കര്‍ഷകര്‍ക്ക് വരുമാനവും പൊതുജനങ്ങള്‍ക്ക് വിലക്കുറവും നല്‍കി പടിഞ്ഞാറക്കല്ലടയിലെ എല്ലാ ബുധനാഴ്ചയും പ്രവര്‍ത്തിക്കുന്ന കാര്‍ഷിക വിപണി. പഞ്ചായത്തും കൃഷിഭവനും സംയുക്തമായി രൂപീകരിച്ച കര്‍ഷകസമിതി വഴിയാണ് പ്രവര്‍ത്തനം.

കര്‍ഷകര്‍ക്ക് 10 ശതമാനമാണ് അധികലാഭം. ഉപഭോക്താക്കള്‍ക്ക് 30 ശതമാനം വിലക്കുറവും. പഞ്ചായത്തിലെ കര്‍ഷകരുടെ രജിസ്ട്രേഷന്‍ പൂര്‍ത്തിയാക്കി. രജിസ്റ്റര്‍ ചെയ്യാത്തവര്‍ക്കും വിപണനം ചെയ്യാന്‍ അവസരമുണ്ട്. കര്‍ഷകര്‍ക്ക് ഉത്പന്നത്തിന്റെ മൂന്ന് ശതമാനം തുകയാണ് ബോണസ്. കൂടുതല്‍ ഉത്പന്നങ്ങള്‍ വിപണയില്‍ എത്തിക്കുമെന്ന് പഞ്ചായത്ത് പ്രസിഡന്റ് ഡോ സി ഉണ്ണികൃഷ്ണന്‍ അറിയിച്ചു.

ജില്ലാതല ഐ സി ഡി എസ് സെല്‍ പ്രോഗ്രാം ഓഫീസിലേക്ക് കാര്‍/ജീപ്പ് കരാറടിസ്ഥാനത്തില്‍ വാടകയ്ക്ക് നല്‍കുന്നതിന് ടെന്‍ഡര്‍ ക്ഷണിച്ചു. ടാക്സി പെര്‍മിറ്റ് ഉള്ള ഏഴുവര്‍ഷത്തില്‍ താഴെ കാലപ്പഴക്കമുള്ളതായിരിക്കണം. വാഹനം രജിസ്റ്റര്‍ ചെയ്തിരിക്കുന്ന വ്യക്തിയുടെ പേരില്‍ ടെന്‍ഡര്‍ സമര്‍പ്പിക്കണം. സെപ്റ്റംബര്‍ 19 ഉച്ചയ്ക്ക് രണ്ടിനകം പ്രോഗ്രാം ഓഫീസര്‍, ജില്ലാ പ്രോഗ്രാം ഓഫീസ്, ജില്ലാതല ഐ സി ഡി എസ് സെല്‍, സിവില്‍ സ്റ്റേഷന്‍, കൊല്ലം വിലാസത്തില്‍ ലഭിക്കണം. ഫോണ്‍ - 04742793069

കരുനാഗപ്പള്ളി മോഡല്‍ പോളിടെക്‌നിക് കോളേജില്‍ ഗസ്റ്റ് ലക്ചറര്‍ കമ്പ്യൂട്ടര്‍, ഗസ്റ്റ് ലക്ചറര്‍ ഫിസിക്കല്‍ എഡ്യൂക്കേഷന്‍ തസ്തികയിലേക്ക് നിയമനത്തിന് സെപ്റ്റംബര്‍ 15ന് രാവിലെ 10ന് അഭിമുഖം നടത്തും. യോഗ്യത : ലക്ചറര്‍ കമ്പ്യൂട്ടര്‍ : ബി ടെക് ഫസ്റ്റ് ക്ലാസ്, ലക്ചറര്‍ ഫിസിക്കല്‍ എഡ്യൂക്കേഷന്‍ : പി ജി. ഒറിജിനല്‍ സര്‍ട്ടിഫിക്കറ്റും പകര്‍പ്പുമായി എത്തണം. ഫോണ്‍ - 9447488348.

കോര്‍പ്പറേഷനില്‍ ഫിഷറീസ് വകുപ്പ് നടപ്പിലാക്കുന്ന പി വി സി വാട്ടര്‍ ടാങ്ക് പ്രൊജക്റ്റ് നമ്പര്‍ 1104 പദ്ധതിയിലേക്ക് 500 ലിറ്റര്‍ സംഭരണശേഷിയുള്ള ബി ഐ എസ്/ ഐ എസ് ഒ മുദ്രയുള്ള പി വി സി വാട്ടര്‍ ടാങ്ക് വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ടാങ്ക് മൂന്ന് ലെയറോടുകൂടിയതും 13.5 കിലോ ഭാരവുമുള്ളതായിരിക്കണം. അവസാന തീയതി സെപ്റ്റംബര്‍ 29 ഉച്ചയ്ക്ക് രണ്ട് വരെ.

വനം വകുപ്പ് തിരുവനന്തപുരം തടി വില്‍പന ഡിവിഷന്റെ തെന്‍മല തടി ഡിപ്പോയില്‍ ഗാര്‍ഹികാവശ്യങ്ങള്‍ക്കുള്ള തേക്കുതടിയുടെ ചില്ലറ വില്‍പന സെപ്റ്റംബര്‍ 25 മുതല്‍. അംഗീകൃത വീട് നിര്‍മാണപ്ലാന്‍, അനുമതി, സ്‌കെച്ച് എന്നിവയുടെ പകര്‍പ്പും തിരിച്ചറിയല്‍ കാര്‍ഡ്, പാന്‍ കാര്‍ഡ് എന്നിവയുമായി സെപ്റ്റംബര്‍ 25 മുതല്‍ എല്ലാ പ്രവര്‍ത്തിദിവസങ്ങളിലും രാവിലെ 10 മുതല്‍ വൈകുന്നേരം അഞ്ചു മണി വരെ തെ•ല സര്‍ക്കാര്‍ തടി ഡിപ്പോയില്‍ നിന്ന് അഞ്ച് ക്യൂ.മീറ്റര്‍ വരെ വാങ്ങാം.

(പി.ആര്‍.കെ നമ്പര്‍ 2846/2023)

വനം വകുപ്പ് തിരുവനന്തപുരം ടിംബര്‍ സെയില്‍സ് ഡിവിഷന്റെ തടി ഡിപ്പോകളില്‍ ഒക്്‌ടോബറില്‍ ഇ-ലേലം നടത്തും. തേക്ക്, കട്ടിത്തടികള്‍ എന്നിവയാണ് ലേലംചെയ്യുന്നത്. തേക്കിന് 50,000 രൂപയും മറ്റിനങ്ങള്‍ക്ക് 25,000 രൂപയുമാണ് നിരതദ്രവ്യം. ആര്യങ്കാവ് തടി ഡിപ്പോ സെയില്‍സ് ഡിവിഷനില്‍ ഒക്്‌ടോബര്‍ ഏഴിനും കുളത്തൂപ്പുഴ (അച്ചന്‍കോവില്‍ അനക്‌സ്) തടി ഡിപ്പോ മുള്ളുമലയില്‍ ഒക്്‌ടോബര്‍ 16-നും അച്ചന്‍കോവില്‍ തെ•ല തടി ഡിപ്പോ യില്‍ 25-നുമാണ് ഇ-ലേലം. ഫോണ്‍ -0471-2360166. രജിസ്ട്രേഷനായി ഇ-ഓക്ഷന്‍ വെബ് സൈറ്റ് www.mstcecommerce.com , www.forest.kerala.gov.in

പാലയ്ക്കല്‍ - ഇരിഞ്ഞാലക്കുട റോഡിന്റെ കോണ്‍ക്രീറ്റ് പ്രവൃത്തികള്‍ 30 ദിവസത്തിനകം പൂര്‍ത്തിയാക്കാന്‍ ജില്ലാ കലക്ടര്‍ വി ആര്‍ കൃഷ്ണ തേജ ബന്ധപ്പെട്ടവര്‍ക്ക് നിര്‍ദ്ദേശം നല്‍കി. ആദ്യഘട്ട കോണ്‍ക്രീറ്റിംഗ് 10 ദിവസത്തിനുള്ളില്‍ പൂര്‍ത്തിയാക്കണമെന്നും ഇതുമായി ബന്ധപ്പെട്ട് ജില്ലാ കളക്ടറുടെ അധ്യക്ഷതയില്‍ ചേര്‍ന്ന അവലോകന യോഗത്തില്‍ നിര്‍ദ്ദേശിച്ചു. ആദ്യഘട്ട കോണ്‍ക്രീറ്റിംഗ് പൂര്‍ത്തിയാകുന്ന മുറയ്ക്ക് റോഡിന്റെ ഇരുഭാഗങ്ങള്‍ തമ്മിലെ ഉയരം കുറയുമെന്നതിനാല്‍ കൊടുങ്ങല്ലൂരില്‍ നിന്നുള്ള വരുന്ന വാഹനങ്ങള്‍ക്ക് മെയിന്‍ റോഡ് വഴി തൃശൂരിലേക്ക് വരാനാവും.

2023-24 സാമ്പത്തികവര്‍ഷം വനിതകള്‍ ഗൃഹനാഥയായുള്ള കുടുംബങ്ങളിലെ കുട്ടികള്‍ക്ക് വിദ്യാഭ്യാസ ധനസഹായം (അച്ഛനോ അമ്മയോ മരിച്ചുപോയ വിദ്യാര്‍ഥികള്‍ ഒഴികെയുള്ളവര്‍ക്ക്) അനുവദിക്കുന്നതിനായി www.schemes.wcd.kerala.gov.in മുഖേന ഡിസംബര്‍ 15 വരെ അപേക്ഷിക്കാം. വിവരങ്ങള്‍ തൊട്ടടുത്ത അംഗന്‍വാടികളില്‍ നിന്നോ ഐ സി ഡി എസ് പ്രോജക്ട് ഓഫീസില്‍ നിന്നോ ജില്ലാ വനിത ശിശു വികസന ഓഫീസില്‍ നിന്നോ അറിയാം. ഫോണ്‍- 0474 2992809.

തൃശൂർ ഗവ. മെഡിക്കൽ കോളജിലെ അനാട്ടമി വിഭാഗത്തിന് കീഴിൽ അലുമിനി ഓഡിറ്റോറിയത്തിൽ  സെപ്റ്റംബർ 16ന് നടത്താൻ നിശ്ചയിച്ച ബോഡി ഡോണേഴ്സ് മീറ്റ് മാറ്റിവെച്ചതായി പ്രിൻസിപ്പാൾ അറിയിച്ചു.

കൊട്ടാരക്കര താലൂക്ക് ആശുപത്രിയില്‍ ഈവനിംഗ് ഒ.പിയിലേക്ക് ദിവസവേതന അടിസ്ഥാനത്തില്‍ രണ്ട് ഡോക്ടര്‍മാര്‍, ഒരു ബ്ലഡ് ബാങ്ക് കൗണ്‍സിലറേയും കരാറടിസ്ഥാനത്തില്‍ നിയമിക്കും. യോഗ്യത: ഡോക്ടര്‍ - എം ബി ബി എസ് (ഇന്ത്യന്‍ മെഡിക്കല്‍ കൗണ്‍സില്‍ അംഗീകാരം), കൗണ്‍സിലര്‍ - എം എസ് ഡബ്ല്യൂ.

ഫോട്ടോപതിച്ച അപേക്ഷയോടൊപ്പം യോഗ്യതതെളിയിക്കുന്ന സര്‍ട്ടിഫിക്കറ്റിന്റെ കോപ്പിയും ബയോഡേറ്റയും സെപ്റ്റംബര്‍ 20 ഉച്ചയ്ക്ക് രണ്ടിനകം സൂപ്രണ്ട്, താലൂക്ക് ആശുപത്രി, കൊട്ടാരക്കര വിലാസത്തില്‍ ലഭിക്കണം. ഫോണ്‍ 0474 2452610