ജോളി ഉദ്ഘാടനം ചെയ്തു. എടത്വ ഗ്രാമപഞ്ചായത്ത് പ്രസിഡൻറ് ലിജി വർഗീസ് അധ്യക്ഷത വഹിച്ചു.

ഗ്രാമീണ മേഖലയിലെ ജനങ്ങൾക്ക് ആരോഗ്യസേവനങ്ങൾ വളരെ വേഗത്തിൽ ഒരു കുടക്കീഴിൽ നൽകുക എന്ന ലക്ഷ്യത്തോടെയാണ് മേള നടത്തിയത്. എടത്വ സാമൂഹ ആരോഗ്യ കേന്ദ്രത്തിന്റെ പരിധിയിൽ വരുന്ന മൂന്ന്, അഞ്ച് വാർഡ് നിവാസികൾ മേളയിൽ പങ്കെടുത്തു.

ആലപ്പുഴ: ലോക സാക്ഷരതാ ദിനാചരണത്തിന്റെ ഭാഗമായി ജില്ലയിൽ എട്ട് പട്ടികജാതി കോളനികളിൽ പഠിതാക്കളുടെ സംഗമം നടക്കും. ജില്ലാതല പരിപാടി പള്ളിപ്പാട് ഗ്രാമ പഞ്ചായത്ത് മാനാപ്പള്ളി കോളനിയിൽ ജില്ലാ പഞ്ചായത്ത് പ്രസിഡന്റ് കെ.ജി. രാജേശ്വരി ഉദ്ഘാടനം ചെയ്യും.
വയലാറിൽ ജില്ലാ പഞ്ചായത്ത് വൈസ് പ്രസിഡന്റ് എൻ.എസ്. ശിവപ്രസാദും നീലംപേരൂരിൽ ജില്ലാ പഞ്ചായത്ത് വിദ്യാഭ്യാസ സ്ഥിരം സമിതി അധ്യക്ഷ എം. വി. പ്രിയയും ഉദ്ഘാടനം ചെയ്യും.

ആലപ്പുഴ: സാക്ഷരതാ മിഷൻ പത്താംതരം തുല്യതാ കോഴ്സ് പതിനാറാം ബാച്ചിന്റെ പൊതുപരീക്ഷയുടെ ഒരുക്കങ്ങൾ പൂർത്തിയായി. ജില്ലയിൽ 661 സ്ത്രീകളും 126 പുരുഷന്മാരും പരീക്ഷ എഴുതും.

ജില്ലയിലെ 16 സമ്പർക്ക പഠനകേന്ദ്രങ്ങളിൽ ഞായറാഴ്ചയും മറ്റ് പൊതു അവധി ദിവസങ്ങളിലുമായി 1728 പഠിതാക്കളാണ് ക്ലാസിൽ എത്തിയിരുന്നത്. 
ഇതിൽ 787 പേരാണ് പരീക്ഷ എഴുതുന്നത്. മറ്റുള്ളവർ അടുത്തതവണ പരീക്ഷ എഴുതും.

ചേർത്തല ഗവ.ബോയ്സ് ഹയർ സെക്കൻഡറി സ്കൂളിലാണ് ഏറ്റവും കൂടുതൽ പേർ പരീക്ഷ എഴുതുന്നത്. 117 പേർ. വി.വി.എച്ച്.എസ്.എസ്. താമരക്കുളത്താണ് ഏറ്റവും കുറവ് പരീക്ഷാർത്ഥികൾ ഉള്ളത്. 32 പേർ.

ആലപ്പുഴ: സഹകരണ വകുപ്പിനു കീഴിലുളള സംസ്ഥാന സഹകരണ യൂണിയന്റെ നിയന്ത്രണത്തില്‍ നെയ്യാര്‍ഡാമില്‍ പ്രവര്‍ത്തിക്കുന്ന കേരള ഇന്‍സ്റ്റിറ്റ്യൂട്ട് ഓഫ് കോ- ഓപ്പറേറ്റീവ് മാനേജ്‌മെന്റില്‍ (കിക്മ) ഒഴിവുള്ള എം.ബി.എ. സീറ്റുകളിലേക്ക്് സെപ്റ്റംബര്‍ 11-ന് രാവിലെ 10-ന് അഭിമുഖം നടത്തും. വിദ്യാര്‍ഥികള്‍ അസല്‍ രേഖകള്‍ സഹിതം പങ്കെടുക്കണം. ഫോണ്‍: 8547618290, 8281743442 വെബ്‌സൈറ്റ്:www.kicma.ac.in

ആലപ്പുഴ: പത്തനംതിട്ട ജില്ലയിലെ കോന്നിയില്‍ പ്രവര്‍ത്തിക്കുന്ന കൗണ്‍സില്‍ ഫോര്‍ ഫുഡ് റിസര്‍ച്ച് ആന്‍ഡ് ഡെവലപ്‌മെന്റിന്റെ (സി.എഫ്.ആര്‍.ഡി) കീഴില്‍ കോളജ് ഓഫ് ഇന്‍ഡിജനസ് ഫുഡ് ടെക്‌നോളജി (സി.എഫ്.റ്റി.കെ.) നടത്തുന്ന ബി.എസ്‌സി. ഫുഡ് ടെക്‌നോളജി ആന്‍ഡ് ക്വാളിറ്റി അഷുറന്‍സ് കോഴ്‌സിലേക്ക് സെപ്റ്റംബര്‍ എട്ടിന് രാവിലെ 10.30ന് സ്‌പോട്ട് പ്രവേശനം നടത്തും. ഫോണ്‍: 0468-2240047, 9846585609. 

ആലപ്പുഴ: ചെങ്ങന്നൂര്‍ ഗവ.ഐ.ടി.ഐ. (വനിത)യിലെ വിവിധ ട്രേഡുകളിലേക്ക് പ്രവേശനത്തിനായി ഓഫ്‌ലൈന്‍ അപേക്ഷ ക്ഷണിച്ചു. സര്‍വ്വേയര്‍, ഇലക്ട്രോണിക്സ് മെക്കാനിക്ക്, കമ്പ്യൂട്ടര്‍ ഓപ്പറേറ്റര്‍ ആന്റ് പ്രോഗ്രാമിംഗ് അസിസ്റ്റന്റ്, കമ്പ്യൂട്ടര്‍ ഹാര്‍ഡ് വെയര്‍ അന്റ് നെറ്റ് വര്‍ക്ക് മെയിന്‍ന്റനന്‍സ്, സ്റ്റെനോഗ്രാഫര്‍ അന്റ് സെക്രട്ടേറിയല്‍ അസിസ്റ്റന്റ് (ഇംഗ്ലീഷ്), ഡ്രസ്സ് മേക്കിങ് എന്നിവയാണ് ട്രേഡുകള്‍. താത്പര്യമുള്ളവര്‍ സെപ്റ്റംബര്‍ 23നകം ഐ.ടി.ഐ.യില്‍ നേരിട്ടെത്തി അപേക്ഷ നല്‍കണം. ഫോണ്‍: 9496463390, 9446321018.

ആലപ്പുഴ: നാളെ (സെപ്റ്റംബര്‍ 8) രാവിലെ 10 മുതല്‍ ജില്ല പഞ്ചായത്ത് ഹാളില്‍ വനിത കമ്മിഷന്റെ ജില്ലാതല സിറ്റിംഗ് നടക്കും.

ആലപ്പുഴ: കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ സെപ്റ്റംബറില്‍ ആരംഭിക്കുന്ന രണ്ടു വര്‍ഷം, ഒരു വര്‍ഷം, ആറു മാസം ദൈര്‍ഘ്യമുള്ള മോണ്ടിസോറി, പ്രീ- പ്രൈമറി, നഴ്സറി ടീച്ചര്‍ ട്രെയിനിംഗ് കോഴ്സുകള്‍ക്ക് അപേക്ഷ ക്ഷണിച്ചു. ബിരുദം/പ്ലസ് ടു/എസ്.എസ്.എല്‍.സി. യോഗ്യതയുള്ള വനിതകള്‍ക്കാണ് അവസരം. ഫോണ്‍: 7994449314

ആലപ്പുഴ: പത്തനംതിട്ട ജില്ലയില്‍ 200 ആര്‍-ല്‍ കുറവ് വിസ്തീര്‍ണമുള്ള ഭൂമി ഏറ്റെടുക്കല്‍ പദ്ധതികളുടെ നടത്തിപ്പുമായി ബന്ധപ്പെട്ട് ജില്ലാതല സോഷ്യല്‍ ഇംപാക്ട് അസസ്‌മെന്റ് ഏജന്‍സികളുടെ പട്ടിക തയ്യാറാക്കുന്നു. ഇതിനായി അംഗീകൃത ഏജന്‍സികളില്‍ നിന്നും അപേക്ഷ ക്ഷണിച്ചു. 

ആലപ്പുഴ: പട്ടികജാതി പട്ടികവര്‍ഗ വികസന കോര്‍പറേഷന്‍ നോര്‍ക്ക റൂട്ടൂസുമായി ചേര്‍ന്ന് നടപ്പാക്കുന്ന പ്രവാസി പുനരധിവാസ വായ്പ പദ്ധതിയിലേക്ക് അപേക്ഷ ക്ഷണിച്ചു. 

സ്വയംതൊഴില്‍ സംരംഭങ്ങള്‍ ആരംഭിക്കുന്നതിന് പരമാവധി 20 ലക്ഷം രൂപവരെ വായ്പ നല്‍കും. ജില്ലയിലെ പട്ടികജാതി/പട്ടികവര്‍ഗ വിഭാഗത്തില്‍പ്പെട്ട സംരംഭകത്വ ഗുണമുള്ളവര്‍ക്കാണ് വായ്പ നല്‍കുന്നത്. 18നും 55നും ഇടയില്‍ പ്രായവും ചുരുങ്ങിയത് രണ്ടു വര്‍ഷമെങ്കിലും വിദേശത്ത് ജോലി ചെയ്തു മടങ്ങി വന്നവരുമായിരിക്കണം.