ആലപ്പുഴ: സംസ്ഥാന പട്ടികജാതി പട്ടികവര്‍ഗ വികസന കോര്‍പ്പറേഷന്റെ ജില്ല ഓഫീസില്‍ നിന്നും വിവിധ സ്വയം തൊഴില്‍ സംരംഭങ്ങള്‍ക്ക് വായ്പകള്‍ നല്‍കുന്നു. പട്ടികജാതി/ പട്ടികവര്‍ഗ വിഭാഗത്തില്‍പ്പെട്ട 18നും 55നും ഇടയില്‍ പ്രായമുള്ളവര്‍ക്ക് 50,000 രൂപ മുതല്‍ മൂന്ന് ലക്ഷം രൂപവരെയാണ് വായ്പ നല്‍കുന്നത്. കൂടുതല്‍ വിവരങ്ങള്‍ക്ക് ജില്ല പട്ടികജാതി പട്ടികവര്‍ഗ വികസന ഓഫീസമുമായി ബന്ധപ്പെടുക. ഫോണ്‍: 0477- 2262326, 9400068504.

പൊതുമരാമത്ത് വകുപ്പ് പ്രത്യേക കെട്ടിട ഭാഗം കണ്ണൂർ അസി. എഞ്ചിനീയറുടെ കാര്യാലയത്തിന് കീഴിൽ വരുന്ന പി ഡബ്ല്യു ഡി കോമ്പൗണ്ടിലെ പാലമരം മുറിച്ച് കൊണ്ടുപോകുന്നതിനുള്ള ലേലം സെപ്റ്റംബർ 12ന് രാവിലെ 11 മണിക്ക് പൊതുമരാമത്ത് വകുപ്പ് പ്രത്യേക കെട്ടിട ഭാഗം കണ്ണൂർ ഓഫീസിൽ നടത്തും.

ശ്രീകണ്ഠാപുരം നഗരസഭയുടെ ഉടമസ്ഥതയിലുള്ള കെ എൽ 59 ജെ 7137 നമ്പർ വാഹനത്തിന് ടയറുകൾ വിതരണം ചെയ്യുന്നതിന് അംഗീകൃത സ്ഥാപനങ്ങളിൽ നിന്നും ക്വട്ടേഷൻ ക്ഷണിച്ചു. സെപ്റ്റംബർ 11ന് വൈകിട്ട് മൂന്ന് മണി വരെ ക്വട്ടേഷൻ സ്വീകരിക്കും. ഫോൺ: 0460 2230261

 കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റിൽ (കിക്മ) യിൽ ഒഴിവുള്ള സീറ്റുകളിലേക്ക്് സെപ്റ്റംബർ 11ന് രാവിലെ 10 മണിക്ക് ഇന്റർവ്യൂ നടത്തുന്നു. താൽപര്യമുള്ളവർ അസ്സൽ രേഖകൾ സഹിതം  എത്തിച്ചേരുക. ഫോൺ: 8547618290, 8281743442. വെബ്‌സൈറ്റ്: www.kicma.ac.in.
 

സെപ്റ്റംബർ 13ന് കലക്ടറേറ്റിൽ നടത്താനിരുന്ന ഇരിട്ടി, തലശ്ശേരി ദേവസ്വം ലാന്റ് ട്രിബ്യൂണൽ  പട്ടയകേസുകളുടെ വിചാരണ ഒക്ടോബർ അഞ്ചിലേക്ക് മാറ്റിയതായി ഡെപ്യൂട്ടി കലക്ടർ അറിയിച്ചു.

മോട്ടോർ തൊഴിലാളി ക്ഷേമനിധി ബോർഡിൽ അംഗത്വമെടുത്ത തൊഴിലാളികൾക്ക് ഒമ്പത് ശതമാനം പലിശയോടെ നിബന്ധനകൾക്ക് വിധേയമായി കുടിശ്ശിക അടക്കുന്നതിനുളള തീയതി നവംബർ 30 വരെ നീട്ടി. അഞ്ച് വർഷത്തിൽ കൂടുതൽ 10 വർഷം വരെയുള്ള കുടിശ്ശിക അടക്കുന്നതിനായി അപേക്ഷ സമർപ്പിക്കുന്നവർക്ക് തൊഴിലുടമയുടെയും ട്രേഡ് യൂണിയൻ പ്രതിനിധിയുടെയും സാക്ഷ്യപത്രം ലഭ്യമാക്കിയ ശേഷം ബോർഡിന്റെ അനുമതിയോടെ കുടിശ്ശിക അടക്കാമെന്ന് ജില്ലാ എക്‌സിക്യൂട്ടീവ് ഓഫീസർ അറിയിച്ചു.
 

കേരള ഇൻസ്റ്റിറ്റ്യൂട്ട് ഓഫ് കോ ഓപ്പറേറ്റീവ് മാനേജ്‌മെന്റിൽ അസി. പ്രൊഫസർ തസ്തികയിൽ താൽക്കാലിക നിയമനം നടത്തുന്നു. ബി ടെക്, എം ബി എ യോഗ്യതയുള്ളവർക്ക് മുൻഗണന. അഭിമുഖം സെപ്റ്റംബർ 12ന് രാവിലെ 10 മണിക്ക് കിക്മ ക്യാമ്പസിൽ നടത്തും. താൽപര്യമുള്ളവർ അസ്സൽ സർട്ടിഫിക്കറ്റുകൾ സഹിതം ഹാജരാകണം. ഫോൺ: 9447002106, 9288130094.

പന്ന്യന്നൂർ ഗവ. ഐ ടി ഐയിൽ പട്ടികജാതി/ പട്ടികവർഗ വിഭാഗത്തിലുള്ളവർക്കായി സംവരണം ചെയ്ത സീറ്റുകളിലേക്ക് തത്സമയ പ്രവേശനം നടത്തുന്നു. താൽപര്യമുള്ളവർ സെപ്റ്റംബർ 11ന് രാവിലെ 10.30ന് എല്ലാ അസ്സൽ സർട്ടിഫിക്കറ്റുകളും ടി സിയും സഹിതം രക്ഷാകർത്താവിനോടൊപ്പം നേരിട്ട് ഹാജരാകണം. ഫോൺ: 9447963935.
 

എൽ ബി എസ് സെന്റർ ഫോർ സയൻസ് ആന്റ് ടെക്‌നോളജിയുടെ കണ്ണൂർ മേഖലാ കേന്ദ്രത്തിലും കൂത്തുപറമ്പ് ഉപകേന്ദ്രത്തിലും വിവിധ കോഴ്‌സുകളിൽ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. കോഴ്‌സുകൾ: പി ജി ഡി സി എ, യോഗ്യത-ബിരുദം, ഡി സി എ, യോഗ്യത-എസ് എസ് എൽ സി, ഡി സി എ (സോഫ്റ്റ്‌വെയർ)-യോഗ്യത: പ്രീഡിഗ്രി/ പ്ലസ്ടു/ വി എച്ച് എസ് സി/ ഐ ടി ഐ. പട്ടികജാതി, പട്ടികവർഗം, മറ്റ് അർഹതപ്പെട്ട സമുദായം എന്നീ വിഭാഗങ്ങളിൽപെടുന്ന വിദ്യാർഥികൾക്ക് ഫീസ് ആനുകൂല്യം ലഭിക്കും. ഫോൺ: 0497 2702812, 0490 2365878.

കേന്ദ്ര സംസ്ഥാന സർക്കാരുകൾ കുടുംബശ്രീ വഴി നടപ്പാക്കുന്ന സൗജന്യ തൊഴിൽ പരിശീലനവും തൊഴിലും നൽകുന്ന നൈപുണ്യ വികസന പദ്ധതിയായ ഡിഡിയുജികെവൈ മണപ്പുറം ഫൗണ്ടേഷന്റെ ഹ്രസ്വകാല കോഴ്‌സുകളായ അക്കൗണ്ട്‌സ് അസിസ്റ്റന്റ്, പേഴ്‌സണൽ ഫിറ്റ്‌നസ് ട്രെയ്‌നർ എന്നിവക്ക് കണ്ണൂർ, കോഴിക്കോട്, കാസർകോട് ജില്ലകളിൽ താമസിക്കുന്ന യുവതീ യുവാക്കളിൽ നിന്നും അപേക്ഷ ക്ഷണിച്ചു. ക്രിസ്ത്യൻ, മുസ്ലീം വിഭാഗക്കാർക്ക് മുൻഗണന. പ്രായപരിധി 18-27. മലപ്പുറം മഞ്ചേരിയിലാണ് പരിശീലനം. താമസം, ഭക്ഷണം എന്നിവ സൗജന്യം. ഫോൺ: 9072668543, 9072600013.